احاسيس مختلطه
احساس تافه: لما تحس ان شغلك يوقف لأنك فلان لفلاني
احساس بشع:لما تحس ان الناس تنتقم منك بالناس اللي حواليك
احساس مليق:لما تحس ان اللي فوقك افضل منك بالمال والحظ وما عنده لا مخ ولا عقل ولا تفكير
احساس يتلف:لما تحس ان شغلك اللي تعبت عليه يطلع بوووووش بشخطة قلم
احساس مدمر:لما تحس انك تعبت عاطفيا-نفسيا-اجتماعيا...ومحد حاس فيك
احساس خبل :لما اللي داير مداريك يجرحونك وانت تعتقد ان مو قصدهم (يعني يا حماره متى تفهمين)1
احساس يعذب: لما تحس انك منبوذ
احساس يدوده :لما تشوف الحب بين كل هالاحاسيس
احساس يونس: لما تشوف واحد يلاحظ كل هذا ويصرحلك
احساس يشجع : لما اييك واحد يراقبك من بعيد ويقولك انا معاك لي النهايه هذا اذا كان في نهايه
احساس يقمت: لما تحس انك تصرفاتك مراقبه من قبل جاسوس كبير
احساس يعور: لما يغدر فيك انسان قريب...كنت في يوم من الايام ملجئ لهمومه
احساس مؤلم:لما ما تقدر تشكي همك لأقرب الناس لك ....لأنك خايف عليه
احساس مؤذي:شعورك بالذنب بعد كل اللي صارلك واللي بيصيرلك
احساس برئ: لما تشوف حوالينك صغار انت مثلهم الأعلى....وشنهو انت؟؟؟!!؟؟
احساس مثالي: لما تتمسك بالصح واللي حوالينك غلط في غلط
احساس يجرح: لما تحس ان صدقك سبب مشاكلك
Labels: مشاعر
posted by 3ateeja @ 4:58 AM
26 Comments:
وبعد كل هذا هل نتعلم ؟
ويه يا عتوج اشفيج؟؟
من هالبوست شكلك واايد بقلبج حره
يالله عسى الله يهدي الجميع ان شا الله
احساس خبل :لما اللي داير مداريك يجرحونك وانت تعتقد ان مو قصدهم (يعني يا حماره متى تفهمين)
^
^
عاد وايد عندي من هالإحساس الخبل
:(
احساس مليق:لما تحس ان اللي فوقك افضل منك بالمال والحظ وما عنده لا مخ ولا عقل ولا تفكير
اتصدقين لأ .. ما قط حسيت انه احساس مليق .. يمكن لثقتي بان اللي فضلّه علي مو بشــر.. يعني رب البشر اهو اللي قسم له هالحظ والعقل والاخلاق والرزق. فحدددي مرتاح في هالجانب
تلك الرسل فضلنا بعضهم على بعض ، منهم من كلَّم اللهُ ورفع بعضهم درجات
يعني اذا الله سبحانه فضلّ بين درجات الرسل بعضهم في بعض.. يت علي البشررر؟
احساس يعذب: لما تحس انك منبوذ
حسيت فيه ايام الدراسة عند انتقالي لمنطقة عنصررررررية غالبية اهلها
red nicks
بس ما حسيت انه عذبني لانهم حيوانات
كلش مو محترررر
:p
احساس يعور: لما يغدر فيك انسان قريب...كنت في يوم من الايام ملجئ لهمومه
عوّر الشافعي قبلنا..
ولا خير في خـل يخـون خليلـه
ويلقاه مـن بعـد المـودة بالجفـا
وينكر عيشـا قـد تقـادم عهـده
ويظهر سرا كان بالامس قـد خفـا
ليش ننظر للجانب السيئ للامور ونجعلها شغلنا الشاغل ونخلي اشياء تافهه تأثر على نفسياتنا ؟
انا دايما انظر للجانب الايجابي لكل موضوع او مشكلة واحاول ابررها بان الخيره في ما اختاره الله والحمدالله على كل حال
الاجنحه المتكسره:
كل طراق بتعلوم يا وخيتي ..اشكر زيراتج ..شرفتينا
نونو:
اووووووووه قلبه متروسه
اما من ناحية الاحساس الخبل ..فهليام حايشني :)
كيتي:
اي والله احساس يعور وايد بعد ...
وليش مشكله الحياة رحله طويله واللي ما مر بهالاحساسيس بيمر فيها ...
مع العلم اني ما اتمنى
لندني:
وجهة نظر اقبلها :)
من ناحية العنصريه ..انت رحت لمكان انت فيه منبوذ..تخيل لو بالمكان اللي انت تحبه وتلاقي النبذ يأتيك شيء فشيء ..فيط لأنك تقول الحق ...احساس مو شي
فوزي:
عيل شيل الاسلاك الشائكه اللي على علم لكويت ..علشان اقتنع اكثر بكلامك :)
وفعلا الخيره فيما يختار الله ..
احساس مدمر:لما تحس انك تعبت عاطفيا-نفسيا-اجتماعيا...ومحد حاس فيك
احساس خبل :لما اللي داير مدايرك يجرحونك وانت تعتقد ان مو قصدهم
(يعني يا حماره متى تفهمين)
احساس يدوده :لما تشوف الحب بين كل هالاحاسيس
احساس مؤذي:شعورك بالذنب بعد كل اللي صارلك واللي بيصير لك
احاسيس تعور بصراحه بس خوووش بوست
أحاسيس مختلطة
احاسيس جميلة
احاسيس تعور
:)
تحياتي
احساس يعور: لما يغدر فيك انسان قريب...كنت في يوم من الايام ملجئ لهمومه
الله يسامحج ذكرتينا...:(
عتوووج لا تقولين انتي ولا شيء جدام الصغار اللي يشوفونج مثلهم الاعلى بالعكس لازم تحسين بالفخر وبانج قاعده تسوين شيء...ولو شيء بسيط يأثر فيهم...:)
الاغنية اتيننن...^___*
حساس مليق:لما تحس ان اللي فوقك افضل منك بالمال والحظ وما عنده لا مخ ولا عقل ولا تفكير
صدقينى عتوج اخذيها منى وانا اخوج
الزين بالاخير اللى يبقى لو شنو يصير
ولا تعورين راسج بالاخير الصدق اهو اللى يعلى
عزيزتى ابتسمى انتى بالخفجى :P
حسبى الله على أبليسج على هالأغنيه
هديت الكمبيوتر و قمت أزفن
لووووووووول
صاجه والله
احاسيس مختلطه وكلام روعه
بس الصدق لاتتحسفين عليه حتى لو صار ضدج لانه يبقى اهو المنجاة
احساس خبل واحساس يعور
أصلا قلبي من كثر اللي فيه خلاص صار ضد الصدمات :p
الله كريم
الاسلاك الشائكة في الصورة التي اخترتها رمز لاخي الشهيد وعمي الشهيد والكثير من اصدقائي الشهداء
اختي وعزيزتي عتيجه
واااي شنو اقولج والله من اول ما فتحت البوست وانا ابجي واحاسيس متبادله
احساس يعور:لمايغدر فيك انسان
(قريب).....كنت في يوم من الايام ملجىء لهمومه
ااااااااااه
:(
احساس مؤلم :لما ما تقدر تشتكي همك لاقرب الناس لك .....لانك خايف عليه
واااايد
:ا
احساس برىء :لما تشوف حوالينك صغار انت مثلهم الاعلى.....وشنو انت؟؟؟؟
:>
والاغنيه زوغه
والله يكون في عون نج
دايم انشاء الله
وتحياتي لج
وسن
مسسز تفاحه:
شرفتيني يا اختي ..وهذي الساعه لمباركه وتسلمين على الاطراء وان طابلج المكان عاودي
اكتب بالرصاص:
جدا جميله هالاحسايس ..اقص ايدي اذا قريت شي...عموما حياك الله :)
كوكو:
محد رافع معنوياتي الا هلزغار ...:)
مشاري:
هذا انا صابره ..وصادقه ..وعلى النيه وبشوف ..وانسمي طويل ان شا الله..
يعرقلون شغلي من هالصوب ادشلهم من الصوب الثاني ..المشكله يا مشاري اذا الموضوع وصل لي الانتقام من اللي حواليك ..هنيه تبدي اتألم فعلا لأن مابيدك شي
جاي حليب:
حياك الله يا اخوي ..وترى الزفان لازم يصير شخصين على الاقل يمييع ...
هاه معاي؟؟؟
ساره:
حمدالله على سلامتج :)
سالفة قلب:
هذا اللي صايرلي الحين ..,ان شا الله ماراح اتحسف عليه ..
ريلاكس:
من الحين ..عيل لا اشتغلتي شلون ..ألله يعينج ...يا وخيتي
بس لاحظتي ان احساس خبل؟؟:)
فوزي:
انت غير ملزوم بأطلاعي على خصوصياتك ..والرمز يعنيلي ان الكويت مقيده ..وبأسلاك شائكه وخاصة تعبير سأظل مقيدها ..وبالعكس الشهاده حلوه وليست قيد ...وجان زيني اموت شهيده ويا بختك الصراحه :)
وسن:
حبيبتي اي احساسيس متبادله اي بطيخ حتى انا وانا اكتب ما بجيت مشي دموعج خنت حيلي عورتي قلبي ..وعادي الكتابه للتنفيس ..:)وماكو الا العافيه ان شاالله
احب اي شعور يشاركني
اعيش بلا احساس أفضل
------
احاسيس مختلطه ===>احاسيس من نوع واحد
:/
تو الناس مامداج تعيزين تصبري على روحج
وذكري الله وكل هذا يروح
وهونيها تهون يما
====
احساس يتلف:لما تحس ان شغلك اللي تعبت عليه يطلع بوووووش بشخطة قلم
====
ايييه وايد مجربته خصوصا بالجامعة
نكرف كرف اليهد وما نحصل شي
ادري ما شفت شي من الدنيا
===
احساس مدمر:لما تحس انك تعبت عاطفيا-نفسيا-اجتماعيا...ومحد حاس فيك
===
يمكن لو يحسون فيني لدمرني وانتهيت!
===
احساس يدوده :لما تشوف الحب بين كل هالاحاسيس
===
والحب كله مدخل عمره بكل مكان ..
بس صج يدوده
==
احساس يشجع : لما اييك واحد يراقبك من بعيد ويقولك انا معاك لي النهايه هذا اذا كان في نهايه
==
اللـــــــــــــه
احساس يقمت: لما تحس انك تصرفاتك مراقبه من قبل جاسوس كبير
اي والله عشان جذيه خليك طبيعي وطنش تعش تنتعش واللي مو عاجبه اكو خمس اطوف
احساس مؤلم:لما ما تقدر تشكي همك لأقرب الناس لك ....لأنك خايف عليه
==
ايييه
احساس مؤذي:شعورك بالذنب بعد كل اللي صارلك واللي بيصيرلك
اي والله
احساس برئ: لما تشوف حوالينك صغار
انت مثلهم الأعلى....وشنهو انت؟؟؟!!؟؟
انا من وانتم من .. ومن انا لاكون انا
الحمدلله
احساس مثالي: لما تتمسك بالصح واللي حوالينك غلط في غلط
طوبى للغرباء
احساس يجرح: لما تحس ان صدقك سبب مشاكلك
صج العنوان احاسيس متلطة بس انا حسيت ان اكو خلاط قاعد يفرك داخل قلبي!!
مشعل:
الاحساس يعني الانسان
والانسان يعني الاحساس
والحمدالله اني لي الحين انسانه :)
كوين:
جدااااااااا نعمه
كويت لوفر:
ويييييه وين غاط يا حافظ ...زين زرت يدتك ..
الاثير:
سلامة قلبج يا وخيتي ...احلى احساس ..انكم حسيتوا بكل هالاحاسيس :)
والله إن فيني كل هذا إذا مو زيادة
بس ما أقول إلا
آآآآآآآآآآآآآآآآآآآخ
إللي ما يقدرك ما يثمنك
و لا راح يحس بقيمتك إلا ليه رحت عنه
مو جسد
بل روح و عقل
ما ودج ساعات إتحطين الأحاسيس بعلبة و تحذفينهم بالفريزر؟
احاسيس قمة بالصدق
.
.
شعورك بالذنب بعد كل اللي صار لك واللي بيصير لك
.
.
واللي ذبحني اكثر
قريته اكثر من مره :
لما تشوف حواليك ناس صغار انته مثلهم الاعلى وشنو انت؟
:(
كالعاده،البوست اللي يضيق الخلق يبجي
واللي يونس يموتنا من الضحك
ما عندج حلول وسط؟
:P~
ريما:
ما ودج ساعات إتحطين الأحاسيس بعلبة و تحذفينهم بالفريزر؟
بعض الاحيان اييني هالاحساس ..تالي اتذكر اني انسانه وهالشي مكتوب علي اني الكائن الوحيد اللي عنده كل هالمشاعر ..
كيتي:
تسلمين يا ووخيتي
سكون:
شرفتي..ومثل ما قالووااا ..كل طراق بتعلوم
استكانه:
اولا حمدالله على سلامتج..شرفتي ..
ماعندي حل وسط؟
قال الشاعر اللي مادري شسمه
نحن قوم لا توسط عندنا ...شفتي شلون :)
yazeenich o yazeen elli tktbeenah
احاسيس صادقه
عتيجه اول مره ازور بلوقج وقريت منه وااايد، وحددده يازلي
استمتعت بالزياره وان شالله تكون لي زيارات قادمه
احساس بايخ لما تحس انك عايش بروحك دايم
الله يبعدنا عن الاحاسيس الي مالها داعي
وراج شي يدتي على هالقطعات
bo9ale7:
thxxxx bs tra ana ast7eey chthy
نسكافيه:
تسلمين حبيبتي مكانج وهذي الساعه لمباركه
كويت لوفر:
لا ما وراي شي انت وراك؟
Post a Comment
<< Home