BY NON
ـــ هل أنت راض عن مدونتك شكلاً وموضوعاً؟
شكلا...شكلها زين كحلي امنقطه ...جنها غناية خالد الملا يا لابس الثوب لمنقط اسمك يا حلو ما فيه نقطه ...موضوعا ..هم راضيه عنها لأن ماكو موضوع ينزل مو برضاي ..:)
ـــ هل تجد حرجاً فى أن تُخبر صديقاً عن مدونتك؟
جدا ..وصارلي موقف حلو ان وحده زميله قعدت يمي وقالت لي دشي اقري بلوقي هههههههههههههههه ولا وحده من اللي معانا وسكت ولا قلت لها انا عتيجه عاد الحين بيشتغل الشك فيني عتيجه انتي فلانه وانتي علانه ككككككككككك
هل تعتبرها أمرا خاصا بك؟-
جدا ..مدونتي من خصوصياتي ..الى درجه ان وحده اكتشفت انا عتيجه ويتني وقالتلي انتي عتيجه ظايقتني ..دام انج اكتشفتي اني عتيجه لو ابي اقولج جان قلت لج ليش اللقافه افففففففف واتمنى انها الحين تقرالي
لاتبوق... لاتخاف
ـــ هل تسببت المدونات بتغيير إيجابي لأفكارك؟ أعطني مثال فى حالة الإجابة بــ نعم
اي ..حسستني ان موظفات البلد اللي قاعدين عالمكتاب وماكو شغل,, عندهم حس فني ابداعي بالكتابه ...وفوق هذا الرياييل اكتشفت ان وايد رياييل يحبون الكتابه ...وموراضين عن وضع الفساد الاداري اللي بالديره
.. ـــ هل تكتفي بفتح صفحات من يعقبون بردود فى مدونتك أم تسعى لاكتشاف المزيد؟
برنامجي مع المدونه ادش مدونتي ..واشوف المعلقين على موضوعي ..اروح اقرى مواضيعهم واعلق عليها في الغالب..تالي ازور السلسله اللي على ايدي اليسار عقبها اتمشى في عالم البلوق
ـــ ماذا يعنى لك عداد الزوار... هل تهتم بوضعه فى مدونتك؟
على حسب موضوعي ..اذا الموضوع هامني وايد اهتم اما اذا موضوع عابر ما اهتم
ـــ هل حاولت تخيل شكل أصدقائك المدونين؟
قليل جدا ...
ــ هل يزعجك وجود نقد بمدونتك ؟
ما يزعجني النقد ...يزعجني اللي يدش داخل قلبي ويشوف نيتي سبحان الله مادري شلون ..يقول انتي نييتج جذي ..وانتي قصدج جذي
حتى اللي يسبون ويقولون كلام مو شي ما يزعجوني لأن كلامهم يعود اليهم ولا حتى امسح تعليقاتهم او اعطيها اهميه
هل تخاف من بعض المدونات السياسية اوتتحاشاها؟
ما اخاف منها ولا اتحاشاها ..لكني ما افضلها ...لبلوق بالنسبه لي متنفس نفسي ومكان راحتي وحياتي كلها جد في جد وانا شخصيتي جد...فمليت وابي ارتاح في مدونتي
لـــ هل صدمك اعتقال بعض المدونين؟
الغير كويتيين لأ بس لو يصير للكويتين اكيد بيصدمني
ـــ هل فكرت فى مصير مدونتك حال وفاتك؟
اي وام نبيل ان شا الله بتمسكها من بعدي ...وراثه يعني ........وهكذا ...
ـــ آخر سؤال : تحب تسمع أغنية إيه- بلاش صيغة آمال فهمي دى
- ما الأغنية التي تحب وضع اللينك الخاص بها في مدونتك؟
غناية حبيبي ساكن الدسمه وقلبي ساكن وياه يحسبوني نسيت اسمه وانا عايش على ذكراه
وغناية غاب بدري الا يا من يجيبه لخليفه بدر
ــ اكتب أسماء خمسة مدونين ليقوموا بهذا الاستقصاء بعدك
امممممممممم
والله فكرت وايد وقررت التالي:
الاخ:مشاري
المدام: ريما
الآنسه: لوير
الست:كيتي
المغترب: بوصالح
posted by 3ateeja @ 2:40 AM
15 Comments:
لا تحرشين فيني ساكن الدسمة ما ساكن الدسمة
ترى مالي شغل فيج
;)-
ههههههههههههه
والله ردودج نكتــــه وعفويه
والصراحه مدونتج من المدونات اللي احب اقرها زرت الكثير من المدونات بس مدونتج كانت من المدونات المفضله عندي
وتحياتي لج
وســـن
يالابس الثوب المنقط واسمك يا حلو ما فيه نقطه
لووووووووووووووول
اذكر يوم غنيتها حق نفسي
مستانسة بدراعتي اللي فصلتها لرمضان
:"""""""(
وااااي عتووووج تغغتي نفسج من بلوقج وعبرتيني
:"""""""""""""""(
<<< الحين ابجي
مدونتك عجيبه و بس
عتوووووووووج
حلمت فيج
امس
ما تتصوريييييييييييييين
بكتبه لج بوووست
هاهاهاها
الكتابة تحتاج مساحة من الحرية للتنفيس عما يجول في العقل والخاطر والحمدالله ارى الكثير من المدونين والمدونات الذين يمتعونا بالمواضيع المشوقة المغلفة بشكل جميل ومقدمة بصورة حرفية
الا أعرف منو أنت وابتزج بعدين :)
مدونتك غاية في اللطف
دايفر:
اي بعد من قدك ام حموود وردت احد يقدر يحاجيك بعد
;p
وسن:
تسلمين حبيبتي شهادة اعتز فيها
نونو:
خير ان شاالله ..وحلمانه فيني ..لايكون حلمانه اني لابسه ثووب امنقط
جاي حليب:
تسلم يا اخوي وانت بعد مدونتك عجيبه
كيتي:
لايكون السالفه طراره يبا تبين تكتبين ما تبين تكتبين كيفج ....الحين اللي يسمعج يقول هذي معذبه البوستات ..حلايه لبلوق كل ماادش اخترع الاقي هاللي لابسه برقع
لا وتخزني بعد هههههههه (براسي هوشه)ترى اغشمرج حبيبتي ..على راحتج :)
فوزي:
هذا ما عندنا والسلام عليكم ورحمة الله وبركاته جك جك جك جك...تصريح
ايضا اغشمرك وتسلم يا اخوي
وايت وينق:
تسلم يا لطيف
كتبته لج فبوست
علشان لا انساه
ان بغيتاااي حطيته لج رد
وان بغيتااااي حطيته لج
بالردود
ههههههههههههه
لا ماكنتي لابسة امنقط
بس كنتي شرطية
:P
قولي تر ناطرتج ما صارت حلم ولا حلم سند بنيران
نيران؟؟
ماغيرها نيران
اللي كان ريلها
امممممممم نسيته
المهم مو اهيه اللي كله تحلم
ههههههههههه
المهم يا محفوظة السلامة حلمانة اني بطلت البلوغر ورحت بلوغج
ولا ألقاج كاتبة موضوع عني وعن ريلاكس
وقاعده تمدحين فينا وتصبغين فينا ايلييييييييين قلنا بس
وبالختام حاطه ان كل هالكلام موجه حق نون وريلاكس
وحاطه اسامينا الصجية
ومن عايلة فلان
ههههههههههههههههه ريلاكس انتي ما اتذكر اسمج بالحلم بس كان اسم العايلة الملا
لوووووووووووول
المهم انا قلت ويييييييه غبراااااا اشلون عتوج حاطه اسامينا جدام الأوادم والبلوغ
وااافضيحتاااااااه وااشرفااااااااه
قلت اكيد ينت عتوج الله يهداها خارتها
جان امسك الاب توب واقلبة علشان تطلع الصفحة اللي فيها بيانات البلوغر
وجان انسخ ايميلج وعلى بو إنه اكتبلج شيلي الإسم وحطي النك نيمز
واندز الإيميل بالسلامة
ولا اشوفج جني اشوف فلم
المهم الظاهر انتي كنتي اتحققين بجريمة قتل يرتكبها سفاح
يوم كتبت لج رديتي علي
وكأني قاعده احاجيج تلفون وناديتيني ورحتلج وكنتي يم مدرسة
المهم انتي نزلتي من سيارتج وييتلج وانتي ماعرفتي ان انا نون
جان اقوولج هاا شلونج عتوج شخبارج
ان شاء الله لقيتوا الفاعل
عاد شكلج استغربتي اشلون دريت انا
مو انا بالحلم جني اشوف تلفزيون
عاد المهم الظاهر انتي صار عندج شك وريبة ومادري شنو
جاااااااان اقولج
ويي نسيت اعرفج بنفسي
انا فلانة الفلاني
انتي هليتي ورحبتي فيني مع انج مو مصدقتني عبالج المجرم كان مراقبج
ومنتحل شخشيتي
جان اقولج مادري ليش حاسة ان اسمج يا فطووم يا غنيمة مادري احساس
جذي
عاد انتي شكلج كأنج ثريا البقصمي ولا الدكتورة رشا الصباح بالحلم
لوووووووووووول
جان تقوليلي عاد غنيمة ؟ وضحكتي جان اسألج انزين ماعرفتين بإسمج ؟
جان تقوليلي اسمي كرافيش
ويييييييييه غميييضه اشفيهم اهلج مسمينج جذي قلة أسامي يعني " طبعا قلتها بقلبي " ل
وكتمت ضحكتي بغيييت ما اضحك عليج بس اتفشلت
المهم ولا اتيي ريلاكس بعد اشوي وسلمنا على بعض
انتي خذتي موبايلج ودقيتي زملائج اللي بالشرطة جان تقوليلهم ترا القاتل معاي
وانا اسمعج ياحظي على بو إنه تهمسين
استغربت قلت اشفيها عتوج عبالها انا القاتل
ويييييه ماتدري ان هذا حلم وانا ادري واسمع بكل شي
يلا مو مشكله انا بعد اشوي بقعد
عاد انتي ييتي عندي وريلاكس وقلتيلنا اشرايكم انروح هذا الستوديو علشان
انصور صورة تذكارية
وانتي من داخلج تبين اتصوريني علشان اتعممون صورتي اذا انحشت
هاهاهاهاهاهاهاها
عااارفة شتفكرين فيه
مووووووووووووووو حلم حلم يا يبه
ولا ريلاكس تمسك اورقه عند المصور ان المصورة محترفة وعندها خبرة بالتنويم المغناطيس
وصار على الورقة زووووووووووووم
وظل جني قاعده بمسلسل كونان
انا ضحكت بقلبي
وكانت ريلاكس مخترعه ومثل اللي متوهقه واتقول وليييييييين انا شيابني
وورطني معاهم هذوول
وكانت اتحاول اتفهم عتوج أو كرافيش علشان ينوموني مقناطيسي انا المجرمة السفاحة
جان أقعد
حسافة ماهقيتج جذي عتوج تاخذين عني فكرة سيئة
عاد انا مجرمممممممممة
الله يسامحج
نونو:
عفستيني ...بس تصدقين حلمج داش على موجتين
بنت الملا ..يوم اكتب ببوستي هذا شكل بروغي حلو كلحي منقط جنة غناية خالد الملا يا لابس الثوب لمنقط
والفلم ومنو القاتل دش على المود قصة حب اربعيني مو البطله اندعمت ويدورن اللي دعمها وانتي كنتي وايد منفعله وياها
وكرافيش ...اكيد كنتي نايمه على الكرفايه يوم تحلمين
وبس
نقش حنه:
تسلمين يا حبيبتي مو فلم هندي ...فلم نوني
أنا لطيفة مو لطيف :)
تدرين كل ما اقرا لج احس انج شيء كبير..:)
مو شرط بالمكانه بس انتي شيء كبير عند نفسج....احلى شيء فيج انج واثقه من نفسج ....^___*
يعطيج العافيه...:)
وايت وينق:
لطيفه لطيفه ...مي سوري
كوكو:
حبيبتي والله
ترى استحي جذي انا
Post a Comment
<< Home