زمان الغناوي
ملاحظه: اذا انت مشغول ولا عندك شي لاتقرا وتضيع وقتك لأن قرقتي اليوم على غير معنى
اشكي المحبه
والامل
والحبيب المهاجر ...مادري شخلى هلغنايه الموقديمه وايد تطري علي
اي مو قديمه وايد
من 1994م يعني من اكثر من 12 سنه هههههههه يمكن لأن كل اللي اسمعه اقدم منها
مع ان ما عندي حبيب مهاجر ولا شي بس الغناوي ذكريات
هليام معاي ارق وهو يقول فيها انا السهران لجفون النهار الظاهر علشان جذي هههههههه
عندي قعده الساعه ست الصبح ...يا ربي ليش المأساة :(
والحين الساعه اربع ونص يا سلالالالام عليج يا عتيجه
مرت علي فتره ما استغنى عن اشرطة رويشد الحمدالله والشكر
فترة وعدت وكانت عندي غنايه الحمد الله والشكر مسجلتها عالشريط ثلاث مرات هههههههههههههه حتى بالرومنسيه في خبال
ومره من المرات عفست تسجيلات عبدالله الرويشد على غناية ..كنت اتسائل شلون هلغنايه مو عندي .؟؟ وانا اللي عندي اشرطة رويشد ومهرجاناته من اول ما طلع وحتى مره اشتغل معاي ولده بمكان مؤقت...قلت له اتصدق ان عندي غناوي يمكن ابوك ناسيها قعد يضحك قالي والحين قلت الحين ابوك ينزل شريط ما ينزل كلا سيم سيم ....قعد يضحك يحليله خالد والله كان ولد مؤدب جدا رغم صغ سنه ومحترم عاد على هالطاري من جم يوم شفت بالوفيات خالد عبدالله محمد الرويشد ....وكان عمره 22يعني من طقت خالد ولد الرويشد بس ما كان اهوه لأن اسمه خالد عبدالله عبدالرحمن ..بس سبحان الله نفس الاسم والعمر ..حتى بداية ضاق خلقي تالي تذكرت
وآخر شريط شريته كان اللي فيه حلاتج يا نظر عيني مطر يروي العطش ويخضر الديره
الباجي مادري عنهم دمعة المسحور مادري شنهو..وحتى اللي غنى مع نوال احس بطيخ يعني ولا شي
رويشد راح وراحت ايامه ...انا اقول لو ييسوي نفس عبدالمحسن المهنا ويحافظ على غناويه وينسحب شوي شوي وايد احسن
وعموما شخباري اشرطه ومادري شنهو ...آخر شريط شريته والله نسيت صارلي فتره طويله ...مو شاريه شريط الحين ما اسمع الا محطة الغناء القديم 87.9
او البرنامج الثاني 97.5
وقناة القرآن الصبح 89.9
وساعات احط قناة الموسيقى لكلاسيكيه اعتقد 92.3
وشريط واحد غناوي بسيارتي ...
صوووووووووووووووووت السهارى
والباجي مو غناوي شي قرآن وشي سيره والذي منه
الساعه الحين 4:55مادري شلون بسوق لي اقصى الدنيا
اظنتي بيصير شكلي نفس اللي بالصوره فوق
Labels: مشاعر
posted by 3ateeja @ 4:13 AM
13 Comments:
غنايه الحمد الله والشكر مسجلتها عالشريط ثلاث مرات هههههههههههههه حتى بالرومنسيه في خبال
هههههههههههه مت من الضحك
شخباري اللي يسجلون ورا بعض؟
4:55مادري شلون بسوق لي اقصى الدنيا
؟؟؟؟؟؟
ليش انتي مو بفراشج هالحزه؟
عتوج شهالعساارة
عبدالله رويييييييييييييشد
احب أغانيه وايد
بس على قولتج صاير يخورها بهالعشر اسنين اللي فاتو وماكو غير جمن اغنيه اللي اعتبرهم توب عندي
اذكر سويتله موضوع حطيت افضل اغانيه بالنسبة لي
تعالي تتذكرين اغنيته
قلبي معك يا مشغل البال ملتاع
ياللي تدور ما يزيد التياعي
اول اغنيه حفظتها له ايام كنت ابتدائي اذا مو غلطانة
كنت ميتة على كحلة البنت اللي اتغني ويااه
لوووووووووول
لكل من اسمه نصيب :|
يبيلج ابوي انتي
و الله يعينج على السهر و العسارة :|
شرايج نتحدى بعض باغانى رويشد
؟
بس تبين الصج احسن شى تسوينه بسيارتج هالشى
:)
الذكريات تذبح
تصدقين ساعات امر بالشامية يم بيتنا القديم
والله يعورنى قلبى
....
نفس الشى
ثانوية كيفان
....
مشرف
...
الايام الى فاتت ما تنعاد
:)
طمنينا عليج و على حالتج
بعدين تصدقين انا قبل ماكو شريط ينزل ما اشتريه
الحين ماكو الا البرنامج الثاني بالاذاعة او قناة الغناء القديم و قت الاصوات
الله يعينج :)
لا زعلتيني
رويشد راح؟
حرام والله ماكو مثله
:)
ههههههههههههههههه
ههههههههههههههه
واي عتيجه من وين هالسوالف
انا اذكر مرا قلبت الدنيا على اغنيه يا سدره العشاق يا حلوه الاوراق
احبها اموت عليها يقولون لي وطنيه !!
سالفه قلب:
انا كنت بلفراش ..:)
نونو:
يخورها كم قلب ...وقلبي معك عجيبه وخاصه ان ما يعرف يركب خيل بغى يطيح ههههههه
كيتي:
اي اهوه ماخذ المركز الاول بالحنه ...سمعي قديمه وايد احلى :)
كرييتف:
اي والله يبيلي ابوج ...متزوج؟؟؟
مش مش:
لا ما اتحدى ...بالقديم اكيد بس باليديد لا ما اعرفله شي ..غير غنايه وحده ..
يوكن:
اكيد ما تنعاد...قبل الماي يشربونه بالحب ..والحين بالبرداه ويقولون الكمبريصر اييب المرض الشين مادري شنهو
دايفر:
اي هذا شغلي انا :)
الاثير:
اجمعين
وايت وينق:
سمعي قديمه وقارني بين قديمه ويديده وانتي بتعرفين ليش اقول يعتزل وايد احسن
لوير:
اي يا سدرة العشاق حلوه وايد...اكو احلى من صوت شادي الخليج ...ماعنده غنايه مو قويه
ههههههههه الله يعينج و الله :)
اجمعين :)
Post a Comment
<< Home