احب من لا احب!
تراودني الأحلام
بين الفينة و الاخرى
لعل طيف من اردت يخطف تجاهي
ولعلي طيفي يخطف تجاه الجميع
لماذا انا هكذا؟
اشاهد علاقتي معك من منظور آخر
من اتجاه مغاير
من طبيعة اخرى
تتقاذفني الاحلام
الامواج
وتساؤل يدور في ذهني
لماذا انا هكذا
اهي طبيعتي الملتهبه التي تحتم علي ذاك الشعور
احمد الله كثيرا ان لي نظرة اعواجاج
والوم نفسي كثيرا تحت بند "الى متى هلعوية يا...."1
يقف شعور التعود حائلا بيني وبين الحب
فأنا لا احب
ولكني
اتساءل بين الفينة و الاخرى عن شعور مجهول
يدور في داخلي تجاه الجميع
احب من يحبني
ولربما من لا يحبني
ومن لا احبه ....كيف !!!؟
اقسم اني اجهل ذلك!!!!!؟
اقسم اني اجهل ذلك!!!!!؟
posted by 3ateeja @ 2:51 PM
21 Comments:
سمعي اغنية احبك واحب كل من يحبك
كل ثمان ساعات
فريج سعود حرام عليك
شنو مضاد حيوي
:)
عتيجة حبيبتي
انتي تكتبين بس مو عن نفسج؟؟ صح؟؟
حبيبتي
المكتوب هذا سببه الغموض
وعدم الافصاح عن المشاعر
هذي صفة رجال العرب
ما يقدرون ينطقونها
والاصعب لما ما يحسون انها مفتاح السعادة الاسرية
يمكن لانهم يفكرون بالسعادة من ناحية وحدة
بس الله يعين الي بمكانها
اقصد صاحبة الابيات الشعرية والكلمات المنمقة
تحياتي: منال
الحب اسطوره يعجز اللسان عن وصفه
فالحب هنا مفقود ؟؟؟؟
وحب من طرف واااااحد حب ميت بلا روح
تمنياتي لك بالحب
حتى أنا أعاني من نفس المشكلة .. ما أكره اللي ما يحبني .. بالعكس أوده !! ما أدري ليش !
يبيله وصفة فريج بو سعود
:P
خخخخخ
ماكو غيره بندول كل 8 ساعات:)
عجيبه هالدنيا عقلنا قاصر عن فهم الي فيها
اذا كنتي تقصدين انج تحبين الكل حتى الي يعادونج فذا دال على حبج لاخرتك
موفقه
اليي يحبني حبته العافيه
واللي ما يحبني ما يشوف شر
احب اللي يحبني
واشفق على اللي ما يحبني
لوول انتي قولي جذي تضبط :)
عتيجة
الله يسامحج
بغيت ابجى زين
ذكرتينى بالشاعر الى يقول
احبها وتحبنى
ويحب ناقتها بعيرى
لووووووووووووول
شوفى انتى الحين تكلمين من صج والا بس حجى انترنت وخرابيط
علمينى لان لكل حالة جواب
اذا حجى انترنت وخرابيط اقولج دقى على الاخ د فوز( فوزية سابقا)
بعد خبرج راعية المثل
كلما قربت المخدة
كلما زادت المحبة
جنة المرة متزوجة نداف مو ريال
..
اما اذا الحجى صج
فانا امتنع عن التعليق
لان اعرف اهل شرق
اذا عصبوا ويتهم العرة
الواحد ينحااش منهم
..
اوكى اخيرا
مشروعى جاهز اقوله والا المزاج مو مضبوط
يلا علمينى
ترى موجود هاليومين
قبل لاااروح
باااى
هذه طبيعه بالانسان
وصعب ان الواحد فينا يغيرهااا
عتيجه
الحب نعمه القلب النقي نعمه
حب من يحبج نعمه و هم بعد حب
اللي ما يحبج نعمه
مرات اقول ليش ما اكره اللي اذوني
او جرحوني و هالجرح دليل
على عدم حبهم لي
احاول بس ما اقدر لان قلبي احسن من
قلبهم و بالعكس حبي لهم شفقه عليهم
لانه في قلوبهم مساحه للكره و البغض
و عسى ربي يحبج و يحبب فيج خلقه :)
أنا أعتقدإنج ما تكرهينه لشخصه
يعني مثلا أنا ما أكره أي انسان اذا بكره فأكره طبعه مو أكثر
و الحب شعور حلو
الغريب فينا إنا دايما نسأل روحنا ليش نحب فلان و اشحقه و عشان شنو ؟
مع أنه كشعور حلو و رائع و ممتعنا هالاحساس
بس عمرنا ما سألنا نفسنا ليش نكره و اشحقه و عشان شنو ؟
غريبه صح
تظل مشاعر الحب حلوة و حمدي ربج انج ما تكرهين و قلبج أبيض و صافي
سلامي لج :)
فريج سعود:
ماكو فايدة
منال:
لا اكتب عن نفسي ومشاعري :)
موضوع لويه وحوسه
عبرت عن نفسي بهالخواطر
مشكورة حبيبتي
صبا:
الحب من طرف واحد ...لايحوشك
ولد الكويت:
لا مشا الله عليك ...علشانهم تهتم بحبهم
;p
bu su3od:
تقدر تقول جذي
وعسى الله يجعلنا وياك طلابة آخرة
مملوحه كويتية:
هذا اللي يقول اذا الناس ماحبوني آكل وابقق عيوني
كفو
شلالات:
لا ما اشفق عليه
احبه واحاول اساعده
يعني مادري شقولج
كظماوي:
يحب ناقتها بعيري
انثت الناقه
نداف
لوووووووول
انت ويا مشروعك هذا اللي مو راضي يخلص
شوف اذا زواج انسى
لأني ما اتزوج جياكر
اعذرني على صراحتي
شيما:
تهقين جذي يعني
قلب طفله:
حبتج العافية
الله لا يحرمني من طلتج
الكويت حبي:
هم مشكلة اذا حبك انسان من كل قلبه وماقدرت تعطيه ربع اللي يعطيك اياه
!!!
شعور غريب صح
ما ادرى ليش ذكرت اغنيه البلوشى معنى ما اوووطنه
حبى منهو يحبك والذى حب حبك والى ما همه قربك لا تردله وتناديه
_
والوم نفسي كثيرا تحت بند "الى متى هلعوية يا...."1
يقف شعور التعود حائلا بيني وبين الحب
قلتيها التعود
احس الى ما يعرف يحب مرتااح
:/
ان شاءالله تكونين بالف خير يا عتيجه
:*
لووووووووووول
شنو زواج ذبحتينى بالزواج والله مو زواج شسالفتج عقدتج عبير احمد
لوووووووووووووول
اول شى الحمدلله على سلامتى
الشى الثانى..موضوعى ما ينقال على الملأ..لازم اساسرج شلون يعنى ..فرضا ما عجبج ودقرتينى تفشلينى جدام كل هالامة ..يلا خلصينى وحددى موقفج يا ام المواقف المباركة
لوول
اى شى :)
طبقي نظرية "فريج سعود " شكلها تنفع
:)
عتووجة
وينج
ما كو شيء يديد ؟
يالحلوه وييينج
اتوقع عتوجة ترد عليكم خلال ثلاث شهور من الان اذا كان لها خلق
وبعد ستة شهور اذا مالها خلق
وترد باجر اذا كانت معصبة
وسلامتكم
قالوها الأوليين
"إلي يبينا عيت النفس تبغيه ... وإلي نبييه عيا البخت لا يجيبه !!"
:)
يعطييج العافيه
سمعتي انشودة حمود الخضر
عجيب امر دنيانا عجيب
غريب ما ترى فيها غريب
تراها تجمع الاضداد حتى
يحار منها الفطن اللبيب
عجيب امرها
:)
:9
Post a Comment
<< Home