نسيت الماي
شفت المطر هاليومين
امطر علي وهل
وانا لدمعتي بغيت اهل
سقى صحاري عطشانه
سقى قلوب ولهانه.......لشوف المطر
اطل من هالدريشه واشوف....
مرازيم يهدر منها الماي
تمنيتك تكون وياي
تشوف الماي
صعدت السطح وقمت امشي
ادور هنيه وادور هناك
كأني فاقده شي وقمت احجي
وجود اني الاقيه مناك
قعدت هناك..يم التانكي قعدت هناك
ابي اكتب ... ابي حجيات
لو عن اليوم اول اللي فات
ابي اذكر اي شي حصل وياي......ونسيت الماي
زاد المطر اكثر
وقام شوقي يحتر
برد قلبي اكثر من ايدياتي
ونزلت من السطح وانا احاتي
احاتي نفسي
احاتي يومي و امسي
اشلون اصبح اشلون امشي
من غير شوفك........
مرضت ودفاني الكنبل ابحنان
هذا انا تعبانه واعاني من قلت امان
واسمع لعبدالحليم غناوي
ابي حل الهالحزاوي
وادري انه ما يدواي
.......................
ماكو فود ماكو فود
هم انت على بالي
قلت اقوم اغير مكاني
رحت الخيمه قعدت اتدفى بلوجار
قعدت اشوي الكستن لقيتك بين الكستن والنار
عرفت السالفه .... فهمت الغمنده
.
دام اني نسيت الماي
.
وسلامتكم : عتيجه ام مضحي
Labels: خواطر
15 Comments:
صح لسانج
اهم شئ التانكي
صح بدنك اشكر تعليقك السريع : )
و الله يا عتيجة
من غير مبالغة
حسيت ببرودة تمشي بجسمي لما ختمت القصيدة
قعدت اشوي الكستن لقيتك بين الكستن والنار
عرفت السالفه .... فهمت الغمنده
دام اني نسيت الماي
روووعة
رووعة
روعة
وحبيت هالسطر بعد
برد قلبي اكثر من ايدياتي
حبيبتي والله اشكر شعورج وسعيده جدا بأحساس يشارك احساسي :)
دام اني نسيت الماي
^
^
^
أحب الختمة المصحوبة بفكرة تشد او سؤال
او استنتاج او تكون مربوطة بأول فكرة
بالخاطرة او القصيدة او حتى الموضوع
:)
و احب المطر بصورة مو طبيعية حتى لما
يكون شديد و همّال بجنون .. معاه ترد
روحي .. دايما اربطه بأحلى المعاني
الأمل .. العطاء .. الصفاء .. الخشوع
و غيرها و غيرها
و احب الكلام الكويتي القديم .. الكلام
العفوي اللي الواحد يحسه طالع من القلب
جني مصختها و انا أقول احب و احب و احب
:)
بس والله
حلو حلو حلو
:)
سلام
ماشاءالله عليج يا أم مضحي مبدعه صح السانج
دام إنج نسيتي الماي..
يعني تحبيييينه يا عتيجه
:)
إهني الغمنده
خوش حجي
الله يعطيج العافيه
هني بتركيا يبيعون الكستنه بالسكيك اكثر من اللي يبيعون بنك بالكويت
شي شي
;)
فديتج
طالعه من بؤك زي العسسسسل ...^___*
كلامج اينن حبيبتي تخيلت نفسي في كل كلمة قلتيها وشعورج هذا صارلي جم يوم قاعده اعيشه... بين تساؤلاتي والمطر...ودعائي لله...:)
ادري ما فهمتي شيء من كلامي بس تسلمين حياتي...:)
صح السانج ياعتيجة الصوف والله انه يقطر عسل حلو عنوانها بعد نسيت الماي ولو اني ماحب المطر مادري ليش بس بهالكلمات حبيته وذكرت الديره وايامها مشكوره :)
من كثر مالكلمات حلوه قعدت بيني وبين نفسي اكررها وسويتلها سيف عندي مشكوووره وايد وايد فعلا ابداع ومو غريب عليج هالشي على احساسج المليان باصالة الماضي
طائر:
حلت دنياك يا اخوي والشغلات اللي تحبها انا احبها واذا تحب فعلا هالخواطر اقرى لأستاذي فايق عبدالجليل الحاضر الغائب تلقى ديوانه بمكتبة ذات السلاسل كنت اتنمى انه يعود من اسره على شان اراويه كتاباتي لكن الله يرحمه حي او ميت
بسيط:
اشكر تعليقاتك الدائمه والسريعه كما اشكر مدحك
نون النساء:
ماتدرين شكثر اكون سعيده اذا شفت تعليقج لكني للأسف ما اقدر اعلقلج ... وعلى فكره نون ترى مو صج ولا انا خبله اروح اقعد يم التانكي شنو قطوه
ابصراحه:
الكستن حلاته بموسمه واشكر تعليقك :)
كويتيه
انتي كاتبه زي العسل قريتها زي المسلسل مادري شفيني : ) ودامج عشتي كل كل لحظه عيل لاتقولين لي ما فهمت شي دام اني نسيت الماي ؛)
هاشمي
خوش مشاركتين لو حاطهم بوحده جان وفرت بانزين :) عموما اذا توهقت بأي حجوه ببلوقي او بالحياة عموما ترى انا بالشوفه واللي ماله اول ماله تالي
اشكر كل مديح توجهلي وترى والله انا جذي اخجل وايد واحس انكم نحملوني فوق مسؤولياتي مسؤوليه اني ما اكتب أي شي الا وانا قاريته ستعش مره : )
هههههه
لا طلعة السطح عادي
بس عاد التانكي نقعد يمه علشان الشمس بس
:P
والحين تقدرين اتعلقين شلنا الحظر
That's a great story. Waiting for more. Dome half hiking trail Protonix porphyria Colleges online nc The effects of mixing alcohol with antidepressants Cancer support networks Buy online protonix rhinoplasty in las vegas university system of georgia online course Cartridge ink lexmark refill Japan patent and trademark office aston martin db7 Quit smoking with hypnosis Centerset lavatory faucets Care option skin Rc cars drifting Nyc pilates Travel insurance backpacking http://www.allergyrelief2.info/Homeopathy-sulphur-for-acne.html Ford escort car seat covers
Cool blog, interesting information... Keep it UP Cancer tumour http://www.volkswagen-rabbit-gti-convertible.info/toyota-celica-convertible-repair-manual-supplement.html Leominster's post 151 legion baseball teams schedule honeymoon register Milf pictuers Affiliates best programs
Post a Comment
<< Home