موقف غريب :{

موضوع مررته لي الحبيبه سكر – صباحك سكر- وهو عباره عن حدث غريب حصل لي اتذكره واقوله لكم وانا حابه اقولكم موقفين :-

(يعني مو غريب صاحبنا لاتستانسون )

:p

الموقف الاول : في احد السنوات غيرت غرفتي بدلتها مع اخوي مع العلم ان غرفته اكبر من غرفتي وامي حزتها صبغتها لي احلى صبغ واحلى اثاث و ارضيه عجيبه وكل شي على ذوقي وكل شي كان فيها بس ياتني ردت فعل عجيييييييبه ما تصورت انها تييني تخيلوا بداية ما قام اييني نوم قمت آخذ منومات والله وبما اني من جماعه العلاج مال اول قمت اشرب بابونج وينسون ويالله تييني النومه بعد صلاة الفير تالي قمت انام بالصاله جني عزوبي و الاهل يقولون شفيها هذي دار يديده وما تنام فيها ؟؟؟ هجرتها كرهتها وقمت انام برا داري واذا ييت تعبانه اروح داري القديمه وانا فعلا ناسيه تالي اذكر ان الاتجاه غلط المشكله ان اخوي تزوج وفشله اطلعه مع مرته من داري القديمه والسبه هالطبع المالق اللي فيني .... وياني ذاك اليوم اللي نمت فيها وقلت أشغل قرآن يمكن منفوسه << فيها نفس عين, ولا شي و سورة البقره بركه بالدار و البيت وتخيلوا شغلت القرآن وقدرت انام ... وبعد جم يوم رديت من الدوام ولا الشريط مو موجود يا جماعه لهنود الاهل منو ماخذه ؟؟؟ بس قولولي ......محد ماخذه.... انا صحيح ان عندي وفاء لأغراضي خلاجيني وانتي بكرامه جواتيي تليفوناتي كل شي بس مو لي هالدرجه اكيد في شي غلط..... وييييييي غبرااااااااااا ونسيت السالفه وبعدها بجم يوم قاعده اعدل الخجره اللي بحجرتي ولا والله القى الشريط تخيلوا بزاويه لا ومقطوع بعد يمكن تعتقدون اني تبريدت << خفت كثيرا و, الحدث الثاني كنت اهذر بالتليفون تالي الليل المهم كنت حاطه يمي قلم وقاعده اكتب شغلات قمت وانتوا بكرامه رحت الحمام رديت ويوم بغيت اكتب شغله ادور القلم وينه وينه وينه نفظت الكنبل << بطانيه , وينه ما لقيته واكثر من موقف ادركت حزتها ان الدار فيها شي لأن اخوي ما كان يدري عنها بالاسابيع كان بكلية الشرطه واذا طلع ينام بالشاليه او بالبر فالحاله كسيفه عاد انا قلت يا انا يا هاليني وراه وراه (حتى اليني حاطه دوبي دوبه) وقمت انام كل يوم بالدار واقرى فيها قرآن وواذا طلعت احط قرآن ....وشلت طبعا كل الصور الموجوده والظاهر مع القرآن اليني قال اش لي بهالدار خل ادور دار ثانيه احسن ...

الموقف الثاني : لقيت خاتم بين اكسسواراتي ...هالخاتم مولي ومو راضي يضيع موليه .... وكل ما اعتقد انه ضاع الاقيه ..

.في احد المرات كنت بمطعم وجبات سريعه وانا لما آكل اتهاوش ...حطيته بالصينيه ....ويوم خلصت هوشتي قطيت الوصخ – عزكم الله- الي بالصينيه بلخمام ....جان اييبولي اياه العاملين اللي بالمطعم ...يااااااااه الظاهر لاحظوه ويحسبونه الماص <<<< من وين يا حظي ومره من المرات جزمت انه ضاع <<< عاد هالسالفه تخرع ....كنت اتعشى مع الاهل وقرقه وضحك كان العشى تميمه وشكثرنا ولسماط طويل عريض ...المهم اني قمت غسلت ايدياتي وذكرت حزتها اني نسيته بلسماط ...قلت خلا يولي وانا نايمه مره قعدت من النوم <<< طبعا ساعه على ما اقوم من لفراش ....حسيت بشي يم اركبي قمت ولا الخاتم !!!!!!!!!!!! اخترعت قلت شيايبه وانا فاقدته من اشهر..... بس مره لبسته وكان عندي دورة مطافي ....المهم حطيته بمخباتي لأن مثل ما انتوا عارفين يبيلها حركه وطفايات حرايج ..والذي منه ....المهم بعد ما خلصنا كلنا نبي نروح سيايرنا تذكرته حطيت ايدي بمخباتي ( جيبي) , ولا موموجود رحت المكان اللي اشتغلنا فيه ...ما لقيته ....عز علي ومن عقبها ما شفت رقعة ويهه ..... وسلامتكم وتعيشون ....

بمرر هالموضوع ل

نون النساء

واحد من الناس

ابصراحه

ذا دكتور

مها

مريم