قصة غريب.(شكوك)....3

وقد كان الرد كالآتي:

.

.

(السلام عليكم ورحمة الله وبركاته
اما بعد
اخي غريب في كل مره من المرات اذيل كلامي بقول الخيار او القرار لك في النهايه وبهذه المره لن يختلف ردي عن المرات السابقه ,
اخي غريب بما انه يوجد حلقة وصل بينك وبين هذه الانسانه الافضل بنظرك فتستطيع أن تتعرف على مشاعرها تجاهك من خلال حلقة الوصل , وتعرف ان كانت تقبل بك او ترفضك , فرفض أهلها عند قبولها شخصيا بك لا يضرك نفسيا ولا اجتماعيا , لأن الزواج قسمة ونصيب وهي أعلم بظروفك , ولكني شخصيا أفضل المواجهه في مثل هذه الأمور وأفضل طرق المواجهه الخطوبه فهي الملعب الذي يثبت به الرجل للمرأه حبه ولو بعد عشرين سنه , من الممكن انها لاحظت اعجابك الغير اعتيادي بها أو حتى علمت به ولكنها تساءلت في قرارة نفسها كما تتساءل كل النساء , هل هو اعجاب فقط ؟؟؟ ام انه اعجاب يجر وراءه خفايا !!! , وهل كانت هي متجاوبه معك بعد علمها بذلك الاعجاب ام لا؟؟ وعند بتعادك عنها هل حاولت ان تصادفك في مكان ما , ام لا ؟؟ كل تلك الاسئله وحدك انت الجدير بالرد عليها , ومن الصعب على المرأه ان تبادر الرجل وتنقل له حبها او حتى الرغبه بالزواج ...اسعى للمواجهه وإن لم تستطع استخدم حلقة الوصل وإن لم تستطع يوجد اكثر من طريقة وطريقه للمواجهه وأقواها الخطبه , انظر لنفسك هل انت جدير بها وجديرة هي بك , ام لا اجعل ثقتك بنفسك عاليه وحاول قدر المستطاع في النهوض من جديد و ابتعد عن الهروب من المواجهات والمشكلات فالهروب وحده مشكلة كبيره حلها صعب , فبعين النساء تلقى جواب لأسئله كثيره , وإن احسست بأنك غير جدير بها فأبتعد عن حياتها ولا تسبب لها مشاكل في مشاعرها و أهلها واجعلها تذكرك بذكرى حسنة وانت صاحب القرار بالنهاية......حلال المشاكل)

بعد ردي على غريب لم ألمس أي تغيير , فما زال غريب مبتعد عني بل وحتى عبدالعزيز لم يعد يسألني عن غريب ... فقط انا التي اسأله بين الفينة والأخرى ..واطلب منه عدم نقل سؤالي لغريب...قال لي عبدالعزيز في احد المرات : انت ما تحبين غريب ..بس مبين من عيونك انك معجبه فيه اعجاب كبير وانا اظن ان بينكم شي مادري عنه ..فأجبته : ولا غريب يدري عنه .....استغرب عبدالعزيز من ردي هذا ...
..لم اعد ارى غريب ولا حتى يزور عبدالعزيز في مكتبه
أفاجأ صباح ذاك اليوم بقرار من المدير الاداري بنقلي لأداره اخرى ...اداره محمود المنور ...بقسم خوله جاسم ...قسم جميع العاملين به رجال ولا يوجد به سوى رئيستي امرأه .. أين مدرائي عبدالعزيز ..غريب ... وما سبب هذا النقل المفاجيء ...كان السبب ان ادارة عبدالعزيز ...اشهر اداره بتكدس العاملين او كما تسميها الوزاره (سوق الجمعه) وان ادارات الوزاره الاخرى وأقسامها بحاجه لعاملين لضغط العمل عليها وكثرة المعاملات والمراجعين ....أتعب نفسيا من هذا النقل المفاجيء وكأني لعبه في يد الوزاره ...الى مديرتي خوله او كما يكنيها الجميع أم هناء ...التي لم تتم امرأه واحده بالقسم بسبب قلت احترامها للنساء والتدخل فيما لا يعنيها من محاسبتهم على الاستأذانات وكلامها الجلف ...وملاحظة ملابسهم وتعليقاتها السخيف... ولم يجلس لها بالقسم سوى الرجال ... اقول في نفسي لهذا يكره بعض النساء دخول المرأه للمجلس ...بسبب ام هناء وزمرتها...يعتقدن ان كل النساء بشاكلة ام هناء متناسين قرب المرأه من طبيعتهم التكوينيه والظرفيه..ام هناء لما لا تكون كأم راشد ..رئيسة القسم الآخر طيبة قلب ومراعاية لظروف العمل واحترام المواعيد .-..اش هالحظ يا حصه من عبدالعزيز لي ام هناء -... .....عبدالعزيز كان بصراحه مختلف ..كان اذا انتهينا من العمل جعلنا نرجع لبيوتنا وكان يتعامل معنا وكأننا بناته ....اما غريب فقد كان الذي يهمه هو الانتاجيه في العمل ..فكان يضع لنا حدا للأنتاجيه خلال اسبوع .. وتتم المحاسبه على هذا الاساس ..كان أكثر تنظيما من عبدالعزيز وكان اكثر صرامه .....ولكن ام هناء مختلفه تماما ...لم ارى رئيس قسم يقف للموظفين عند مواقف السيارات ويحاسبهم على الدقيقه والدقيقتين سوى ام هناء....كان لي زميل اسمه خالد يقول لي : يقولون بلكويت كل خالد بايعها ... وانا بشوف ام هنا شبتسويلي .....كان خالد من ضمن فريق المشجعين على التمرد الوظيفي لأم هناء ... ولكن كان عبدالعزيز يقول لي : اثبتي جدارتك بالعمل ولا تتركي مجال لا لأم هناء ولا لغير ام هناء للتحدث عنك واذا صار عندك وقت راحه اتصلي فيني وخللي نسولف :) , في وقت الراحه كنت اتصل بعبدالعزيز واشرب قهوه او شاي وغيرها ...كان خالد المقابل لمكتبي وزميلي في الغرفه يتضايق من قلة حديثي معه ولكن لم اكن اتعمد ذلك ...وذات يوم قال لي عبدالعزيز: ان غريب يعلم بنقلي لقسم ام هناء وكان يستطيع التصرف ...ولكن مثل ما انتي عارفه غريب اهم شي عنده مصلحة العمل ....تضايقت من هذا الكلام كثيرا لا اعلم لماذا؟؟!!!

تحاول ام هناء جاهدة مضايقتي وخالد يقول لها لو سمحتي تريدين ان تخصمي من راتبي اخصمي ولكن لاتكلميني .... افاجأ اثنا وقت الراحه بمكالمه من عبدالعزيز عالمحمول
حصه : هلا بوسعود مو معود هالحزه تدق علي عالموبايل
عزيز: فاضيه؟؟
حصه: اصير فاضيه لك ..عندي بريك
عزيز : وين مكتبج انا بأدارتكم الداثره
حصه : بو سعود واللي يسلمك مالي خلق دندره ادخل على ام هنا قبل ما تييني (خالد يسترق السمع)
عزيز: تدرين شلون تعالى كافتيريا الادراه
حصه : صار .. ان شا الله .. اغلق المحمول
خالد: وين بتروحين؟؟!!!
لا انظر اليه , قائله : في واحد زايرني
خالد: من ؟؟؟
حصه : مديري السابق ..عبدالعزيز الجييان
خالد: من صجك...خلي يزورج بالمكتب وشوفي ام هنا شنو راح تسوي ..هذا يقدر يعينج مكان ام هنا
حصه: ( بصوت عالي واعصاب) خالد لو سمحت انا ما احب هالسوالف ولا تلفت نظري اصلا , بو سعود ياي يتطمن علي وعلى وضعي ليش هالسوالف ترى ماله داعي
خالد: على راحتج
أسمع صوت ام هناء من بعيد قائله : حي الله من يانا ..حياك الله اخ عبدالعزيز مكتب حصه كاهو ...يدخل عبدالعزيز ووراءه ام هناء تقول : زارتنا البركه –عبدالعزيز مبتسم ابتسامه فكاهيه خالد ينظر الي ويضحك-, اتضايق من هذا الموقف وإذا بأم هناء تقول لعبدالعزيز: حصه احسن موظفه بالقسم نشاط واخلاق وانضباط !!!!!!!!, ينظر الي خالد نظره تجعلني اضحك من الداخل مليون ضحكه ووجهي عليه ستين علامة استفهام ....أرى رزانه بعين عبدالعزيز لم اعهدها من قبل فنحن اصدقاء ومن الصعب ان اراه بهذا المنظر ...قائلا : نعم نعم ..هذا العشم يا ام هناء وبعد خروج ام هناء
ينظر الي عبدالعزيز ناسي وجود خالد قائلا: ما بغت تفج(تبتعد), تصدقين درت اني بكفتيريا الاداره وياتني افضحتني تهلي وترحب والعجاف اللي ماله داعي وانا ادري ليش تسوي ....يبادر خالد: ليش ؟؟؟ ..ينتبه عبدالعزيز لوجود خالد .... أضحك في داخلي ...يرد عليه عبدالعزيز: الكلام موجه لحصه ..يقول لي : هي تعتقد لمركزي الاداري وسمعتي وسمعت عائلتي وحجمها بالبلد سوف استخدم خبث الواسطات لأجعلك رئيسة هذا القسم!!!! ثم الاداره بدال المنور الي لا يحل ولا يربط ومخلي القرعه ترعى ..ولكن استغفر الله عن ذلك ..لوكانت ام هناء ملتزمه بالعمل كما تدعي وكما تعاملكم لما خافت كل هذا الخوف ...يلتفت ناحيه خالد ويقول : امشي عدل يحتار عدوك فيك .. وانتي يا حصه ان شا الله ماشيه عدل انا اعرفج زين فيج كسل لكن حزة الشغل شغل , ....... اضع ورقه قد كتبت عليها اثناء حديث عبدالعزيز ( لاتاخذ راحتك وايد) يستدرك , يقول : كيف حال الشغل معاك عسى مرتاحه – تصل ام هناء بيدها القهوه وألمح ضحكات بعين خالد – يشكرها عبدالعزيز وتقف عند الباب هي لتسمع اجابتي ارد بصراحه والله الحمدالله يا بوسعود تعب ولكن حلو على الاقل أحس ان راتبي حلال , ,,,تنصرف ام هناء يرد عبدالعزيز: وكيف ام هناء معاك؟؟
حصه : والله ام هناء دقيقه جدا وياليت هالدقه عليها وعلينا تحاسبنا عالتأخير واهي اساسا متاخره .. ولكني مثل ما قلتلي امشي عدل يحتار عدوك فيك ..وطبعا ام هناء لا حمدا ولا شكورا والخصم شغال على الزملاء عالدقيقه والدقيقتين
يرد عبدلعزيز بضحكه خبيثه: زين تسوين فيكم عبالج كل المدراء عبدالعزيز ....ولا كل المدارا غريب ارد بإستهجان : غريب!!!!! الا شخباره
عبدالعزيز محركا رأسه بأستغراب: غريب ......غريب!!! ويقول قائما من كرسيه : إن شا الله يصير بينا تليفوون !!!!!
وكأن كانت زيارة عبدالعزيز ليقولي شيء ولكن خالد كان وجوده ...محرج – ...يذهب عبدالعزيز بأتجاه مكتب ام هناء ألاحظ نظرات خالد لي وكأن لا يوجد لديه عمل سواي اتجاهلها وعند خروجي من العمل وركوبي للسياره يرن هاتفي واذا به عبدالعزيز قائلا : اشلونج احصيص . . اقدر اشوفج
حصه : والله بو سعود انا تفاجأت بزيارتك اليوم
عبدالعزيز: خالد ...صك علي صكه
حصه: والله انا يوعانه تبي نروح انتغدى برا
عبدالعزيز: وهو كذلك بيتزا بيتزا !!!

حصه : ياحبك للبيتزا
نذهب لمحل البيتزا واثناء جلوسنا يقول لي عبدالعزيز: شفيج مخترعه ...لاتخافين حصوه ...امس الله يسمنا وياج
مقاطعة اياه: أي امس الله يسلمك وياي شصار؟؟
عبدالعزيز : يالملقوفه... اتصل فيني غريب عالمكتب وقالي انه يبي يزورني ..ما استغربت .. فهو رفيج ديوانيه وزميل عمل ...ياني وكان شكله مشوش شوي يسألني عنك
حصه : عنيييييي!!!!!
عبدالعزيز: أي عنك يسألني أسأله غريبه مثله
حصه : شنهي؟؟
عبدالعزيز: من متى تعرف حصه؟؟؟ومن متى علاقتكم بهالشكل؟؟؟ وشلون صارت جذي؟؟؟ وهل صدفه توظيفها بإدارتك و و و و و و
حصه: جاوبته؟؟
عبدالعزيز: مينون انا اجاوبه ...سألته ليش تسأل هالاسئله قالي مسئله راح تعرفها بعدين والاغرب من كل هذا انه طلب مني رقم بيتكم وقلت له اني ما اعرفه واعتقد انه طلبه من شؤون الموظفين ...احصيص في شي بيناتكم؟؟؟ ..لأن بكل صراحه نظرات غريب كان وراها سالفه كبيره
حصه: انا غريب علاقتي فيه حتى مو مثل علاقتي فيك ... إي نعم معجبه فيه وفي مشاعر بسيطه -تجاهه ولكن مو لي درجه -والله يا عزيز لو مو الامانه المهنيه كنت قلت لك شاللي بينا-و
يقاطعني : كانت نظراته فيه شك تجاهك يا حصه
حصه : تجاهي ...!!! من أي ناحيه تقصد
عبدالعزيز: حسيت ان الانسان يبيك والله بس متخوف منك وشاك فيك خصوصا انه سألني من متى وانا اعرفك وشلون؟؟؟ وطبعا قالي اني ما ابلغج عن هالالسئله ولكني ما قدرت انتي حسبة اختي وما احب أي شي يصير من وراك
حصه: تهقى غريب ورا نقلي لأم هناء
عبدالعزيز: لالالالا ما اعتقد ولكنه يدري عن هالنقل احب اقولك شي متوقعه لأني اعرف غريب زين
حصه: شنهو؟؟؟
عبدالعزيز: هالريال راح يزورج هاليومين لأني ما عطيته لا حق ولا باطل ولكن سوي نفسك متفاجأه بزيارته
اثناء حديث عبدالعزيز استرجع معلوماتي فغريب تعرض لخيانه زوجيه ومن الممكن انه بات يشك في كل النساء او بي لأني على علاقه بعبدالعزيز ولكن عبدالعزيز رجل بسن والدي و......
عبدالعزيز: في شي؟؟!!!!
حصه: لا...لالالاابدا
عبدالعزيز: انت خاشه عني شي بس انا ما ابي اعرفه , انت على علاقه بغريب؟؟!!
حصه: لا والله ما بيني وبينه الا ايميلات بسيطه ..وبعد من زمان قاطعين هالشي وحتى رقم تليفونه اعرفه ولكن عمري ما حاجيته عليه او دزيتله مسج لأن ما في ضروره بالموضوع
عبدالعزيز: عفيا عليج ....وصلت البيتزا ...طاحوله
حصه : طاحوله : )
نتغدى وأرجع الى المنزل تذهب بي الخواطر الى بعيد .. افتح ايميلاتي ولا اجد ايميلا لغريب
غريب اين انت ؟؟ تريد معرفه وجهة ظري تجاهك ...لما لا تسأل عبدالعزيز ....لما تسألني شخصيا ..أشعر بسعاده ..لأنه طلب رقم منزلي ... وأشعر بحزن لأنه بعيد عني ...انتظر زيارته لي التي توقعها عبدالعزيز وكأنها شي مسلم به ...وعندما يزورني هل سيواجهني بالحقيقه ...وان واجهني ماذا سأقول له هل اسابقه بالكلام واقول موافقه ؟؟؟ ام اقول له افكر ...ماذا اقول ؟؟؟؟ فعلا حلال مشاكل فاشل ..احل جميع مشاكل الناس الا مشكلتي ... أو بالاحرى معضلتي ...تستهويني في تلك الفتره اغنية رويشد
بأي حال من الاحوال .. بس تعــــــال.....

وانسى كل شي انقال .... بس تعال

....حتى لو طيبة خاطر ...

صدقني ماني قادر ....

ناس عن ناس ...يا عمري تفرق

.... مو كل نجمه بالسما تبرق ...

اشكثر قلبي شكى ومنته حوله ...

اشكثر عندي حجي ودي أقــــــوله .....اغنايه عجيبه
وانتظر وانتظر وانتظر يمر الاسبوع وفي الاسبوع الآخر ..يتحقق كلام عبدالعزيز ولكن كيف ؟؟؟
يدخل غريب يسلم على خالد ... اطير فرحا شوقا حنين لا اعلم لم اطير ...يذهب اتجاه خالد يصافحه!!!! وكأن بينهما معرفة سابقه – خالد من قبيلة معروفه يلتقي مع غريب في بعض الافكار ولكن مالرابط المشترك بينهما – يأتي غريب الى مكتبي وقد بدت على وجهه علامات الشحوب يسلم ......غريب: كيف حالك حصه
حصه : الحمد الله حي الله من يانا... اش هالزياره المفاجأه - كان بودي ان اعرف ما بعد الترحيب هذا-
غريب : ( بصوت خافت) فقدتك
حصه: هلا ؟؟!!!!!
غريب : فقدتك وراح افقدك اكثر !!!!
حصه : شلون ..؟؟؟
غريب : انا ياي علشان اقولج مع السلامه لأني ... ........ب

نكمل في حلقة قادمه