لنذهب....!؟
تتراقص اسماعي طربا
حين ......سماع صوته
ويتهافت قلبي بدقاته حين اكون.. قربة
يتجدد يومي حيوية
حين اراه ....من بعيد
ويتلألأ شذاي فواحا حين اشتم عطره... فهيهات هيهات
ان لم اكن....حبه
...................................
أتضور جوعا ...لشوقها
وألتمس الحضور بوجودها
وأراها من بعيد ....تبتسم فأبتسم
لها ...لها ولها
...................................
يقتربان ...
وباحترام يتهامسان
والجميع يتلامز
امن شوق عينيهما؟؟
أمن طبقة صوتيهما؟؟
وتتعانق الهالات
ببعد عدة خطوات
...............................
يبتعدان من جديد
وروحيهما تختنق
يديران ظهريهما
ودمعتيهما تنحسر
تختلج اصواتهما
ليفرقهما
.
.
.
.
.
.
المذهب!!!!!!!!!
posted by 3ateeja @ 3:31 AM
46 Comments:
لا ما عليج
إذا صج يحبون بعض
وعندهم الشجاعة بجذي
بينحاشون ويتزوجون
لا مذهب يفرقهم
ولا بطيخ يعمي عين اهاليهم الرجعيين
سووها ناس
من فترة قريبة
:)
على الله ما تطلع عليهم عايدي
عقب العملة اللي سووها يتطلقون
كلماااااااااااتج وايد وايد حلوة
الختمة قوية
أذكر مرة ذكرتي قصة عن واحد يحب وحدة في الجامعة .. و آخرتها تزوجوا بس اختلفوا وايد بسبة المذهب !!
مشكلة !!
و ما أرى هذه الكلمات إلا إكمالا لتلك القصة :)
كلامج عجيب حسسني بشعور حلو...:)
بس كل واحد ياخذ نصيبه بالدنيا...:)
ايييييييييييييي يبتيها عالجرح
انتي تعرفيني ؟؟
تسلم ايدج
صج صج حركتي احساسي
نونو:
سووها ناس من فترة قريبه
وعقبها ابتسامه شاقه الحلج
يالله سترك بس
ولد الكويت:
احب الناس اللي اتتابعني ...اشعر اني شي ما حصل
وفعلا وايد ادندن على هالموضوع لأن موضوع عام ويحتاج من الناس الى وقفه :)
كوكو:
اوصفيلي الشعور يعني شلون بالظبط
مثل شعور موظفه مكروفه اييلها بوكيه ورد بنهاية الدوام مثلا ؟؟؟
;p
كويت دول:
ما يبيلها معرفه
نص السنيات حبوا شيعة ونص الشيعة حبوا سنة بحكم المثل الكويتي المشهور
صخلة الفريج تحب التيس الغريب
طبعا هذا مثل وتكرمين عن لصخله :)
ويكرم عن التيس
;p
اذا اختلفت المذاهب الزواج صعب ينجح..من الاصل السنى يبتعد عن الشيعية والعكس ايضا ..
...
انزين كل هالشعر كاتبته عن الحصان الابيض الى لاحقة الحصانه البيضة جدامه ..؟؟
من الحين عتوج عيدج مبارك لانى ادرى ماراح تعلقين الا بعطلة 15 ...
وحتى اقتراحى شكله بيروح على..
انتى الخسرانة :)
Life is SHORT
و ترى الموت ما يفرق بين سني و الا شيعي
كلنا بشر.. عيال ادم و حوا
خلو العالم تتهنى بهالدنيا الزايلة
وبالنهاية كل واحد يتحمل مسؤولية
قراره
بس نصيحة للي يمر بتجربة من هالنوع
ان يتأكد من الشخص الي بيرتبط فيه
و يفكر بعقله قبل قلبة
و بالنهاية
يا بخت سعيد بسعيدة
و سلامتكم ;p
كظماوي:
مبين اقتراحك فيه ريحة زواج
فمن الحين اشوه انك سحبته
;p
reflction:
وانا اشد على ايدج ...الله بهني سعيد بسعيدة :)
لا يتزوجون :)
يظلون يحبون بعض!
التضحية بالاهل صعبه مهما كان السبب
ههههههه
عتوج لا يكون واحد فينى شيعى والثانى سنى
لوووووووووول
يبا والله مو زواج شفيج لاتسوين روحج مو ميتة على تعززين يعنى ؟؟
انا اقتراحى موجود للحين لكن ماابى اقوله على الملأ علشان ما تفشلينى وتدقرينى اعرف سوالفج..
تحبين التقدر
لووووووول
كلمات تشد القارئ
تسلم يمناج
اختلاف المذاهب من اكبر اسباب تشتت العيال و فشل الزواجات
هي فعلا دنيا زايله .. نستمتع فيها و نحب و و و و .. بس اي متعه هذي بالتدخل بالدين؟
العيال سنة و الا شيعه؟
طبعا هذا غير فتاوي العلماء "الكباااااااار" بعدم جواز زواج السنيه من مذهب اخر
و يحضرني قول بن عثيمين رحمة الله على بعض فئات الشيعه ممن يكرهون ام المؤمنين عائشه رضي الله عنها و يسبون الصحابة سواءا علنا او بالقلب "اكو شيعي يحب عايشة و ابو بكر و عمر رضي الله عنهم؟"
: من شك في كفرهم فهو كافر
فكيف بسبب حب دنيوي زائل نوافق على الزواج و نباركه رغم اختلاف المذاهب؟
المذهب صح يفرق ناس وايد
بس اذا الله كاتبلهم يكونون متزوجين راح يتزوجون ووايد امثلة بالديره
بس قوي الحجي:)
اقول انا مو قايلج انتى ما تنزلين بوست الا حزت المعاشات ما تصدقين
:))
هههههههههههههههههههههههههه احبج يا شقول
;pPp
الحب ليس روايه شرقيه ،بنهايتها يتزوج الأبطال
!!
ربما ..لتدوم تلك الرعشه
ويستمر الحب بمستوى تلك اللحظة
لابد ان يفترقا
!!
ممكن تجاوز العديد من الفروق في سبيل الحب،الا فرق المذهب
فتلك عقيده
تجاوزها صعب جدا الا اذا تنازل احد الطرفين عن مذهبه
واعتقد ان هذا امر اصعب
هذا بالنسبه للبوست
اما بالنسبه لاحساسي هذي اللحظة:
اشتقنا لك
تدرين؟
على كثر ما يتزايد عدد البلوقر
وعلى كثر الناس الطيبه لي هني
لصدقك
واحساسك
وخفه طينتج
وروحج الحلوة
احساس اخر
ووجود مميز
لا يحل محلك احد
لو سمحتي
لو سمحتي
عشان خاطر كل قلب يحبج
لا تطولين الغيبه علينا
:**
هل ممكن ان تقبل دعوتي ..
دعوهـ الى جميع مدونين مع التحيــة ..
http://mbet0hm.wordpress.com/2007/12/16/wordpress/
اتمنى ان تتقبلوا دعوتي وزيارة الموضوع باسرع وقت ممكن !!
لاننا نحبكم ونتمنى لكم الخير دائما وابدا
احترامي وتقديري للجميع ..
مضيعه بيتهم
مشكلة هالمذهب
انا الى الله و ان اليه راجعون
:(
والله الموضوع مو جديد
الاحصائيه الاخيره 2007
لوزارة العدل اعلى معدل نسبة
طلاق هي بسبب المذهب
والسبب الكارثه هم العيال العيال العيال
وليس الزوج والزوجه
لان المجتمع دين..والدين يشكل بالنهايه انتماء الانسان
وخاصة ان الغالبيه العظمى
غير متفقه بالدين ..لا الشيعي ولا السني ..ويكون دفاعهم بالفطره فقط..حتى الي لايصلي
ولا يصوم ويصنه ..يكون بعد الزواج بن باز او السستاني
بالنهايه..المجتمع الكويتي
غير ناضج لزواج المذاهب المختلفه
كالدرزي او العلوي السوري
ليش احنا نركض على سنة وشيعة الكويت
ولكن الاثنين منهم عندهم الزواج
عاااادي من المسيحي او المسيحيه
انا بوجهة نظري
ليش يتفارقون ؟
افهموها كما تفهمونها
مافي داعي للفرااااق .. ابدا ابدا..الي ان ان ان
فمالله
مع انج كشاتة ...وتطنشين وايد..
بس امرى لله
ابى اقولج عيدج مبارك وكل عام وانتى بخير
كل عام وانت بخير يا عتيجه وعيدج مبارك حبيبتى
:)
عيدك مبارك
و كل عام و أنتي بخير
:)
عيدج مبارك يا عتيجة
وعساج من عواده
^_^
مو هذا القهر المذهب يفرق وايد ناس
الله كريم
متفرقات جميله فشكرا لج يالغاليه
:::
عيدج مبارك يالغاليه
عيدج مبارك وعساج من عواده
:)
اذا انتي كاتبة هالكلام انصحج تنزلين لج كتاب او تسوين بلوق خاص لهالكتابات
---
طبعا فكرة الموضوع خطيرة
والخاتمة تصدم وهم اختيارج للالوان عجيب خصوصا فقرة(يبتعدان)لونها لايق عليها
الصورة حلوة بس مو وايد لايقة مع الموضوع(نقد بناء)بس بصورة عامة خوش بوست
---
ادري تفلسفت وقرقت بس عجبني الموضوع
:)
ما قلت انج تطنشين وايد ..
والمشكلة ما اقدر لازم ادش على البلوق ..
ودى ادعمج واصعدج الرصيف..
مالج الا عذر واحد اقبله منج..انج رايحة الحج اما غير هذا يا ويلج ..
باى
عجبني الاسلوب جدا
واختيارك للكلمات
عساكم من عواده يا ام مضحي
صج صج صج صج انتي فناااااااااانه
امبي يبتي شي على الجرح
يعطييج الف الف الف عافيه كلمات ولا اروع
اسلووب عجيب بالطرح
و فكره المفهوم المشاعر الي بالكلمات
قويه و عميقه
يعطيج الف عافيه
salamz sweetee...
أكره الفراق
عــــــــاجل جدا :- دعوة الى كل مستخدمين البلوق سبوت
1-
http://mbet0hm.wordpress.com/2007/12/16/wordpress/
2-
http://7lablog.com/archives/359#comment-1369
ولمعرفة طريقة الانتقال من البلوق الى الورد برس بدون ضياع اي موضوع لك
ادخل الرابط التالي
http://brhom.net/?p=274
ولان الورد برس احسن ندعوكم للانتقال الى حي الرخاء والراحه ..
****
وان كنت تريد ان تفتتح لك مدونة وماتعرف الطريقة
زور الموقع التالي
http://lacadette.wordpress.com/
مع تحياتي
مضيعه بيتهم
http://mbet0hm.wordpress.com/
زور الروابط مابتخسر شئ ابدا
أخلاقنا...اسلامنا
إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله
...................
من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
...................
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
Group Email Addresses
Related Link
http://groups.yahoo.com/group/akhlakona/www.ana-insan.blogspot.com
اين انتى
طالت الغيبه
طالعى بلوقج ياعتوج اخر عمره صار جريدة الوسيط حق بلوقات خلق الله زين جذى عاد ..؟؟
يلا ردى يبا شفيج سلامات خرعتينا عليج يامعودة ..؟؟
موضوع قمة في الشاعرية
ولكن الأنسان يجب أن يحب بعقلة وقلبه
وأن ينظر لواقع مجتمعة قبل أن يسير في طريق آخره الم وغربة .. وصبابة
حسافه النهايه تعور القلب
:(
تسلم ايدج
وينج
طولتي يالغاليه
اذا كان في اتفاق فكري
ف هالاتفاق راح يتجاوز اي اختلاف
الزواج بين السنية والشيعي والسني والشيعية خطأ خطا خطأ اولا افتراق المذهب سبب كبير ثانيا انا كسني لايمكن ان اقبل ابنتي او اختي ان تتزوج من رجل دينه لعن عمر وابوبكر وعثمان وعائشة الدين فوق الكل وهذا دين.
الموضوع بكووووم
و الصورة بكووووووم ثاني
يعطيج العافيه
عن نفسى ما راح انساج
وما امل من الطلة علىالبلوق
لما تردين بالسلامة
بس طمنينا يامعودة عنج
:(
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Servidor, I hope you enjoy. The address is http://servidor-brasil.blogspot.com. A hug.
ان شاء الله دوم
بخير
عتوج صج الاشاعة انج بترشحين نفسج للانتخابات :)
اين انتي
يبه وينج
طمنينا عليييييييييج
يا للحسرة
الى متى وجع القلب هذا؟؟
وأين أنت؟
omwaaaaaaaaah walhana 3alech..;***
Post a Comment
<< Home