عادات غريبه!!!!!!؟

عندي سوالف وحركات وصرعات غريبه ...ومتأكده ان كل واحد منكم عنده نفس الصرعات

اذا مستانسه :

لالالالالازم آكل ..وآكل شي احبه ..

اذا نفسيتي تعبانه:

اشتري واشتري....وغالبا ما اشتري شغلات مو لي ..اشتري حق ابوي حق امي

اذا قامته شي بقلبي وساكته:

احب اتمشى بين الماعيين

اذا صمت:

....احب كل اللي داير مداري ياكلون معاي حتى لو مو صيام

اذا اندقرت :

تييني بجوه ....واتمشى بالجمعيه

اذا حسيت بظغط:

احب اشوف توم وجيري

اذا بأحس بالحريه:

تصير داري امعفسه

اذا احد بط جبدي:

اضحك ..واحس بحارج ..فأشرب ماي وايد

اذا عصبت:

اشرب جاي

اذا بنحاش من امر:

اناااااااااااااااااااااااااااااااااااااااااااااااااااااام

اذا مفلسه:

أسنع داري

اذا امي دقت تليفون:

اقطه على ام نبيل

اذا ابوي اتصل تليفون:

ام نبيل تقط التليفون علي

اذا بجذب:

انكشف على طول هههههههه استغفر الله

اذا توهقت:

اعطس اعطس وهم اذا سويت شي ما احبه اعطس

اذا استحيت:

امسح بصبعي الاوسط تحت عيني اليمين

اذا انظلمت:

ما انام واطلع اتريق برا بروحي

اذا احد تقدملي:

أقول ان شا الله ايي الرفض من عندهم مو من عندي...!!!؟

ليلة العيد:

لالالالالالالالالازم اروح المباركيه

اذا حسيت ان احد متضايق مني:

ما اراويه رقعة ويهي

اذا تضايقت من مكان:

ما اطببببه

اذا تلددت معاملتي:

احس بصعوبه وانا اسويها...واكون كارهه بس اسويها

اذا ضايقتني امي:

ابتعد عنها

اذا ضايقني ابوي:

أقرب منه

اذا صادفتني بليغة شف:

استااااااااااانس اسوي روحي عبيطه وما اعطيها لا حق و لا باطل ومن داخل امووووت من الضحك

احس انها اتعذب

looool

مسج

مسج رمضاني

حقي قبل ما يكون حقكم

مسج1

يا جماعه الحش عاده صارت اجتماعيه مو حلوه رمضان دش ...قضبو السنتكم ..حشو بقلوبكم

ترى والله مو شي لصيام والقيام يروح حق ناس ..ما يسوون بيزه

والسبايب الحش

مسج2

شوفوا فلانه عندها مادري شنهو

اللي عطاهم بالجدر يعطينا بالملاس...بيني وبينكم هذا يسمى

حسسسسسسد

ديروا بالكم منه

مسج3

الصلاة الصلاة وما ملكة ايمانكم

.

مسج4

استوصواااااااااااا بالنساء خيراااااااااا فإنهن عوان عندكم

مسج5

مبارك عليكم الشهر واسأل الله ان يرزقكم صيامه وقيامه

التنكر من له !!!؟؟

سمعتوا عن حمله الورد من له

انا حملتي بهالبوست

التنكر من له وفقا للآتي :

؟

ام نبيل اخيتي خنت حيلي

دشت الجمعيه

معاها بنت خالي ...(بنت خالي ملسونه خريجة حقوق)ووشغلها كلا يبيله لسان المهم عاد الله يسلمنا وياكم دشت اخيتي ام نبيل الجمعيه وكانت الفقيره المسكينه (...........)ا

يعني مادري شقولكم

المهم فهمتوا

.
.
.
.
.
.
.
محصوره زين عادي كلنا ننحصر

ودشي الجمعيه وطيري عالحمام جكجكجكجكجكجكجك

وعقب ما دشت الحمام -وانتوا بكرامه-وعلى قولة القبلييين

اللي يسميه المستراح

واللي يسميه بيت الراحه

واللي ينحصر قبله يقول اريد أن افك عن نفسي

وطبعا كلها كنايات عن الراحه

يعني مثل ما انتوا عارفين ان الدوله وفرت في كل مكان عام حمام لأنه حاجه ..وحتى عالخط مال الشاليهات في حمامات عشان نرتاح تدرون درب وكلا بيبسي وبربكان وخرابيط....وفي احد المرات قال حكيم لهارون الرشيد وكان قباله قلاص ماي ..:لو منع الماء ولا يوجد غير هذا الكأس بكم تفديه ...فقال هارون الرشيد:بنصف ملكي ...فرد عليه الحكيم وقاله ولو حبسه فيك بكم تفدي اخراجه ...فقال هارون الرشيد...بملكي كله

يعني شوفي اهميه الشيسمونه اهم من الشرب نفسه ..لأن الحبس يعتبر مرض

المهم عاد

عقب ما انتهت ام نبيل وردت النسم خنت حيلي حيلها

ولا

.

.

.
.
.
.
.
.
.
.

ولا باب الحمام مافيه يده

ماكو اييييد

عليج واحد ....ام البلابل

ماكو تهويه داخل

وقومي يا ام نبيل وطقي

طقي

طقي الباب

ما من مجيب

قومي دقي على بنت خالج

وتيي الملسونه وتطق وتطق وتطق

تحورف مني

تحورف مناك

تنادي السيكيورتي

تنادي المادري منهو

اختي انقمتت داخل

وي خنت حيلي

قومي يا الملقوفه يا بنت خالي ودقي على

777

انا من انااااااااااااااااااااا امن امااااااااااان للوطن

والله لو نبيهم بهالسرعه مايو

المشكله ان اختي ام لميا تحت قاعده اتشرى ..وتشوف ناس صاعدين ناس نازلين

وتقول اش هاللويه

وطبعا يوم اليمعه ماكو شغل ما بقى شرطي ما بقى عسكري ما يوو الجمعيه

والناس تتجمهر

واللي رايح يضرب

واللي جاي يضرب

وبنت خالي برا تقول للريال ..بنيه زغيره داخل لا يزر عقلها ولا تصير مينونه

هههههههه

اي بنت زغيره تعوذي من بليس ..مره شكبرها ..

وطبعا ماله داعي اتحجى عن لسان بنت خالي

وقوم يالذكي مدير الجمعيه وييب درل

جان يقوله السيكورتي يبيله شحن ساعه ههههههههههه يعني فاهم الطبخه

ام نبيل خنت حيلي بالحمام

جان يرن تليفونها

اغزيييلن فله

بدبي لاقاني

قامت تعفر ....توقعت يني من دبي ولا شي

حمدالله والشكر عافانا الله

تالي استوعبت ان تليفونها

والله ما جذبت عليكم

دفاع مدني

ومطافي (لاومعاهم تنكر!!!!!!!!)ا

ودوريه

واسعاف

ناقص حرس وطني بعد وهليكبوتر ونكمل

و المشكله ان المنطقه ..اهلي كلهم فيها

اختي ام لميا قعدت بسيارتها

وبنت خالي تلعلع مع اللويه اللي عند الحمام

وطبعا بلاغة الشف ما يبيله الأوادم

شالسالفه شالسالفه ؟؟؟

دقت اختي على ام نبيل وقالت لها لا تفجأين اقل شي جدامج ثمان رياييل

لين ما صار الفرج ...وكسروا باب الحمام

وام نبيل عزكم الله واقفه عالمرحاظ

وغزيل فله

بالحمام لاقاني

ولا مو ثمان رياييل

اقل شي خمس وعشرين ريال

(واحد من الشباب يقول حق ام نبيل جان كملتيها ونفضتي وطحتي بالقاع لوووول)

ومال لسعاف اييها

حمدالله عالسلامه

وبنت خالي الملسونه تقول حق ام نبيل ...ترى سجلت بلاغ عشان تقاضينهم

احلى شي اختي اللي واقفه تحت مسويه روحها ما تعرف ام نبيل

وشوفوا البرود ...ام لميا تدق على ام نبيل تقولها ..هاه شريتي بودر مال النمل ...تقول لها ام نبيل .نمل اللي يقرص ويهج

سؤال يدور في ذهني

المطافي يوو ..خير وبركه ندري معاهم الآله اللي تبطل البيبان

التنكر اشحقه ؟؟؟؟؟

هذا بلا ابوك يا عقاااااااااااااب

( آسفه يا حمد قسوتي عليك من خوفي عليك ...انا اسفه بس ما اقدر اكون الا جذي حتى لو ما تسمعني اسفي موجود بقلبي لأني ما احب اشوفك زعلان علي )

أترككم مع حواري معاه امس الفير بالمسنجر

حمد:

اشارة تنبيه!!
عتيجه:

مارحتوا الحداق ؟؟؟انت وبو حمد؟؟

·حمد:
هوااااااااااااااااا مو طبيعي عتوج...شماااااال
عتيجه:
من صجك ..توه رطوبه ؟؟؟
حمد :
اي رطووووووووووبه ...اشحلاته الجو ...بس هوااا قوي ...شووفي بره الجو والشير ...هواا

عتيجه:
مالي خلق اتحرك
حمد :
لول ...مو قلتي ابتخمدين
عتيجه:
يكووون مع ويهي ..بس طارت النومه تقول حمام قلابي مو نومه
حمد :
لوووول ...انا والله بليالله ابطل عيني ...بنام لي 12
عتيجه:

انا عندي شغل بروح الطبيب وماودي انام ..مابي اكشت كافي كاشته امس... مع ان كان فيني النومه حدي قبل الصلاة
حمد :
لول وين ؟؟
عتيجه:
مادري شيسمونه مال الجلديه
حمد :
يم مستشفى الصباح ؟
عتيجه:
اي
حمد :
امس كنت اهناااك قعدت ساعتين
عتيجه:

عسى ما شر

حمد:

لامو حقي حق امي مسافره وطقيتلها مرضيه

عتيجه:

اهااااااا عفيه عليك

حمد:

:) اعجبج
عتيجه:

بس اهي مو مريضه

حمد:

so????!!
عتيجه:
ما يجووز
حمد:
اي ...شنو اللي مايجوز....يا عمي استريحي ...محد مايجوز
عتيجه :
كيفك والله بس قلت لك
حمد:
شنهااو اللي مايجوز ؟؟؟
عتيجه :
ما يجوز تطلع مرضيه وهي مو مريضه
حمد :
مايجوز بالشرع ..ولا قانون الكويت ؟؟؟
عتيجه:
بالشرع والقانون
حمد:
خير انشاء الله ؟؟؟
عتيجه:
اسمها مرضيه <<< مشتق من مرض

حمد:

يبى سميها طبيه

عتيجه:

مو كل شي يسووونه والدينا يعني صح... الصح صح والغلط غلط وااطبيه مشتقه من شنو بالله .... جان خذته عرضي

حمد:

خلاص اانا اسف...... يبى 3 ايام لي الثلاثا والرابع عرضي اللي راح يصادف يوم الأربعا

عتيجه:

انت شعليك امك اللي سوته غلط ...انت مالك ذنب ..انت طعتها

حمد0:

لا عادي انا ابي اتحمل ذنب امي

عتيجه:

ادري الكلام عن الوالدين يعور بس هذا الصج رضينا ولا انرضينا

حمد0:

يبى يعني وقفت علينا الكل يسوي جذي

عتيجه:

هذا اللي خرب الدنيا كلمة وقفت علينا .

حمد:

.يبى كل واااحد ونيته ..و خلالالالالالالالالالالالالالالالالالالاص بسسسسسسسسسسسسس خلاص انا اسف لاني سويت ولاني قلت لج

عتيجه:

انت شعليك ..مالك شغل بس ترى انت حساس وايد 0

حمد: غلطانه والله لقيتي انا الحساس

عتيجه:

اتمنى :)

حمد:
انزين انا بنام

حمد:
اتمسين على خير
حمد:
وانت من هله
.................................................................................انتهى

مو احنا اللي نقول

الحب يطلع على بذره

وضنى الحيه نادوووس

والنار ما تورث الا الرماد

العله من منو ؟؟؟
من الوالدين
ولد طيب خلوووق بقمة شبابه وقمت عداله وسنعه
للأسف اني اعرفه عدل
واعرف امه هم عدل مره طيب حليوه خلوقه تخاف الله ما تطوف فرض
وعيالها كلهم مثلها
ولدها تعرف علي بالنت ومن كثر ماهي حبيبه تعرفت علي عشان تعرف ولدها من يحاجي
ولدها زغيربالسن كبير بالفعل عمره 17 سنه تقريبا او ازغر..شفته يكبر جدامي باخلاقه الحلوه ..من وهو برابعه متوسط لي اليوم الحين اهوه برابعه ثانوي ..احبه وايد ..

ويقولون انه يطيعني مادري شحقى ..اذا يبون شي منه يخلوني انا اقوله..وهم مادري شحقى؟؟!!؟؟

يقولون يعالنا ضايعييين

وعيالنا ما يتحملون مسؤوليه

وشباب هالوقت وبنات هالوقت

اذا الولد يروح يدق مرضيه لأمه وهي مو مريضه ورايحه مسافره تستانس

شنو تبون يطلع منه لاكبر وخاصه ان امه ملجئ بالنسبه له

يمكن انا سويتها سالفه

او سويت شيء من لاشيء

لكن انا جدا حاااااااز بخاطري وخاصه اذا طلع هالشي من الناس اللي هم بنظري زينيين ومحتفظين بقيم خاصه لغاية الآن

قسيت على حمد ادري ..بس لآني احبه

ادري اسلوب كان جلف معاه

بس لأني احبه وااايد

آسفه حمد مره ثانيه ..بس ما اقدر اقولك عن الغلط صح وعن الصح غلط حتى لو

امك

الحبيبه

الغاليه

يا جمااااااااعه العله من منووووو؟؟؟؟؟

من حمد ولا من ام حمد(سؤال واسع النطاق)؟؟

ليش عيالنا ما يتحملون مسؤوووليه؟؟

منا ولا منهم

اسأل مجرب

اسئل امجرب ...ولا تسأل طبيب

..هي عصارة تجارب قديمه ويديده معاها نصائح اكتبها لكم بين فتره والثانيه..مختصه في جميع مجالات الحياة وهي غالبا موجهه للكويتيين ..لأني كويتيه وما اقدر اتحجى عن مجتمع ثاني ما عشت فيه ..اتمنى انكم تستفيدون منها ..وواللي يستفيد منها اتمنى ان يقولي حتى لو بعد فتره ..علشان استانس واحس اني سويت شي مفيد للمجتمع البلوقي

1- دير بالك

اذا ياك آدمي وقالك انا مظلوم انا سويت لفلان ونكرني وسويت لعلان ومادري شسوالي ..فتأكد انك راح تنظاف من ظمن لستته اللي بيقولها لآدمي غيرك

(من حجى لك حجى فيك)

2-تأكد

اذا كنت انسان نشيط وانظميت لأداره دايخه والمدير قالك انت الكل بالكل ..تأكد ان بعد فترة راح اتغيير معاملته معاك وبيقول عنك

(علمناهم عالطراره اسبوقونا عالبيبان)

3- امر بديهي

اذا كنت انسان اكاديمي يديد وتعمل في مجال شهادتك واللي داير مدارك مو اكاديميين في المجال فسو روحك عبيط

وما تفهم شي او..قول حق نفسك ..فمان الله واقضب الباب

4- روح بعيد وتعال سالم

اذا صار حولك كلا كويتيين ..دورلك واحد مو كويتي واضرب معاه صحبه..والله اريح وياحبذا اذا كان سوري

5- عنصريه

اذا نسيت انت تنتمي لشنو(حضري -بدوي-شيعي-سني ...الخ) ترى الناس راح اتذكر ..ويعاملونك على هالاساس تبعا لمثل اللي مو على دينك ما يعيينك

6- هلاقه

اذا كان كلامك عتيج ..ودايم تحذف لهاميد ..غيره فورا ..لأنك جذي راح تكون اما دفش او هيلقي

صج اللي ما يعرف الصقر ....

يسويه كنتاكي

7- بالخط العريض

لاتصير حليووو وايد ..

8- نحاسه

كلا قول ما اقدر ..او افكر بالموضوع

9-لزقة عنزروت

دبس الناس تدبس بالشغل لأن الناس ما تحب تشتغل

10- شغل مظبوط

كل شي تسويه اكتبه بورقه وكل شي تطلبه خلا بكتاب رسمي ..لأن النكران ميزه متأصله وعلى قولة القايل الآدمي يموت ولورقه ما تموت

11- يرحمك الله

اذا بينكم زميل ..صديق..ولد يران المدير ..تأكد انك اذا عطست المدير بيقولك يرحمك الله وتأكد دائما ان جلب المدير

مدير

12- لايوقف شغلك

اذا عندك قسم علاقات عامه لاتعطي مندوبهم شي لأن بيقطه بأقرب زباله عزكم الله ..وبالتالي ماراح يوصل شغلك

اي

(اشتغل مندوب)

13- الهندي

كل هندي بالاداره يفهم كل شي بالاداره ...يعني توجه للهندي دايركت احسن لك من فلان وعلان

14-عطني اذنك

لاتقول لحد.

.

.

.

.

ان عندك بلوق ...

(فكرة ديكور البوست هذا ..مؤخوذه من جاي حليب ..:)