جنقر
ايام حافله ....
او انا حافله (لا باص مواصلات)أو مادري شقصتي
يمكن اللي يعرفني ...يقول هذي شفيها كلا لو يه وحوسه ومشغوله
شفيها كلا مضغوطه
هذا شقصتها
هذي شسالفتها
مع اني والله وبالله انسانه جدا بسيطه...لكن فيني عيب شرعي كلا عبالي ان الوقت يمدي وكلا عبالي اني اقدر اسوي كل شي
وكلا ما احب ارد احد
يعني المشكله مني وفيني
مع ان حتى جنقر مات بآخر حلقه
خلنا من جنقر وخلني اهذر عليكم ايامي الي طافت شغبرت
كان عندنا دوره وكان بالدوره من كل دوله خليجيه ناس مشاركين
وطبعا بما اني بلكويت ولعلاقتي القويه مع رئيس البرنامج لازم اطق السدر
واطلع فيها سبع البرمبه ...(تعرفون منو سبع البرمبه)؟؟؟؟؟
اول يوم وما ادراك ما اول يوم
كان عندي مشوارين الصبح
ويبدي البرنامج الساعه عشر صباحا
قضيت المشوارين واللي اولهم كان مطراش ....عادي محد قالي اصير مطراش؟؟؟عدل
عدل
حضرت الافتتاح ..والبرنامج الصباحي اللي انتهى بأذان العصر
رديت بيتي غيرت لبسي الرسمي ولبست لبس سبورت يتلائم مع الجوله المسائيه
وبعدها جوله مسائيه مع الاخوه والاخوات الخليجيين
وديناهم الشسمه ..لازم صار فرمان
المركز العلمي ...الاكواريوم
عقبها حضور فلم
والله خير مادري ليش نظاراتهم تخلينا نصب حوله ....نصك عين ونبطل عين وهذي قعدتنا من الصبح والفلم طول بيني وبينكم
جان انام
هههههههههههه
ابيه تحفه
اثري رئيس البرنامج هم نام ..خنت حيلي
المهم يوم خلص الفلم وبطلوا لترياكات استوعبت اني نمت
ثم وديناهم مرينا
وعقب مرينا لالالالالالالالالالالازم مادري ليش الابراج الله يزيد النعمه والفضل
عقب الابراج ياتني نزله معويه ..انا ورئيس البرنامج ..والخليجيين ما شا الله ماكو احسن منهم مادري هم ليش؟؟؟؟
لاتاكلون من الابراج نصيحه
زفتني خدامتنا الصبح وقالتلي انت ما يروح برا
ما رحت برا الصبح بس العصر انحشت ,,ويضا جوله اخرى مسائيه لكن اشوه ما اكن فيها عشى ولا جان الحاله كسيفه....وكملت شغلي ورديت
ونفس الشي اليوم .....
يمكن قاعده اهذري وايد بس ارجو المعذره معاي فلونزا جميله لطيفه ظريفه تجبر المرء على الحديث هكذا
نصيحة اخت لاتاكلون من الابراج
:(
Labels: كوميديا
posted by 3ateeja @ 2:22 AM
17 Comments:
hi 3atoooj walhana 3aleeeeeeech ;PpP
ana mo bel Q8 al7een bas 7abeet asaleem 3alich..;>
lama arja3 ared 3ala ur last posts..;>
love u..;>
ما راح اكل من الابراج بس تبين الصج الكويت ما فيها معالم الواحد يمشى فيها الناس تفشششششل
هههههههههههههه
تدوينك راائع والاروع تعليقات البنات موتتني ضحك
يسلموووا عتيجة بنتظار تدويناتك دائما وابدعاتك
ماننحرم منك
اختك مضيعه بيتهم
@@
ويييه ياعتووووج
كسرتي خاطري
احسج
معفوسة فوق حدر
يالله تعيشي وتاكلي غييييرها
وماتشوفين شر يالغاليه
شنو يعني
سبع البرمبه ؟
:/
حتى أنا مرة تعشيت بالأبراج
جان تحوشني
نزلة معوية
و من عقبها حرمت أتعشى فيه
:)
و
الله يعينج
اكبر غلط يا عتيجة
انه نعتقد انه احنا اخطبوطات نقدر نسوي كل شي وبكل وقت
:D~
يعطيج العافيه يا السنعه
عكستي صورة مبهرة عن الكويتيات
والنظارة بالمركز العلمي بس البسها اترحم على عايشه المرطة الله يرحمها
:pP~
شربي شي حار وتدفي وسلامتج ما تشوفين شر
هههه اهم شي اللي نامو بالفلم
استاانس على سوالفج عتيجه :>
سامات ما تشوفين شر
طهور ان شاء الله
وربي يعينج على اشغالج
اذا مليت من الروتين وحبيت ادخل المستشفى بتعشى بالابراج :\
عتوج حبيبتي
شوي شوي خفي على روحج ترا بتعجزين بدري
:(
صج شسالفة من الصبح لاخر الليل
الله يعينج صج
اخذي اجــــــــازة
وسافري لا تقعدين عشان ماتحسين بالملل
:)
تحايتي لج وعساج عالقوة
مع ان حتى جنقر مات بآخر حلقه
^
^
LOL!
الله يعطيج طولة العمر
:
تصدقين يا عتيجة انتي هالمرة انا باشبهج
على واحد اعرفه
انتي عن جد اختي العودة
تشتغل
تدق الصدر حق الكل
تهلك روحها
معطاءة و كريمة بطريقة مرات تنرفز
و كله على بالها ان يمديها
لا يكوووووون؟؟
اخاف انتي اهي
ههههههههه
:
الأبراج
رحت له مرة وحدة و توّبت
احلى ما فيه القعدة
و بس
نحنا ما رح ناكل من الابراج و رح نسمع نصيحتك بس انتي ديري بالك على حالك و انا سعيدة بقراءة مذكراتك الجميلة والله يوفقك
يلا اجر وعافية ان شاء الله
بعدين ترى خير الناس انفعهم للناس
فان شاء الله تكونين من خير الناس لانج تنفعين الناس و تخدمينهم
سلامات مرة ثانية
و عليج بشرب عصير لمون بالبرطئان
بااااااااااااااك ^___*
هههههههههههههههه اهم شيء انج نمتي انا اول مرة بحياتي نمت في السينما كان بايام العيج اللي طاف ههههههههههههههههههههههه اول مرة بحياتي انام بالسينما لووووووول
تعالي صج @@
صج جنغر مااااااااات :(
امبيه توني ادري ما كملت الحلقه الاخيرة انا...:((((
jongar yemoot!??
كوكو:
حمدالله عالسلامه..اي مات روحي اشتريها من مركز الفنون
مشاري:
الكويت فيها معالم وايد حلوه وجميله ..واولها الابراج
;p
كيتي:
الله وكيلج تعومسنا ..روحي بس تطمشي لاتاكلين
امضيعه بيتهم:
وانا ادعو لج من كل قلبي انج تلاقين بيتكم
نونو:
الشر ما اييج
موكليت كيك:
سبع البرمبه هي هي هي خوش سؤال اسوي منه بوست
استكانه:
قبل ما اترحم نمت الله وكيلج :)
نسكافيه:
زين ما شاخرت
الاثير:
اسئلي الله العافيه
ساره:
بسويها ان شا الله بعطله الربيع
طائر:
شوف اذا اختك ياتها نزله معويه الاسبوع اللي طاف يعني انا
وتعال انا ما عندي اخو يلبس نظاره
;p
فينوس:
يا هلا ومرحبا فيج اختي ..وسمعي نصيحتي والله ما اتحسفين
دايفر:
ولله بردت جبدي..تسلم على جلماتك الطيبه اللي مثلك
سبونتا ..والباجي ان قلته قطيت بدليه
اي مات
looool
أنا ما ضحكني إلا جنقر و علاقته بالموضوع !!
و أهم شي "التريكات" !! لأ لأ لأ هالكلمة آخر مرة سمعتها قبل جم سنة !! شخباري "تريك .. تريك " !!
لووووووووول
ولد الكويت
يعني شتهقى تسمع عنديي
بلييييييز ولا واو
هههههه
Post a Comment
<< Home