الجزء الثالث وقبل الاخير

( السلام عليكم آآآآسفه جدا لتاخري عليكم وذلك لخراب الكمبيوتر وتزامن خرابه مع انشغالات كثيره ومنها الانتخابات فالمعذره كل المعذره اخواني واخواتي واليكم الجزء القبل اخير مع تحياتي لكم - عتيجه)

الاب:شبيصير حق بنتي

الدكتور:والله ما اقدر اقولك شي لي الحين باجر يبين كل شي ..الحمدالله انها عدت مرحلة النزيف ..والباجي على الله بس قول ان شا الله

الاب: ان شا الله ..بس متى بيي الفريق?

الدكتور:الحين الساعه خمس الفير ..راح ايوون ان شا الله الساعه 12 الظهر ..تقدر تروح البيت ترتاح انت والمدام وتالي تيي ..

الاب:يصير خير ان شا الله

واذا بصوت يأتيهم من الخارج بصراخ

.......

.يا دكاااااااااااااااااااااااتره

يا كلالالالالالالالالالالالالالالالالالالالالالالالالالالالالاب
.

.

.

.
يخرج الاب والدكتور مسرعان من غرفة الدكتور
يرون بالممر رجل يتطاير الشرر من عينيه
يمسكه ممرضان
وعندما رأى الدكتور
يقول انت الدكتور محمد الكلب
الدكتور...بأستغراب..انت وين داش هذا مستشفى
الرجل
يا كلب ما تدري ان احمد مررييييض ومقررين له عمليه يوم الاثنين الياي
ما تدري انه مريض قلب ياعل قلبك يوقف
يذهل الدكتور اكثر
يذهب ابو منال للرجل
يا اخوي انت هد بالك وتعوذ من ابليس وما يصير الا الخير ان شا الله
يهدء قليلا الرجل من شكل ابو منال
يأتي الدكتور
يا اخوي اذا تقصد احمد المتبرع حق منال ..فأحمد وقع على تعهد خلوه من الامراض ..وفي حالات الحوادث ما نفحص احد ..مجرد التوقيع على التعهد كافي
يهدأ انور نوعا ما
يدخلاه غرفة الدكتور
يجلس ابو منال
والدكتور وانور
يخرج الدكتور التعهد
شوف يا اخوي هذا تعهد احمد موقع عليه بخط ايده انه ما فيه ولا مرض ويوم فحصنا دمه ,,تبين لنا انه جيد ..وما فيه شي ,,وامراض القلب ما تبين بمجرد تحليل
بس ما قلت لي اول انت شسمك وشتصير حق احمد؟؟
انور: انا انور ..زوج بنت خالة احمد ..وصديقه ..وراح اكون مرافقه لألمانيا
الدكتور:زين.. احمد شنو فيه بالظبط؟؟
وشنهي عمليته اللي مقررينها يوم الاثنين؟؟؟
انور بأسى:احمد مريض قلب ..وحده وسواسي..مقررينله عملية قسطره يوم الاثنين..وظروري يسويها ..الى درجه ان المستشفى الألماني ردو عليه بظرف اسبوع والعاده يطولون ..الظاهر تقاريره ما تطمن ..الريال تعبان يا جماعه تعبااااااان ما يستاهل اللي يصيرله والله..تخيلوا ما راح يسكن بفندق من المطار لي المستشفى يوصل السبت عمليته الاثنين
الدكتور:احمد بيروح على حسابه ولا على حساب الديره
انور: لا على حسابه ..احمد حيييييييييل وسواسي ..وما يامن على روحه بالديره الصراحه
الدكتور:زين اهوه وين تقاريره؟؟
انور: ..عندي نسخه وعنده نسخه وبالمستشفى اللي يراجع فيها بالامارات وبألمانيا
الدكتور:التبرع ان شا الله ما يكون اثر عليه ..واحنا نخلي احد الدكاتره المتخصصين يطلعون على تقاريره ..عندنا كفاءات يا انور عندنا د.ابراهيم الرشدان ..وعندنا الدكتور محمد زبيد و احنا الحين ما نخاف عليه الا من الذبحه الصدريهاللي تعتمد بشكل رئيسي على عدم وصول الدم كفايه لعضلة القلب فراح نبلغ الطاقم الطبي بزيادة نسبة المغذي وعدم اجهاد احمد ودير بالك عليه من اي صدمه سواء سعيده او حزينه..لاتحاتي يا اخوي ماكو الا الخير ان شا الله..وخلني اكون صريح معاك ..اذا حالة احمد ما تحتاج السفر ما راح يسفرونه ..لأن محجوز على ذمة قضيه
انور :قضييييييييييه انت شتقول
بو منال:اخوك متهم بدهس بنتي
انور:بنتك؟؟؟؟؟
بو منال: اي بنتي ...واهي اللي تبرع لها بدمه ..وعسى الله يقومه وقومها بالسلامه
انور: لاحول ولا قوة الا بالله ..احمد دعم
الدكتور: والله هذا اللي صار
انور:زين اعترف على روحه ولا بس تخمين
بو منال: لا ما اعترف بس اهوه اللي وصلها المستشفى ..ومتهم بقضية دهسها
انور:احمد واللللللللله ما يسويها...لو داعمها يقول داعمها...زين وين المحقق
الدكتور : مو وقت المحقق انت روح ييب تقارير احمد علشان نقدر نباشر فحوصات القلب معاه..تالي اقعد مع المحقق
بومنال: هونها وتهون ان شا الله ..انا بنتي بيي فريق بيشوف شفيها..ويمكن الله اعلم شيصير ..
انور:الله كريم انا بروح اشوف المحقق
يذهب انور لغرفة المحقق لا يجده يذهب للجلوس بجانب احمد
وفي غرفة الاستراحه بجانب العناية المركزه في المستشفى ...الام نائمه على قنفه وسناء بتفكير .. تذهب لغرفة العنايه المركزه تراقب منال من بعيد ..منال بجسم يغطيه الجبس من الناحيه السفليه قائله
عسى الله يقومج بالسلامه يا وخيتي
بس ..منال ليش ما حضرتي آآآخر محاظره
وشموديج الثريا هالحزه....منوول ادري فيج بايعتها ..الله يستر بس..زين ليش ما تقولين لي ..ليش كلا شغلج غبى ومحد يدري عنج ...حتى مو قايله حق لولوه ..امري لله امشي وارقعلج ما يت على اليوم
ومسكين هالريال ابتلش ..ما يندرى اهوه اللي داعمج ولا لأ ....صحيح انه ما قصر ويابج ..وشكله مو اهوه اللي داعمج ..ماكو الا اروحله ..لعل وعسى احصل منه حق او باطل
تذهب سناء الى غرفة احمد
العسكري نائم كالعاده
تطرق الباب ..تسمع صوت تفضل
تقول ايييييييي قاعد اشوه
تدخل الغرفه
تجد رجل ممد عالسرير ورجل اخر حاط ريل على ريل على فراش احمد ...تنحرج
سناء:آآآآآسفه شكلي غلطانه
انور:انت تبين غرفة منو
سناء:احمد ..احمد اللي متبرع حق اختي
انور: ايييي هذا اهوه احمد اللي متبرع حق اختج
سناء: وانت منوو؟
انور: تفضلي اول قعدي ..
سناء تجلس على كتير...:دام فضلك
انور: انا قريب احمد وترى مادري شالسالفه ممكن تقولين لي اياها
سناء: والله مادري شقولك ..فقدنا اختي اليوم بالبيت .....رحنا المخفر ما يصير نبلغ الا بعد 24ساعه دورناها بالمستشفيات..لقيناها ..بمبارك..المحقق يقول ان منال تعرضت لحادث دهس وان احمد شاف الحادث ونقلها للمواساه ..والمواساه انقلوها لمستشفى مبارك ..لأن فصيلة دمها نادره ..وتبرع لها احمد ..واحمد اهوه المتهم بدهسها ..,وبس
انور:زين اخت .....؟
سناء:سناء
انور: عاشت الاسامي..زين اخت سناء تعتقدين ان اهوه اللي دهسها
سناء:ابدا ..حتى ابوي ما يعتقد ..لكن يقول ابوي نصبر واللي بالجدر يظهره الملاس ..اضافه الى ان سيارة منال وموبايلها لي الحين مو موجودين ..يعني فوق الدهس سرقه ..اختي تعبانه يا اخ
انور: انور
سناء:يا اخ انور ..اهي صحيح عدت مرحلة النزيف لكنها تعباااانه وما يندرى شنو اللي بيجرى عليها
انور: بما انج تخافين تفقدين اختج انا ببعد اخاف افقد اخوي انور..اهوه صحيح مو اخو لكنه اخو دنيا ..
سناء:بس احمد كل اللي سواه انه تبرع بالدم ..يعني هالشي ما يأثر عليه ..وايد
انور:سناء يا اختي..احمد مقررينله عمليه يوم الاثنين الياي ...عملية قسطره احمد مريض قلب ..
سناء:مريض قلللللللب
انور:ايييي مريض قلب ..وانا جدا خايف عليه ..وخايف على امه لو تدري.....مادري اييبله محامي؟؟ ..مادري شسوي حدي متوهق ؟؟؟
واذا بهما يسمعان صوت المحقق خالد ينهر العسكري ..وانت كلا نايم بالله انحاش الريال
يطرق المحقق الباب ..يقوله انور تفضل
يستغرب المحقق وجود انور ..وسناء..
يسلم ...
انور:منو حضرتك ؟؟؟
المحقق:انا المحقق خالد ...انت منو ؟؟!!!؟
انور:انا ادورك رحتلك وما لقيتك ...انا انور صديق احمد..وقريبه
تستأذن سناء
انور:حضرة المحقق ..كنت ياي ابي افيدك ان احمد مريض قلب ..ومحتاج عمليه يوم الأثنين هذا
المحقق : من صجك؟؟
انور: اي من صجي وانا كنت ناوي احاجيك تالي اييب تقاريره ..وحتى حجز رحلته
المحقق:بس احمد متهم ما يصير يسافر ..ولا حتى يطلع بكفاله..لأن التهمه لابسته
انور :يعني يموت الريال
المحقق: لأ حل بين الحلين
انور:يعني شلون
المحقق:يعني يسوي عمليته هنيه ...لا يموت ولا يسافر والاعمار بيد الله
انور:بس ما عليه دليل
المحقق :هذا القانون ...ما اقدر اتخطاه بغض النظر عن قناعتي الشخصيه..وانا الحين ياي اسئل احمد جم سؤال
انور: احمد نايم..
المحقق:دامه نايم انت اكسب وقت وييب تقاريره ...وعسى الله يقوم البنت بالسلامه
انور:اهوه وين لقى البنت ...وشلون صار الحادث
المحقق:ورى مجمع الثريا...يقول ان دعمتها سياره خضرا ..ما يعرف شنو ماركتها ..وهو شالها وداها المواساه ..ومن المواساه حولهم على مبارك ..وبس ...يستغرق المحقق بتفكير ...
سياره خضرا ..سياره خضرا
المحقق:الا اخوي ..حبيت اسئلك ..سؤال ماله علاقه بالموضوع
انور:تفضل
المحقق تفهم بالسيايير
انور:انا عندي محل سيارات ...خير
المحقق:شنهي السيارات اللي بالآونه الاخيره هبو فيها ...بلون اخضر
انور: الكوبيه ..بيئم زد ثري..والبيجوو وغير جذي ماكو الا ما ندر
المحقق : اوكي تفضل هذي فيزة احمد نساها بالمواساه ...ويعطيك العافيه
يترك انور غرفة احمد ذاهبا لجلب تقارير احمد ..ويترك المحقق غرفة احمد ذاهبه لغرفة التحقيقات
وفي الغرفه ..يأتي ابو منال...وسناء..مواجها المحقق
حضرة المحقق...انا متنازل عن احمد ..ويقدر يسافر يكمل علاجه برا
المحقق: بس يا بو منال
بو منال: انا يمكن افقد بنتي ..ما ابي ام احمد تفقد ولدها..انا ريال مؤمن وشكل الريال مو مذنب
المحقق:ولا يهمك يا بو منال ..بس ترى في شي اسمه الحق العام ..
بومنال:والله انا ببري ذمتي ومابي ..اشيل ذنب الريال
المحقق:قواك الله يا اخوي والعفو عند المقدر
يأتي انور بالتقارير في حوالي الساعه العاشره..كما انه ذهب واخذ سيارة احمد من جانب مستشفى المواساه وكنسل رحلة احمد....يرى دكتور محمد تقارير احمد ..ويرفقها مع ا نور الى المستشفى الصدري لعمل اللازم بموافقة المحقق ...
يستعيد احمد البعض من عافيته ..ينادي الممرضه
احمد:سستر الهام صح
الممرضه:ايوه ..حمدالله على سلامتك
احمد:الله يسلمج
الممرضه:بس يا احمد انت لسه تعبان و الدكتور محرص علينا انك ما تتعبش ..يعني لا مشي ولا جري .
احمد:لا ما علي الا العافيه ..ممكن اروح اطل على منال ...الا شلونها
الممرضه:لا ما تأدرشي بيتهيألك ..حمشيك على وييل جيير -كرسي متحرك-وحوديك ما تخافشي
احمد:زين شلون منال
الممرضه:والله البنت عدت مرحلة النزيف والفضل كولو يرجع لله ثم لك ..وبعد ساعه ونص حيجو دكتور اعصاب ودكتور عظام ..وحيقرروا يعملو ايه للبنت .. بص يا احمد يا اخويا ..الغيبوبه محدش يأدر يتحكم فيها..بس هي منال بيني وبينك طبعا مش حتمشيش ...واللي جايين انهار ده ..حيقرروا ازا ممكن تمشي ولا لأ ..وحيشوفوا ازا الموضوع مؤقت ولا لأ ..والغيبوبه حكمها عند الله
تدمع عين احمد قائلا للممرضه ..:انتي شتقولين ...منال ماراح تمشي ؟؟؟؟

يبكي بصمت

الممرضه:احمد انا زي اختك ..أأأوووول انت قصتك ايه مع البنت؟؟؟؟

احمد:انا من عرفتها واحس اني ياهل...احبها من صجي ..واحس كل اللي صارلها والسبه انا ...سستر عفيه الحجي لايطلع برا ...انا لو اقدر اتزوجها جان تزوجتها على طووول ..لكن انت شفتي جم عمري ...؟؟؟
االممرضه: بس خلاص يا احمد ما تبكيش أطعت ألبي ...والانفعال مش كويس عشانك ...حوديك ما تخافشي انا عارفه انك بتحبها ..انت مش اول حاله تمر عليا انا سستر بآلي تلاتين سنه.. .وانا ما أولتش ولا حاجه للمحقق والله ..وحمدالله العسكري بيشخر ..بس اصبر علي حجيبلك الويل شيير
وفي الطريق .
احمد:سستر ابو منال وينه
الممرضه :ابو منال راح البيت هوه والمدام ..وجايين الساعه 12 علشان يشوفوا الدكاتره ..بس عارف دا انور يحبك أوي
احمد: انور يا ؟؟؟
الممرضه :ايوا وعمل هليييله بالمستشفى ...وشتم دكتور محمد ..واحنا بندحك ..لأن دكتور محمد ما بيحبش السستارات المصريات ..واحنا اتشمتنا فيه ههههه .....اهي غرفة العنايه
يقف احمد يطل من دريشة العنايه يقول لسستر الهام
احمد:سستر ..تهقين تسمعني ؟؟؟
االهام:لأ مش ممكن
احمد:زين ممكن تدخليني داخل عندها
الهام:انا حخليك تخش ..مش علشان حتسمعك ..علشان انت ترتاح
تفتح الهام الباب وتدخل احمد بكرسيه المتحرك ..تغلق الباب ...يذهب الحمد بجانب منال الايسر...منال لا تسمع لاتنصت ..لاشئ
جسد على سرير
احمد:منالي ...منولتي ..تسمعيني يمسك يدها ..شفتي حبيبتي ليش كنت مابي اهدج ..شفتي حبيبتي يوم تقولين لي اخاف عليك ..الحين انا اللي اخاف عليج ..صج الاعمار بيد الله .
سستر الهام تراقب الوضع بالخارج
يكمل:الله يقومج بالسلامه ان شا الله ..وبتلاقيني يمج لاتحاتين ..مشيتي ما مشيتي انتي منولتي اللي انا ابيها ..
الهام:يالله احمد ...خلينا نمشي طولنا

تخرج السستر احمد من غرفة العنايه ...وبقدوم سناء لا ينتبهان عليها...سناء في نفسها...انا قلللللللت هالريال وضعه موطبيعي شيايبه حق اختي الحين
تدخل السستر احمدغرفته ..وبالدخول يجلس العسكري...قائل: وين موديته
الهام:عندووو وفوحصات يا اخويا
وفي الساعه 12
يأتي الطاقم الطبي لتقرير عمليه منال ....وبعد اجراء الفحوصات عليها يجلسان مع والدها
الاول طبيب عظام والاخر طبيب اعصاب
طبيب العصاب:والله يا ابو منال الله سبحانه وتعال قدر ولطف ..اليوم سوينا فحص شامل لوضع منال...وقررنا انا وزميلي ان نسويلها عمليه بعد موافقتك طبعا...هالعمليه يا اما ان منال تظل ما تمشي ..وهذا وضعها الحالي ..او انها تنشل شلل جزئي ..يعني فتره من الزمن بعدين يصير لها عمليه ثانيه وتاهيل ...او انها تنجح ..ومنال تمشي خلال اشهر تاهيل ...ويمكن انها تعري ..وبحالة انك ما وافقت راح تظل مثل الحال هذا ..
بومنال: وشنو حالها الحين
طبيب العظام:شلل ...
بومنال:والعمليه مضمونه
طبيب الاعصاب:مافي شي بالدنيا مظمون ..ولكن توقيعك يزيد الامل
بومنال:والله بنتي تحت الله..ودام العمليه بتقدم من امكانيه شفائها...عيل توكلوا على الله ..متى موعد العمليه...؟؟؟
الطبيب:عقب باجر ان شا الله يعني يوم السبت ..وفي مستشفى مبارك لصعوبة نقلها
بومنال :توكلوا على الله ..ومتى تبين النتيجه
طبيب الاعصاب:..بعد ثلاث اسابيع اقل شي وبعد شهرين اكثر شي

يأخذ انور موعد لأحمد بعد اسبوعين حيث تبين من تقاريره وجود انسداد في احد صمامات القلب ..وسيجري العمليه د.ابراهيم الرشدان ..ومن بعد القسطره يتبين ان كان احمد بحاجه لعملية اخرى ام لا ..

يخلى سبيل احمد بكفاله ماليه بعد تنازل ابو منال عنه تنازلا رسميا ....ويرفض احمد اجراء العمليه بالخارج بحجة ان د.ابراهيم الرشدان كفاءه

يأتي يوم الجمعه ...تبلغ شرطة خيطان عن سيارة منال بمواقف سينما غرناطه من غير دفتر ....

يتعرف ابو منال على سيارة منال وقد كانت مسروقه بالكامل

ترفع البصمات من على سيارة منال ويتبين بعد رفع البصمات ان السارقين اثنان مراهيقين لم يرى الحادث...ويطلبهم المحقق خالد للتحقيق ..

المحقق للصبي الاول:شلون بقت السياره

الاول:انا ما بقتها ...انا وصاحبي كنا انتمشى شفنا السياره تشتغل والباب امبطل تلفتنا يمين يسار ما لقينا احد قلنا فووووقه ...خذيناها ورحنا البر شفطنى فيها لين قلنا بس والسياره كوبيه وتغري الصراحه ولو ناوين نبوقها جان ما صفطناها بخيطان

المحقق:يعني انتوا اي سيارة تشوفونها تشتغل تاخذونها وتشفطون فيها وتهدونها

الولد الثاني: الصراحه اييي

المحقق: وحتى سيايير اهلكم

الوالد الثاني:اييييي

المحقق: زين تدرون ان هالسياره سيارة بنت ..كانت نازله ودعمتها سياره والحين البنت بين الحياة والموت ..واحنا ندور شهووود على الي دعمها

يصمت الولدان

المحقق:قولوا الصج ...شفتوا اللي دعمها ولا لأ

يقول الولد الاول: لاو الله ما شفنا شي ..شفنا السياره مبطله بيبانها واستغربنا ان ما فيها شي ..

المحقق:مافيها شي ...؟؟؟

الولد الثاني:لاكان فيها اغرض

الاول:لاماكان فيها شي

المحقق:يعني لازم واحد فيكم جذاب والثاني صاج ...قولو الصج علشان تطلعون بكفاله وما تنسجنون

الاول:ننسجن لآلآلآلالآ يبا..كان فيها جياس هدوم ...وجنطه فيها بووك وتليفون وكروت بنك ...وبس

المحقق:زين وين الاغراض

الولد:بعتهم....وحتى التليفون بعته ..بس الخط عندي..والبوك قطيته بزباله وخذيت كرت البنك

المحقق:وينهم ..؟؟؟

الولد الاول:كاهم (ويطلعهم من مخباته)أ

المحقق:مو حرام تبوق بنيه بين الحياة والموت

الولد الثاني: يبكي ...احنا شفنا الحادث

الاول: انت شتقووووووول

الثاني:ايييي شفنا الحادث

يسعد المحقق كثيرا ...قائلا:شنو شفت

الثاني:شفنا سيار بيجووو نمرتها حولي بس ما اذكر رقمها تنحاش وشفنا ريال ركظ وشال وحده وحطها بسيارته ...رحت انا على بو باخذ السياره وبلحق الريال اللي شال الوحده ...بس مطر قالي اش لنا بالمشاكل باجر يلبسونا القضيه خلنا نشفط بالسياره ونردها مكانها...بالبدايه ما كنت ابي انفذ كلامه لين قالي انزل ..بسوق مكانك ورحنا صليبيه شفطنا ومطر خذى تليفون البنيه والاغراض وقال انا بوصل السياره والاغراض لي بيت البنيه وعقبها ما شفت مطر ...ويوم شفته وسألته قالي انه وصلهم وانحاش ..ما هقيت انه يكون باقهم

الاول: جسوووم يا نذل...صج مو رجال

الثاني:ماكو نذل غيرك ...وحاط السياره بخيطان علشان اذا ما لقوها تستخدمها لأن يم بيتكم

المحقق:يعني الحين ما يصير ريال الا اذا جذب ..قوك الله يا ولدي ...انت تدري ان الريال اللي وصل البنت متهم بقضيتها ..وانه طلع بكفاله ...زين ما تذكر رقم السياره اللي دعمت البنت واللي فيها كان ريال ولا مره ...وكم عددهم

الثاني(جاسم):لا ما اذكر ..انا شفت السياره وهي تنحاش زين مني ثبت حولي ...بس اذكر اللي فيها عدل...لأنا شفنا السياره من الوجه مو من الخلف ...بس حظرة المحقق بتسجنا

المحقق:انت طبعا لأ راح اعتبرك شاهد بالقضيه ..اما مطر ..حرامي ..واعترف على نفسه ..

الاول(مطر)يبكي:ليش؟؟؟؟؟

المحقق:انت اخفيت معلومات عن العداله ..وهذي جريمه بحد ذاتها ..

لكن اطلبلي ولي امرك ..بتفاهم معاه وانت يا ولدي يا جاسم خل موبايلك عندي راح اطلب اذا احتجتك بشهاده ..

يخرج مطر بكفاله ...وتطلب مباحث حوالي جميع السيارات البيجوو..خضراء الللون ...ويتم التحقيق مع اصحابها عن موعد تواجدهم وقت ويوم حاطث منال وتواجد سياراتهم...يتخلف عن القدوم واحد من اصحاب السيارات البيجووو..ويتظح انه مسافر...يقدم الجميع براهين قاطعه على اماكن تواجدهم ما عدى المتخلف الذي اشارت دائرة الاتهام عليه حيث عمم اسمه على جميع المداخل و المخارج ...بمجرد قدومه يلقى القبض عليه

يستلم ابو منال سيارة منال وخط هاتفها وكرت البنك من المحق وشكر ابو منال المحقق

وبعد جراء العمليه لمنال

.

.
.
.
.
.
.
هل ستبلغ سستر الام المحقق بمادار بينها وبين احمد؟؟؟؟

يتبع