عتيجه ...اديبه بو طقه

قصتي الثانيه ..اتمنى ان تحوز على اعجباكم بدات فيها بتاريخ 10يونيو ولكم الجزء الاول منها ..رايكم يهمني

جدا

جدا .

ادري بتتعبون والاغلب ما راح يجزئونها بس شسوي :)

سأنهي قصتي بسؤال...يحتاج الى اجابه؟؟؟

..اللوحه مستعاره من احد المواقع

اليكم البدايه .

.

.

(حب أربعيني!!!)

منال:احمد وينك ؟؟؟
احمد: حبيبتي رايح المؤسسه عندي اجتماع
منال:وانت من ييت لكويت وانت اجتماعات بشوفك يا ريال قبل ما تسافر ما يصير جذي
احمد:شوفي عمري عقب الساعه 12ونص يخلص اجتماعي واعطيج خبر اذا انتغدى اليوم يمييع ولا لأ
منال:لا مافيها اشوف مليت وانت كل يوم يا معزووم يا تأجل ما صارت
احمد:غمضي عينج ببوسج
منال:شلون اغمض عيني قاعده اسوق تبيني ادعم
احمد:رايحه الكليه؟؟
منال:اي
احمد: وشلون تبين تشوفيني وانتي رايحه الكليه
منال: صج يبي الفكه...يعني الكليه ما تخلص؟؟؟؟ ..الساعه 12 ووربع تخلص محاضرتي وعندي محاظره الساعه ثنتين بكشت فيها ..شنو كل يوم بشوفك انا .. ؟؟؟؟
احمد:لالالا والله مو عن شي لا تكشتين بمحاظرة الساعه 2 اهم شي دراستج
منال: من قال اهم شي دراستي انت اهم ..احمد ..انت بتسافر علاج مو لعب ..وانا ..-تسكت -1
احمد: وانتي شنو كملي شفيج سكتي؟؟؟؟
!!!منال: ماكو شي
احمد: اكمل بدالج ...وانا خايفه اني ما اشوفك عقبها ..عدل ؟؟؟
منال:الله يعطيك طولة العمر ..عمليتك بسيطه ان شا الله ويسونها بلكويت ما يصير فيهم شي والاعمار بيد الله
احمد:والله انا انسان مؤمن ان هالعمليه لا راح تجدم من يومي ولا راح تأخر .... وان شا الله بتشوفيني وبتملين مني ..
منال:امل؟؟؟!!!!من صجك
احمد: اي من صجي تملين وتطق جبدج بعد
منال:بلاك ماتدري
احمد:لا ادري عن كل شي ..يالله منولتي وصلت غرفة الاجتماع ..وقاعد احوس بالتليفون يمها جني مراهق
منال:مراهق بالاربعين ...خوش اسم لمسرحيه يديده
احمد:ههههههههههه اموت عليج يا المينونه ..مع السلامه
منال: مع السلامه

يرن هاتف منال ...امها

منال: هلا يما

الام:منال يما فكرتي بموضوع ولد غنيمه ترى شاريج

منال:يما انا ما افكر بالزواج حزة دراستي...

الام:مستعد ينطرج

منال:خل ينطر عيل شوراه

الام:شنو شوراه

منال يما توج تقولين مستعد ينطر

الام:شوفي اهوه مابذنه ماي وواليوم راح ااي يخطبج من ابوج يعني حتى مو خطبه حريم

منال :حياه الله...بس ترى بفشلكم ..انا قلت لج

تغلق منال الهاتف قائله في نفسها ..راح اردد الخطاطيب لين اعنس ..واطيح بجبدهم ويظطرون يزوجوني احمد

.
احمد في غرفة الاجتماعات قائلا في ذاته ..انا صج احب ؟؟؟ولا غشمره ..من صجي توني احب يوم وصلت هالعمر من صجي اسهر اذا ماياني منها مسج ..من صجي اذا سمعت صوتها ارتاح ...من صجي ولا اتغشمر ..ياناس احبها ...بس انا ريال عووود مو ياهل علشان اعيش قصة حب من يديد

.
تترجل من سيارتها الى الكليه..وهي بتفكير هل يا ترى سترى احمد اليوم ام انه سيتأجل الموعد بسبب الزامات احمد الاجتماعيه ..بيت فلان غدا وبيت فلان عشا وحتى الريوق ينعزم عليه ....تقول بصوت مرتفع وهي في ممره الكليه ....وااااااااااااي ما صارت
يلتفت عليها ..ثلاثة طلبه وعلامات التعجب واضحه على وجوههم
تستوعب تصرفها ...تسرع في المشي تجاه محاضرتها
وفي اثناء المحاضره...يشرح الدكتور ..وهي مستغرقه في تفكير .. متسائله في نفسها

يعني شفيه احمد
ليش اهلي ما يرضون اخذ واحد اكبر مني ب 25سنه
شفيها يعني
احبه
ويحبني
وما بينا اي حاجز ...لا بالتفاهم
ولا بالعقل
ولا بشي

حبيته بالنت ..والنت ما فيه حواجز

النت ما يفرض علي عمر

اخاطبه بعقلي ويخاطبني بعقله
الناس كلها تعتقد ان قاص علي ادري
وايضا في ناس تعتقد اني طمعانه فيه
بس انا احبه
احبببببببه
فهموني يا عالم
حتى اهوه مو مقتنع
كل ما يشوفني ..واتمشى معاه بمكان يقولي يحسبوني ابوج ..
تسترجع موقفهم حين ذهبا الى احد المطاعم في الفحيحيل ....
احمد: منال ..بوكلج
منال:عادي
احمد :فجي حلجج
تفتح منال فمها بأبتسامه مخفيه
احمد:تدرين ...الناس تحسبنا شنو
منال بإبتسامه ...شنو؟؟؟
احمد:يحسبوني ..ابوج..مطلق امج ومسجل البيت بأسمها وطاردتني..وانت تشوفيني من وراها
منال بظحكه مصطنعه :ههههههههههه الله يقطع بليسك ...وصفك دقيق
تتسائل ....لييييييييش يا احمد مو مقتنع انك تناسبني ؟؟؟؟
والله انت تناسبني
احمد تكفى افهمني
يا ناس فهموني يا عالم

شفيك احمد اول ماتعرفت علي كنت مصر بدون ما تشوفني ويوم شفتني ما قمت تييب طاري لا للزواج ولا الخطبه ..ليش ؟؟؟
واثناء اجتماع احمد ..احمد باله مو مع الاجتماع مع العلم انه غالبا ما يفصل حياته المهنيه عن حياته العاطفيه
يا حبيبتي يا منال
تعتقد اني مو فاهم مشاعرها
تعتقد اني ما افهم نظراتها ولا ايمائاتها
احببببببج والله احببببببببج بس شسوي
لو اخطبج بس مجرد خطبه بيصير لج مشاكل من وراي
اول شي اهلج بيقولون على اي اساس ريال اكبر من بنتنا ب 25سنه ياي يخطب
اكيد بينهم شي ..واهلج محافظين ...وماعندهم كيري ميري ..اخاف عليج
اخاف يمنعونج من حرياتج اللي اتمتعين فيها
وتفلسين مني ومن حياتج وتالي تقطين روحج على اي خاطب علشان تبين الفكه وتنهدم حياتج والسبه انا
والله احبج ..اكثر مما تحبيني
ما قط حبيت انسانه ولا راح احب انسانه كثرج

اطول السالفه ..وما اعطيج ويه ادري على موضوع الزواج ..ابيج تغيرين رايج ..لعل وعسى يعجبج شاب من اللي يخطبونج وترضين فيه وتنسيني ...ليش مصره علي هالكثر..انا لو ادري انج بهالعمر والله جان ما تعرفت عليج انا قلت هذا بالقليل عمرها 32....مابيج تحبيني اكثر...جان زين تكرهيني وتشوفين روحج وتحبين شاب كبرج ..شمعنى انا يا منال شمعنى انا
يأتي صوت لأحمد : بو سليمان عسى ما شر ...فيك شي ؟؟؟
احمد: خير بو محمد ؟؟؟
بومحمد:سمعتك تقول شمعنى انا ..ادري والله يا اخوي كل بلاوي وكالتنا بالامارات قاطينها على راسك بس انت قدها وماسكها من عشر سنين (يفكر احمد اوففففف من عشر سنين يعني يوك كان عمري 36والله وايد ) يكمل بو محمد ....ولو نلاقي غيرك اكيد نعطيك منصب افضل ونريحك بس المشكله ان ماكو غيرك ..انا ادري ان لك تجارتك الخاصه ولكن ..الوكاله محتاجتك ..كملها هالسنه بس وما يصير خاطرك الا طيب السنه اليايه
احمد: والله يا بو محمد ما بقى من العمر كثر ما راح ..وكل سنه اسمع هالحجي اللي تعودت عليه..وانا منشق شقتين بين الامارات ولبنان ومصر...ولكن الحين انا بسافر علاج يعني لازم تشوفون غيري
بومحمد:نشوف غيرك؟؟؟؟!!!!!والى متى ؟؟
احمد: الشافي الله وعسى الله يعافيني ويقومني بالسلامه...انا ييتي لكويت كلها علشان هالكلمه اللي قلت لك اياها ..وهذا مو حلالي هذي مؤسسه وانا قاضب الوكاله بالامارات ..اللي تعبر على لبنان ومصر ..وظروري يصير في احد مكاني..اما تجارتي فأنا عندي ناس اتكل عليهم
بومحمد:يا احمد يا اخوي ..انت فاجأتني بهالكلام..متى سفرتك ؟؟؟
احمد:مابقى شي عليها ..الاسبوع الياي ...
بو محمد::اووووف
احمد: والله كل شي صار بسرعه بسرعه ...وانا اصلا ما توقعت ان المستشفى الألماني يردون علي بهالسرعه
بو محمد:رشح احد يقضب مكانك ويصير خير
احمد:هذي ثلاث اسامي كاتبلك عنهم تقارير وانت حر بالاختيار بس حاول انك ما تطلع برا هالاسامي الثلاثه ..لأعتبارات موضوعيه خاصه جدا
بو محمد: على خير ان شا الله
يخرج احمد من غرفة الاجتماعات وعلى وجهه علامات عدم الارتياح ..متجاهلا موعد انتهاء الاجتماع قائلا في نفسه ....يعني لازم يستنزفون كل طاقات الواحد؟؟؟ ..يعني لازم ما تبقى فيه قطرت دم وحده ويقطونه عظم ...ماكو تروح وترد بالسلامه والزم ماعلينا راحتك ولفلوس تيي وتروح ما كو كلمة طيبه للريال اللي قاضب وكالاتهم لمدة عشر سنوات اذا مو اكثر
تنتهي محاظرة منال وتذهب الى دورة مياه الكليه ...تدخل تغلق عليها الباب تشاهد المنظره ...قائله
احط مكياج
ما احط مكياج
اممممممممممم
احمد اصلا ما يحب المكياج وشايف ويهي ومال منه بدون مكياج
شتفرق اليوم يعني
لالالالالالا اليوم غير
لازم لا سافر يذكر اني كنت كاشخه ومتزهلقه...ويذكر ويه حلو ..مو ويه اصفر
يتصل احمد على منال..منال لا ترد لأن تليفونها لا يزال سايلنت
تشرع منال في وضع المكياج
تنتهي في تمام الساعه 12 ونص
تشاهد ساعتها وااااااااي 12 ونص الحين اكيد بدش بزحمة السالميه اللي مالها والي ووبقعد ادلي احمد وين ناكل مثل كل مره ما يدل الديره
تخرج من دورة المياه تشاهد تليفونها
اوووووووف متصل فيني قبل الوحده
اكيد فيه شي
تتصل منال
يشاهد احمد التليفون ...يرى المتصل ..مهند يتصل بك
مهند =منال

....لا يرد...يا بنت ليش تتصلين فيني حقريني خليني اولي شتبين فيني
تغلق هاتفها
تدزله مسج يقول: حبيبي ...ادري متظايق ....رغم انك ما تحاول تشغلني بشغلك..ورغم اني ما احب اتدخل بخصوصياتك لكن ما يرحمك الا ربك ثم
امك
ثم منولتك
يقرأ ويقول ...حبيبتييييييييييييييييييييييييي ويتصل مباشره
احمد: حبيبتي وينج ؟؟؟؟
منال:عالدائري الخامس
احمد:وين رايحه؟؟؟
منال:شفيك نسيت اني اليوم عازمتك عالغدا
احمد:بس ما عطيتج اوكي
منال : ولا يكون بكيفك تعطيني اوكي...دق على مادري منهو اللي عازمك قوله اليوم ام سليمان عازمتني
احمد:بس ح
تقاطعه منال: لا بس ولا شي سفرتك يوم السبت واليوم الثلاثه يعني متى بشوفك بالله ....تخنقها العبره وتكمل...قول ما تبي تشوفني واخلص
احمد:والله اخسى مابي اشوفج ...يبه مالت عالعزايم وعلى كل شي يكدر خاطرج روحي حبيبتي المكان اللي يعجبج وكاني يايج ..السالميه عدل..
منال:اي
احمد:زين سبقيني وتالي دليني كالعاده
منال:اوكي..

يغلق الهاتف يستغرق بتفكيره وهو في الطريق من الشويخ لي السالميه ....شنو احساس الاندفاع اللي ياني فجأه ...معقوله المسج اللي دزته هذا مفعوله..شكثر تحس فيني هالانسانه ..حتى امي ما تحس فيني هالكثر..امي كبرت ..وصار انا اللي لازم اراعيها ..منال غير..جو ثاني عالم ثاني ..شكلي بتوكل على الله واتزوجج ..او عالاقل اخطبج ..علشان بس اثبت لج اني جاد ...ادري شبيقولون عني ..بيقولون مراهق ..وبيقولون هدف جنسي بحت ..لأنج اصغر مني بوايد ..شلون اثبت لهم غير هالحجي ..انا صج احبج..
تسرح منال...وتفكر اكثروهي تركن سيارتها خلف الثريا.. حيث انها تعودت كل ما تشوف احمد تييبله معاها ذكرى ..واكثر ذكرياتها لوحات وكتب ...احمد م يحب هدايا منال ولكن لا يعترف بالهدايا عموما ..كل ما يأتي لكويت اييب لمنال مجموعة رصاصي للعطور...ومع كل ذلك منال كل مره تييبه شي ..حتى لو شي بسيط
هالمره يابتله جوتي...تعمدت يكون الجوتي اكبر بمقاس..تبي اتعلث معاه..تبي تشوفه اكثر من مره الله يا كيد النساء ...تصل منال الى مصعد رتز الثريا ..
يتصل احمد
منال:وينك... ؟؟
احمد: عند دوار جوازات حولي وين اروح...؟؟؟
منال: اخذ لفة الجوازات ولا ياتك اشاره اكسر يسار تالي امش سيده تييك اشاره اخذها سيده تالي تييك لفه لف يمين تلاقي مجمع الثريا على ايدك اليسار و المواقف ورى ترى...تبي انطرك ...؟؟؟
احمد:لالا لاتنطريني برا دشي داخل ..
تدخل منال وتاخذ طاوله في مكان هادي ..وكانت من الاساس حاجزه طاوله بأسم احمد
يدخل احمد يجد ان الطاوله بأسمه ..يبتسم ...قائلا في نفسه...حركاتها البسيطه بس تخليني احبها زياده..دايم تحسسني انها اكبر مني بعقلها وتصرفاتها...يصل اليها
وكالعادتها بالبدايه .. لا تضع عيناها في عينه وتتصفح قائمة الطعام...تنظر اليه...احمددددد ....صااااااااابغ .....ماتدري شكثر احب الشيييب...؟؟؟ ماتدري ان الشيب وقار ؟؟؟
احمد: بس عند حريم لكويت عار
يقرب ايده من رأسها اكثر ....يمسك نظارتها الشمسيه وينزعها قائلا...:لا صابغ ولا شي ..بس انتي مو قاطه نظارتج السوده ....
تبتسم
يكمل..هذ انا حبيبج الشايب
تبتسم:احلى شايب
تكمل ..هاه شفت المنيوو
احمد:شفته..يوم شفتج شبعت
منال: بلا مغازل الحين مو وقته ...ترى حدي يوعانه ..
احمد:اعرف طلبي ..
منال : اوكي نطلب مقبلات اول..ناد القرسوون وقوله ابي شوربة دياي بلكريما وحقكك ادري تبي بروكلي .وظيف بعد...وورق عنب

احمد: قصدج دوولمه

منال: وشعرف القرسوون بالدولمه تحسبه زبيريولا نيدي- وتكمل منال- وزلاطه ..وطلبي رقم 15 وانت ادري تبي ريش
احمد:لا ابي رقم 15 مع اني مادري شنو
منال: احمد ..ترى فيه زبده ..
احمد: عيل خلني عالريش ولمشكل
ويظحكون
يصل الطلب ..احمد يوكل منال كالعادته ...يشاركها طبقها ...ويجعلها تشاركه طبقه
تشبع منال
وايضا يصر عليها
احمد:بروحج عصله
منال: والله شبعت..ومابي الا قهوه
احمد: والحلو يا حلو
منال:لالا احمد الله يخليك
احمد:مايصير
منال:زين بالكافيه
احمد: ليش منتي شاربه القهوه هنيه
منال: لأ بكافيه كوستا كاهو قبال مجمع الثريا
احمد : انتي من صجج ..بالله احد شافج ؟؟؟
منال: اقولهم غداء عمل
احمد: منولي حبيبي مابي احرجج
منال: اي تحرجني من صجك انت .....انا ودي احد يشوفني ويقول حق اهلي علشان يروح بالهم بعيد ويزوجوني اياك غصبن عليهم
يأتي قرسوون الحساب ..يدفع احمد كالعاده مع اصرار من منال للدفع
بالمصعد.. منال:احمد ..عطني ايدك
احمد: نعمممممممم ماعندنا حريم يقضبوون رياييل
منال: يا ملاقتك .....وتمسك ايده غصبن عليه

يستغرب احمد تصرف منال الغير معتاد ولكن يسكت
راحوا كافيه كوستا جلسا يشربان قهوه وياكلون حلووو
احمد:والله مادري شلوون في ناس تشرب القهوه وهي بارده
منال:تقصد الآآيس كوفي ..
احمد:ايييي ال آآيس كوفي ..احس جنها برابيس يهال
تظحك منال يستأنف احمد ..تعالي انتي وين صافطه ما شفت سيارتج...
منال : تدري سيارتي نازله ..وانا صافط يمي يوكن :) عرفت ؟؟؟
احمد:ايييييي يالله قمنا ..
منال ما ودها ...شرايك نصلي العصر بيوريكا
احمد: اي والله احسن
صلوا العصر
وردت سيارتها تذكرت هدية احمد...تصوت عليه بالمواقف :احمد احمد
يأتيها طاير هلا ..نسيت لا اعطيك شي يبتلك اياه
احمد: وييييييييييه انتي ما تعرفين تشوفيني وايدج خاليه
منال:زين ارككب قايس الجوتي
احمد:جوتييييييييييي!!!!
منال : اايييييييي لونه ماسترد بخاااااطري اشوفه عليك
يركب احمد سيارة منال ..يقايس الجوتي يطلع كبير عليه ...تبتسم منال ابتسامة رضى ..وفرح انها راح تطول مع احمد اكثر ..وهي ما تبي تهده كللللللللش

منال :احمد شرايك اوديك المحل

احمد:اي محل

منال : كلاركس ..كاهو بالفنار تحت..واذا ما حصلنا اللي تبيه مو مشكله تروح انت برج حموود ولا اي مكان فيه كلاركس

احمد ..وده يروح معاها .. قائلا يالله خطفيني

تبتسم منال وتحرك سيارتها

ويسولف احمد على منال عن مجمع راح يفتحه بلكويت اهوه و مجموعه من التجار وراح يكون موقعه على احد الطرق السريعه ..تسعد منال لهذه الفكره

يوصلون الفنار

تترجل منال من سيارتها واحمد معاها ..

تمسك ايده

احمد:تصدقين من زمان مو سايقه فيني وحده ..كلا لدريول

منال: اها يعني كنت متعود يسوقون فيك حريم

احمد: ايييييييي صديقاتي

منال تهد ايده

احمد يا حلالالات اللي يغارون

منال: مو عن غيره

احمد: فهميني ..والله ما اقصد شنو ماكو ثقه

منال: لا اكوووايد بعد بس حتى لو كان في ناس تسوق فيك قبل خلاص ماله داعي تقول الحين يعني اعتبرها لحظه حلوه ليش تخربها

احمد: انت مينونه اختي ام محمد تموووت على لسياقه وانا قايلج من قبل هالحجي ..وكانت من عمر تودينا وتييبنا وحتى ليما اليوم اذا ركبت معاها اهي تسوق ما تحب احد يسووق فيها وبس ..وانا من زمااان فاقد هالشغله ويعني اذا صديقاتي انت ما تؤمنين بالصداقه بين الجنسين

منال: يالله سترك... بلى اؤؤمن وووايد عندي ربع خاطفتهم بعد

احمد: تمام عيل متفقين انتي عندج ربع وانا عندي صديقاتي ..

يظحك الاثنان

احمد في نفسه ..اول مره اشوف الغيره بعينج ..احلى غيره ..لو يحصلي جان ازور عليج اكثر بس اخاف تزعلين ادري اني بايخ وما كان قصدي اخوره بالحجي ..بس والله حبيبتي من عرفتج ودي اطالع غيرج بس ما اقدر.. تبت وما قمت اشوف مره غيرج..احافظ عليج احبج اصونج ولا اقدر انظر لج الا نظرة ام عيالي

منال في نفس الوقت وفي نفسها... يالمليق ليش تخرب احلى لحظات بينا يعني ادري ان قبل عندك خرابيط لي الستار والله تاب عليك من عرفتني اسكت واستر على روحك

الاثنان مع بعض يقولان

شفيك ..شفيج يظحكان

منال: زين عيل عطني ايدك

يصلان الى المحل

منال : احمد ..كلم انت الريال قوله انك تبي مقاس اصغر

احمد: انتي اللي شاريته

منال تحدث البائع الهندي :السلام عليكم ..اسكيوزمي بابا يشتري جوتي وتأشر على احمد والحين كبير يبي بدل واحمد يتمشى يطالع الجواتي

البائع هندي: ممكن شووف

تجلس منال

منال تعطيه الجيس وتقوله : يبي مقاس 42وهذا 43

البائع: مدام ممكن يروح مخزن يشوف اذا في ولا لأ؟؟

تسعد منال كثيرا لكلمة مدام

واحمد يبتسم ابتسامه مخفيه

احمديرجع ويجلس بجانب منال

احمد:انت شلون تقولين للريال بابا شنو صبي عندج؟؟؟

منال:يعني شقوله احمد ..ولا زوووج مال انا

احمد:الللللللله

منال: شفيك ترى مو اول مره اقولها

احمد:لا حلوه بالهندي كل مره اسمعها بلكويتي...عيديها

منال:زوج مال انا ..شادييي

احمد: منولتي شخلاج تشترينلي من كلاركس بالذات ؟؟؟

منال: مادري شفته الجوتي حبيت ان يكون عليك ..حسيته يوالمك وحلو لونه و مودارج وايد الماسترد

تتكلم منال واحمد سرحان يطالعها

احمد: ممكن ابوسج

منال: بخجل كبيرلألألأ

خطف ايدها بسرعه كبيره وقبلها قائلا:بس وصلت !!

تسكت منال ولاتنطق بكلمه

وهي بخجل كبيييير منه ولأول مره تخجل منه هالكثر

منال: احمد

احمد:عيوني

منال: مو جنى الريال تأخر؟؟

يظحك احمد قائلا: ..شفيج؟؟؟ مستحيه مني؟؟؟

منال: مادري

احمد:شفييييييج منووول

منال:ماكو ..

احمد:زعلتي

منال:لأ

احمد: منولتي ودي احس اني زوجج مدة نص ساعه ممكن تحسسيني هالاحساس

منال: شلون؟؟؟

احمد: ولا شي بس ابي احس مجرداحساس.. ولا يروح بالج بعيد..انا ما ارضى عليج اصلا

ويأتي البائع من المخزن قائل: بابا انا لقيت نفس مقاس انت يبي بس لوون ثاني

منال:ماكو ماسترد؟؟؟

البائع:والله مدام مافي

منال:هاه احمد عاجبك البني؟؟

احمد:والله حلو بس انت اللي شاريته عادي اخذه؟؟

منال:خلاص قايسه

تأخذ منال الجوتي من يد البائع واحمد جالس عالكرسي

تنزل وتلبس احمد الجوتي وسط ابتسامه من البائع وذهول من احمد

احمد:انتي شتسوين

منال اشششششش ولا كلمه

احمد: قومي اقولج

منال:تقول للبائع عطني هذي اللي تخلي الجوتي يدش

يذهب البائع لإحضارها

احمد معصب:منول اش هالحركه

منال:موتبي تحس انك زوجي ..لمدة نص ساعه انا اذا انت زوجي اعاملك جذي كيفي محد غصب علي

يأتي االبائع بالكرته

منال:هاه قدك ولا تبي تشوف شي ثاني ...يالله قوم تمشى فيه

ترجع منال عالكرسي

منال: هاه مرتاح؟؟؟

احمد: اييي تمام ....يستدرك ...جنى ظيج شوي

يقول البائع: بابا هذا لازم يصير واجد مظبوط لأن هذا طبي بعدين يجي كبير

احمد:بعدين يجي كبير بعدين يجي كبير ..شورانا.....خلاص وهو كذلك ...خذيناه

منولتي

شرايج بهلنعال

منال: حق حريم كبار تمااااام

احمد:لا والله كنت ابيها حقج

منال:حقي شحقه لايكون سياسة رادلي الهديه

احمد:لا ياحلوه شنو توني استوعب....الحمره بأسود حلوه...شرايج؟؟؟

منال: كيفك ..انت اللي بتشتري ...انت تنقي مثل ما نقيتلك انا الجوتي

احمد: امممممممم هذي ..نعال حلوه سوده وفيها اخضر شويه

اخذها احمد من على الرف وراح طاير لمنال ونزل مثلما نزلت له يقايسها على ريولها

منال: احمد قووم

يقول بهمس ..مو قلت لج ابي احس اني زووجج

تبتسم وفي هذه الاثناء يدخل شباب في سن صغير الى المحل ..تتضايق منال من وضع احمد مع نظراتهم واحمد غير مهتم ..هاه قدج تقوله لأ

يخرج الشباب

احمد:جم مقاسج

منال: 35

احمد: عنوووونه ريلج

منال:ادري

احمد:يصير ابوسها بعد

تخزه منال بغضب

احمد:يظحك لا اتغشمر معاج والله

يشتري احمد لمنال وهو سعييييد للغايه وبخروجهما من المحل يقول لها

منوله انتي متعوده تشترين من الفنار عدل

منال: ايي وايد ..

احمد:زين شنهي المحلات الللي تشترين منها

منال: وايد

منال: شوف هالمحل اسمه فولار ..دايم اشتري منه ملافع وفوق في محل اسمه موتيفي وريفر آآيلند و انوتا وكلييرز

احمد: زين البدلات ؟؟

منال: لورا آآشلي احب بدلاته وايد

احمد:تبين نمرهم يمكن منزلين شي يديد

منال: عادي نمرهم بس اخاف ااخرك

احمد:لا لاتقولين جذي يومي كلا حقج

يذهبان لورا آآشلي

احمد منال شوفي هالبدله ما اظن تصير حلوه الا عليج ...-تبتسم يكمل- ..دشي قايسيها

تستغرب منال ..تتذكر انها قالت له اصير زوجتك لمدة نص ساعه

تقول ان شا الله

تدش تقيس بلوزه بيضه قطن بكم طويل وتنوره فستقيه فاتحه طويله

موظفة لقياس تصطحب احمد حتى يراها

تفتح منال باب الغرفه

احمد وكأنه يرها لأول مره:اللللللله اشزينها عليج يالله بدلي وعطيني اياها

منال: ان شا الله

تبدل تعطيها اياها

احمد دفع لحساب بالخارج ..قائلا في نفسه ..اش هالشعورر اللي ياني فجأه..اليوم ابيها تكرهني فجأه الزق فيها كل هاللزقه

تخرج منال من غرفة لقياس وفي نفسها

اكره ما علي ان احد يشتريلي شي ويختارلي بس احمد حبي غيييير اش هالشعوور اللي مسيطر عليه اليوم

منال : احمد عطني اشيل الجيس

احمد: انا بشيله.. امشي خلنا نرووح محلج مال الملافع ناخذلج ملفع لالايق عالبدله

يذهبان يختار احمد ايضا ومنال فقط تعطي رأيها

يشتري احمد ..وبخروجهمامن المحل

منال:احمد ممكن امر البنك فووق

احمد:ليش؟؟

منال:بسحب

احمد: اشحقققققققه

منال: ولا شي بس بسحب ...بوكي فيه عشرين بعطيها امي يعني بيفضى البووك

احمد: منولتي يصير تاخذين مني

منال: تبتسم... احمد ماودي اقطع عليك شعورك الحلو ..لكن نهاية اليوم انت بتنام في بيتكم وانا بنام في بيتنا

الخيال حلو لكن الواقع لابدمنه

احمد:صاجه حبيبتي ادري انج عاجل

لكن بس هالمره اخذي مني وانا ادري ما عليج قاصر وماتحبين تاخذين شي من احد وودي اقعد معاج اليوم بطوله امشي خلنا نروح ناخذلج جنطه من فووق

.

..

.

منال: قوجيييي احمد لا حرام عليك ليش الكلافه

احمد:ماكو شي غالي عليج ..منول لا تزعليني منج من عرفتج وانت كل ساع يايبتلي شي بذيج القيمه وانا عمري ما رديتج لا ترديني اكو مره ترد ريلها

منال: تبتسم... بس شريتلي واايد حتى لو ريلي ما ارضى يقط فلوسه مره وحده جذي

احمد: سكتي بس لا ابوسج جدام الناس

تسكت وهي معصبه

واحمد يظحك انه حقق مراده

يخرجان من المحل متوجهين الى السياره

منال:اعتقد جذي انت مرتاح

احمد:واااااااايد فوق ما اتصورين

وراح تكمل راحتي اذا رديت من السفر وشفتج لابستهم

منال:صج؟؟؟!!!!

يصعدان السياره

احمد: اي صج شفيج تقولينها جذي ...انا ناوي ارجع لكويت عقب المانيا

منال:احمد ...

احمد:يا عيوون احمد

منال:ما ودك ترد تعييش بالديره ...احسك واايد تعبت

احمد:شوفي عمري انا طووول عمري تعبان والتعب اللي الحين مقارنه بتعبي قبل ولا شي ..منالي انا اشتغلت كل شي وانتي عارفه هالشي الا الممنوعات

تظحك منال

يكمل ,اييييي من صجي الا الممنوعات ..حتى حمالي اشتغلت ما تفرق عندي بس انا تعبت لأن الناس تغيرت ولنفووس ما صارت مثل قبل ...هالديره يبيلها منخل وبعد المنخل هم يبيلها منخل علشان تطلعين لج جم ادمي سنع تشتغلين معاهم..بس والله مالي غناة عنها

منال: ولو الله كتبلك نصيب

احمد: مع غيرج ..مستحيل لأن فكرة الزواج شايلها من راسي وحسبي الله على بليسج اللي رديتها براسي وبقوه بعد ..في حالة اذا الله كتبلي نصيب معاج ..راح نعيش ثلاث سنوات هناك ..على ما انقل نشاطي حق لكويت ..واذا حبيتي القعده هناك ما نرد ...شرايج؟؟؟

منال: والله على حسب

احمد:انقلج لجامعة الشارجه تكملين تالي ..اخليج تشتغلين بالملحقيه الثقافيه اذا انتي حابه مع العلم ان ماله داعي وماراح اقصر عليج لي هذا حقج ..وهناك ومعاشج كويتي ومتى ما بغينا نرد ردينا ومحد يقدر يقولج لييش ولأ ..انا حاسب حساب كل شي بس الله كريم

منال:احمد هناك ما اقدر ابدع ..مهما بدعت بظل كويتيه لا راح ارفع اسم الامارات ولا شي ..افضل ديرتي ابني اعمر اعدل ارقع بس مع اهلي ..متى ما طلع شي بأسمي راح اطلع فيه بأسم ديرتي بس هناك يقتل الابداع ولو الجنسيه جان انت خذيتها مو انا

احمد:تصدقين كلامج بمحله ..يعني كل الوكالات اللي انا قاضبها كويتيه ..اضافه الى تجارتي قطاع خاص ..لكن اي ابداع شعري ..او موهبه عندي صعب اروح لجمعيه اتبناني او تكفلني .... ما تيي مني لأني مو اماراتي

منال:فننتقل لكويت وايد احسن

احمد:وانا اقول جذي بعد الوحده اذبحتني هناك..حتى لو صرتيلي ونييس انتي اجتماعيه وعلاقاتج هنيه واايد وماتقدرين تنفصلين عن اهلج ..وحتى انا ماني قادر انفصل عن اهلي ترى بس حاااولت بس ترى ما راح ارد الديره الا اذا تزوجتج ولا ماكو شي ثاني يقدر يردني الا الله

منال:ليش؟؟؟

احمد:انا معجب بالحياه هناك ونوعية البشر وطرق المعاملات ..تختلف عن هنيييه بالمره ..لقيت رزقي اللي انباق مني بديرتي...من جذي ما يردني الا انتي

منال:واذا حلتلي العيشه هناك

احمد:لاتصيرين انانيه ..ربيتي بلكويت وانا ربيت بلكويت ..تبين عيالج يربون برا

منال:عيال!!!!

احمد:اي عيالج ليش بتزوجيني وخلالالاص انا ريال عمري وصل 46 سنه شنو شويه ..

منال: والله مو المسئله جذي..بس انا ما قط تخيلتك ان يكون لي عيال منك

احمد:لأنج ماتخيلتي ان ممكن انتزوج

منال:لأ من قال..بلعكس بس احس العمليه حييييل صعبه

احمد:انتي تبينييييي

تبتسم وتسكت

احمد:ردي علييييييييييييييي من صجي

تحس منال ان احمد معصب تستدرك قائله: ايييييييييييي

تصفط بالشارع المحاذي لسيارته

احمد:دام تبيني لا تحاتين ..ان شا الله ينكتب لنا نصيب ادعيييي على ما ارد من السفر

منال: اهم شي عندي ان الله يشافيك ويعافيك وهذي الدنيا فاانيه مو باقي الا ويهه

احمد: ماودي اهدج مادري ليش ولا ودي انزل ودي انام بسيارتج

منال:ولا انا

احمد:عندج شي من ريحتج ...اي شي ابي آخذه معاي

منال:اخاف بتسويلي سحر

احمد: والله هم فكره حلوه ممكن اطبقها ...وشلون اسويلج وانت مسويتلي صعبه ..دوري بدثرتج جوود تلقين

تعثر منال على احد ملافعها السوود ..تعطيه احمد يشمممه ويلزقه بخشمه ..ينزل احمد من سيارت منال يعبر الشارع تشاهده منال:

أشعر اني بحمل يوم شوفك ورؤياك

خذ نص عمري بس اقضي تاله وياك

هذا نصيب انكتب ولي مكانك ياك

بتسافر انا عارف ان هذا لي قدر

ياللي ملكت قلبن غيرك عليه ما قدر

هذي حكمة الله وهذا قضا وقدر

وان مجمعتنا الدنيا ياعل بجنة الرحمن

لقياك

تدمع عيناها

يصعد احمد السياره وعيناه ملؤها الدمووع لا يضع عيناه بيعنيها حتى لا ترى دموعه

حبيبي لاتحط عينك بيعني

ما اقوى دمعك بلحظات الرحيل

حبيبي اترك ايدك من ايديني

خل شوق حق لحظات الرجووع

خل حزنك ..خل همك والجرووح

ما اقوى دمعك

والله ما اقوى

.

.

تجد منال كيس جوتي احمد نساه بسيارتها

احمد يبي يحرك سيارته تلتقط الكيس وتفتح باب سيارتها تجري تجاهه تقول

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

لحححححححححححححظه

حااااااااااااااااااااااااااااااااااااااااااااادث

انتظروني بالجزء الثاني

السؤال؟؟؟

هل مشاعر منال و احمد .... حقيقه ..ام خيال؟؟