الجزء الثاني

((اللوحه للفنان الفلسطيني أسامه سعيد له كل التحيه))

..ينزل احمد من سيارت منال يعبر الشارع تشاهده منال:
أشعر اني بحلم يوم شوفك ورؤياك
خذ نص عمري بس اقضي تاله وياك
هذا نصيب انكتب ولي مكانك ياك
بتسافر انا عارف ان هذا لي قدر
ياللي ملكت قلبن غيرك عليه ما قدر
هذي حكمة الله وهذا قضا وقدر
وان مجمعتنا الدنيا ياعل بجنة الرحمن
لقياك
تدمع عيناها
يصعد احمد السياره وعيناه ملؤها الدمووع لا يضع عيناه بيعنيها حتى لا ترى دموعه
حبيبي لاتحط عينك بيعني
ما اقوى دمعك بلحظات الرحيل
حبيبي اترك ايدك من ايديني
خل شوقك حق لحظات الرجووع
خل حزنك ..خل همك والجرووح
ما اقوى دمعك
والله ما اقوى
.
.
تجد منال كيس جوتي احمد نساه بسيارتها
احمد يبي يحرك سيارته تلتقط الكيس وتفتح باب سيارتها تجري تجاهه تقول:
لحححححححححححححظه
حااااااااااااااااااااااااااااااااااااااااااااادث

يطير الكيس من يدها وتستلقي على الارض بدمائها
يفر صاحب السياره البيجوو الخضراء
يحملها احمد من غير اي تفكير ويذهب بها الى مستشفى المواساه وهو اقرب مستشفى
يدخلها المستشفى ويجلس الى جانبها

لا احد يعلم من هو
ولا من هي
تضطر مستشفى الموساه الى تحويل منال الى مستشفى مبارك وذلك لتعرض منال لنزييف حاد ويتم تحويل احمد معاها ..وبالطبع في مستشفى مبارك
يستدعيه المحقق: منو انت؟؟
احمد مصدووووم:احمد سليمان السلم
المحقق:وشنهي صفتك للمريضه ؟
احمد:انا ؟
المحقق اي انت !!؟
احمد:اانا .....ولا شي

المحقق :ولا شي!!!... بالتقرير اللي عندي انت اللي شايلها لي المستشفى ..

احمد: اي انا اللي وصلتها لي المواساه

المحقق: آآآها ..انت اللي داعمها

احمد: لألألألألألألأ
المحقق :عيل منو ؟؟؟؟!!!!انا
احمد :بالظبط مادري ..بس سياره خضرا ادعمتها حتى ما اعرف ماركتها
المحقق:يعني بتفهمني ان مو انت اللي داعمها
احمد:لأ
المحقق زين شسمها
احمد:اسمهاااا..مادري
المحقق :يعني ما تعرفها
احمد: لأ
المحقق :زين انت ليش كنت هناك ؟؟؟
احمد:كان عندي شغل
المحقق: تقدر تقول لنا اش هالشغل ؟؟؟
يستغرق احمد بالتفكير...يخاف على سمعت منال اكثر ..يقول كنت رايح اشتري غرض ما لقيته رديت وانا راكب السياره ولا اشوف الحادث

المحقق: اوصفلي الحادث

احمد: بالظبط بالظبط ما اذكر..بس اللي اذكره انها زلته من سيارتها تخطر الشارع

المحقق:يعني كان معاها جنطه او شي

احمد:لأ كان باب سيارتها مبطل

المحقق :يعني نقدر نقول ان سيارتها كانت تشتغل

احمد:اعتقد

المحقق:يعني نقدر نقول ان طاح منها شي وراده تاخذه

احمد:يمكن..والله مادري

المحقق : وشنهو الدليل ان كلامك صج ..و مومتقصد تدعمهايستغرق احمد بتفكير آآآخر ..يقول:ماكو اثبات ..تقدرون تفحصون دعاميتي
المحقق:مو مشكله مشيتها
احمد:اصلا سيارتي بالموساه..مو معاي..روحوا هناك جيكووو

المحقق :احنا بنضطر نحجزك على ذمة القضيه لأن الواضح انك انت اللي داعمها بس ما تبي تعترفاحمد:انااااااااااااااااااااااااا (حبيبتي ..تعالي سمعي شيقووول ..) ..زين حضرت المحقق ممكن طلب ؟؟

المحقق: ما يحقلك

احمد:لا طلب انساني

المحقق: بدينا افلالالام ..قول شعندك

احمد: بس بتطمن عالمريضه و اوعدك ما اطلع من المستشفى

المحقق:ماعندنا شي اسمه وعد بس مو مشكله هذه سهله ..لكن شالمناسبه داعمها وتبي اتطمن عليها ؟؟احمد: والله وبراس منا......يستدرك..براس امي ما دعمتها

المحقق: زين روح مع العسكري تطمن عليها وتالي تعال علشان انكمل الاجراءات ..عطني مدنيتك

بالممر يفكراحمد..حبيبتي منال ..صرت انا اللي داعمج وبذبحج...عسى الله يقومج بالسلامه ..يستدرك لالازم اهلج يدرون ..بس شلوووون؟؟ ..والله اصيرلج اهلج.. يا ربي يا حبيبي

لا اله الا انت سبحانك اني كنت من الظالمين يالله تفرج عن منال

..يالله تشافيها وتعافيها .

.يا ربي انا بالطقاق اهم شي البنت وسمعتها

يحدث العسكري قائلا .. يصير اطلب محاميي الخاص
يرد العسكري:بععععععععععد عندك محامي ما هقينا والله
احمد:ليش؟؟
العسكري:شكلك ما يوحي....والعاده قضيتك هذي محد يطلع منها مع ان شكلك برئ ..انا لو مكانك اخليها و امشي
احمد بذهول: منصججكك والله جان ما نام الليل سواء ..يسكت

((كان يبي يقول سواء منال او غير منال))
العسكري: سواء شنو؟؟..عموما القانون جذي ..وانت شكلك بو ضمير واايد ..فإذا حدك انساني دق على الاسعاف وانطر ولاحقها مثل الافلام بس تشيلها وتييبها المستشفى وما عندك شهوود هذي توديك ملح لين ما تقوم البنت واذا ماتت يا ويلك ..وشكلها مواته
احمد:الله لا يقولها ..فال الله ولا فالك

العسكري:مو انت حظك اقشر..يعني ما اندعمت الا قبالك ..واللي داعمها قب
يصلان لغرفة الملاحظه
يطل عليها من الدريشه يبكي ولا يأبه لاحد ...يستغرب العسكري ..يرى احمد طاقم طبي كامل لديها ..والوضع غير مطمئن
يخرج احد الدكاتره بأستعجال من عندها يسأله احمد شلونها ؟؟
الدكتور: اهي الحين مو حاسه بشي لأنها بغيبوبه وحالها ما يطمن ومحتاجه جياس دم وفصيلتها نادره وفوق هذا تحتاج الى عمليتين وهذا الواضح
احمد:شنو فصيلتها ؟؟؟
الدكتور: بي ماينس
احمد:انفع انا ..انا اوو ماينس معطي عااام لكل الفصائل
الدكتور: والله ؟؟
احمد:اخذ دمي كلا ..ماعندي اي مانع
وينادي الدكتور طاقم التمريض وبعد توقيع احمد على خلوه من الامراض وفحص دمه وفصيلته .تبدأ عملية التبرع بذهوول من العسكري ..ياتي المحقق لتأخر احمد ..العسكري يقول حق احمد ..انت من صجك ..مو زين ترى
احمد : ايييييييي من صجي ونص عيل اخليها تمووت
ويتم سحب اكثر من 4 اكياس دم من احمد وبموافقته وعلى عهدته ....يستغرب المحقق وكذلك العسكري ....يوضع احمد تحت المغذيات
يسمع حديث المحقق مع الممرضه قائلا
المحقق :محد سأل عن البنت المريضه
الممرضه (مصريه):لأأأأأه
المحقق:شي غريب ..مرت عليج مثل حالة هالريال ؟؟؟
الممرضه: آآه
المحقق:تعتقدين مذنب ؟؟؟
الممرضه:لو كان مزنب ما كانشي قاب البنت للمستشفى وبص عليه دا راجل كبير وعائل وباين عليه ابن ناس ومادام آآلك ان مش هوا يبأ مش هوااا وربنا يبرأه بص دا اتبرع للبنت بدمه كلووو ..ووقع على تعهد انه هوه اللي آآل لنا كده واحنا بنعيشوا عالمغزيات وحيعملوا للبنت عمليتين وحده كسر مضاعف بالحووظ والتانيه عمليه برجلها..يمكن البنت مش حتمشي كويس ويمكن الله اعلم ودا الوأت الساعه تسع ونص ومحدش سأل فيها ....

يتعاطف المحقق اكثر من كلام الممرضه مع احمد

و احمد بالكاد يستطيع الكلام يدنوا المحقق منه قائل
المحقق:احمد.....احمد ؟؟
احمد:بصوت متعب نعععم
المحقق: انت من وين خذيت البنت ؟؟
احمد يتمتم
المحقق:ارفع صوتك شوي بساعدك
احمد:ورى الثريا
المحقق:تعرف شنو سيارة البنت او المكان اللي طلعت منه
احمد:هوندا كحلي
يترك المحقق المكان ويضع العسكري مراقبا على احمد ...يخرج من المستشفى يتوجه الى السالميه تحديد الى مكان الحادث ...يبحث عن سيارة منال لا يجدها ..يقول المحقق ...اما انه يجذب او ان عيال الحرام ما خلوا السياره وباقوها لا حول ولا قوة الا بالله بس صج وين سيارة البنت ..ماكو الا انطر لي الليل اشوف يمكن في سياره ما اتحرك ..المشكله ان البنت ما معاها لا اثبات ولا شي بس تصرفات الريال حيييل غريبه معاها ..مادري انطره يصحى ولا شالسالفه..احترت والله ريال شكله ولد ناس ومستميت علشان تعيش البنت يمكن علشان ما يروح فيها ..بس عاد مو لي درجه يذبح روحه ..وبنت لي الحين محد سأل عنها وما معاها اي اثبات ولا حتى موبايل و حالتها صعبه مافي مجال للأستجواب الطقه يايه براسها وبحوظها وريولها وفي حاله لا وعي ..عسى الله يقومها بالسلامه ..صج بنت مسكينه

.

.
وفي بيت منال
الاب يدخل البيت الساعه12 آتيا من الدوانيه سائلا ام جراح :اقول ام جراح وين سيارة منال احد ماخذها اليوم
الام:لأ
الاب: مو يم الباب
الام: يمكن احد ماخذها ..اسأل منال
الاب: وينها منال
الام : ناااايمه اكيد ...خو يابالجامعه يا نايمه..زين ما قلتلي ياك ولد غنيمه اليوم؟؟؟
الاب وهويتصل على منال يقول:..اييي ياني .. قرقه صك راسي الله يعين بنتج وقالي انا شاريها ..و و و و وقلت له لازم بنتي تقعد معاك وتشوفك قالي سواء قعدت معاها ولا لأ انا ابيها..وقالي اللي تشوفونه انا حاظر فيه ..يعني كلام يطيب الخاطر..اقول ام جراح ...جهازها مغلق !!
الام: اي امه حاجتني وقالتلي بيزورونا يوم السبت علشان يقعد معاها ...تبي اناديها ؟؟؟
الاب: طقي عليها الباب اذا نايمه خليها ...اذا قاعده شوفي سأليها منو ماخذ سيارتج ..ولا اقولج ناديها علشان نحاجيها بعد عن ولد غنيمه رفيجتج
تذهب الام لطرق الباب على منال تطرق تطرق تطرق ...مقفووول ولا احد يرد
تصحى سناء اخت منال
تخرج من غرفتها
سناء تتثاوب :شفيج يما جم الساعه ؟؟؟
الام:الساعه 12 وانتوا كلا نايمييين احد ينام ببنطرون جينززززز
سناء:تبين منول ..ما تعرفين بنتج اهل الكهف ما يقعدها شي حتى مفاعل ايران النووي
الام:لا ابوج يقول سيارتها مو موجوده ..يبي يشوف منو ماخذها منها
سناء:منو ماخذها منها ..ليش من امتى احد يقدر ياخذ سيارة منال...ثاني شي منول ما تغدت اليوم بالبيت ولا شفتها الا الصبح دشيت حجرتها وكانت اهي نايمه خذيت منها جنطه وطلعت ودارها كانت امبطله ..!!!!
الام: يمكن راحت الجامعه وردت
سناء: يما..وسيارتها؟؟؟ ...

تسرع سناء تجاه باب غرفة منال
تطرقه

تطرق

تطرق بشده ويعلوا صوتها
مناااااااااااااااااااااااال
منااااااااااااااااااااال
يما صدقيني منال مو بالبيت او فيها شي
تخترع الام
مناااااااااااااااااال فجي الباب يما
منااااااااااااااااال
يأتي الاب مسرعا على صراخ سناء وامها ...شفيكم شفيكم
الام تقول منال ما تفتح الباب
سناء:يبا منال ما ردت البيت صدقني فيها شي
يكسر الاب الباب بقدمه
منال غير موجوده
الام:اشوه بنتي مافيها شي
الاب يصرخ: مافيها شي بس وينهاااااااااااااا جهازها مغلق اكيد بنتي فيها شي وانتي ماتدرين عنها ولا تدرين عن بيييتج لا بارك الله فيج ولا في الساعه الل..
الام:لايكون انت اللي تدري عن شي هاد علي الجمل بما حمل ومخلي القرعه ترعى ما بقى الا احط شوارب
تقاطعهم سناء ..بصوت عال
يما

يبا

بسسسسسسسسسسسسسسسس مو وقت نجره وين منال ؟؟؟
منال وينها وتبكي
يستدرك الوالدان الموضوع
تبكي الام قائله: كلا مني ..كلا مني
الاب:سناء يا بنتي شوفي ارقام صديقاتها يمكن يدرون عنها شي
دقيقه يبا تذهب سناء تجلب موبايلها تتصل على لولوه
سناء:الو السلام عليكم
لولوه:وعليكم السلام هلا سناء ..شفيج
سناء:لا بغيت اسئلج شلون امتحانكم اليوم مادري منال حدها نفسيتها تعبانه وماحاجت احد من يت البيت
لولوه:اي امتحان
سناء:والله مادري اي محاظره
لولوه: تقصدين آخر محاظره
سناء:اييي
لولوه:لا امتحانا تاجل ومنال تدري ..واصلا اهي اليوم مو حاظره محاظرة الساعه ثنتين
تزيد دقات قلب سناء ...تغلق الهاتف
الاب:هااااااااه شقالت
سناء متلعثمه:ماتدري عنها
الاب:اتصلي على صديقتها الثانيه
سناء:لاثانيه ولا ثالثه يبا اذا لولوه ماتدري معناته ان ربعها كلهم مايدرون اهي اللي على طول مع منال
الاب:لاحول ولا قوة الا بالله
الام:روووح المخفر
الاب: مخخخخخخخخخخخفر انتي من صجج
الام:يعني بنتي تروح من ايدي ...
الاب:لاحول ولا قوة الابالله .....يالله امشوا المخفر .. امرنا لله
يذهب الاب والام وسناء للمخفر
يفيدهم المخفر انه لا يتم التبليغ الا بعد مضي 24 ساعه على التغيب اي اليوم الثاني نفس الحزه
تبكي الام اكثر تترجى الظابط
يقول لها والله هذا القانون يا حجيه
الاب:تبون ننطر لي باجر
الام :والله ما يهدالي بال
سناء:يبا شرايك نروح المستشفيات يمكن لعل وعسى يكون في شي
الاب:خطرت على بالي هالفكره..ويقول للأم انتي ادعي وما يصير الا الخير ان شا الله
سناء:يبا ممكن تردني البيت اخذ سيارتي انا اروح بصووب وانت تروح بصووب
الاب:الوقت متأخر ومابي بدال ما افقد وحده افقد ثنتين
تسكت سناء ويذهب الاب الى اقرب مستشفى من المنطقه...مستشفى الاميري
لا يجدها
يذهب الى منطقة الصباح وايضا لا يجدها
يذهب الى مستشفى مبارك ...ويقول مواصفاتها
يأخذه موظف الاستقبال الى المحقق
يرى المحقق سناء
يشك انها اخت منال من الشبه
يأخذ المحقق ابو منال الى غرفة العنايه المركزه ليتعرف على منال
يتعرف الاب على منال تدمع عينه قائلا للمحقق شالسالفه
يحاول المحقق تهدئة ابو منال يأخذه الى غرفة التحقيقات
المحقق :انا شكيت انها بنتك من شبه اختها
الام:بنتيييييييييييي
المحقق:اي بنتج عندنا و الحمدالله عدت مرحلة الخطر
الام:وشلون ما اتصلتوا فينا
المحقق : ما تعمم المواصفات الا بعد 24 ساعه ...ووالله يا حجيه بنتج تحولت علينا مع الريال اللي انقذها من مستشفى المواساه بالسالميه ...وما نعرف عنها ايييييييي شي لأن ما معاها اي اثبات
الام :شلون؟ ؟؟؟!!!!
المحقق: والله اللي صار يا حجيه ..ان بنتج دعمتها سياره وهي تخطر الشارع وشافها واحد وانقذها بسيارته وداها المواساه ومن المواساه تحولت علينا ..هذا على حد علمنا ..وصار معاها نزيف حاد وفصيلتها نادره..تبرع لها نفس الشخص لأن فصيلة دمه اووو معطي عام ووقع على تعهد انه يتبرع بكل دمه لها ..ولعلمكم هذا الشخص مركبين عليه المغذيات الحين ..ومحجوز عندنا بالمشتشفى على ذمة التحقيق ..لأن اهوه المتهم حاليا بدهس بنتكم لما تقعد بنتكم ..و اتعرف عليه او لما يصير في معجزه تنقذه ...و عسى الله يقوم بنتكم بالسلامه
الام:بشوف بنتي

المحقق :تقدرين تشوفينها

click

تذهب الام بصحبة سناء ...تمشي

وتمشي الام والاخت

بخطى متثاقله

تبكي الام بكاء لا يقف عند حد

تسأل سناء عن منال

تتوجهان الى غرفة العنايه المركزه

لاتطل الام من نافذه غرفة

او بالاحرى لاتستطيع

تطل سناء من نافذة غرفة العنايه

تبكي سناء تقول للام :يمااااا شوفيها

تطل الام من النافذ

تبكي الام

ويعلو صوتها

بنتيييييييييييييي

مناااااااااااال

كلا مني ...عسى الله ياخذني ان شا الله ..يا علي انسدح مكانج يا بنتي

.

.
وياخذ المحقق بيانات منال وسيارتها وتليفونها من الوالد
ويقول المحقق للوالد:والله الريال شكله مو مذنب
الاب:وشاللي خلاك اتعاطف معاه ؟؟؟
المحقق :خبرتي بالمجال
الاب: ووين سيارة بنتي؟؟ ..وتليفونها؟؟؟..صح لو اهوه اللي داعمها جان هدها وراح..
المحقق :راح تعمم مواصفات سيارة بنتك على جميع المخافر والدوريات والحدود خلال 48ساعه يا حجي لاتحاتي
وبنييبها بنييبها ان شا الله
الاب:زين ممكن اشوف الريال اللي تبرع حق بنتي ومتهم بقضيتها
المحقق تقدر تشوفه..بس ترى تعبان ونايم ..وان شا الله بعد المغذيات تقدر تحاجيه ..تعبان لأن الى الان تبرع بأكثر من 6كياس دم وهذا مو زين له..
يذهب الاب يدخل على احمد يقول ..انا وين شايف هالويه ...مار علي من قبل
الاب:السلام عليكم
احمد فقط يسمع ليس بمقدوره الرد..ويستطيع فقط يأشر بيده
الاب:انت احمد اللي انقذت بنتي وتبرعت لها عدل ...ادري مو زين لك الكلام بس شوف اذا انت اللي داعم بنتي والله ما راح يحصلك لك طيب ...اما اذا مو انت فمادري شلون اجازيك..

كان احمد يكتفي بالاستماع لكلام بو منال..وكانت عيناه تغرق بدموعها في كل نظره او كل همسه يسمعها سلبيه تجاه موقفه ضد منال ..منال حبيبتي الله يقومج بالسلامه
احمد مريض ويحتاج الى العمليه الاسبوع المقبل
وضعه سيء بعد التبرع اللامحدود بالدم
وفي الجانب الاخر
المحقق يذهب مره اخرى لمكان الحادث وكانت الساعه تشير الى الخامسه فجرا ينتظر تحركات خلف مجمع الثريا لا يجد السياره الهوندا الكحليه ...يحتار اكثر...يذكر فجأه ان احمد حمل منال الى مستشفى المواساه بالبدايه ...ويذهب الى مستشفى المواساه ليستفسر
يدخل بالبداية على الحوادث ويسألهم عن وضع احمد حين اتى بمنال الى المستشفى يسأل هنا وهناك الى ان وجد طبيب الزام وممرضتين اشرفتا على حالة منال الى ان نقلت بالاسعاف الى مستشفى مبارك
الممرضه الأولى كانت تجيد التحدث بالكويتيه والواضح انها من فئة البدون ..تقول للمحقق: شفت الموقف زين..دخل علينا رجال مو صغير شكله عمره اربعين تقريبا ملابسه فيها دم وبيده بنت عمرها حوالي عشرين شكلها كانها ميته والواضح انها تعرضت لحادث دهس وهو يصرخ دكتوووووووور دكتووووووور يا جماعه بتموت ...وهو في حاله هستيريه ..رحناله انا وزميلتي الهنديه (ماريا)اخذنا البنت وكان مرافقنا طووول الفتره وكان ساكت ومصدووم ...ويوم ارفقنا التقرير ..والاسعاف طلبنا منه الانتقال معها..الواضح انه قريبها لأن لو كان مايعرفها كان وصلها لغاية المواساه وخلا الباجي علينا ..لكن اصر انه يكون معاها لين مبارك ..وكان طول المده ساكت ويوقع على كل ورقه نعطيها اياه كان همه البنت ..الى درجه انه نسى فيزته ..وهي عند الاسعلامات الحين ..جان زين تاخذها وتعطيها اياه
المحقق:يعني كان في مجال ينحاش
الممرضه: واااااايد كان يقدر ينحاش بسهوله وخاصه ان المستشفيات الخاصه ما فيها لا محقق ولا رجال امن ولا شي يعني سهله ..اصلا من صالحه انه ينحاش ..احنا كل اللي سويناه تقرير ودزينها مع اسعاف لأن البنت فيها نزيف وفصيلة دمها مو متوفره عندنا ..فخفنا من المسئوليه
المحقق: رايج الشخصي بالريال مذنب ولا لأ؟؟
الممرضه: والله يا اخوي انا مرت علي حالات وايد في مثل هذي الحاله الواحد صعب يحدد بالبدايه ولكن بعد انتقاله معاها لمستشفى مبارك ..ما اعتقد بالمره انه مذنب ..لن سواء مذنب او لأ كان يقدر ينحاش ويفتك ...من هالقضايا
المحقق :يوم دش المستشفى ما نطق اسم البنت
الممرضه : لا ما اذكر اذكر ان كان يصرخ ..بهستيريا ..وكان يبجي
المحقق:يبجي!!؟
الممرضه :ايييي متأكده انه يبجي
المحقق: تحبين تظيفين شي
الممرضه: انا مستعده لأي شهاده معاه

المحقق:يعطيج العافيه جان زين كل الحريم مثلج

يذهب للاستعلامات وياخذ فيزة احمد
يغادر المحقق مستشفى المواساه ..وبنفسه تظجر من عدم الاحترازات الامنيه في المستشفيات الخاصه ..يقول في نفسه ...عجزت يا خالد تعرف الريال مذنب ولا لأ

.
.في نفس الوقت بالمستشفى
يصعب حال احمد على الممرضه المشرفه عليه تسأذن من احمد
الممرضه : احمد ...ازا كنت سامعني حرك ايدك؟؟؟

... .يحرك احمد يده
الممرضه: عاوزه آآخد موبايلك واتصل على حد من آرايبك أأولهم عنك ازا ممكن حرك ايدك ؟؟؟

..ويحرك احمد ايده
تأخذ مبايله من جيبه ..وتتصل على آخر رقم ..متصل فيه ..
كان منال = مهند
الجهاز مغلق .

.وتقول: دا مهند جهازو مغلق ..حظو من السما ..الرقم قبل الاخير..انور..

حتصل بأنور
وتتصل بأنور
الممرضه:الو السلام عليكم
انور : وعليكم السلام ...منو انتي ...؟؟؟
الممرضه: انا السستر الهام .. يااخويا
انور: احمد فييييييييييييييه شي؟؟؟؟
الممرضه: احمد كويس بس تعبان شويه
انور:انتوا أي مستشفى
الممرضه:مبارك
انور : يايكم حالا
تسعد الممرضه لسرعه استجابه انور وتقول لأحمد
الممرضه: بص يا احمد ..انا عارفه انك مش مزنب ..اتصلت بأنور ..دي الوأت جايلك حالا وحيكون جنبك ..باين عليه يحبك اوي ..لكن ماعندووش زوووء ما آليييش مع السلامه ..وتضحك

يذهب ابو منال للدكتور

الاب:دكتوور بصراحه شلون بنتي

الدكتور:والله يا بو منال ..اهي الحين عدت مرحلة النزيف ..بعد ماتبرع لها الاخ احمد

الاب:اسمه احمد؟؟؟

الدكتور: ايي اسمه احمد سليمان السلم

الاب يسرح ..يذكر موقف لمنال تاتي تسأله ..

يبا:تعرف عايلة السلم

الاب: ايييييي شلون ما اعرفهم يران بيت يدي بجبله..كان معاي واحد من عيالهم بثانويه شويخ ...ليش يبا

منال:.عندي دكتوور بالجامعه من عيال السلم دمه خفييييييييف ريشه ويظحك

الاب:ايييييي عدل اهم كلا دمهم خفيف الظاهر وراثه ..شسمه دكتورج

منال:سالم مسلم السلم

الاب:اسمه جنى خط ذهبي

يظحك الاثنان

الدكتور: بومنال ...بو منال شفيك

الاب:آسف دكتور...ولا شي

الدكتور : ما الومك يا اخوي ..اللي انت فيه مو شويه ..لكن مثل ما قلت لك ..احنا اهم شي عندنا انها عدت مرحلة النزيف

الاب: والغيبوبه؟؟

الدكتور: الا الغيبوبه ما نقدر نقولك اي شي بخصوصها ..وباجر ان شا الله راح ايي فريق دكاتره بخصوص الباجي

الاب:الباجي

الدكتور: في امور طبيه بيتحققون منها ..بو منال انت انسان مؤمن ..لازم توقع على العمليات اللي يبونها منك باجر

الاب:شبيصير حق بنتي

الدكتور:والله ما اقدر اقولك شي لي الحين باجر يبين كل شي ..الحمدالله انها عدت مرحلة النزيف ..والباجي على الله بس قول ان شا الله

الاب: ان شا الله ..بس متى بيي الفريق

الدكتور:الحين الساعه خمس الفير ..راح ايوون ان شا الله الساعه 12 الظهر ..تقدر تروح البيت ترتاح انت والمدام وتالي تيي ..

الاب:يصير خير ان شا الله

واذا بصوت يأتيهم من الخارج بصراخ ..

.

.

.

.

.

.

يا دكاااااااااااااااااااااااتره

يا كلالالالالالالالالالالالالالالالالالالالالالالالالالالالالاب

.

.

.

.

.

.

.

.

.

السؤال:هل سناء تدري عن موضوع احمد ؟؟؟