ديروا بالكم على عيالكم

حوار بالمسنجر

.

.

.

عتيجه:

اييييييي صاج

بوسعود:

ولدي عنده واحد كان مشرف عليه من عيال الكندري ياله مسج انه توفى

عتيجه:

صج

بو سعود:

اي والله وظااااايق خلقه وتكدر طول اليوم مو مشتهي ياكل

عتيجه:

والله لام الله من لامه

بو سعود:

مو واحد اثنينه بعد واثنينهم ربعه واحد كان مشرف عليه مع الشباب والثاني صديقه

عتيجه:

لاحول ولا قوة الا بالله

بو سعود:

حتى ياني قالي يبا تقدر اتأكدلي اذا صج ولا لأ ذاك اليوم قلت له ننطر..تالي ياله مسج عن الدفان...واليوم رد من الدفان

عتيجه:

لا حول ولا قوة الا بالله العلي العظيم ...الموت ما يعرف زغير وكبير بس ترى شي عجيب هالايام

بوسعود:

شلون؟؟؟؟

عتيجه:

يعني لاحظ قبل يوم كنا بهالسن ما كنا نحس بالموت والعزا ولا كنا ندري عن المقابر و و و ووكانوا اللي يموتون بهالسن قليلين وكانوا فاجعه

بوسعود:

اي والله شتقولين بعد آخر الزمان

عتيجه:

الحين صار عادي استغفر الله الوفاه بهالعمر....تصدق من شهر تقريبا عندي ولد خالتي اكبر من ولدك ..عمره حوالي عشرين سنه ..نفس الطريقه ربعه ثلاثه توفوا واحد ولد اليحيا واثنينه عيال دشتي ..حادث سياره واحترقوا

بو سعود:

لاحول ولا قوة الا بالله

عتيجه:

والادهى و الامر ان ولد اليحيا ..السنه اللي طافت اخوت متوفي بحادث سياره ....حالة الاهل كلش كسيفه

بو سعود:

مساكين والله ...صج آآآخر الزمان ..

عتيجه:

يانا حدى متأثر راح عزا بمقبرة السنه وطلع راح مقبرة الشيعه ...وويهه منصفق.. .وشكله يكسر الخاطر

بوسعود:

صار الامر على الجيليلن ....ماكو زغير وكبير ...وكلن بيومه يا اختي....انا قلت حق ولدي شوف يا وليدي انت بتسوق بعد جم شهر دير بالك على روحك ..واياني على اياك اتهور ..ولا والله محد يسلم على عياله لا طلعوا ...

عتيجه:

يالله حسن الخاتمه

_______________________

عسى الله يرحم عيالنا ويحميهم من التهور بالقياده وغير القياده وهذا آآخر الزمان

تأكلهم دابتهم

وفي راويه وردت انها من حديد