الجزء الرابع و الاخير(حب اربعيني)ا
(المعذره على تأخري لكتابة القصه ..والعله مو مني من جهاز الخرابن الى درجة اني اكتبها الحين من الدوام والدوام لله ) تتصل غنيمه بأم منال وترد سناء على التليفون ومن ثم تعطيه امها لمحادثتها وفي غرفة احمد احمد: انور؟؟؟ انور:هلا ؟ احمد: انا لي متى وانا قاعد على هالحال مغذيات وراحين رادين علي ؟؟؟ انور: هذي تعليمات الدكاتره خايفين عليك من الذبحه الصدريه بعد التبرع الين يوم عمليتك يودونك بأسعاف لي المستشفى الصدري احمد:ومنو بيكون معاي اثناء العمليه؟؟؟ انور: انا وفطوومه بنت خالتك ..أللي اهي زوجتي ...يبتسم احمد: والله مادري شلون اطلع من يزاكم انت وفطومه والله مخجليني ....وامي ما قلتولها؟؟؟؟ انور: انت من صجك ..امك بروحها مره مريضه لو تدري باللي صارلك ممكن يصير لها شي قلت لها انك رديت الامارات...وقلت حق اخوانك وخواتك وحرصتهم ما يقولون حق امك احمد: ادري ما راح ايييووون ...لو مو قايل لهم احسن ....زين عملية منال بعد ساعه مو صح؟؟ انور: ايييييي على ما اظن احمد: شفت اهلها شلون داير مدارها؟؟؟ انور: دايم العوايل جذي اذا كانوا صغار وكل ما يكبرون يتفججون الا ما ندر احمد: اقول انور بقولك شي انور: اي خلك سيده لا تلف وتدور احمد: انا بتزوج منال انور: والله قلبي حاس وماني مستغرب من كلامك ...وادري فيك تلف وتدور على هالسالفه احمد:انا من صجي انور:ادري من صجك ...بس ترى البنت مارح تمشي ..احتمال ضئيل انها تمشي ..وبغيبوبه وضعها ما يسمح احمد:انا بسفرها برا على حسابي وبوديها احسن مستشفيات ...وبحاول واملي بالله جبييير انور:احمد ترى انت مو صغير وزواجك بهالسن يعني عيال واستقرار ...ترى الحب في وقت الازمات دايم يفشل دير بالك احمد:حب وقت الازمات شتحجي انتي ..انور معقول مو حاس فيني طول هالوقت انور:شتقصد؟؟؟؟!!؟؟؟ احمد: منال اهي الانسانه اللي انا ابيها صارلي سنتين مو توني انور:منااااااااااااااااااااااااااااااااااااااااااال ام 21 سنه من صجك احمد احمد:اي من صجي ... انور: يعني منال اهي اللي صاحبت الفضل في تغيرك 180درجه احمد: شفت شلون انور: والله انا من دريت انك تبرعت لها وانا قلبي ناقزني ..ادري قلبك طيب بس مو لي درجة تلغي عملية المانيا احمد:شرايك اروح أوقف يم ابوها الحين انور: اركد يا ريال اهم بحالة حزن الوقت ما يتحمل احمد:بس بوقف معاه ...ييب الويل جير ودني لهم وتعال معاي ودق على فطوم خلها تروح توقف مع الحريم انور في نفسه (يا حبيبي يا احمد شلت ابوك وعقبه امك والحين بتشيل زوجتك الظاهر الله كاتب عليك الشقى)ويتصل انور على زوجته لتقف بجانب اهل منال يستغرب النساء وجود فطومه ..وتتلقفها سناء لتجلس معها .. يستغرب جراح وجود احمد بينما يجلس الاب معه ويجلس ابن خالة منال مع انور يسرح احمد ...يستعيد احد المواقف ... منال واحمد يمشيان على البحر منال بيدها حذائها واحمد كذلك منال: احمد ما ودك تدش بحر احمد:انا كل يوم ادش بحر بس مو معاج منال : يالله هلمره خلها معاي يبتسم ...احمد:معاج معاج تسقط منال على الارض تصرخ آآآآآآآآآي يأتيها من بعيد يجري شفيج عندما يقترب منال تظحك قائله:بس بغيت اشوف ردة فعلك تقولي شفيك ولا تشيلني بس شكلك مو مستعد تشيلني احمد: مستعد اشيلج العمر كلا العمر كلا العمر كلا تنتهي العمليه وفي غرفة الدكتور ابو منال (لوحده):بشر دكتور الدكتور:والله يا بو منال مادري شقولك بس عموما الحمد الله على سلامة بنتك بو منال: والله يا دكتور انا تعلمت على كل الصدمات بعد حادث بنتي ..قول حتى لو العمليه ما نجحت الدكتور: يما انك انسان متعلم فخلني افهمك شغله ...العمليه الواضح انها نجحت على الاحتمال الثاني ..شلل مدة ثلاث سنوات بعدها عمليه ثانيه وتاهيل ..لكن في مرحله من الاحساس ما تستطيع اجهزتنا قرائتها..محد يحس فيها الا منال ومنال الحين بغيبوبه ..فاللي علينا سويناه ...باجي منال تقعد من الغيبوبه ونكمل باجي العلاج ...وكل شي بيد الله بو منال تدمع عينه: يعني بنتي ما راح تمشي ثلاث سنين ...الحمد الله يا ربي نص العمى ولا العمى كلا ...وبعد العمليه الثانيه اكيد بتمشي الدكتور: ماكو شي اسمه اكيد يا بو منال ...احنا نقول ان شا الله ونسوي اللي علينا والله يجدم اللي فيه الخير والطب يتقدم ويتطور وبعد يومين من اجراء العمليه يذهب احمد مع انور لغرفة منال يطرقان الباب سناء في الداخل مع والدها يدخل احمد يدفعه انور بالويل جييير يسلمان يجلسان ويقول احمد : والله يا بو جراح احنا يايينك بموضوع خاص وانتمنى انك تسمعنا بو منال: والله يا احمد يا اخوي انت ما قصرت معانا ...والشهاده لله احمد:والله يا بو جراح انا ياييك بموضوع ثاني ...خاص تستأذن سناء .... يكمل احمد: بو جراح انا ياي اخطب منال يبتسم بو منال وكانه متوقع قائلا: منال بنتي ..؟؟؟؟ احمد: ايييييي منال بو منال:بس تدري بنتي بغيبوبه وماراح تمشي احمد: يا بو جراح انا معاكم من بداية الحادث ...واعرف كل شي بالتفصيل وما ييتك الا جادم اني اتزوجها ...والللي تامر فيه انا حاظر بومنال:آآآآمر ....شامر فيه ..اشوه بنتي عدت مرحلة الخطر ...والفضل لله ثم لك ..والحين مثل ما انت شايف جسم على سرير ما تحس باللي حواليها...وانت دفعت كل شي مقدم ...كافي حياتك اللي تعرضت للخطر والسبه بنتي ..انا صج ما ابي منك شي بس تدري ظروري آآخذ راي امها ...ورايها اهوه الاهم احمد: اكيد ظروري وانا مقدر هالشي يذهب الاب لشركة الاتصالات للحصول على برنت على مكالمات تليفون منال ...ويجد آآخر مكاماتها مع احمد ...يبتسم ..ويتأكد من توقعاته ويصمت وفي المنزل الاب: آقول رقيه ...تدرين اليوم في واحد متقدم حق بنتج الام: اكيد فهد ولد غنيمه الاب:لا مو فهد ولد غنيمه ...احمد السلم ...تعرفينه اظن الام : احمد ......انت تدري جم بينه وبين بنتي ....انت ..وتبكي الام الاب:اش هالحجي يا مره ...وين فهد اللي يقول شاريها مستعد يسوي اي شي عشانها وراضي فيها بكل ما فيها الام: اي والله وين اللي ما بذنه ماي ...افا يا عبدالعزيز ترضى تقط بنتك على ريال من طقتك بس علشان بنتك مهي قادره تشيل نفسها الاب:الريال اللي شال بنتي من الموت مو اللي يترزز كل ساع بدوانيتي ...بس علشان يصير اسمه نسيب بيت فلان ..ما يهم العمر الريال طيب وزين وبنتج يعتبر احمد آخر فرصه ممكن تكون لها ...والريال مو عيزان عنها وطاق السدر...لاتنسين انها بنتي بعد تبكي الام: ضاع مستقبل بنتي شقول بعد ... الاب: انا بقول للريال ان احنا موافقين ...بس لازم راي منال اهوه الحاسم يأتي احمد مره اخرى لأبو منال ويبلغه ابو منال عن موافقتهم هو وام منال ولكنهم . . . . . . بانتظار موافقة منال
|
Labels: قصص
posted by 3ateeja @ 1:53 PM
32 Comments:
يعني ماتسلطتي الا الحييييييين؟
ياربي بقراها شلوووون ...
الحين بروح استقبالي وشكلي بحن على الي معاي ... وبرد اشوف الباجي .
لولولوليييش مقدماً ;)
يالمجررررررمه يالشرررريره جان خليتنا نفرح عالاقل ليش ماخليتيها تقووووم
مالي شغل ابي جزء خامس لو بس فيه جمله ان منال صحت ووافقت
:/
ااااااتتتتتتتتتتى
:"""""(
ليش جذي يعني؟؟
يعني يعني ليش ؟؟
علشان جذي جهازج خربان
مو متحمل يشيل هالمأساة
اي اي
:"""""""""""""""""""(
انزين على الأقل خليها اتحرك اصبع ريلها لكبير
بس اشوية
ولا ترمش وتطيح دمعه من عنونها
ما يصير جذي عاد
خليتي النهاية مفتوحة
هفففففففففففففففففففففف
القصه روووعه و نهايتها وايد حلوة و اتمنى كل نهايت القصص الحب الي بالديرة عن حب لكن تكون واحد بالاميه
مشكورين و ماتقصرون يام نبيل و ام مضحي على القصه المؤثرة و ننتظر منكم قصص بعد
عساكم على القوة
تحياتي
وااااي لا مو حلوه جذي كمليها
حلاتها يا نهايه سعيده والا حزينه وعااد انتي اختاري .. انصدمت لما متبتي تمت ضاق خلقي
ما اعجبتن النهايه
مرحبا عتيجة.. ماشاءالله عليج صج القصة حلوة وااايد ومتسلسلة وتشد .. عساج عالقوة يابر دايما.. وصج تعلقنا وايد بس كملنا بعدين.. وياعتوج كملي النهاية لأن في احتمالات وايد إما إنها تصحى وتوافق.. أو ماتوافق تخاف تكدّر أحمد وتكون زوجة عاجزة عن اكمال واجباتها وماتبي تحرمه من شي عشان جذيه ترفض أو إنها تصحى من عقب العملية والطامّة الكبرى إنها تفقدددددددد الذااااكرة وماتعرف أحمد وترفضه ..واااااي عتّوج حبيبتي كملي عفية النهاية بسطر واحد نبي نكمل القصة بسعادة ما يصير نتعلّق .. عفيه حبيبتي إنتي كمليها
سلامو
اهنيج على النهاية
كانت قصة جميلة عشناها امتعتينا و نشكرج على جهدج
جكجكجكجكجكجكجكجك عفيه عليج...^___*
وايد وايد وايد اعجبتني النهايه...:)
جني قاعده اطالعلي فلم والله اندمجت..وتخيلت المواقف اللي صارت بالقصه.....
يعطيج العافيه حبيبتي صج وايد حلوه بدعتي...^___*
:)
عجيبه ياعتيجه;)
لا خلاص منال قامت واستصحت ومافيها الا العافيه .. وتزوجت احمد .. ووو راحت تعالجت والله شافاها ..و انبطت جبد ولد رفيج امها .. راحت عليه الاناني
:)))
تسلم هالاديات
ما شاء الله
أسلوبج وايد وايد يشد
يخلي الواحد غصب يبي يعرف النهاية
بس انقهرت لأن ماكو نهاية
و صارت مفتوحة
!!
:)
مبدعة
هذي حالتنا مع حميده و ممدوح؟؟
النهاية المفتوحة وايد وايد حلوة
لكن الجزء الاخير كان يفتقر لبعض التفاصيل واختصرتي فيه وايد
عالعموم القصة كانت جميلة ومشوقة وخالية من الملل
===
اتمنى بالمرات الياية تحطين القصة كاملة علشان لا يصير فينا مثل ما صار بهذي
:)
Ensan basee6 ؟؟
منو حميدة وممدوح هذول مثل روميو وجولييت ولاّ مثل منال وأحمد ولا مثل فهد ومها يمكن مثل قيييييييييس وليلى مو؟؟؟
relax :تسلمين يا وختي
سحليه: ما احب شغل الافلام الهنيه
نقش حنه :اشكر متابعتج
نونو: قامت تطق اصبع ههههههههههههه ظحكتيني
كيتي :تسلمين يا كيتي وما تقصرين
كاندي: ام نبيل ما لها شغل اقرى التوبك عندي انا اللي اكتب وام نبيل يشكرونها هذا اللي يقول انا اللي احلم واهوه اللي يدري
عموما انا وام نبيل واحد وشكرا عالمتابعه
سمايل: اشوف قصة بشير الرشيدي عجبتج نهايتها المفتوحه شدعواااااا ناس وناس؟؟؟!!!؟؟
ساره :تااه يونسج بالعافيه ...وما احب النهايات المعروفه ...المجهول ممتع اكثر :)
سكره:
نكج يذكرني بحبيبتي صبحه -صباحك سكر-المهم ...مثل ما قلت مساع غير هالجزء ما عندي ...شوفوا غيري ...لوووول حطي انتي من عندج جزء :)
دايفر:
انا مسسسسسسسسستغربه انك كملت القصه والله ..انت آآخر واحد توقعتك انك تكمل وتقرى لأنك من جماعة خير الكلام ما قل ودل من جذي اشكر متابعتك الغير متوقه يا اخوي :)
كوكو:
نشكر جهودج المتواصله على القراءه والنصيحه
;)
ذا دكتور:
سبحانه الله ظروف اللاب توب تزامنت مع ظروف الصيف ..الناس تفضي بالصيف انا انشغل اكثر :)شسوييييي
مها:
سلالالالالالالالامتج من القهر ..انتي مبدعه وبما انج مبدعه لا تنسين ان حياة البشر ما تنتهي الا بالموت ...وموت الاشخاص بالقصص يعتبر من ركاكة النصوص وانا اختج :)
تبين اموتهم ترى حاظره اموت احمد بالعمليه ومنال بالغيبوبه وسناء زالقه بالمطبخ :)
انسان بسيط:
:P
بوصالح: ارضاء الناس غايه لا تدرك طول القصه منعني اني احطها ببوست كامل علشان ما اقطع عليك متعة المفاجأه والتشويق :)
اهم شي عجبتك ...لأن رايك يهمني
hmmmm ..
ما ادري ليش عورني بطني ؟
تسلم ايدج و لما قلت هالاحمد مقرود ما جذبت .. منال الله يشافيها طايحتله احلام
و اهوا وعليه عليه ينطر الموافقة
تعلق الريال فقير
يمكن عشان جذي بطني عورني ما احب التعلق هههه
انا احس
anno.
اهوا بن علي والله اعلم لاني فهمت من تعليقه انها عطست هههه واهوا مقترح العطسة من الجزء السابق
;D
واااااااااااااااااااااااااااااااااي
ياكرررررررررررررررررررررررررررررهج
حريتيني
شنووووووووووووو
ما ابي هالنهايه ماعلي منج
عيديهاااااااااااا
ماعلي
عتوووووووووووووووووووووووووووج
والله لو يمي كفختج
تحرييييييييييييييين
اللللللللللله
عجبتني النهاية حدها
لي درجة أن قشعرييرة قوية قوية سرت بجسمي..
يعطيج العافية والله
ما رديت عليج الا لمن كملتها (a)
تعجبني جذي نهايات
لا سعيدة ولا حزينه
:)".ويتقبلها القلب "برفق
سلمت الايادي
صوفيا :)
ما يصير جذي
خيانه :(
ليش ما كملتيها
:"(
تعورين القلب انتي ,,
:)
خربان مو خرابن
بالفقرة الحمرة الأولى
لحد يقول : انزين علّق على الموضوع
:))
مو شرط
ان شاء الله ما توافق منال
لان شكلها تحب النكد
مشكورة عتيجة
المهم ان شاء الله كمبيوترج تصلح ومضبوط الحين :)
يمكن تموت وما تتزوجه :)
الاعمار بايد الله
طلعتى مو هينة بهالكتابة العجيبة :)
السلام عليكم
محدثتكم ام بلبل
ابيكم شهود
يرضيكم الي سوتى اختي عتوج فيني
تصورو
ذاك اليوم من قرادت حظي نخيتها بشغله
بما اني ما احب اسوق الصبح بالهقيض فطلبت منها توديني مشيوير
المهم يزاها الله خير ودتني
وعقب ما طلعنا جان تقولي امشي معاي الدوام بروح اقضي شغله وعقب اوصلج البيت
قتلها تم
ومن غبائي وافقتها
وعقب ما طلعنا من الدوام وبعز هالحر
الظهر والشمس تفظخ الراس
وتقسمه نصين
ما اشوف الا والسيارة قامة تمشي بالعدال
اقولها عتوج شفيج
تقولي سلامتج
ما وعيت الا والسيارة توقف علينا
لا وتقولي نزلي دزيها معاي
وتخيلوا يا اخوان
نزلت ادز معاها بهالحر ليما لفينا فوق تحت وكان الشارع منتجل
فما قدرنا نستمر ووقفت بالشارع بين الحارتين
بقينا نروح جفي
اشوا يانا شرطي بالوقت المناسب
مو عادتهم بس اخير
جان يقولها "ادفها
قعدت بسلامتها تفكر
جان اقولها ما يبيله تفكير دفها وخل
تنخفس عاد من حلاتها
واشوه يزاه الله خير دفها لين وصلنا المحطه ويو الفلبن يتراكظون
وانا بقلبي اقول "ياحلو الخصخصه
واخرتها طلع ترسها ب3 دنانير
وانا اقولها يا الحزره مرمطتينا على 3 دنانيير
جان تقولي شسوي كنت مستعيله بنزل
الجزء الثالث حق بلوقراتي
واثاري كل هالمرمطه حق البلوق
تصدقون ما بطت جبدي عتوج كثر ما بط جبدي المصري
وحنا ندز السيارة وهو صافط عند الاشارة وقولته ترفرف من هوا المكيف وقاعد يشوفنا ويضحك
ولا فكر يساعدنا حسبي الله علي
عسى اشوفه بنفس حالتنا
والسامع يقول امين
عجييييييييييبه هالقصه
مسلسل رمضانى إن شاء الله؟
وين كل هالغيبة
مطول الغيبات ياب الغنايم
أم نبيل:
يقولون البلوق إدمان .. اللي يجربه ما يقدر يتركه حتى لو حاول
:p
وينك يا عتيجه؟
يا شباب مين كويتي هنا ؟؟؟ طيب فيه حد فيكم يا كويتيين بيحب الكويت بجد ؟؟ بجد بجد يعني مش مجرد كلام ؟؟؟ عندي بس كلمه للكويتيين فقط ... هل تعلمون أنكم مساكين ؟؟؟ والله مساكين أوي أوي بالمصري .. يا شباب الكويت اعرفوا بلدكم كويس واتكلموا عنها كويس .. الكويت اللي الناس عمال تسب فيها دلوقت وبتقول إنها كذا وكذا .. صدقوني هي آخر بلد عربي ركع .. آخر بلد ركع لأمريكا .. طيب ليه هما نازلين تلطيش في الكويت الأيام دي ؟؟؟ ليه ؟؟ إحنا ناقصين بهدلة وغلب وتفرقه يعني ؟؟ ولا يكونش ده لزوم استكمال المؤامرة على بلادنا وتقطيع أوصالها ؟؟؟ يا شباب الكويت كانت بلدكم أول بلد خليجي يعرف الصحافة .. الله يرحم عبدالعزيز الرشيد الذي أصدر سنة 1928 أول مجلة خليجية في التاريخ وكان بيطبعها عندنا في مصر .. تيجوا دلوقت وتخيبوا كده ولا تعرفوش تتكلموا عن بلدكم ؟؟؟ والله حرام عليكم .. وحرام على الكتاب اللي بكروش عندكم ولما بيستضيفوا أي واحد فيهم على الجزيرة ولا غيرها بيبقى شكله عره وأهبل وما بيعرفش يرد زي النصف من يومين .. يا شباب الكويت عندها تاريخ كبير ممكن تباهي بيه وتفخر بيه أوي أوي أوي .. جات عليها دلوقت إنها دخلت أمريكا المنطقه ؟؟؟ طيب يا سي سامي النصف كاتب .. فين ده ؟؟؟ لو عندك لسان كنت ترد وتقول إن الكويت آخر بلد اتنازل ووافق للقوات الدولية تدخل المنطقة .. الكويت قبل سنة 1990 كانت رافضه تأجير إحدى جزرها بالفلوس للجيش الأمريكي اللي بقاله سنين وسنين نايم قايم في السعودية وحتى عندنا في مصر .. الكويت يا نصف .. كاتب فين انته ؟؟؟ ياما وياما دعمت العروبة والقومية العربية .. الكويت هي أول بلد عضته القومية العربية اللي ضحكوا علينا بيها ... الكويت دايما بتتعض من اللي أعطتهم .. بس الأشراف وأصحاب المبادئ لأ .. يا نصف كاتب كنت تقدر تقول وترد .. لو الكويت ما راحتش للعالم عشان يحررها كان زمان حكومتها وشعبها نايم في ميدان التحرير عندنا بيبوس جزمة عمرو موسى عشان يعملهم اجتماع قمة عربية ويناقش قضيتهم مع صدام (زعيم من ورق .. ورق صحف صفراء عملت منه زعيماً على الفاضي) .. ومش بعيد الشرطة المصرية كانت موتت خمسين واحد بخراطيم المياه زي إخواننا السودانيين .. كان ممكن جابر الله يرحمه مات في مصر واندفن بعيد عن وطنه لو إن الكويت مشيت ورا الجامعة الزفت اللي بتقولوا عليها عربية دي .. الله يلعن دي كلمه .. ما شفناش من الجامعة العربية والقومية غير الهزائم وزعماء ورق زي المفدى صدام اللي ضحك على الفلسطينيين وفهمهم إنه هيحرر القدس عن طريق الكويت وللأسف وقعوا في الفخ .. مساكين مش لاقيين قشايه يتعلقوا فيها .. طيب ازاي حد عاقل يفهمني ؟؟؟؟ يمكن عشان الهاي واي في الكويت حلو ويشيل جيش أشاوس صدام ؟؟؟ يمكن .. ما هي حاجه تفلق .. المهم يا كوايته عايزكم تبقوا جدعان وتعرفوا تردوا في أدب وبالتاريخ والموضوعية مش كلام وبس ..مصيبة الكويت إنها ما عندهاش إعلام زي مخاليق ربنا .. ناس بتبهدل فينا والعالم رافع صورها إشي قذافي وإشي صدام وزفت وناس بتشتغل بجد ولا حد معبرها خالص بل بالعكس بتتشتم وتتلعن كل يوم .. لأ ونيجي نقول عايزين نتحد ونبقى يد واحده .. طيب ازاي يا خلق ؟؟؟ صدقوني والله ده أحد أسباب مصايبنا الكثيرة وسبب كبير كمان .. يا كوايته لازم تعرفوا إن الكويت على صغرها ده شاركت في حربنا مع العدو في 1973 بمائة عسكري .. استشهد منهم سبعتاشر ورجع الكويت ثلاثة وثمانين واحد مكسرين ومدشدشين وتلاقيكم بتقابلوهم عندكم .. ده غير الدعم المادي طبعاً .. القذافي سحب من وسط المعركة دبابتين خربانين كان مشحتهم لمصر .. يا ناس فوقوا بقى أنا زهقت من الغلب اللي احنا فيه ده والله .. كذابين الزفة هما اللي باينين والشرفاء ميتين موته إعلامية تقرف ... يا ريت يا كويت تعرفوا تتكلموا شويه .. حرام بلدكم دي ليها أيادي بيضاء على الأمتين العربية والإسلامية بخيرها ولا ينكر الخير والإحسان إلا الخسيس والله .. أنا طبعا ما حدش يعرفني هنا خالص .. اسم مستعار وليس لي علاقة بأحد لكن غايظني أوي ظلم الكويت لأننا بكده بنخسر بلد طول عمره واقف في صف أمته سواء على المستوى الحكومي أو الشعبي .. في الكويت كل مساجد السنة الجمعة اللي فاتت دعت بالنصر لحزب الله .. وفي غير الكويت شوفوا مساجدهم قالت إيه ؟؟؟ طيب يبقى حرام نظلم بلدنا الطيبة دي ولا لأ ؟؟؟ حرام .. والله حرام .. يا رب يا كريم .. انصر حسن نصر الله .. انصر الأمة .. ويا رب أظهر الحق .. وعلمنا الحق .. وأرنا طريق الحق .. يا كريم .. ودايماً طيبة وآمنة وكلك رجولة يا كويت ويا أهلي في الكويت كلها فوقوا وما تسيبوش الكدابين والأفاقين يضحكوا على الدنيا كلها ولا أنا غلطان ؟؟؟ ولا يمكن ماليش حق أتكلم كده عشان مش كويتي؟ عموماً أعتذر لكم إن كان كلامي جافاً ولكني مهموم جدا جدا بما أراه من تفرقة وكراهية بين أبناء الوطن الواحد والجسد الواحد والمصير الواحد وكل تلك الكراهية مبنية على الأكاذيب ..
اول مرة واحد
يتكلم من عقله
تحية لك
يا ابن بهية
:)
انا احتججججج
صارلي شكثر والله منال واحمد يطلعولي باحلالامي
واخر شي نهايه معلقه
لالالالا والله كيفج شوفيلج صرفه :(
Best regards from NY! Fitness center consent form sweaters buyers scrabble rack attack Irish sweaters 2004 dodge ram 1500 trailer hitches Slip covers for leather sofas Taking acyclovir while pregnant usc tojans sweaters Gold nuggett rings with diamonds Lexus is200 sportcross hub cap Isuzu florian Making a driveway Vera bradley chanticleer handbag san diego college sweaters
نهاية واقعية 100%
شي رائع
Post a Comment
<< Home