معصبه :@
الجو حار
الجو رطوبه
الجو غبار
لغبار يجثح
الشمس حنانيه
لاهووووووب
واااااااهيي
بو زليقه بالطريج
وبعدييييييييييييييييييييين
بس
ما لاعت جبدي من الجو والله لاعت جبدي من التحلطم والتقرطم
يعني بالله اللي قاعد يتشكى ويتحجى من امتى وهو كويتي
توه؟؟؟
؟؟؟؟هالسنه بس
يعني طول عمر جونا هالشكل
والله هلغبار اللي ياينا هقوتي غضب من الله
على عدم رضا الكثيرين منا عالجو
اخذوا الحين
لاطلعه ..ولا بطيخ
ربع الحساسيه خل يقضبون ارضهم
والربو
والجيوب
والخ
وربع الحداق ايضا خل يستريحووون
وربع القنص والتيربع بعد
ولمطيرجيه
واللي عاجبه الجو الحين خل يقول عاجبني
يا جماااااااعه هذي ديرتنا ديره حاره ورطبه صيفا ..مناخنا صحرواي ..اللي مو عاجبه يغير جنسيته ..لأن هذا جو لكويت من عمر الدنيا ..يعني ما اعتقد في احد شاف صورة امه بشهر العسل اتمرغد بلسنووو بالمطلاع ولا بعريفيان علشان يحتر
قولوا الحمدالله يا ربي
الله ياخذ ويعطي ...عطانا البترول ولفلوس
وعطى غيرنا الجو الحلو والمناظر ومن غير فلوس
وعطى غيرنا شي ثالث
وهذي الدنيا ناقصه وما كامل الا ويهه
والله يعافي التكيييف بدير ثانيه كل سبعين نفر تحت مكيف
هذا ان وجدت
حمدالله يا ربي عالجو
واذا صار لشتا قالوا برررررررد ويدش بالعظم ومادري شنهووو
كويتييين شيرضيكم
يعني ما اشوف اي دوله بالخليج يتحلطمون كثرنا
حبيبتي ممكن آخذ من وقتج شوي
يا حلوج يالحبيبه
اببردج
ابحرج
برطوبتج
بغبارج
بعافورج
بدردورج
بكل اجوائج احبج وراضيه فيج على ما انتي عليه
بس عسى انتي راضيه علي
ومسحيها بويها
جان في احد من عيالج مو معجب فيج
بعد شتسوين عودتيهم عالدلال
تحمليهم شوي
ترى اهم يحبونج
بس مثل العومه
ماكوله ومذمومه
شتسوين بعد
عيالج ولابد منهم
وعسى الله يهديهم ان شا الله ويصخرهم لج مثل ما تصخرتي حقهم
واللي مو عاجبه الجو
يغير جنسيته يا عيال جنييييييف
posted by 3ateeja @ 4:12 AM
22 Comments:
احنا ناس ليل نهار نتحلطم
شي عادي للكل واساسي عند الاغلبية ومو معناتة مانحب الكويت بالعكس
اهل بو زليقه معذورين
يسعد صباحج
لووووووول
انا عن نفسي اموت على الرطوبة
زينة حق البشرة
:P
ومن الملاحظ ترا محد يتحلطم إلا على كبر
خبري يوم احنا صغار ما نشكي من الجو حار ولا بارد..
اتلاقينه اربعه وعشرين ساعه مرتزين بالشوارع
:/
جيل المكيفات بعد
تصدقن كل ما اسمع احد يقول حر و لا غبار او اي تحلطم عن الجو اقولة لكويت هذا جونة من عرفناها و دايما يقولولي انت دايما اتفلسف و انا عند ربي صاج هذا جونا لا و اذا تذكرون المدارس على ايامنا ما فيها مكيفات يعني بالحر والبرد ندرس و نفهم و نمتحن و ننجح و نلعب العاب تعودنا بس الحين الناس صايرة تحب التحلطم
لا و عندي حل لهم يبا من يصير شهر 3 قبو من لكويت لين شهر 11 تعالو لا و الزين راح تخففون علينا لزدحام
على راسى ياالكويت
وبقلبى محبتها
الله يحفظها لنا
ديرتنا مالنا غناة عنها
:)
تسلمين يا عتيجة :)
عاشوا عيال شرق وبناتها المصونات
عاجبني الجو
هوا و الغبار مبردين علينا شوي
لو ماكو هوا ولا أكو غبار جان انشوينا
=D
و يا حلو الكويت
بحرها و بردها
برطوبتها و غبارها
بنهارها و ليلها
يا حلو الكويت بكل أحوالها
و بيني و بينج لما نتحلطم .... نتحلطم لأن ما عندنا شي نسويه غير التحلطم
=Pp
انزين ليش اتصارخين
ليش ما تنصحينا بهدووء
خرعتيني بالصراح عتيييييجه الله يسامحج
شوفي انا مو م من مواليد جنيف
لكن وووووووووالله يا رفيجتي لازم نعترف ان الحر هالسنه يانا امبجر وايد
وواهي وواهي مو طبيعي
عرفتي
اللله كريم
انا عن نفسي بشتري بيت في النمسا
و بعيش هناك في الجبل ؟؟
بس مدري اسبطلعوون جيراني
اخذلج بيت يمي ؟؟
تعوذي من ابليس
انا اخاف اذا ما تحلطمنا يسحبون الجنسيه:pP~
والله شي واحد محتاجينه
نقول الحمدلله
حمدلله على كل شي عندنا
القناعه الداخليه بديرتنا بالنعم اللي عندنا:)
صج لسانج يا الشيخة
شلون الكويتى يصير كويتى بدون ثلاث اشياء
تحلطم
قرض
كشخة على الغاضى:)
اقول ابوى انتى عتوج
انا واحد ولدت بالنزهة وترعرت فى القادسية وتسلقت سور مدرسة صقر شبيب
وطقيت مرة محاسب بالجمعية وانا عمرى 6 سنوات
يعنى الغبرة والطوز منى وفينى بس يبه الواحد كبر وصار عندى مزاج نفس الشياب
كويتي :
يعني انت من ربع التحلطم والتقرطم ..قواك الله
بس اذا بتحلطم لا تحلطم جدامي ترى اصير وحش
نونو:
وانا بعد احب لرطوبه ..وولهانه عليها بس مو شي حق عدسة الكامره وقبل وانتي صاجه واحنا يهال انهيهي بهالشموس ولا همنا ولا نتعب ,,,وانا لي الحيني صغيره انتي اللي كبرتي :P
دايفر:
حمدالله لقيتلي احد مثلاتي
تشرفنا
خل نفتح جمعية نفع عام نسميها القناعه كنز لا يفنى يا يعال جنييف
شرايك
ساره:
ما ارضى على ديرتي شسوي
بس والله انت لكم الله الصراحه
وماعندكم رطوبه لأن ما عندكم بحر بالرياض
انا لو اعيش بمكان ما فيه بحر يصير فيني شي ..الله يعينكم والله يا وخيتي
زين قولوا حق مجلسكم البلدي نبي نهر صناعي
بحيرات شي شيات
سمعت ان في شاليهات صناعيه عندكم بالرياض ...صج <<< ترى عمري ما زرت الرياض
كظماوي:
انت عقب ما باسك الرومي وانت مزاجك مرتاح
كل ما ظاق خلقك روحله ما اوصيك
:P
مها:
اذا ما عندج شي لا اتحلطمين
كتبي لنا قصه ونزليها بسرعه مو مثل قصة جوري سنه على ما خلصتيها
لوير:
انت بالذات ودي اصرخ بأذنج صراخ اليهد
لأن حتى الصوره اللي حاطتها اللي مطلعه الزند جلللللللحه وملحه
وانتي كنتي من ربع لمهايل بالسكيك ولشموس
مادري شاللي تغير يا ام بشره حساسه
غيري ملفعج الاسود اللي يسحب وراج وحطي ملفع ابيض ..قطن ولا تصرخين وايد بالجلسات والجو يصير ماكو احلى منه
:P
نيديه يطلع منها بيت بجنيف
ماظنتي سألوني انا
استكانه:
مادري ليش احس انج من شعبة المتحلطمين والمتحلطمات
جذي احساس
ودامج قلتي الحمدالله على كل حال
بشيلج من الحسبه :)
مشاري:
ما شفت شايب يتحلطم
شحلوهم الشياب قاعدين بالقهاوي
لا مكيف
ولا حتى بنكه
محد يتحلطم الا الجيل العشريني والثلاثيني
اما الشياب يا حلوهم والله ويا زينهم ..حتى اذا دشيت ديوانيه شياب تلقاهم صاكين الكنديشه
تعور ضليعاتهم
تدري اليوم تذكرتك
رايحه شرق
شرررق تعرف وين شرق
تدلها
المهم جان اشوف لافته حق الهارووون
قلت وين مشاري عنها ومت ظحك
قلت وييييييييه شيايبه شرق
والله صاج مشاري
:)
والله انا كل شي عاجبني بالكويت الا شي واحد...اعتقد الكل مو عاجبه هالشي مو بس انا
اوووووووووو هذي الكويت وصل على النبي
جك جك جك جك جك
عليه الصلاة والسلام...^___*
انا حلطووووومه؟
انا اذا تحطلمت اكره نفسي احس روحي سيلانيه،واذا ياني التحلطم ما يصير الا عند احلى انجنيير وعليه
:D~
الحمدلله على كل حال
بس عشان تشيليني من الحسبه نهائي
:))
بوصالح:
قال رسول الله صلى الله عليه وسلم : كما تكونوا يولى عليكم :)
اخيتي صبحه:
يصير تعلقين ونص وجان تبيني اعزل وتاخذين البلوق حقج هم على راسي
يقولون عندكم ثلوج وهليام بيزرعون عنب عندكم صج؟؟؟!!!
كوكو:
:) حطي شمسيه حفاظا على البشره
استكانه:
تصدقين اليوم ابوي يحاجني بنفس السالفه يقولي اللي مو عاجبه الجو مو كويتي
ههههههههههههه
الوالد طلعهم من الوطنيه مره وحده
شوي شوي يا معود
قلت له مو كويتي مره وحده
جان يقولي ماتدرين يابنيتي ان بهالوقت اندور لكويتي بين لكويتيين
عنصري حده هاه لوووول
لما كنت صغيرة كان الجو ما يعنيلي وايد
و يضيق خلقي لييه قالوا سفر
كنا نبي الشاليه و البحر
والسياكل
بس أعتقد الحر هالأيام و خصوصا السنين إللي طافت زاد مو بس بالكويت في جميع دول العالم
والتلوث زاد و الجو صار مزعج من الحساسيات
أول أموت علي الشتا
ألحين ويا لعيال كل سخاين و أمراض
من طبيب لي طبيب
عوار الراس من التكييف
المشكلة بعد إنا كبرنا
فإستحملي حنتنا
هاهاهاهاهاهاها
واااااااي يتخيل شكلي عمري 50 سنة و عندي بلوق
بغير إسمة من ريما لييه
حنة و لوازمها
يااااا حلوج يا عتيجه وحلو كلامج
الله يعز الكويت ويخليها لنا
عمار عمار يا كويت
احبها البردها وحرها وخيستها
بس حلوه
وليييييييييييين و انت كلا حاطه دووبج دوب هالملفع الطويل
لازم اقولج ان يايني صووغه من وحده رايحه العمره
ذبحتيني جدام الناس فشلتيني
يبا نيديه ماني شاريه شي
تبوووووووووون اتغير عطووني
اما اشتري وييييييييي انسى مالج امل
ريما:
والله محد تغير الا احنا الزمن ما تغير يا وخيتي :)
سمايل:
اكيد تحبينها وخاصة يوم عاندتي ريلج ورحتي مشيتي بالحر هههههههه تذكرين بوستي مال لعناد
لوير:
هالملفع عندي مثلاته واايد والله حلو ومريح بس الفه لفتين ما اخليه يسحب وراي جنى اكليل
كيتي:
يا حياج الله ..هذي الساعه لمباركه يا وخيتي ..ومثل ما قلتي ما يحسون ليما يفقدووون كويتيين ماكو فايده
صدقيني ما جفتي الرطوبه
انتوا اللي عندكم حر ووهيه وسموم
احنا رطووووبه بكل معني الكلمه
حياج عندنا بس شهر 7 و8
الحمد لله علي كل حال
:-)
لا شايفتها يا زين البحرين والله برطوبتها وحرها وبردها...انتي ما تدرين شكثر احب البحرين :)
best regards, nice info »
Very cool design! Useful information. Go on! » » »
Very nice site! »
Post a Comment
<< Home