حبي الحقيقي

يمكن هذا البوست الوحيد اللي على كثر ما اكتب فيه واعيد و ازيد ما اخلص وهو يتحجى عن ابوي

ابوي رجل متقاعد ما يقصر على روحه بفلس

يا رايح شاري خام يا راد من الخياط يا شاري نعال يديده يا جوتي يديد وانتوا بكرامه يعني بالعربي احسن مني

وذرب حدددددددددددددددده حده حده

جان زيني اطلع ربعه

يعني ابوي حده سطااااااايل

دمه خفيف ريشه وعنده حركات وايد تظحك

من الحين اقولكم ترى التعليقات اللي بالاحمر تعليقاتي

والتليقات اللي بالاصفر تعليقاته

مثلا يدش مطعم يقول حق الهندي عندكم أكل هههههههههههه

يقوله الهندي بابا هذا مطعم يعني كل شي موجود لازم لازم يصير أكل

يروح حق راعي التمر (عراقي)يقوله تبيع تمر

ذاك يرد عليه يقوله يابا آني شبيع غير التمر

وهلما جرا

احلى شي مره رايح الحفيز(معرض سيارات) جان يقول لهم تبيعون مواتر(سيارات بلكويتي)عاد اللي بالحفزيز كان مصري

جان يقوله الشهر الجاي ان شا الله

هههههههههههههههههههههههههه

اذا مو عارف قول موعارف ليش الربربه بعد

هذي احدى حركاته

اذا شفتوا ريال يعلق بلمباركيه ويمه وحده بس اتظحك هذيلي احنا

في مره من المرات رن تليفونه وهو بغرقه نومه رد

ابوي: هلووو <<<< يكون ثقافته اجنبيه

ولا وحده من هالشركات واعتقد ان اللي قاعده اتكلمه مصريه

الاخت: الو السلام عليكم الاخ فلان الفلاني

ابوي: إي

الاخت: ازايك يا فندم انا جايه لك من طرف الدكتور عبدالرحمن ....

ابوي: اي دكتور عبدالرحمن

الاخت: ابن خالتك

ههههههههههههه نسى ولد خالته

يقول كلمه دكتور قويه .....وايد متعود على بوفهد ويالله

ابوي: إي إي ونعم ...خير اختي

الاخت: هوه رشحك لعرض مجاني على آله اشتراها من عندنا تغسل السجاد والشراشف والملابس والصحون والعيون <<< هالخرابيط من عندي واحنا عازين نعمل العرض ده على بيتك ننظفو بالكامل ليييط, وتعمل كل حاجه لوحدها زي الربوت بالزبط

ابوي: بالزبط

الاخت : ايوه بالزبط

ابوي: خلني اعرف الربوت اول

الاخت: ما بتعرفشي الربوت

ابوي: لا ما بعرفشي الربوت

الاخت: هوه الرجل الآلي اللي حيحطوووه بدل الانسان

ابوي: شسمها الآله

الاخت : ميكنتنا <<< طبعا الاسم من عندي لأن اهوه مو ذاكر اسمها

ابوي: مكينتنا ...هذي شاريها من عندكم انا

الاخت : واللهي طب شكرا .......طوط طوط طوط طوط

ابوي: تعااااااااااااااااااااااااااالي والعرض المجاني

ههههههههههههههههههههههههههههههههههه

الله يهديك يا بوفهد مالقيت غيري تخلي هذي تدقدق علي من صباح الله خير

وكمل نومته ابوي ...

يبي الفكه ماله خلق دندره والله ذكي ليش ماطلعت عليه؟؟؟

ولا اهوه لا شاريها ولا حتى سمع فيها

وذاك اليوم كان طالع حق صلاة الفير ولا بلحديقه يسمع صوت حريم وكان ظلمه

ولا فلبينيتين قاعدين بالحديقه

ابوي: شقاعدين تسوون ؟؟؟؟

ردت وحده منهم بابا احنا يبي يروح اجانسي (مكتب) وكفيل مايدري.. احنا في جليب شيوخ ويقعد في انت حديقه علشان كفيل ما يشوف

!!!!!!!!!!!!!!!!

ابوي :الحين كفيلكم بجليب شيوخ ومنخشين عنه حتى هنيه هذا والله اقشر زين انتوا شتسوون هنيه روحوا مواصلات (باصات المواصلات) ردت الثانيه :اي بابا احنا ينطر تكسي ويعطي عنوان انت بيت

يقول لا بالله بيتي انقلب محطه

يمه يالتبلتع ...

جان تقول وحده :بابا ليش ما يودينا انت اجانسي

ابوي: شوفوا انا وااااااااايد طيب الحين يجي ريال واااااااااااااايد شري(راعي مشاكل) <<< هههههههههههه يقصد اخوي ترى وصج اهوه شري ياخذكم ويوديكم مخفر(قسم الشرطه) الحين ينزل بعد خمس دقيقه

يقول ما اشوف الا غبرتهم مشكور مشكور بابا ههههههههههههه

وذاك اليوم كان الوالد طالع من صلاة الفير ولايارنا بيته براس العاير(مقدمة الشارع اللي ساكنين فيه) من الصوب الثاني من الفريج يلزم بريك وكان يم ابوي حارس مصري ويقول يارنا للحارس اركب اركب قاعد الاحق حرامي ...الحارس ما ركب راح مشى يارنا وابوي داش الفريج على ريوله ولا يشوف واحد يركض ويلفز(يختبئ) اببيت ينبني (قيد البنيان) عرف ابوي على طول انه الحرامي ......ويشوف يارنا بأول الفريج يقول قمت أأشرله بجماغي جني هذيله اللي قاموا يهوسون يوم حرروا الفلوجه

قاله ابوي ترى دش هنيه انت دشله من هالصوب وانا ادشله من الصوب الثاني علشان نحكره ويدش يمشي عالراحه ولا يسمع يارنا يقول كاهو كاهو يا صوبك

والله غبي يارنا اي اسكت

يقول ابوي ولا هاللي من ورى ظهري ينط من الدريشه اللي وراي

عاد كرش ومافيني شده وهو يركض وانا اركض وراه

يركض

وانا وراه

يقوله ابوي اوقف اوقف

ذاك يلتفت على ابوي لحمار ويظحك

يقول لي الحين ودي اعرف ليش يظحك

بس ويه الحرامي يقول ادري ما فيك شده هههههههههههههههههه

انهد حيلي ما وعيت الا يجقده يارنا ويشيله ويفظخه بالأرض

يقوله شمدششك بيتي يا ...... يا .....عاد خذ وخل بلمسبات

عاد ما شا الله مصك

جان يجلفته ويحطه بالدبه

ههههههههههههههههههه بالدبه عاد لو رويده بايته ما حطيتها هناك

قال لأبوي ابيك شاهد

قاله ابوي انا موجود بس امانة ما شفته وهو يطلع من بيتك فماراح افيدك

واذا بغيت مني اي شي انا حاضر

رد ابوي البيت ولا يلاقي بوحمد يارنا <<<< ياربي ثلالالالالالالالالالالالالالاجه هالآدمي يبطل صندوق الجرايد وماعرف ايش وعالبراااااااااد ياخذ الحليب من الصندوق وابوي يناهت ..... جد بو حمد شايف هاللويه بس اهوه جذي بااااااااااااااارد حدى بارد

يقولي ابوي تهقين عتوج ليش يظحك الحرامي

اقوله يمكن يقولك بقلبه من شاف كرشج حجي ماشاف الركض

قرر ابوي بعدها انه يشتري تريننج علشان يمشي بخط المشي

وشرتله اختي ام لميا لتريننج

وانا شريتله هم شي حق المشي

برموده

اتصلت فيه يبا اشتريلك ثري كوارتر؟؟؟؟

قالي اييييييييييي ييبيه احبه

انا: يبه شتحب؟؟؟

ابوي : مو هذا اللي تاكلينه وفيه دارسين ونفسج عافته من كثر ما غثيتي روحج فيه

انا:ههههههههههههههههه تقصد سينابون

ابوي : لاتشيحطين على راسي انتي ويالله حفظتي اسمه...زينه شنو هذا الثاني لكريفمارفر

انا:برموده يبا

ابوي:اي قولي برموده يكون صايرتلي صطااااااايل !!!!!خرعني احسب قاري بلوقي

انا :زين يبا جم مقاسك

ابوي :ييبي اربعين مع العلم ان الكرش زايد هليام مع وصول الفقع

انا:حاضر والغنيمه

طبعا لازم نصير سطايل بالحجي بس جد في شغلات وايد دشت علينا وتغيرت مسمياتها صاج ابييي

وطبعا الخلاجين لي الحينهم يسمعون حسكم

بس جد تهقون ليش الحرامي قاعد يظحك ؟؟؟؟

سؤال محير ابوي لي الحين

الى درجه انه وده يروح للهندي بالنظاره ويسأله هالسؤال

؟؟؟؟لييش تظحك ؟؟؟؟

الحب الاولي

يقول الشاعر سرح فؤادك حيث شئت من الهوى م الحب الا للحبيب الاولي

تهقون صج هالحجي ؟؟؟

بالنسبه لي مو صج ...بس شلون هنيه الحجي

ذاك اليوم كنت اسولف مع مادرري منهو عن السالفه هذي عن حبي الاولي ...نبدي

زور من زرزور اللي لا عمره جذب ولا حلف زوور ذبح بقه ووترس سبعة جدور وخلى لشحوم وللحوم على الصواني تدور << بس لكويتي بيفهمها

لعربي كان يا ماكان في قديم الزمان في سالف العصر والاوان

اي

حبي الأولي كان صلوح ولد يرانا كان حب يظحك والله .. ويوم كبرت فسرت هالتفاسير هذي ..طبعا انا كنت صبيك حدي << الله تاب عليها...

وكنت كلا العب بالفريج مع لصبيان طمباخيه وساعات عمبر وبالدونيات بيضه عاد انا بالطمباخيه كنت القولجي والقولجي اللي احسن مني كان حمد ولد ام جاسم <<< حمدالحين طبيب

اي والمهم سبحانك يا ربي انا كنت اطق طمباخيه مع المصبنه وصلوح كان يلعب مع اختي لصغيره من زود الحنان والرقه ههههههههه طبعا اول مره اعترفلكم ان الاخت لصغيره كانت ام نبيل :( يعني بيتي وبيني اكثر من شهر ههههههههههه مو وايد مو وايد

ام نبيل كانت سويلفاتها حلوه واييها القاصي والداني بس علشان تسولف لهم جم سالفه ...كان ايي صلوح يلعب ام نبيل وطبعا صلوح اكبر مني ومن ام نبيل

شوي شوي قام يناديني العب معاهم

بديت اعجب بصلوح ...يمكن لأن كان وايد يطير صواريخ ...وانا كنت خبله اصدقه مادري ...كنت اتسائل في قرارة نفسي صلوح ليش ما يلعب معانا حاله حال اخوانه زياد (ابو عيون فتانه) وطرووق (الربيانه) علوقتهم

المهم بديت شوي شوي اتذكر اني انثى مرتين العب بالسكه مره العب بالبيت مع صلوح ومع ام نبيل وشوي شوي لين صار لعبي بالفريج بس لما صلوح ما يكون عندنا ..

..وما انسى موقف كنت انا احتياط ومتسنده على باب بيتنا ووباب بيت يرانا لزيجنا كان بيت القولجي حمد وهو القول ايضا وانا انطر صلوح يوم يه صلوح دزيت الباب ابظهري خليته يدش بهدوء ودشيت عقبه قمة في الطفوله والله وكان معاه ذيج المره عليوييي...

...منو لاحظ هالاهتمام ولا حظ هالموقف بالذات....ولد عمي كان امطيح عندنا بيتهم ابمنطقه ثانيه بس ما عنده اخوان من سنه فألف غنايه كان شطرها الاول على ما اذكر ( السيد صلوح يتمصلح) وكانوا لصبيان بلفريج يغنونها حق صلوح ويغنونها حقي ...عقب ما سمعت لغنايه سويت روحي مو هامني صلوح وقمت ما ادش البيت ...صلوح طقت جبده الظاهر من سوالف ام نبيل ما ثام ايينا فقدته والله ولا طلع يروح بيت يرانا نفس السالفه عندهم بنت كبري وعندهم ولد صغير كبر ام نبيل (علشان يتمصلح عنده صلوح ) شعرت بعدها بالغيره الحين يوم هديت السكه وقمت العب معاك بلبيت تهدني وتروح حق نوره بنت يرانا << صج رياييل ما ينعطون ويه واعصب يوم دريت عن هالسالفه ....منو نقلي اياها ؟؟؟؟

ولد عمي السوسه ياني يقولي شفت صلوح في بيت بو نواف يلعب مع ولدهم لصغير ونوره كانت معاهم اوووووووووووووف ما ينلام نوره دلوعه وانا ويييييييييييييييين والدلع وين

طبعا تضايقت يومها ...وتهاوشت مع نوره في احد اليمعات وطبعا سويت روحي مو متهاوشه علشان صلوح

كشت بصلوح خوش كشته

وقمت ما اعبره ولا حتى اسلم عليه ..... وبعدها رجع صلوح يساحل بخواتي ويقعد معاهم ويسولف معاهم - خواتي اللي اكبر مني طبعا- لأن مساحله حق ام نبيل ما نفع

بس قلت له خلالالالالالالالالالالاص عافك الخاطر

روح بطريج

وانا بطرييييييج

صلوح الحين متزوج وعنده عيال وعلى ما اظن مهندس .....بس لو اشوفه اعرفه

اذكر عيونه وسااااع وايد وامكحله

وشعره حيل ناعم وحلجه عووود والله ما انسى شكله

خصوصا ان غيرنا المنطقه

صلوح
البوست الياي
ابوي والحرامي

وااااااااااااي

عدنا.....والعود احمد

بعض الاحيان يحس الانسان انه ما يقدر يعبر من كثر اللي بقلبه فكما يقال اذا كبرت الفكره ضاقت العباره

واذا كثرت المشاعر ضاق الكلام.....اليوم وبالذات قطيت حمل كبير من عدة اعمال متتاليه ومتسلسله حسيت براحه نفسيه كبيره

يوم الاربعا كان يوم الانفجار

اقعد متأخر عن الوقت واحس باآلام السلبيه ...متأخر بس مو وايد في مجال ادابج واخلص شغلي

يوعانه بل ميته يوع وانا اذا ما كليت ما اعرف افكر

عندي تحقيقين ومقابله خلصت التحقيقين تقريبا باجي المقابله

افكر ...هدومي مو مكويه على غير العاده

اتحمم مستعيله حديييييي ...اصلي الظهر

ابي اتصل بصاحب المقابله ولا التليفون ما فيه رصيد

اتصل بخدمة تمويل اون لاين ابي رصيد 803000

مافي رصيد ايضا- كل مره اقول بحوله فواتير والحين فلسنا-.....فلسنا يا حلو ايام التفليس

هاه .....سيارتي بعد ما فيها بانزين

امي

اطق الباب على امي .....تصلي

شوي ولا طالعه ,,,,اقولها يمه اي مبلغ واللي يسلمج

تقولي ماعندي ......

تالي تقول :لالالالا عندي تعالي ردت روحي

اروح طيران .... وسيارتي بانزينها مخلص (إند) اشوه ما وقفت علي

اتصل بالشخصيه اللي سوف اقابلها ...ارتاح نفسيا نوعا ما لأنه يرحب ويهلي ووايد حليو

اخلص من المقابله الساعه اربع العصر .....ظحكت و سعدت بها نوعا ما رغم تداخل كلامه وانا في قرارة نفسي اقول الله يعيني على التفريغ

<<< قميدره

يعني مثلا مثلا يقولي فكرتي غير موجوده بالشرق الاوسط رغم تقدم الشرق الاوسط من هذه الناحيه بسبب الألمان بعد الحرب العالميه الثانيه التي انتحر بها هتلر الطاغيه وبالمناسبه فقد كان هتلر رسام بارع ..وله كتاب بقلمه اسمه كفاحي ..اي من الممكن انه يكون اديب كوليم شكسبير الذي كتب هاملت وهاملت اطول مسرحيه كتبها شكسبير التي تتكلم عن العصور الوسطى في اوربا حين طرد الانجليز اليهود بسبب قتلهم لولد في التاسعه من عمره وذلك كان كأنتفاضة القدس حين قتل محمد الدره .....وباص باص باصينا الللص اللص اللصينا اليوم العيد تعشينا

يعني بصراحه مقابله ما مرت علي من قبل وبروحه راسي بينفجر يوعانه وهو زوجته كسرت تليفونه تنطره مع عيالها بمطعم مع هذا خذيت ساعتين ...تسيلم المقابله الساعه خمس المغرب تقريبا

شسوي

ارجع البيت علشان افرغ الماده وانزل الصور عاللاب توب افاجأ بأختي ام لميا ..هاه خير ...باخذ لاب توبج عندي مؤتمر ضروري ما اقدر والله ....هاه شسوي

الدسك توب خربان شسوي

زين خلني انزل الصور عالاقل تالي يصير خير ...افرغ المقابله يدوي << يعني الحين معذبه تكنلوجيا طول عمرج يدوي

نزلت الصور من الكامره

الحين تعالي فرغي المقابله

ونظمي تحقيقاتج السابقه

ويييييييييييييييه سمعت المقابله ما وعيت الا ترن ترن الموبايل خير ام لميا << مره ثانيه

الله يخليج عتيجه بنتي بالنادي وتدرين انا عندي مؤتمر ما اطلع الا بالسبع ونص

انا: زين خير

ييبي بنتي ...ماكو غيرج والله ادري انج مشغوله حدج بس هم انا ما اقدر اهد المؤتمر

انا:زين بنتج شلون طلعت جذي امبجر

مادري الظاهر المدرسه غايبه او موموجوده لأني المره اللي طافت ما كنت موديتها فجوود استجدت احداث واحنا ما ندري وماكو احد بفصلها

طبعا حدي طنقرت

بس طخيت يوم قالتلي قولي آمين

قلت آمين

قالت عسى الله يفري - يفرج- لج دنيا وآخر

تنفست الصعداء

لبست ورحت يبتها وقبل ما اروح قاعده اسمع صوت استشوار ام نبيل

قطيت عليها المقابله وقلت لها واللي يسلمج فرغيها لي على ما اييب بنت اختي من النادي

المقابله مدتها بالشريط حوالي ساعه ونص

احنا متعودين عالمقابلات ونعرف اشلون انتعامل حتى مع اشخاص جذي كلامهم متداخل ولله الحمد

رحت يبت بنت اختي ...وصلت بيتي ام نبيل قاضبه مسجل وانا قاضبه مسجل ونفرغ الماده

اذن المغرب لي الحين ما وديت الماده ...اتصلت قلت بعتذر بشوفلي سالفه

الو السلام عليكم

هلا وعليكم السلام

من معاي

خالد << زميل

انا : استاذ خالد وين استاذ حسين << اللي بوصل له الماده ظروري

والله مادري وينه وما اظن راح ايي اليوم بتوصلين له ماده

انا : اي والله

خالد :مو مشكله استاذه ييبيها ولا اذا تبين تعطينها ايياه بيدج ييبيها باجر

يا سلالالالالالالالالالالالالالالالالالالام

راحه نفسيه...اي اي اي باجر

عاد قلت بتشيحط

اها عاد والله كان ودي اوصلها بيدي

ههههههههه بدينا شحاطه

بس هم لازم اخلص الماده

ام نبيل سمعت الحجي

قالت هاج مادتج لوع جبدي هاللي مقابلته لج خمسين دينار مني بس فرغيها بروحج

وحمدالله اثناء تفريغي للماده في ناس تتصل فيني اتحرش بين الفينه والاخرى

ونسوني

الساعه عشر حسيت اني ببجي بصرخ

اتصلت في المنقذه وهي ايضا كان عندها شغل وبتصرخ

بطللللللع بطلع مالي خلق بيوت ابي آكل بأي مكان

يالله تعالي نروح اي مكان قريب

عشر ودقيقتين سديته منها

عشر واثنعش دقيقه انا عند باب بيتهم

اشوه نفست حسيت براحه نفسيه

تعشيت ...جابلت الهواء الطلق

رديت البيت والله الذهن صافي واقدر اشتغل

كأني اول مره افرغ مقابله

حطيت اسئله

وقعدت اجاوب عليهم

واثناء ذلك قعدت اسولف مع ام حمود بالمسنجر << صباحك سكر

انا عندي شغل وهي عندها شغل بس فينا هذره وكان بعدها عندي جوله الساعه ست ونص كشت فيهم خوش كشته وحطيت ارويسي وكبرت المخده

واستاذ حسين هم اليوم ما كان موجود عطيت الشغل لخالد وقلت له سلمه اياه بيده

والزم ما علي راحتي <<< توها تستوعب هالنقطه

ترى يا جماعه الزم ما عليكم راحتكم والله

والراحه نص القوت

نفسوا صرخوا امس والله حاولت اصرخ وما قدرت

في تمرين صراخ انك تصرخ مره جذي من غير سبب حاولوا جود تقدرون تصرخون

واااااااااااااااااااااااااااااااااااااااااااااااي <<< بس شاطره تصرخ هنيه

بعد هذه الجوله المدوكره تحياتي لكل من سأل عني

ذا دكتور

صباحك سكر

نون النساء

هاشمي

وتحياتي للمشاركين في سناريوو الفائت

امي

ابوي

ام نبيل

ام لميا

مصطفى

محمد

استاذ محمد

استاذ فيصل

سيف

المنقذه

الدكتور

رندا

لميا

روز

فاطمه

عصام

خالتي

زوج خالتي

ولد خالي

دلال

و حسين

عسى ما نسيت احد ,,هالجماعه في منهم من اخرني وفي منهم من حفزني لكتابة هالبوست

ديروا بالكم منهم ما عدى اول اثنينه مكانهم القلب والعين والراس

تحياتي عتيجه ام مضحي

لكن الشمس دايم تنحني للزوال
وينتهي في اثرها كل يوم جميل
ما تدوم السعاده لو يطول المطال
والشقى بالمحبه باقي هو الدليل

http://gulf.salmiya.net/songs/salamah/ram/salamah16.ram

زهيريه\\ الذهب

الناس أربع مذاهب وانت بطيبتك مذهب

ياسيـــــد الناس ياللي بين المعادن ذهب

حالي في بعدك كمن عنـــه خلــيله ذهب

************

رجع علينا الوصل وخل المجالس تطيب

سمـعنا دفى صوتك لمـعطر بكـل طــيب

ما ودك اشفى ومن علتي وهمي اطيب

**

عاودنا بوصــــالك ولا تفكر بيوم تذهب

ميلادي

اليوم ظروري اكتبلي اي شي بمدونتي علشان اسجله بتاريخ المدونات
لازم لازم
ليش مادري... بس بقولكم آخر البوست
المهم
ذاك اليوم امي قالتلي تعالي سنعي دويرتي ..يمكن لأني معروفه بالتسنع ..مو لأني سنعه بس اذا سنعت شي اطول بالي حيـــــــــــل لو اقعد ساعه ساعتين ما يهمني المهم اخلص اللي بيدي
فالمهم رحت حق امي ابي اسنع دويرتها ولا طلعت ما تبيني اسنع دارها .......بس تبيني اسنع تواليتها المكون من اربع يرارات مو راضين يتبطلون من كثر الاغراض اللي فيهم
الله وكيلكم حوالي من الساعه 12 بالليل لي الساعه ثلاث الا مادري جم خجره خجره حالة التواليت كسيفه
لقيت عقد زواجها
وعقد زواج اخوي
واختي داعمه سياره ايصال من الداخليه مادري شنهو
ومخالفة مالت وحده من الخدم مو مطلعين لها بطاقه مدنيه
وفوااااااااتير منتهيه
صور لجميع الخدم اللي يونا واللي كانوا يبون اييونا
فيز
تذاكر سفر
اقلام
مكياج !!!!!
الكحووول مالها والي اثري امي كل ما ضاع كحل راحت شرت غيره
استغربت وجود ولاعات وجباريت
شكيت بأمي الصراحه انتها تدخن او تشيش او شي

واللي زاد شكي ان الجباريت مكتوب عليها مولبوورووو
طوابع بريد
بطاقات معايده
كروت ملوت هدايا يا يتها
واللي يونس اكثر شي لقيت كرت امي مال عيادة الحوامل شخباااااااااااااااااااااااااااااااااااري امجثي ويلوع الجبد بس حلو والله حلو
لقيت صورتي ايام ما كان الشعر كاريه
وصور ابيض وا اسود
يمااااااااااااااااااااا من امتى ما سنعتي تواليتج
تقول كل يوم اقول باجر
كوكاو مال استقبالات المستشفيات امحزر
بونبنيرات <<< هدايا مولود

شامبوات فنادق
صبغات شعر قديمه
لقيت كريمات غاليه حرام مو مستخدمتهم
لقيت كريم مكتوب عليه خلطة ام بدر خذيته
لقيت خرده وايد يمعتها وقلت حق امي خلينا انتصدق فيهم

ماشات
لقيت جيس في كودت ساعات
قمت اشوفهم ساعه ساعه اللي مكسوره جامتها
واللي ماكو باتري
كلهم تقريبا سويسريات ؟؟؟!!!!!! حرام والله
وكل ما الاقي فركيته او ماشه احطها على راسي
كل ما الاقي تاج احطه على راسي
كل ما الاقي ساعه احطها على ايدي اليسار
كل ما الاقي مضعد -سوار-احطه على ايدي اليمين
والخواتم البسهم
ليما صارت الساعه حول الثلاث صار شكلي جني هذي

ترجيه ويا ترجيه
صاروا تراجي شعبيه
اي والله جني منحاش من المصح
اقرب مالي فؤاده << الفئران آتيه اللي بمحظوظه ومبروكه خذيت ساعتين من امي حلوين والله قلت ابدل بواتريهم واكشخ فيهم وخاتم وجم شامبو وجم ماسك و بخاخ مال الشايع وحمدت ربي ان خجرتي اقل من خجرت امي يعني الصراحه ما بقى شي ما شفت
واحلى شي شفته هذيلي

ثبتوا ثبتوا البيجر مال عقب التحرير لا والأريكسوون مال سنة ألف وحطبه اللي اذا كفخت فيه واحد دششته العنايه المركزه

مال اكسر فيه يووز بس
...........................................................................................
سبب التدوين اليوم
اليوم الساعه ثنعش بالدقيقه رن تقويمي تررررررررن ترررررررررررن مزعج افففففففففففف وانا نايمه
اشوف التقويم ولا مكتوب ميلادج يا الخبله
هههههههههههههههههههه
اي والله ميلادج يا الخبله
قمت وما يتني النومه لي الحين
طبعا كل ما الانسان يكبر سنه يقل عدد اللي يتذكرونه
الساعه وحده ولا تليفوني رنتي الشقاقيه
رنة نوكيا بس بلكويتي
معاها طيران ودنابك
وييييييييه لولوه رفيجتي
شلته
ولا تغني لي غنايه عن عيد الميلاد اول مره اسمعها الصراحه
اخنقتني العبره
دايم لولوه اول وحده متذكرتني
ودايم متذكرتني
حتى اكثر من ام نبيل
قعدت اهذر مع لولوه رحت كليت قعدت اطالع فلم على تو واهذر مع لولوه
لفتت نظري لكلمه تقولي عتوج تدرين يعني شكثر باجي و اندش العقد اليديد
قلت لها ويييييييييييييييه يا معوده تونا زعنونات
لولوه صديقتي قديمه حيل حيل يمكن ما نشوف بعض وايد ما نطلع مع بعض وايد
لكنها اصدق صديقه المهم بطلت ايميلي ولا بنت خالي دازتلي ايميل كل عام وانتي بخير
صرتي اعييزة يا علج تربحين يا سويره يا راعيه الفال بس وايد وايد ونسني
زاد عدد اللي اذكروني
عقب صلاة الفير ولا مسج طوطو طوطو
منو ولا مكتوب ام نبيل <<< امسجلتها جذي رساله مصوره .....دازتلي هذا اللي امبطل ايده ومكتوب تحت الصوره احبك هالكثر وكل عام وانت بخير والفال للباجي عاد شنهوا الباجي ؟؟؟!!!!!ماكو فايده صج انج ام نبيل الميلاد بالنسبه لي شي معنوي ....ماهي انجازاتي بالسنه اللي طافت شسويت لبيتي اسرتي

ربوعي
ديني
امتي
وطني
بسنتي اللي طافت ربحت ناس تسأل عني بالمدونه
والفضل كلا يرجع لزميلي مصطفى

يمكن انتوا ما تعرفون مصطفى لكن انا اعرفه مصطفى صديق يشترك معاي بهوايات واطباع عرفني على هالعالم ...عالم المدونات وهدني فيه وانا يالله خير قطو طقيته ابمصيير يمكن اهوه ما يقرى هالحجي لكن ظروري اكتبه لأن يستاهل اكثر من جذي

thx مصطفى

وكل عام وانا بخير ووعسى الله يرزقني عمر بيضه الديناصور

يعني 500 سنه

بللللللللللل

وخيركم من طال عمره وحسن عمله

تحياتي للجميع

عتيجه ام مضحي

محطاتي الثلاث

المحطه الأولى: الوطنيه والرغوه

صارت الوطنيه بالآونه الأخيره شويه رغوه يرشونها الشباب على بعض ...مهملين نظافة ديرتهم من رمي المخلفات ...وازعاج الاهالي والماره وما اعيبه ..بعض الاهالي الذين يصحبون ابنائهم لتلك المسيرات السخيفه ..بحجة الوناسه وان عيد وطني

يعني الحين الوطنيه ان الانسان يرش رغوه وما يحلل معاشه

ويتحرش بالرايح والراد ..

يقول حق البنت اذا طاحت اسمالله عليج يا قلبي وما يدري عن امه

يوصخ الشوارع وما يرضى قرطاس ينقط اببيته

الله يذكر ايام العيد الوطني قبل لما الاهل كانوا يفرشون بساط على شارع الخليج ونطالع المسيره الوطنيه الحقيقه

كل مدرسه تعبر بطريقتها

كل هيئه تعبر بطريقتها

كل دوله تعبر بطريقتها لنا

واللي زاد الطين بله لما اشوف بعض السعوديين و الخليجيين يطقون درب بس علشان يشاركون بعض الكوييت المستهترين المهزله اللي تصير

ويأذون الرايح والراد

استحوا على ويوهكم احنا بعزا وانتوا ترششون رغوه

يعني بديركم تسوون جذي!!!!جان نلاقيكم ورى الشمس

صج ماكو احساس

ادري ان كلامي يزعل لكن ما اعتقد ان في احد يرضى على بيته علشان يرضى على ديرته هالشكل

ولا اعتقد ان شكل الديره حلو لما اوصل الساعه عشر بالليل والاقي الهيلق والعقد بالشوارع

والشوارع وصخه كأنها سنه مو منظفه

وعفيه عليكم

خوووووووووووش وطنيه الصراحه

لاطبنا ولا غدا الشر

المحطه الثانيه: الله أكبر انتصر دين محمد

باركولي روز اسلمت

طبعا كلكم تعرفون روز

راعيه بوست ماكو قصه

والحمد الله انها اسلمت عندنا

تخيلوا انها 12سنه خدمه في البيوت ويمكن اكثر

وكل البيوت اللي اشتغلت عندها مسلمه

ما ازكي نفسي ولا اهلي بس صدق رسول الله صلى الله عليه وسلم الدين المعامله

ولئن تهدي لك رجلا خير لك من حمر النعم

والله اكبر

الله اكبر

المحطه الثالثه: واجب اسلامي

واخيرا وليس آخر ياني هذا الايميل وحابه انكم تشاركون فيه بالتصويت ب نعم

Please do it now? We need to reach over 50%

صوتوا لإغلاق معتقل

غوانتانامواأدخل و أنشر !!! هذا الموقع يقوم بعملية تصويت من أجل الضغط على لإغلاق معتقل غوانتانامواصوتوا بنعم yes لمساندة إخوانكم المعتقلين ... الموقعhttp://www.msnbc.msn.com/id/11383956

اختار

yes

آسفه على صراحتي ..ولكن شقول اللي شاف مو مثل اللي سمع

وحجي الصج يشق القحفيه

عتيجه ام مضحي