ربعي...العويان

ربعي ومشاكل الارتباط اللي يمرون فيها

يمكن انا منقطعه وايد عنكم ودي اسولفلكم سالفه من سوالف هالصيف اللي يمرون فيها ربعي
والله سوالف عجيبه غريبه تظحك وتبجي

اعذروني على صراحتي

بتحجى من قلبي

وبحافظ على خصوصية الكل باذن الله الطرح للعظه والعبره
السالفه الأولى سالفة وائل
وائل رجل طيب ...ولما اقولكم طيب يعني فعلا طيب ...كون نفسه وغير وظيفته بحثا عن راحه اكبر وهو من اسره عريقه ولكنه فقير وعلى قده ويتيم ... بنى في بيتهم ... وكل هذا علشان يهيء نفسه للزواج... وكرجل اهوه رجل نظيف ..جدا ماعنده خرابيط... بس عقله صغير شوي على ان سنه ماهو صغير
لمراد
قعدت ادورله بنات من معارفي ...ومني ومناك المهم وحده من زوجات ربعه عندها رفيجه ... وراح شافها واعجبته كانت البنت عايشه في بيت عمها وابوها و امها متوفين
كسرت خاطره
وكسرت خاطري
.... نادوه الناس مره ثانيه ... استغرب...
صارحوه ان ابو البنت بالسجن يقصي عقوبة طويله وعليه قضايا اتجار مخدرات .... قرر ان ما يتزوجها....
فكر
فكر
وغير رايه بآخر لحظه
تبهدل
الملجه بالسجن ... سوى اشياء ما عمره سواها.....ليييييييييش مادري؟؟!!
ملج
طلع مع البنت اكثر من مره
البنت اول شي الصوت واطي
وقمله مقصوعه
تالي قام يعلى الصوت
ومع الصوت العالي كلام بذيء
جك بوم يطيح على تليفونها فيه صور لها ... صور مو شي
طاف
وصبر
وكسر التليفون ويابلها تليفون يديد
بدى الهواش اكثر
بدت تدخل الاهل
مشاكل مشاكل مشاكل بالملجه
كرهها
حب يتفاهم مع اخوها.... ناداه بمكان ومعاه ربعه عشان يطقه
ليييييييييييييييش ؟؟؟ اش هالناس ....احنا بلكويت والله !!!!
طلّق ....وتألم
خذى ريست وقعد يدور ....
قومي يا امه وسمعي عن بنت وحده تصيرلج
ودل دل دل ودوه يشوفها......
يقول الشكل جيد والبنت تستحي
يا وائل اقعد معاها مره ثانيه ما قعد
المهم ...ويقومون اهلها ويحددون الملجه ...والعرس بعدها بعشر ايام!!!! شي غريب
شكو اهل المره يحددون بدون شور
واذا حددوا ليش السرعه ؟؟؟!!!!!!
بيني وبينكم قلت له البنت فيها شي
ماشافها عالطبيعه الا ليلة العرس
طلع الشعر صناعي...لابسه باروكه ....يعني قريب الصلعه عافانا الله واياكم
والرموش تركيب
والحواجب قلم
وحتى صدرها تركيب
اي والله ما جذبت عليكم.....
جسمها تركيب في تركيب ....جسم وحده بأولى متوسط
يا جماعه ..... والله احنا بلكويت.....ليش الخداع..... ليييييييييييييييييش ؟؟!!!!
يقول الله تعالى:(وفي السماء رزقكم وما توعدون)ا
كرهها....كرهها
واللي كرهه اكثر فعايلها....راحت تعالج قالوا لها ما كو حل
وكل ما يبي يحاول يحبها تسوي شي يخليه تلوع جبده اكثر منها....بالالفاظ... والحركات....والسلوكيات....وتقوله انا احبك انا ابيك
لا قدر يدخل عليها....صارله الحين اكثر من شهر اهوه وياها مثل الاخوان
ولايعه جبده
انفصل من الدوام
ومادري شنو بيجرى عليه
يوم قال حق اهله انا مخدوع بطلق قالوا له اذا طلقت لا انت ولدنا ولا نعرفك
كاسر خاطري
جد جد جد كاسر خاطري
الأولى كسرت خاطره وخذاها
والثانيه انخدع....وخذاها
والدوام افصلوه
يعني ... اللهم أأجره في مصيبته واخلفله خيرا منها