NEW L@@K !!!!!

New LOOK!!!
أمس كنت حدي سطايل..... بصراحه وايد استحيت اني اطلع وانا سطايل طبعا كلا من ام نبيل يمكن تعتقدون ان ام نبيل حاطه البقشه على راسها ...وتمشي ...لالالالا ام نبيل حدها موضه وسطايل وقبل كل هذا بنت خالتي بس شلون ؟؟؟؟؟؟؟؟

ذيج المره كنت رايح لمجمع كوت وتواعدت انا ويا بنات خالتي ثنتين هناك المهم عاد بنت خالتي هذي حدها سطايل ما شا الله عليها حتى لما كنا نروح مخيم والبيت كلا سطايل من عمر الدنيا
خالتي اهي اكثر خالاتي سطايل وكشيييييخه عالآخر
زوجها ما شا الله عيني عليه بارده اذا اقبل عليك جنى معرس
عيالهم طبعا ابن الوز عوام
اييد نسفه
ايد طخم
ايد سطايل عليهم كلهم

حتى هنودهم سطايل
صبيهم لا شافوا غازلوه ...لبسه جنى كويتي يحليله
المهم كنا نحوس انا وبنت خالتي بالكوت جان تطالعني وتقولي عتيجه يبيلج

New look!!!
اش هذا نيو لووك .....
لا يبا انا تعودت على لبسي ما اعرف
دششتني زاره <<< مره شريت منه قطعه من حوالي خمس سنين , ونقتلي خلاجين مثلاتها الصراحه الخلاجين ذوق وظافيه وحلوه بس حدى مو لايق علي احس
رديت البيت وعلقت البدله اطالعها وتطالعني
ماني عارفه ألبسها
ظلت بالكتبت حول الشهر
المهم امس اللي اهو يوم الاربعا بالظبط الجو بديع والدنيا ربيع ما يبيله ...ظروري طلعه
كان ودي اكشخ <<<< بالسنه حسنه
ابي شي يديد طلعت البدله تالي هونت ....
المهم ياتني ام نبيل شافت هالبدله جان تقول الله من بدلته <<<< مو معوده
قلت لها تصدقين بدلتي
قالت متى شريتيها اكيد ما كنت معاج
قلت اييييي كنت مع أسمه << بنت خالتي
قالت ويه ما بغيتي تغيرين من ستايلج البايخ
قلت لالا ماني لابستها
قالت من صجج .. يالله آهوو جدامي لبسيها .....لي هالدرجه ماكو ثقه
يوم قالتلي ماكو ثقه خذيت الموضوع عناد
ولبستها شكلي حدى غلط ...او مو آلفته
المهم رحت اقط غرض على محمد (اخ وصديق) طالبني شغله من ارشيف جريده طبعا يوسف فراش مكتبه ما عرفني
قلت يوسف شلونك
قال آآآه
قلت يوسف انا عتيجه
قال آآآه
قطيت النظاره الشمسيه
يوسف آآآآه شلونك انتي زين << يوسف هندي
انا : حمدالله زين وين بو يعقوب
يوسف : عشر ديقيقه يجي
بو يعقوب عطاني حسين وعياله - كنايه عن انه طنش - كان يعطي دوره
حطيت الاغراض بصندوق مكتبه
وطلعت
واشوفه آخر الممر يقرق بالتليفون وقاعد على سطرت كراسي
رحت وقعدت ...بيني وبينه كرسي
ما عرفني
هههههههههههههههههه
بو يعقوب ....محمد ....دكتور ....
هلالالالالالا اختي @@<<< نسى اسمي ... كمل قرقته بالتليفون وصكه
قال : ما عرفتج
:( مادري كنت هيلقيه لي هالدرجه
آآسف آآسف يوم اتصلتي كنت احاظر موظفين الدوله ...اللي يحاظرهم كشت فيهم ويروني من فراشي ..ما يصير بعد يا أختي <<<< هاه شفيه مو راضي يقول اسمي ...موظفين هادين دواماتهم ويكشتون فيهم
ولا قال اسمي هههههههه ...شدعوا يا حافظ
تقولي ام نبيل ترى طاقته البوهه مو قادر يقول اسمج تصدقين عتوج لو اروح انا اطقها فره وارد ما اعرفج <<< يالتعبانه يعني مولايق
على فكره ترى مو حاطه مكياج ...يعني ويهي اهوه اهوه
الموقف الثاني رحنا جيلييز انتغدى
شفت اربع اعرفهم
فطوم بنت شريفه بنت خالت امي
نوف بنت منال بنت خالت امي
غاده زميلتي في التطوع
مشاعل زميله ايضا
ولا وحده عرفتني !!!!!!!!!!!!!! شدعوا
وانا امشي اقول حق ام نبيل أحس اني انثى تقولي أي والله شكلج ناسيه هالنقطه
كان عندي مشوار عالمغربيه ...تصدقون اني ما قدرت اروحه بلسطايل
رديت البيت ورديت على سطايلي الاصلي واخذت نفس طويل
وهذا سيفوه وهذي خلاجينه ...خفت بعد محد يعرفني
والله لنيو لوك حلو .... كل وحده مهما كان سنها تقدر تصير نيو لووك ....بإحترامها واحتشامها ....
وايضا بالنسبه للرياييل .....مو بس الحريم ....احساس حلو ان الواحد يصير نيو لووك
يمكن انا ما راح اغير اللوك مالي بالمره ...لكن فعلا حسيت اني نيووو لوووك << خوش حجوه
ولنيو لووك ما يحتاج فلوس والله ...كل واحد يقدر يصير نيو لووك باللي عنده ....يعني اليماله ما تبي فلووس ...
يعني بصراحه انا كلا هدومي رسميه وعمليه ....هالمره بس شريت شي رخيص مقارنة بأسعار ملابسي الباجيه لكن اول مره اكون سطاااااااايل جذي
شفت روحي بالمنظره ما عرفت روحي ههههههههه
.............................................................................................................................
اخاف تفقدوني ولا شي ....ان شا الله بروح البحرين ...انا ويا ام نبيل ....وبالطبع بتصيير لنا مواقف هناك عجييبه .. بروح سيد جنيد ...ودي اروح السوق القديم ولهت عليه .....ودي اروح لبديع احبها وايد ....
واغني غنايه عبدالله الرويشد
تسامرنا مع الحلويــــــــــــــــــــــن ...على شاطيج يا لبديع يا لبديع يا لبديع
وشفنا فيج المحبين ...اللي ملاقي واللي مظيع ....وجني الا انا مظيع
خليل لي بسما البحرين ......الله عليك يا رويشد ....

مع السلامه ولنا لقاء بإذن الله

....عتيجه ام مضحي