قلبي قلبي

قرقة تالي الليول

.

.

يقول مصطفى احمد قلبي قلبي آآآآآه يا قلبي

وانا صج صايره قلبي قلبي آآه يا قلبي

قلبي حدىىى صاير ارهيف

وما يتحمل اي شي

مادري شالسبب؟؟؟

؟؟؟؟ولا ادري شالسالفه

يمكن السن يلعب دورر بالموضوع

ولا ظروفنا الحين صار غير مو مثل قبل ولا شالسالفه مادري

مثال 1:

اليوم اختي ام نبيل قاعده تطالع مسلسل سخيييييييف في ال ام بي سي

وكانت ممثله خليجيه تطق ممثله ثانيه

والمثله الثانيه كان شكلها مريضه تعبانه فيها شي

والله يا جماعه اني تضاااااااااااااااايقت

واحس جنى احد داس على قلبي

ام نبيل تحسبني اتشيحط

اقول لها غيري المحطه

قصري عالصوت ماني قادره اسمع صوت صراخ

وطبعا ام نبيل معطيتني حسين وعياله

والمشكله انها قاعده بحجرتي

مال من يفنقرها برا الحجره ويقفل الباب

وقلبي قلبي آآآآآآآه يا قلبي

.

مثال رقم 2:

بطلت ايميلي ولا يايني ايميل عن التعذيب

وكان عباره عن رسوم كرتونيه لطرق التعذيب ما فيها شي جنى رسوم متحركه

لالالالالالالاعت جبدي

وظااااااق خلقي

ومسحت الاميل على طووول لأ اشوفه بشع بشع بشع

وقلبي قلبي آآآآه يا قلبي

مثال 3:

بشاعه صور الموتى اللي تنشر بالجرايد ..لا حرمه لميت

لا بطيخ

تظيييج خلقي وتيييبلي القامت...واحد يذبحونه وشكله يرافس ..اتأأأأأأأأأأأأألم اتأأأأأأأأألم والله

,,,,,,,,

صج صايره كلش ما اتحاجى عن صور الظلم والاظطهاد تدرون الى اي درجه

ما احب اشوف افلام العنف اللي واحد يطق الثاني يعورون قلبي واجابل التلفزيون واقعد اعلق لييين تلوع جبد اللي قاعد يمي ويغير المحطه

ما غير اقول

وي وي وي

يا مال الويعه

ارفسته

وخزياااااااااه

اخخخخخخخ

غمييييييييضه

يا حااااااااااافظ

.

ابي اظظظظظظظظظحك

لمجرد الظحك

بدون هدف

قبل...قبل

كنت اقول لازم الكوميديا يصير وراها هدف ولازم الهدف يكون اما سياسي او اقتصادي اوا او او او واتفلسف واااااايد

كلامي صح وولا يزال صح لكن بعد ما حسييييت بوجهة نظر الناس اللي يقولون مجرد اضحاك الناس غايه

والضحك بحد ذاته هدف

عرفت انه صج

وجهة النظر الأولى صح

ووجهة النظر الثانيه صح

مشكلتنا ان نطلع من الدنيا وخاصة في مجتمعاتنا الشرقيه ..وما نشوف وجهات النظر الاخرى....مو يمكن صح؟؟؟ ..مو يمكن فيه جانب من الصحه؟؟؟

واذا ايدت ناس في نقطه معينه تكون محسوب عليهم ومحسوبين عليك يعني لازم تأيدهم 100% ولازم تعارض معارضينهم نسبة 100%ايضا

يااااااااااااااااااااه

ما يصير

الحين عرفت ليش ابوي انشق عن التجمعات الكويتيه

والله انك حكيم يا بو عتيجه

وعرفت انا طالعه على منو

عليك يا حلووووو

مومعناته اني حكيمه

لكني ما احب اكون محسوبه على احد ولا احد محسوووب علي

افضل

اريح

لأن مجتمعنا ما يتقبل الاختلاف رغم ادعائه مظهريا بتقبل الطرف الآخر

حتى بالدين الحين ما يتقبل الاخلاف

رغم ان الصحابه اختلفوا

وصوب الرسول هذيله وصوب هذيله

يمكن في احدما يعرف الحادثه بقولها بأسلوبي

بعد ما رد الرسول عليه الصلاة والسلام من غزوة الخندق دش يبي يقط شغله مال الحرب فناداه جبريل عليه السلام وقاله شلون تقط لامتك والملائكه لي الحين ما قطت لامتها وقاله أن الله يأمرك ان لاتصلي العصر الا في بني قريضه وان جبريل بيسبق الرسول عليه الصلاة اوالسلام فطلع النبي ونادى علي رضي الله عنه وقاله ناد في الناس ان لا يصلين احد العصر الا في بني قريضه ففي ناس بجرت وفي ناس صيفت بالروحه

الناس اللي بجروا زين على زين ما عليهم خلاف

الناس اللي تاخروا ادركتهم صلاة العصربالدرب نصهم صلوها علشان ما تطوفهم والنص الثاني طافهم موعدها واخذوا بكلام الرسول ان لا يصلي احد العصر الا في بني قريضه فيوم وصلوا حق بني قريضه صلوها

يوم وصلوا حق الرسول عليه الصلاة والسلام وقالوا له السالفه شسوى عليه الصلاة والسلالالالالالالالالالالالام؟؟؟

اقر هذيله واقر ذيلاك

يعني صوب الاثنين..

معناته الاختلاف موجود

ولا حتى رجح ناس على ناس

الاثنينه صححححححححح مو غلللللط ولا احد احسن من احد

ولا ذيلاك تضاربوا

ولا ذيلاك تكافخوا

ولا شققوا لوحات بعض ولا بطيخ

ثلة من الأولين وقليل من الاخرين

يالله حسن الخاتمه

اوهوووووووووو قايله ماني داشه بموضوع الانتخابات كلا منكم

المهم مو موضوعنا الانتخابات

موضوعنا قلبي قلبي آآآآآآه يا قلبي

جد جد ابي حل حق قلبي

احس انه معصوووووور جنى لوميه كظماويه

يعني بردغاله