Wednesday, July 11, 2007

انا وجبنة كيري!!!



مادري اليوم اشذكرني بدرس يوزد تو

Used to

اللي كنا ندرسة في ثالثة متوسط كان يتكلم عن عادات الانسان كان يسويها تالي اقلع عنها لمراد تذكرت عدة مواضيع وامور مختلفه وابرزها الاشياء اللي كنا نعيب عليها تالي قمنا نسويها و اولكم انا

عيبت عاللي يلبسون بنطرون وحجاب اقول شنو فلسسسسطن........ الحين البس بنطرون وحجاب .......اختي كانت اتطنز علي ......الحين تلبس مثلي ...ولكويت نصها مثلنا
كنت ما آكل وجبات سريعة ... الحين آكل وجبات سريعه (عدى كنتاكي-برجركنج-هارديز- نايف ...اش بقى بعد )
عيبوا علي اول ما لبست ملفع ملون –كانت الموده خيشة- اللي يقولي مذيعة بالتلفزيون اليمني واللي يقولي مرحبا بكم في مهرجان خريف صلاله .....الحين كلللللللللللللللهم يلبسون ملفع ملون وانا رديت عالاسود .......تالي عيبوا علي يوم لبسة قبعه/ امطه/ قبوعه مع الملفع بما فيهم يدتي الله يطول بعمرها ...الحين كلهم يلبسونها واولهم يدتي لول

كنت امر يم دورا الشيراتون يوم الاحد اظحك على لهنود اللي يصورون كل مايو دوار الشيراتون ....الحين كل مناسبة اصورها حتى لو رايحه ستاربكس ...الله يعافي كاميرا الموبايل قلبتنا هنود
كنت اعيب عاللي يلبسون نظارة شمسية بمكان مغلق مسكر ....الحين ما اقطها .... حتى بالليل ههههههه لا اتغشمر
كنت اعيب على لجناط لكبار واقول حق بنات خالتي اش حاطه فيها حاطه هدوم عيالج حق لزواره هههههه ....الحين اغلب جناطي كبار
كنت اعيب عالمسلسلات الاجنبية واتطنز عالضحكه اللي يحطونها ....الحين اطالعهم واضحك ظحكه اسخف من الضحكه اللي حاطينها ها اهاه هاها
كنت اعيب عاللي يقضون ساعات بالقهاوي .... الحين اقعد اكثر منهم
كنا نعيب عاللاستقبالات الحين احنا نسوي استقابلات
كنا نعيب عاليران اللي ما يتزاوروون الحين احنا ما انتزاور
كانوا يعيبون على الملا اللي يقصر بنطرونه و دشداشته ... الحين بنطروناتهم امقصمله
نعيب عاللي يسوي عزيمه ويحط موالح ....الحين قمنا نسوي عزايم موالح
كنا نظحك عاللي يحسن شواربه ....الحين الجماعه صاروا مللللللط
كنا انتطنزل على فئه يشربون شيشه بالبيت ....الحين الكل يشرب شيشه بفيلا فيروز
كنا انتطنز عاللي ياكلون بالطريج ......الحين الكافيهات لاتعليق
يوم كنت اصغر من جذي اذا صارلي شي واستانست اسوي العجله .....اليوم زلقت ووانا مستعيله وقعدت عالارض خمس دقايق عشان اقدر امشي مره ثانية .... < --- ماله علاقه بالموضوع ...الكبر شين

حاليا :
اعيب على اللي يحطون قوطي روب تحت الملفع
اعيب عاللي يدخنون شيشة
اعيب عاللي يلبسون استرج وحجاب
اعيب عاللي يطلعون رقبتهم من الملفع
اعيب عللي يلبسون تراجي وملفع
عيب عاللي تلبس عباة جتف امبطله واسترج ...

..الله اعلم بالمستقبل شبسوي.

..تراني مو مضمونه

;p

ادري انها حريات شخصية وربما في غيري يعيب علي بس شسوي .... كويتية ماكو فايده
...........


شفت محمد زميل جديد علي وصغير بالسن بمكان عام وصادف ان كان يبي مني شغله ظروريه فأندمجت معاه بحديث و مشهد بو خمس دقايق كان معاه واحد اعتقد انه صديقة ..وبينما انا وياه انتحجى يا واحد ثالث يسلم على صديقة وبما انه ماشاء الله طول وعرض وانا عقلة الاصبع فحجب الرؤية عن صديق الصديق لرؤويتي ...لمراد كلهم محترمين وثقال ...وفجأه مرت بنت في سن الزهور ماشا الله لا اله الا الله سمييييينة وجميلة جدا ولابسة استرج املح وبلوزه قصيره ...المشهد مو حلو ادري علما بأنها حرية شخصية ....ولا اسمع صديق الصديق يقول بصوت واطي حق صديقة –ماكان شايفني- باللهجه اللبنانية
مش هيدي البأره اللي بنعمل منا جبنة كيري ؟؟؟؟؟؟؟؟

.
طبعا محمد – زميلي- ويهه قام يتررررك ومبتسم....وانا سويت روحي ما اسمع وكملت السالفه والاخ الللي قط الحجوه ما انتبه كلش علي الا يوم مشيت..يوم مشيت -لا ادعي المثالية- ضحكت مو على البنت والله على الحجوه اللي انقالت ...المشهد كلا ما خذى دقيقة ...يعني الصراحه يا بنات يا خواتي وفعلا الكلمة اقولها بأخوية لأن عندي خوات وبنات اخو وبنات اخت... هذا اللي سمعته الله اعلم باللي ما سمعته وهذيله ثقال ومحترمين والحجوه صارت بينهم وبين بعض

بغض النظر عن ما دار بينهم
ذوقا ... شكلا ....مضمونا ....احتراما...دينا ....غير لائق والله ...

ولا شرايكم !!!!!؟؟

بالمناسبه شنهي الشغله اللي عيبتوا عليها وقمتوا تسوونها؟؟؟؟

بصراحه بعيدا عن المثالية

Labels: ,

63 Comments:

Blogger Mamloo7a Q8ia said...

الحمدلله على السلامة
طولتي علينا الغيبة

شوفي نصيحة من وخيتج وهذي
امي دايما تنصحنا فيها
لا تعيبين الا على الصوم والصلاة
علشان العياب عند الباب ولما تعيبين عليهم يصلون أو يصومون وتقلدينهم الا قلدتي شي مقيد

اشرايج؟؟

لا لا الا حجاب بوقوطي لا يكون تقلدينه

اما اللي يجيبون منها جبن كيري امثالها وايد في كل مكان
مسوين لنا تلوث بصري

عيبت على طريقة لبس ناس وانا اللحين البس مثلهم
عيبت على الجناط الكبار وانا جناطي كلها كبر اليهد
حتى لو اعيب على ام احد الاقي امي مسوية نفس اللي عيبت عليه
واللحين حرمت اعيب على احد
صراحة بسرعه انعدي


ههههه
جني كتبت بوست مو تعليق

12:13 AM  
Blogger bo9ali7 said...

ma y3ayyeb ela alma3yoob
:P
just joking

1:08 AM  
Blogger Unknown said...

العياب عند الباب :)

والله يستر وانشاء الله ما نسوى شى نعيبه الحين

وعيبى مثل ما قالت مملوحة
صيام وصلاة وبس

11:04 AM  
Blogger Almas said...

قبل كانوا يقولون وليلحين آنا أؤمن بهالمثل

العياب عند الباب

الله يسلمج آنا عيب عللي يطواون أظافرهم .. قمت وطولتهم وأصباغ وعلى كيف كيفج

بس الحمدلله إني بطبيعتي ما أحب الأظافر الطويلة قمت وقصيتهم

عيبت عللي يلبسون الله يعزج ويعز الحاضرين .. الي يلبسون الشحاطة السحاتي بدون كعب

وألحين شريت منهم شكثر وكودتهم وأحب أستعملهم

كنت أعيب عاللي يلبسون خام التايجر .. وألحين غرامي التايجر

شفتي ياوخيتي شلون العياب عندالباب

12:16 PM  
Blogger Kuw_Son said...

صج انج عتييييييجة !!

شلون طرى على بالج هالدرس !!!

و أغلب اللي ذكرتيهم .. كله يتعلقون بملابس و موضة خاصة بالبنات هههههه ..

أنا بقولج عن تفكيري ..

أيام ما هبوا بالبرمودا و الثري كوارتر .. كنت أقول لو شنو مالبستهم !!
الحين أروح الممشى أو شاليه أو بعض المرات أطلع فيهم بس مو أماكن عامة .. يعني للحين في محافظة على المبدأ :)

و من يقول ان المصورين بس هنوووود !!!!؟ شسالفة يبااااااا حدج عاااااد .. ما أرضى أحد يتكلم عن المصورين !!!
محد هندي يبااااا
:P

التصوير فن و ذوووق :)

و القائمة اللي حطيتيها بالموضة الحالية .. امسكي روحج .. لا نشوفج بعدين تحطين بوست الجزء الثاني و تقولين صرت نفسهم !!

لوووووووووووووووووووووووول ... جبنة كيري هههههههههههههه

ناس تييب الحجي حق نفسها .. كان من الألزم لو كانت متينة انها تتستر وما تطلع بلاويها !!

2:41 PM  
Anonymous Anonymous said...

هههههه مشكورة ياعتيجه خوش بوست هههههه أحلي مقطع انج طحتي او قعدتي 5 دقايق ماتشوفين شر يالغاليه ... وينج مختفيه عاد حدي احب يور بوستس

اممممممم شي عيبت عليه اوسويته

تذكرين فتره هبو بالورده ؟ تنوره عليها وره , بدي عليه ورده, جينز عليه ورده , راس بنت حاطه ماشه علي ورده هههههه ايه هني انا عيبت لي الراس أخر شي شريت تنوره عليها بروش ورده او بعدين تحسفت هههه الورده أكبر مني

ايه صج المتحجبات بالكويت هابين
ابهالشي ؟؟؟ يحطون قوطي رووب ؟؟
شلون يثبت؟

5:29 PM  
Blogger جنون إحساس said...

هذا احنا اول مانشوف شي يديد
نستنكره عقب صار عادي
--

صح على قولتج احياناً تشوفين مناظر
"حرية شخصيه"

بس الصراحة بعض الناس مايحسبون حساب للذوق العام
مايسنعهم إلاقوانين سعودية
p:

ابيه عاد تخيلي الكويت
فيها لجنة الأمر بالمعروف

موخوش

--

آنا عيبت عاللي يصورون برّه
والحين من قمت أصور وآنا كامرتي 24 ساعه بيدي وبكل مكاااان

لا وأوقف السيارات اللي وراي عشان اصور السما
^_^

وسلااامتج وتعيشين

10:49 PM  
Blogger خسرتني للأبد said...

الســ عليكم ـــلام
بصراحة موضوع وايد حلو و مت من الضحك
ههههههههههههه
نفسج و الله كنت اموت من الضحك على الهنود و تصويرهم
و الحين انا امشي و اصور
ضحكت وايد لما خليتيني اكتشف هالشي
بصراحة ما كان على بالي
و من كم يوم مصور يم باب بيتنا ما ادري ليش

و الشي الثاني كنت اعيب على الشباب الي يقعدون بالقهوة و انا الحين نص يومي بالقهوة جنه ما عندي شغل الا روحتي للقهوة

11:44 PM  
Blogger esTeKaNa said...

يا هلاااا يا مرحبا
نورتي بلوقج ومكانج
الله يا انا فقدتج من غير شر
عساج بخير وكل امورج تمام ان شاءالله؟
:)
البوست عجيب
انا ملاحظة شي فيني
ممثلا:كنت وايد وايد انتقد امي على حراره قلبها
على حنتها على الصلاه
على رغبتها انه تكون كل الامور مثاليه
على خوفها علينا
على اشيا وايد
واقول انا مابي اصير جذي
جربت نفسي باكثر من موقف
لقيت اني صرت نسخة امي
:)))
هذا الشي الزين وجانب ايجابي من الموضوع
انا الجانب السلبي
اول كان عندي شي كبيييييييير البنطلون الحين شوي شوي بديت البس بس محافظه على المبدأ مع قمصان عرض الخيمة:)
الجناط عندي كل ما صغرت كل ما زادت انوثتها الحين كل ما كبرت كل ما بردت قلبي
!!
الله يستر يا عتيجة
بس اهم شي لا تعيبين على حجاب بو قوطي
لانج اذا سويتيه ترا بنقطع علاقتنا فيج
:Pp~

1:27 AM  
Blogger 3ateeja said...

مملوحة:

شوفي حبيبتي العياب نع الجنسية عندنل بلكويت مو ظروري تعيبين على انسان بعينة ...لكن العياب على سلوكه ...ومن ناحية عند الباب لا وانتي الصاجه بالمخبة بعد ...












بوصالح:

يه يه يه ....انت عيبت على اللي ياكلون الكتب الحين قمت تقاطعنا والسبة الكتب
;p just joking










مش مش:

يعني الحين صرت انت مثالييييييييييييي انت عيبت عاللي يدقدقون على المرينا عسى ما نسمعك باجر تقول بالمرينا نفس حجيهم ;p
ولا نشوفك حاط رسالة عتب عند مدخل المنطقه حقي
لول











الماس:

ايييييييي حتى انا عيبت عالاضافر كنت اسميهم لذيابه ههههههههه

3:45 AM  
Blogger 3ateeja said...

ولد لكويت:

ترى قلنا بعيدا عن المثالية ...قلت ما راح تلبس البرمودا ولبسته ..لا تطلعلي فيها مثالي ...واقص ايدي اذا ما كنت معيب عاللي يدقون الشنب ...ههههههههههههه احلف وقول ما عيبت والله احسن شواربي لوووووووول












ام النمل :

شلون يثبت يا محفوظة السلامه ..يحطون دباسة يدبسونة او يخيطونة ...او مادري والله بس شكلة غبيييييييييي جدا











جنون احساس:

قوانين السعودية...اعوذ بالله لا يحوشك













خسرتيني:

زين اشوه يعني مو بس انا :)












استكانة التكانة:

هههههههههههه اي حتى انا مثلاتج بس اهم شي اني كنت اعيب على البنطرون ولحجاب الحين قمت البسة ...يعني المبدأ مو الطريقة ...ولجناط وانتي صاجه تبرد القلب ...تصدقين بما اني ما احب الكعب وساعات اضطر له البس فلات لين اول المكان المراد الكشخة له اطله اجويس اصغير فيه كعب من الجنطه اللي تبرد الجبد هههههههه

3:52 AM  
Blogger باشـــة الغـــيد said...

يقولون من طول الغيبات ياب الغنايم :)

تبين الصج السالفه مو سالفة عياب السالفه ان الشعب بو هبه

بسرعه يهبون بالشي بغض النظر يصلح لهم والا لا

وحده حطت قوطي روب الكل قلدها وصارت هبه بالديره

انا بعرف شي واحد اهاليهم وينهم ؟؟؟ معقوله اغلب الاهالي ما تنتقد لبس عيالها !! مو داش مخي انا


على طاري العياب .. عيبت على وحده اذا توهقت والا استحت مسكت طرف شعرها ولفته على صبعها صرت مثلها :(
لا ولا حرمت ,, عيبت على اللي يعردون بلبس معين مثلا بلوزه معينه هم صرت مثلهم

ما اقول الا ليت عندي مصنع روب :P~

4:21 AM  
Blogger Shaima'a Alkandari said...

من طول الغيبات ياب الغنايم

يامرحبا بالغاليه وبيديدها

يمكن على جبن الكيري شي سمعتيه فمابالج بغيرهم شيقولون الخافي اعظم وانا اختج

الله لايبلينا والبس جذي عوع هالموضه اللى مومقتنعه فيها مابيها

والتصوير يازينه اى والله باي مكان عادي بس مرات تصورين لقطات عجيبه وتصيدين منظر موطبيعي

صح في وايد يعيبوون وبالاخير يسوون جذي

اذكر قبل كنت اعيب على اللى ياخذون اللاب توب ويقعدون بستار بوكس واقول ماعندهم بيت مثلا يجابلون النت فيه بس سويتها يوم حجزنا بمنتجع النخيل كنت ماخذته وياي

لازم مانعيب ابد على احد لان يمكن يمر علينا موقف او ظرف ونسوي نفسهم

بس لاتحطين قوطي اناناس او روب براسج

10:59 AM  
Blogger أبو إسحق said...

عودا حميدا :)

موضوع حلو و يضحك ... اكثر شي ضحكني سالفة الضحك في المسلسلات الاجنبيه .. على ايام القناة الثانيه اللي تلقينه مو عارف انجليزي اول ما يسمع الضحك في التلفزيون يقوم يضحك بنص الصاله يعني فاهم شنو يقولون لوول

تحياتي

1:11 PM  
Blogger عالية said...

اللي يعيب يبتلي لووووووول

والله ياكثر ماعيبت وجربت

عيبت على يبلسون بدي ليما انجبرنا فيها هههههه

واشياء شكثر

الله كريم

ويعطيج الف عافية

11:37 PM  
Blogger Nora said...

اقولج شي
:(
و مو فخوورة بنفسي بس طلعت عفوية صج
!

كنا قاعدين بمطعم
و تدخل تلك السيدة

عتيجة .. تخيلي معاي بليز

تنورة و بلووزة نفس الخام
اللي نقشته شنو ؟؟

اصفررررررررر منقط بأسود

اوكي

و حجاابها .. تور اسود
تطريز فوااكه الواااااااان

قومي ياا انا المنقووزرة جذي براءة
جان اقول
الله
chekeetaaa

( ماركة الموز )

شدراني ان الشباب اللي وراي قاطين اذنهم

:((

و ضحكوا ضحك و اللي معاي بالطاولة بعد

شريرة انااا الله يسامحني
بس ما ادري شلون طلعت مني

فاا حدي افهم تعليق الريال
:D

12:18 AM  
Blogger charisma said...

ههههههههههههههه
صااجه صاااجه
من كثر ما صارت فينى ما قمت افتح حلجى بشى
ههههههههههههه

اعيب على الى ينامون وايد

وابتليت

اعيب على الى يطلعون صوت بالعلج
وانا قمت لما اتعلج اطلع صوت
:/

اعيب على اللقافيه
وانا والله والله يا عتييييجه
من غير قصد الاقى نفسى ملقووووبه
لووووووووووووووووووول

اعيب على الى يغيبون وتوقف عقولهم فى امور مهمه بالحياة
انا اخس طلعت

هذا الى اذكره

بس والله قمت ما اعيب على شى
كله اتحمد ربى

اما الموقف ابيي مسكينه كسرت خاطرى
الله يهديها ليش اتسوى جذى بعمرها

12:07 PM  
Blogger charisma said...

ههههههههههههههه
صااجه صاااجه
من كثر ما صارت فينى ما قمت افتح حلجى بشى
ههههههههههههه

اعيب على الى ينامون وايد

وابتليت

اعيب على الى يطلعون صوت بالعلج
وانا قمت لما اتعلج اطلع صوت
:/

اعيب على اللقافيه
وانا والله والله يا عتييييجه
من غير قصد الاقى نفسى ملقووووبه
لووووووووووووووووووول

اعيب على الى يغيبون وتوقف عقولهم فى امور مهمه بالحياة
انا اخس طلعت

هذا الى اذكره

بس والله قمت ما اعيب على شى
كله اتحمد ربى

اما الموقف ابيي مسكينه كسرت خاطرى
الله يهديها ليش اتسوى جذى بعمرها

12:08 PM  
Blogger Diver said...

لعياب عند الباب
تستاهلين
بعدين انا شقايلج عن القطاعة ترى ابطل امر
كل يوم ايي و ما القا شي مكتوب ترى زعلتي جايده

شنو الشي الي كنت اعيب عليه و قمت اسويه .......لما نغوص كنت اعيب لي يعلقون اشياء وايد معاهم و الحين صرت اردى منهم هذا غير السواف الي بالمخابي

2:09 PM  
Blogger 3ateeja said...

باشة الغيد:

تصدقين ابوي يقولي عادي مافيها شي سالفة قوطي الروب عالاقل اذا طاح شي على راسج ما يعورج
ههههههههه
يعني وجهات نظر لا اكثر ...















شيما الكندري:

لا ماني حاطه قوطي اناناس شقالولج جيييلة عيشش هههههههه













بو اسحق:

عاد ذاك اليوم طريت على بالي في السيارة شفت سي دي للشيخ ابو اسحق الحيويني وطريت علي
المهم زين انت شخصيا ما اعتقد انك ما عيبت وابتليت
تحياتي للوالده الغالية ;)










عالية:

عادي يا وخيتي ...كل شي له شي

1:36 AM  
Blogger 3ateeja said...

احلى مهندسة:

بعد الحين مهندسة من قدج ...على فكرة ترى بخطبج دام تخرجتي مع اني مو شايفتج بس ما اعتقد انج جيكيتاااا ;p


















كريزما:

اي انا معاج بلعياب عاللقافه تالي اصير ملقوفه
تصير مواقف ما اقدر ما اتحجى فيها
يعني ياهل يلعب يم الشارع وامه عينها مو عليه ما اعرف ما اتحجى
او ما اقضبه
قلبي يعورني واحس اني افرفرررررررررررررر
تليقفي يا وخيتي

















دايفر:

اذا الثقل مال الغوص اوكي بس اذا اشياء ثانية لأ مو زين اتأذى ... عاد ابيلي فرند غوص ...شرايك
;p ?

1:46 AM  
Blogger Diver said...

احنا حاضرين فرند غوص فرند بر بالربيع انتشرف

10:31 AM  
Blogger salfa3ajeeba said...

kint a3ayeb 3la ili yalbson ilnathara wi ana l7een 24 sa3ah albisha, wi marrat adawrhaa wana labsatha:)

awal ma radeet min US cant salfat ilmilfa3 badyah wana mo9irrah 3la il7jab wi thaleet sinah mqawmah wi ba3den ritha'7t lilamr ilwaqi3 lianna '7awati ma gamo y6l3on ma3ay:)

10:50 AM  
Blogger sologa-bologa said...

كل شي أعيب عليه
وهم أسويه

لأني أنطلق من قاعدة

كيفي كويتي

:)

4:44 PM  
Blogger afyaa2 said...

عتوج دائما وانشاء الله متميزه

امم ماكنت اعيب او اتطنز
ذلكن كنت انتقد
الشي اللي عيبت عليه الحريم اللي ييبون عيالهم الحرم ويحوسون معاهم مرت الايام وتزوجت واطريت اودي اطفالي معاي الحرم يعني العمره وغشيت ع نفسي من الضحك لاني صرت مثلهم طبعا هذي اول مره واخر مره سويتها ..


طبعا ع الاستقبالات وقمت اسوي
العياب عند الباب لكن ربي يشهد مو ..تقليد لكن ظروف اضطريت اسوي شذي

بعد شنو ايييه ع الخدم اللي يطبخون بعد 3اطفال قمت اتشرق بطباخ الخادمه كااااااااااك
والله العياب عند الباب
والله يستر من الجاي

8:53 PM  
Blogger Unknown said...

الو مارينا

تفضل

انا عندى مشكلة

عتيجة تقول انا ادق عليكم :P

انا لما اعيب على طووووول اقول يارب لا تبلينى
لان من صج اخاف من اللى اعيب عليه

12:30 AM  
Blogger Abdulla Al Ameri said...

صباح الخير

انا بسمي هالبوست بوست الموووسم

لانج صريحة و غير عن صراحتنا و مثاليتنا


انا عن نفسي كنت اعيب عل واحد من الشباب لانه يعصب بسرعه و يتنرفز احين انا صرت اخس عنه ماتحمل شي
صرت اضحك على حالي

8:00 AM  
Blogger الزين said...

مرحبا عتيجه
اليوم استفتحت بمدونتج
وضحكت

غيرتي مودي على الصبح

شوفي تبين الصج انا عيبت على اللي يلبسون عبايه الجتف والملفع الأسود

الحين صرت البسها للدوام

ما عليه الستر زين

9:01 AM  
Blogger ButterFlier said...

أنا ياخوج

كنت محدر بالشباب الصلعان


و الحين صلعت :(

3:49 AM  
Blogger SAJA.S said...

شنو حركة العجله
!!!!!!!!!!!!!!!!!!!!!

10:56 AM  
Blogger عثماني said...

مساج الله بالخير اخيتي

خوش بوست ... كالعادة

اول كنت ما اواطن القعدة في ستاربكس

الحين عسل على قلبي ... مادري ليش!!؟

8:02 PM  
Blogger نون النساء said...

قبل كنت اعيب على واحد كان كله حجيه بدليات
ألحين صرت انا أزود منه وما أيمع

:/
بالحجي مو بالهذرة عالنت لوووول


.
.

قبل كنت استحي البس ملفع ملون
الحين مطقمة مع الجنطة
:P


قبل كنت رافضة اني البس عباية
الحين ما اعرف اطلع من غيرها


قبل ما كنت احب

10:12 AM  
Blogger Dana__23 said...

لووووول خوش موضوع :)
فعلا .. كل إلي يعيبون .. يسون إلي عيبوا عليه ;p

العياب عند الباب ;p

اممم الحمدلله ماحب أعيب وأخاف أعيب عشان مايصيرلي شي ..

بس عاد موكل شي تعيبين عليه وتسوينه @@ ديري بالج

الله يحفظج ويبعدج عن الشر :)

10:26 AM  
Blogger Alather said...

أهم شي أخر شي
القطة

هذا واهما ثقال .. عيل شلون الخفاف !!
الله يستر


بالنسبة للأشياء
انا اعيب بس ما يصير فيني
يصير بأهلي
يعني الواجهة
: )

خصوصا موضوع اللبس

12:09 AM  
Blogger Sara said...

السلام

مش هيدي البأرا اللي بنعمل منا جبنة كيري .. الصراحة ما جذب الولد ومعاه حق باللي قاله، ماني عارفه شلون هالمتان يلبسونه هالاسترتج ما يأذيهم ما ينشق :/

كنا نظحك عاللي يحسن شواربه ....الحين الجماعه صاروا مللللللط

وهالجملة ضحكتني وايد .. يعطيج العافية عتيجة :)

3:32 PM  
Blogger magnoonah said...

عتوج

انت وينج شهالغيبه

لا اشرايج تطولين بعد اكثر من جذي

والله انت والله

عصبت







الحين رضيت عنج
لا تعيدينها

حمدلله على سلامتج
فقدنا سوالفج والله

اما بقرة جبن كيري
قويه :))

الله يستر علينا بس


انت بس لا تعيبين وديري بالج

اخاف باجر نشوف لج بلوتوث وانت لابسه استررررج
:)))

تحياتي

11:03 PM  
Blogger طائر بلا وطن said...

لوووووووووول

موضوع عجيب يا عتيجة

تبين الصراحة .. قبل قبل في الأزمان الغابرة
كنت انتقد بعض الظواهر

و ما زلت انتقد بس مو نفس قبل سواء من حيث
الكم أو الحدة

الحياة تعلم و اشكثر كنت انتقد أشياء
الحين أسويها و بكل ثقة و راحة بال

الحين الخبرة تلعب دور
:p

بالأول كنت انتقد القصات للرياييل
و تالي قمت اسويها .. طبعا مو قصة
الديج
و لا الهدهد .. بس سويتها

لحد ما دار الزمن علي و القحط حاش
راسي هههههههههه

بالأول كنت انتقد من يخفف شواربه و الحين
ما اعرف ما اخففهم .. اتعب نفسيا


و أشياء وايد لما اتذكر بارجع لج

عموما كله من المجتمع ترسنا عقد
مجتمع "نقّاد" درجة أولى

أنا كل ما اتذكر اني بطلت اسوق قاري برابعة
متوسط خشية الانتقاد و اني كبرت ودي ابجي
ههههههه


:

عتيجة

بس لا زالت العيارة بدمنا و عموم الشعب
الكويتي الكريم .. بس على خفيف خفيف
و بشويش
:p

صباحك ورد يا رب

سوري .. التعليق أطول من يوم السبت

9:52 AM  
Blogger الاء سعود المجيبل said...

اييييييييييه يا عتووووووح قلبتي المواجع ..:(

انا عيبت على ناس والله قطني في موقف انيل منهم وحدي متحسفه الحين قد شعر راسي ...بس ما اقول الا الحمد لله واستغفر الله...:)

========


اعيب عاللي يلبسون استرج وحجاب

هههههههههههههههههه هذي انا معاج فيها حدي ما اواطنهم اللي يبون يسوون روحهم غصب طيب مو متحجبين ههههههه

1:27 PM  
Blogger Sheikha85 said...

قريت البوست بالصدفه :))
ابتسمت لأسلوبج وتعييبج :))

والله صاجه وااااايد اشياء نقول وييع انا اسوي جذي ولا البس جذي ما تمر فتره الا كلنا هابيين لووول
المشكله مو فيني وفيج وفي غيرنا الديره كلها جذي
خل ينزل شي بالسوق ثانتي يوم الكل عنده
تروحين الجامعه البنات كلهم نفس الاستايل
تمشين بمجمع كلهم نفس الشكل والألوان
صايرين بو هبه معاهم معاهم عليهم عليهم
بس تبين الصج عندنا ذوووق انا اشوق الاذواق الغالبيه في تحسن لانه الكل قام يقلد
ولو اني ما احب التقليد بس الكويتينين صاروا كلهم واحد
والله اذكر مره مسافره ولا تيني سعوديه شيلاتكم غريبه يالكويتين عندكم ذووق مررررررره حلوو متميزين
طبعاً الكشره لي الديره واصله :)

قرقت وايد جني :X

يعطيج العافية

12:40 AM  
Blogger بـركـــــان said...

عن نفسي تخفيف الشنب .. كان موديل و نتطنز على اللي يخففونه و حاليا معاهم هههههه...

على طاري قوطي الروب هل هو حقيقه فوق رؤوس البنات ودي اعرف .. فشله اوقف وحده و اسألها ...

امتعتينا بسوالفك


بركان ثائر

1:46 PM  
Blogger نون النساء said...

ترا لاعت جبدي من صورة الجبن الكيري
ترا والله أصير اكل بو ولد

هفففففففف

9:18 AM  
Blogger Q8DOLL said...

واي موتيني ضحك لوووووول
بس والله جنه تتكلمين عني
يبااااا
قالوها
من عاب ابتلى
يعني انا مثلج
شكله الخطه الخمسيه اليايه قوطي الروب !! ولو اني مستثقلتها بس هم ما أضمن روحي
بس في مشكله
تضنين بنطيح بالستريج ؟؟
يااااارب تخلص موضته قبل لا اسويها

وسالفت هيدي البئره
يا كثر البئر اللي نشوفهم وثقتهم الزايده
وصدقيني شي الاحظه
اللي اطلع هالسوالف دايما الجسم موشي
مادري ليش !!
الله يهديهم

10:16 AM  
Blogger خسرتني للأبد said...

الســ عليكم ــلام
اشلونج اختي شخبارج
عسى ماشر صار لج مده مو مبينه
اتمنى ان تكوني بخير

3:20 PM  
Blogger Shaima'a Alkandari said...

جنج طولتي

وينج عسى المانع خير يالغاليه

طمنينا ترى عن جد قمنا نحاتيج

12:16 PM  
Blogger خسرتني للأبد said...

الســ عليكم ـــلام
عسى ما شر
بس يا ليتج اتطمنينا عليج اختي

12:37 AM  
Anonymous Anonymous said...

والله مالك امان.. الله يستر منك

5:42 PM  
Anonymous Anonymous said...

عتيجة

تكفين ما صارت جبنة كيري

باجي يومين و تصير جبنة نتنة
:p

ماني قايل منو انا إلا لما تردين
ههههههههه

انشالله المانع خير
:)

11:32 AM  
Anonymous Anonymous said...

3ateejaa wench ?? 9ij long time :S enshala ur good okilshy good

12:43 PM  
Blogger Flirty said...

اخر بوست كتبته كنت اعيب فيه على الامور اللي ذكرتيها ولازلتي اتعيبين عليها

صراحه خوفتيني

اخاف بعد فتره يسونها اهلي وانا ما بيدي شي

3:22 PM  
Blogger Q8DOLL said...

شسالفت اللي يختفون ؟؟
عسى ماشر عتيجه

2:47 AM  
Blogger magnoonah said...

الكيري عفن


اي عفن الا فاحت رحته وصار شي ما ادري شيسمونه

المهم


انت وينج انا ولهت عليج انت ما ولهتي


اشتقت لج والله يعني منو يداحرني ويكلمني بصراحه ويضحكني بعفويته كثرج


عتوج والله مو حلوه الغيبه

شدعوه ما كسرت خاطرج


ترى ما بقى شي على رمضان


ابي اقول كل عام وانت بخير وعساج تعودينه وتصومينه كل عام وانت بخير وصحه وعافيه


ترى زعلانه عليج بس من ورا قلبي انت اختي الكبيره مالي غنى عنج

10:44 PM  
Anonymous Anonymous said...

مدونه رائعه

وصراحه طول ماأنا أقرا وأنا مبتسمه الين وصلت لاخر موقف وانفجرت ضحك


صراحه ماأحب أعيب على أحد

واذا عيبت فأنا عارفه اني مستحيل أسوي هالشي

ومقتنعه ميه بالميه انه غلط

سلامي لك :)

7:32 AM  
Blogger charisma said...

مبارك عليج الشهر حبيبتى
ومن عواده يا عتيجه
:*

9:56 PM  
Blogger Purplecious said...

مبــــــــارك عليـــــج الشهــــــــــر

10:53 AM  
Blogger Hungry-Healthy-Happy said...

مبــــــــارك عليـــــج الشهــــــــــر

10:54 AM  
Blogger Mamloo7a Q8ia said...

مبارك عليج الشهر

4:59 PM  
Anonymous Anonymous said...

علي سالفة الثقل والرزانة أحياناً لبس الموضة علي المرأة عند الرجل يخرج بتعليق مهما كان الثقل اللي يملكة او متعود عليه
ولكـن حتي اشكال شبابنا احياناً نضطر ان ينقط تعليق من الشغلات الغربية
وحتي لو تلاحظين أغرب شي فـ الدينـا أن الشباب والبنات تلقين أجسامهم قلب محول كهربا من كثر النقوشات الخنفشارية يعني الوضع لابد أني يكون هناك تعليق علي أمر معين من الامور الغريبة ...
مايسمي بالموضة :)

سوري علي الاطالة :)
صرت قرقة

3:03 AM  
Blogger الاء سعود المجيبل said...

مبارك عليج الشهر عتوووج...^___^

ولهت عليج..:)

7:12 PM  
Blogger أُكتب بالرصاص said...

والله يا ام مضحي
كل كلامك سليم

أقصد ان
أشياء كثير كنا نعيب عليها زمان
دلوقت صارت عادية ويمكن بنعملها

وفي حاجات كتير انا نفسي كنت باقع فيها

انت اوحيت لي بفكرة موضوع

نسيت اقولج

عساكي من عواده

10:09 AM  
Blogger Shaima'a Alkandari said...

على الرغم من عدم وجودك معنى لظروف نجهلها ونتمنى ان تكون خير باذن الله

احب ان اهنئك بهذا الشهر الفضيل

وتقبل الله

11:12 AM  
Blogger بوخالد said...

اول مره ادش هالموقع وبس قريت جم كلمه قلت خل احطّة في الفيفارت لأن الشي العتيج غراااامي

ردّي على سؤال .. شي كنت اعيب عليه وقمت اسويه

كنت اعيب على الشباب والبنات اللي يلبسون برمودا والحين صرت ماحب إلا البرمودا لسبب مهم جدا .. ينفع حق الوضوء مايحوش الأرض خخخخ

بس طبعا البنات الله يهديهم لازم يلبسون اللبس العدل

وهذي رساله اوجهها للبنات بشكل عام وحق اللي يلبسون لبس مو 100% أو أقصد غير العبايه بشكل خاص ..

ترا انا وربعي كلهم متفقين على ان البنت اللي لابسه عباتها ومحتشمه تصير أحلى مليون مره من اللي لابسه حمر وخضر وحاطه بويهها اصباغ سيجما هههه

واللي متزوجه خل تتقي ربها واللي مو متزوجه خل تدير بالها على عمرها ترى الريال يبي البنت السنعه


انا تكلمت عن هالموضوع بالجانب الديني


والحمدلله على كل حال وشكرا على هذا الموقع الرائع ومتابع ان شاء الله

8:50 AM  
Blogger 3ateeja said...

اشكر متابعتكم الدائمة :)

6:19 AM  
Blogger malee8 said...

بصراحة مت من الضحك على الي علق على بقرة جبن كيري شلون قدرتي تسوين روحج مو سامعة
بس حركة قوطي الروب مانصحج فيها لانه البنات الي يسوونها الحين راح يستوعبون بعدبن انها حركة سخيفة فما انصحج
ويعطيج العافية على هالموضوع
:))

3:19 PM  

Post a Comment

<< Home