التنكر من له !!!؟؟
سمعتوا عن حمله الورد من لهانا حملتي بهالبوست
التنكر من له وفقا للآتي :
؟
ام نبيل اخيتي خنت حيلي
دشت الجمعيه
معاها بنت خالي ...(بنت خالي ملسونه خريجة حقوق)ووشغلها كلا يبيله لسان المهم عاد الله يسلمنا وياكم دشت اخيتي ام نبيل الجمعيه وكانت الفقيره المسكينه (...........)ا
يعني مادري شقولكم
المهم فهمتوا
.
.
.
.
.
.
.
محصوره زين عادي كلنا ننحصر
.
.
.
.
.
.
محصوره زين عادي كلنا ننحصر
ودشي الجمعيه وطيري عالحمام جكجكجكجكجكجكجك
وعقب ما دشت الحمام -وانتوا بكرامه-وعلى قولة القبلييين
اللي يسميه المستراح
واللي يسميه بيت الراحه
واللي ينحصر قبله يقول اريد أن افك عن نفسي
وطبعا كلها كنايات عن الراحه
يعني مثل ما انتوا عارفين ان الدوله وفرت في كل مكان عام حمام لأنه حاجه ..وحتى عالخط مال الشاليهات في حمامات عشان نرتاح تدرون درب وكلا بيبسي وبربكان وخرابيط....وفي احد المرات قال حكيم لهارون الرشيد وكان قباله قلاص ماي ..:لو منع الماء ولا يوجد غير هذا الكأس بكم تفديه ...فقال هارون الرشيد:بنصف ملكي ...فرد عليه الحكيم وقاله ولو حبسه فيك بكم تفدي اخراجه ...فقال هارون الرشيد...بملكي كله
يعني شوفي اهميه الشيسمونه اهم من الشرب نفسه ..لأن الحبس يعتبر مرض
المهم عاد
عقب ما انتهت ام نبيل وردت النسم خنت حيلي حيلها
ولا
.
.
.
.
.
.
.
.
.
.
.
.
.
.
.
.
.
ولا باب الحمام مافيه يده
ماكو اييييد
عليج واحد ....ام البلابل
ماكو تهويه داخل
وقومي يا ام نبيل وطقي
طقي
طقي الباب
ما من مجيب
قومي دقي على بنت خالج
وتيي الملسونه وتطق وتطق وتطق
تحورف مني
تحورف مناك
تنادي السيكيورتي
تنادي المادري منهو
اختي انقمتت داخل
وي خنت حيلي
قومي يا الملقوفه يا بنت خالي ودقي على
777
انا من انااااااااااااااااااااا امن امااااااااااان للوطن
والله لو نبيهم بهالسرعه مايو
المشكله ان اختي ام لميا تحت قاعده اتشرى ..وتشوف ناس صاعدين ناس نازلين
وتقول اش هاللويه
وطبعا يوم اليمعه ماكو شغل ما بقى شرطي ما بقى عسكري ما يوو الجمعيه
والناس تتجمهر
واللي رايح يضرب
واللي جاي يضرب
وبنت خالي برا تقول للريال ..بنيه زغيره داخل لا يزر عقلها ولا تصير مينونه
هههههههه
اي بنت زغيره تعوذي من بليس ..مره شكبرها ..
وطبعا ماله داعي اتحجى عن لسان بنت خالي
وقوم يالذكي مدير الجمعيه وييب درل
جان يقوله السيكورتي يبيله شحن ساعه ههههههههههه يعني فاهم الطبخه
ام نبيل خنت حيلي بالحمام
جان يرن تليفونها
اغزيييلن فله
بدبي لاقاني
قامت تعفر ....توقعت يني من دبي ولا شي
حمدالله والشكر عافانا الله
تالي استوعبت ان تليفونها
والله ما جذبت عليكم
دفاع مدني
ومطافي (لاومعاهم تنكر!!!!!!!!)ا
ودوريه
واسعاف
ناقص حرس وطني بعد وهليكبوتر ونكمل
و المشكله ان المنطقه ..اهلي كلهم فيها
اختي ام لميا قعدت بسيارتها
وبنت خالي تلعلع مع اللويه اللي عند الحمام
وطبعا بلاغة الشف ما يبيله الأوادم
شالسالفه شالسالفه ؟؟؟
دقت اختي على ام نبيل وقالت لها لا تفجأين اقل شي جدامج ثمان رياييل
لين ما صار الفرج ...وكسروا باب الحمام
وام نبيل عزكم الله واقفه عالمرحاظ
وغزيل فله
بالحمام لاقاني
ولا مو ثمان رياييل
اقل شي خمس وعشرين ريال
(واحد من الشباب يقول حق ام نبيل جان كملتيها ونفضتي وطحتي بالقاع لوووول)
ومال لسعاف اييها
حمدالله عالسلامه
وبنت خالي الملسونه تقول حق ام نبيل ...ترى سجلت بلاغ عشان تقاضينهم
احلى شي اختي اللي واقفه تحت مسويه روحها ما تعرف ام نبيل
وشوفوا البرود ...ام لميا تدق على ام نبيل تقولها ..هاه شريتي بودر مال النمل ...تقول لها ام نبيل .نمل اللي يقرص ويهج
سؤال يدور في ذهني
المطافي يوو ..خير وبركه ندري معاهم الآله اللي تبطل البيبان
التنكر اشحقه ؟؟؟؟؟
Labels: كوميديا
posted by 3ateeja @ 3:48 AM
43 Comments:
lOoOooOooOoOooOOoOl:D~
التنكر مع الخيل يا شقرا
تكمله عدد حق الرزة والفضيحة
واي اهم شي المقدمه المفيده جداا عن الموضوع ومعطيتنا نبذه جنه ما ندري عن اهميه السالفه
:pP~
بس عاد جان قطيتو عليها بوشيه من فوق الباب وعليه،يا بعد روحي انا ول منها ما اطلع اقعد لي الناس تطخ وتروح
قمة بالفششششششششششششله
!!
سؤال يطرح نفسه:
هل كل خريجات كليه الحقوق مساكين؟
حرام عليكم
دة انا غلبااااااانه
:)))
مو مساااااكين
ملاااااسين
السؤال:
هل كل خريجات الحقوق ملاسين؟
:)))
سكتي ام نبيل قالت ماني داشه الجمعيه شهر ..خبرج احنا رايحيين راين عالجمعيه جنى البيت يصفر ..
اما سالفة خريجات الحقوق خليني اقولج عن بنت خالي
يوم تدش الحقوق كانت قمله مقصوعه
يوم تخرجت اللي قاصع القمله يقول لها تكفى هديني
وبيني وبينج اذا انتوا يا خريجات الحقوق ..يا سند النساء ..يا ممثلاتنا في قاعات المحاكم ما صرتوا ملسن ..عيل اش له نحط قضايانا عندكم
مو الكل يعني الغالبيه ...هذا بالجيل القديم بس بالجيل اليديد هقوتي كل البنات خريجات حقوق
;p
مادري ليش اذا رديت عليج اهذر وايد
لول
وي بعد قلبي يا ام نبيل
ماهي رايحة الجمعيه؟
عاد يا حبنا حق مشوار الجمعيه :)
lOoOoOL:)
ضكحتيني على بنت خالج
شوفي انا اعتقد الدراسه ما تعلم طواله اللسان ولا الجرأة مجرد تغير في تفكيرج ونظرتج للأمور
الشغل وطبيعته اهو اللي يعلم خاصه اذا سوالف محاميات وجذي
:))
طبعا انا دعمت الرصيف ودشيت بموضوع ثاني بس شسوي احب اسولف وياج
عسى الله لا يخلينا،وسعت صدري من صباح الله خير
غشيت من الضحك ..واااي ابداع
اهم شي واقفة فوق هذا شيسمونه
وهالشباب ما اييوزون لول
واما الطماشه فنحن مجتمع الطماشة
وام لميا يحليلها ماتدري ولا تعرفها ها.. ترى ما تنلام
مرة كنا يمكن مو اقل من خمس من حريم ومن ومن بنات يعني مو كبر بعض
وبنص المرينا بالدائرة الللي بالنص
كله يحطون دعايات وسيايير صح؟
وهالسيايير تكون واقفة على مثل ستيج صغير
قومي وحدة من البنات و نقزي وتعرجبي وفري بالهوا
فجأة صارت بروحها وكلنا خليناها بصراحة ما قدرنا نمسك روحنا بس قعدنا نضحك وتتطشرنا كل وحدة بصوب :p
ولا نخلو من التعليقات..واحد من الشباب يقول..حلوة حلوة الحركة عيديها :p
اللهم لا شمماته مو حلوة اطيح بهالموقف
اما التنكر .. اظاهر يبي يتطمش بعد..
او يمكن من الفضاوة..
تدرين انتي قلتيها امن الامان يا وطن ترتتررترا
الحمدلله ما عندنا شي الوطن امن
اولا السالفة صراحة تونس
بس انتي و صلتي حق مربط الفرس ....التنكر لييييييييييش؟
ياطويلة العمر و محفوظة السلامة التنكر اما يكون مال المطافي لان دايما عنده تنكر وياهم
اما اذا ما كان مال المطافي عيل ياي يتطمش على اختج تدرين الشماتة زينه
و اخيرا الظاهر خايفين ان الي ماخلا اختج تطلع من الحمام مو ان ما كو قفل بس الي مهببته اهو الي حكرها
حمدلله على السلامه ام البلابل وخيرها بغيرها ....
ههههههههههههههههههههههههههه
لازم يكون تجمهر دام المكان بيت الراحه وخاصه للنساء اكيد تجمهر ... بس لازم تستانس ام نبيل لانها طلعت مهمه بالدوله كل هالناس يبون يساعدونها ... بس صج موقف مضحك ومحرج حق ام نبيل الله يعينها
من زمان ناطر سوالفج الحلوه ... وناطر غيرها ... كل عااام وانتي بخير وام البلابل بخير وصيام مقبول وذنب مغفووور ..
ههههههههههههههههههههههه
ههههههههههههههههههههههه
امبييييييه فضيييييييييحه
هاااذي الفضيحة بعينها واعلمها
والله لو مكان بنت خالج ما اتعرف على ام نبيل
وبمشي واهدها
ما اعرفها ما اعرفهااااااا
بس الموقف حدده مسكت
غشيت من الضحك بالدوااام
الله يقطع ابلييسسسكم
اشوى ما صار معاي موقف فضائحي وايد جذي... لان اصلا مستحييييييييييل
أدش حمامات عمومية
مستحيييييييييييييل
X_x
الأوضاع المتدهورة فيها لا تساعد
ههههههههههههههههههههههههههه
حمد الله على سلامتها...^___^
مسيكينه والله ما تستاهل خخخخ
hahha :D
I cant stop laughing! I am imagining what happened :p
أمي يت تقولي شفيج تضحكين قصيت لها السالفة
looool
خخخخخخخخ رووعه و الله خووش بوست يعطيج الف عافيه ما قصرتي
مسكينه خخخخخخ
سلاامتها سلميلي عليها و قوليلها ما تشوف شر خخخخخخخ
سلاامز :)
hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh
اشفيييييييييييييييييييهم خريجات الحقوق
انقذوووووووووووووووووووكم اسم الله عليهم
انا اقولج ليش التنكر
عشاااااااااااااان يلهوون رياييل المطافي لا يتذابحوووووووووون
خبرج الحين من تطفى الاشاره ينادون المطافي يلهوونهم بداااااااال الفضاوه و الا يتذابحون
waaaaaaaaay
حبيبتي والله ام نبيل
لو انا منها اول ما يفتحون الباب
اقووول بكل ثقة
:
اخرررر مررررررررة اجيك لكم على التمديداااااااااااااااااات
يعني كلش مو داشه حق الراحة على قوولتج
خخخخخخخخخخخخخخخخخخ
خبرج من طحت بالمطار في ساعة الذروة
صاار كل شي عادي ما يفشل لو شنو
;D
خطاهاااااا السووووووو
التنكر ناقل سياح يشوفون الواقعه الاليمه هاهاها
امبييه صراحه موقف لا يحسد عليه
بس صج صج مت من الضحك
خصوصا على سالفه بودر النمل لوووول
وسالفه التنكر هذي خوو لا تعليق من قلب
ويعطيج العافيه عزيزتي
عرفت ليش التنكر
!
اذا استعصى عليهم فتح الباب
يتم ازاحة الاخت ام نبيل خارج المحكر
بالماااااااااااااااااء
هل كيف ؟
انا اقولج
من فتحة المفتاح .. ينساب الماء حتى يملء المحكر .. و تطلع ام نبيل من ما ادري وين
بقوة دفع الماء و خلاص ما لها حيز من الفراغ
المهم فكرت عااااااااد مو تقولين تفسير غير منطقي انا رحت فكرت و رديت انزين
و بس
استكانه:
عسى دوووم سدرج وسيع يا وخيتي
الاثير:
عسى دووم هالظحكه ..عيل قال لها عيدي الحركه ههههههه
دايفر:
تنكر المطافي بس البلاغ وحده منحكره ..شكوو التنكر
الظفيري:
الجهور 90 بالميه ذكوووووور ههههه بلاغة شفهم مو طبيعيه ...
االى درجة يلحقون الاسعاف يقولون شالسالفه
نونو:
والله اذا ياتج ما ردج على الذرى بالعباة ..
كوكو:
الله يسلمج
آر-1:
تظحكين بالينه
الكويت حبي:
الله يسلمك
لوير:
يهبلوون احبهم
احلى انج:
قوة الدفع هاه....والله شكلج مثلي خريجة علمي محوله من كلية العلوم هههههه لي كليه صايعه
فزي:
يجووز والله
سحليه:
اما سالفه البودر سالفه قرعه :)
لا تعليييييييييييييييييييييييق
لوووووووووووووول
اهم شى ان الدرل يبيله شحن :)))))
التنكر يا طويلة العمر اذا بسووون شربت عصير بيذان او اى شى من هالامور فعادى هذا المتوقع :))
ابى انتى شخبارج احس الخميس الصبح تقعدين جاى ومهفة لى الضحى :))
والله لج وحشة يا عتوووج
اي قاعده اطالع ملوك الطوائف..تبي تظحك مشاري ..المدير يطق على ام نبيل الباب يحسبها ياهل يقول لها حبيبتي لا تخافين احنا كلنا يمج هههههههه ويوم طلعت صب حوله
مو ذيج قايلتله ياهل زغيره
أأأأاخ ، مت من الضحك
الصراحة مقدمتج التاريخية عجبية
آخخخ
ذكرتيني بطفولتي
ما تم حمام ما انقفل علي
هيهيهي
لا لا شي موطبيعي
الحمدلله على سلامة ام نبيييل
وعليه عليها الحين ما تطب الجمعيه الا عقب شهر، بس احسنلها والله علشان لا تسمع تعليقات حلوه من الاوادم
مشالله على فزعتهم عشرتعش ريال يعني ماقصروو
بس ليلحين اتساااءل التنكر شنو موقعه
الحمدلله على السلامة
بس فضحتوا العايلة :)
ابى صورة المدير احطها عندى لما طلعت ام نبيل شلون كان ويهه :))))
بن علي:
اكيد عندك رهبه من الاماكن المغلقه لي الحين :)
نسكافيه:
وييي احنا ما نقدر ما نروح الجمعيه عقبها بيومين راحت
وايت وينق:
لو تقرين كل بوستاتي بتشوفين انها من السوالف العاديه
ولا فضحناهم ولا شي ..لهم الشرف ان احنا بناتهم
;p
كيتي:
تظحكين بالينه يا وخيتي ..ههههههه من كثر ظحكج انا قمت اظحك ..بس على قولتج الظاهر جذي ايوون ربطه وحده
ناقصنا هليكوبتر والله
مشاري:
ام نبيل تسلم عليك وتقولك كان ويهه منشكح لول
فشله صج صج فشله
واقف في الحمامه و25 واحد ناطرين طلعتي البهيه
لو كنتوا طالبينهم حق حريجه ما يوا كلهم
اختي العزيزة
اولا خطاكم السو ثانيا كم واحده حصل لها نفس الموقف في هذا الحمام ووين المسؤل في الجمعية اللى يستاهل ان يحجز في الحمام حتي يعرف مستوي اهمالة و تقصيرة، بعدبن مافي احد قدر يتصرف بشوية ذكاء لمساعدة هالمسكينة قبل طلب النجدة
الحين سمعي هالقصة
نفس السالفة حصلت بطائرة الخطوط النيوزلندية من 4 سنوات باب الحمام ما انفتح و المسكينة المحجوزة في الداخل فتاة صغيرة عمرها 10 سنوات الطائرة استنفرت حتي الطيار جاء يشرف علي فتح الباب اللى ما أخذ منهم اكثر من دقائق معدودة مع اعتذار و يمكن تذاكر طيران مجناية مدي الحياة
الله يخلي ال ثلاث سبعات و المطافي
تحياتي
دافنشي
باريس
loooooooooooool
walaa theba7teeny meen al9'ee7ak
ya7leelhaa walaaa 3ail kel al7oogogeyaat chethee :P thats funny walaaah ;)
ليال:
موقف ما اتمنى تكونين فيه
دافنشي:
تصدق لو يحصلي اعطي الجمعيه انا تعويض وبيزات لنهم ضحكوني وضحكوكم ضحك اليهد ...وتدري يا اخوي الناس تحجز حق مسرحيات وتدفع بيزات ولويه عشان تظحك من قلبها
الظحك صار عمليه نادره وانا ختك
وعلى قولتك الاهمال اهمال واهم شي الله سلم اخيتي وهذا احلى تعويض :)
كومسفري:
تظحك بالينه قول آمين :)
لوووووووووول مع إني مقصرة بحقج ومتأخرة بالزيارة لج والتعليق بس ماقدرت قلت لازم أعلّق .. خطاكم السو عمري انشاءالله ماتطيحون فيه مرّة ثانيه ولا حبيبينكم يارب.. بس الصراحة موقف كللللش مو شي مووول والتنكر ترى عادي خو اهم لما يطلعون ياخذون الأكو والماكو خو والظاهر ياوخيتي سمعوا وعرفوا إن المكان إللي كنتوا فيه مافي امكانيت لأي شي عرفتي شلون يعني لاماي-لايدّة باب-ولاشي موووليه فعملوا حسابهم لكل شي .. كافاكم الله الشر عاد الله يهداكم مالقيتوا إلا هالمكان؟؟ الله لايعود هالموقف لا عليكم ولا على غيركم
واااي موتيييني من الضحك ووسعتي صدري الله يوسع صدرك والله من وصلت الكويت ما ضحكت مثل ضحكي اليوم ونسيتيني همومي
وسلامات ام نبيل وعسانا ما نمر بهالموقف
اما بعد طول تفكير اعتقد ان التنكر كان رايح حق حريجه ثانيه وفي الطريق سمع هالنداء وعر عن طريجه و ياكم.. عادي لقافه وخلى الحريق يولي هم بعد عادي لقااافه
7isbee allah 3ala bleeskom ga6a3taw misareeeny thi7ik ! :P
عسى ما شر عتووج وينج...:)
موقف محرج ..!!
اما التنكر فمساكين المطافي ..
ما عندهم سياره غيره :P
شهالغيبه ام مضحي ترى طولتي علينا مانبي شي بس نبي نعرف اخبارج قبل رمضان لان اتوقع رمضان راح ياخذج من عندنا ... وكل عام وانتي وام البلابل بخير وصيام مقبول وذنب مغفووور
مبارك عليييييييييييييييج الشهر:)
المره الجايه ... قبل ما تطلع أختك خل تسوى الي تبي قبل الطلعه ... ولا المره الجايه ممكن يبون لكم القوات الخاصه ... وقوات حفظ السلام من الامم المتحده ... بس التنكر ما ادري ليش ...يمكن نرسوه ماء ولازم يفضونه ... أو يمكن يبون يسقون الزرع ...هاهاها
والله يضحك بالعافيه ... مثل ما ضحكتينا
كل عام وانتي بخير وام البلابل والاخوان بخير وصيام مقبول وذنب معفوور :)
تسلمون جميعا وكل عام وانتوا بخير ومبارك عليكم الشهر
Post a Comment
<< Home