الصباح
مادري شنو شعور كل واحد اذا غاب عن دوامه
يا جماعه احس ان يومي تافه
سخيف
ماله هدف
طااااااافكم
من جم يوم وقفت علي السياره ....وطبعا تدرون الرياييل وايد بهالديره ..المهم طقيت فلشر ..والمشكله والمصيبه العظمى اني ناسيه تليفوني بالبيت
ووالسيايير طايريين مشاخيط ...وام نبيل مو معاي يعني مافي مجال ندز السياره هههههههههههه نفس ذيج المره
المهم طبعا حول الساعه محد وقف وانا اصلا مابي احد يوقف المهم وكل ما مر تكسي اشرتله
اخر شي اشرت حق تكسي فاضي وقف
ما قصر يحليله صعيدي اسمه الصباح عبد ربه
وصلني وخذى مني دينار وربع بس والله وانا بالتكسي قاعده اقول يزاك الله خير يا الحميدي على سالفة الجواله
اي والله
وذاك اليوم تقول كويتيه دكتور ان الرياييل يوقفون دور
اي دور
اي فلور
اي بطيخ
اي زرنيخ
وانا صايره أأشر جني من هذيله اللي حرروا الفلوجه
يالله ما عليه مقيوله
راحوا الرياييل اللي يدزون الدروازه ما بقى الا رياييل المطنزه والعازه
سوري والله يا جماعه بس اللي يسمع غير اللي اييرب
ورحت البيت ناديت ابيي حبيبي خنت حيلي
وعالجنا المعضله
وكنا صيام
والشمس حنانيه
و السيايير بس شطار يطقطقول هرنات
ما يعرفون يوقفون
وتمر علي جميع انواع السيارات
الراقيه منها والغير راقيه مثل حالاتي
تدرون بعد بنت فقارى محد يوقفلي
يقولون الموضه انهم يوقفون حق سيايير البنات الكشخه
اما سيارتي اللي جنها سيارة موزع بالوطن محد يعطيها ويه
خنتي حيلي يا عتيجه
صج انج عتيجه
المهم عاد ...شنو شعوركم اذا غبتوا عن دواماتكم
شعور حلو
مو حلو
انا احس اني تاااااااااااافهه ومالي قيمه بالمجتمع
وانتوا؟؟؟؟
Labels: كوميديا
posted by 3ateeja @ 2:34 AM
26 Comments:
يالا كافي شرف التجربة
;PpP
انا مرتين صار لي حدث
خلص بانزين السيارة
و بنجر
بالحالتين .. ما قصروا والله
كل من وقف .. حسيت ان الدنيا بخير
!
بس الظاهر شمس و صيام تعابة مساكين
!
صراحة .. و لو انج بتنصدمين
انا احس اذا غبت .. اني بطلة الابطال
بس أول يوم . بعدين احس بضيجة
و اغلبها بالنوم و اصير أحسن
طالبة لساتني .. بركي لما اشتغل اكرف متلكم
!!
loool ya7leelch walaa 9'a7akteeneee 5oosh salfaa walaaa ee walaa lasih ma7ad wegaflech akeed ga3daa em3a9baa oo tet7al6emain da5el alsayaraa oo kel magarb a7ad e5tar3 meench :P laa bs al7emdelaah gat salimaa ;)
walaa anaa dawamee 9ara7aa astans ethaa mare7t 3ashaan ra7 ajaabel sheglee al5aa9 wayed a7san y3nee :P
صباحج ورد يا مادموزيل عتيجة
.
.
تصدقين دشيت بلوقج بعد نومه متقطعه خربوطيه وجاري التفكير في مخي اداوم ولااسوي خصم على محاضراتي؟
اذا غبت عن الدوام احس براحة نفسيه وقتيه يعقبها شعور عظيم بالذنب
:pP~
اما بالنسبه حق اللي صار لج والله صاجة
راحو الريايل اللي يفزون ويقفون ويختبون من قلب
تخيلي قبل فترة بالكليه واحد مشتط اختي
اختي
واختي
التاير مبنجر ترا
قالي قبل لا اركب السيارة ومشالله عليه من سنعه قالي وهو اللي ماشي
يعني انا شنو استفدت؟
وكل ما مر احد قالي نفس هالمعلومه الخطيرة !!
تبين أحد يوقف ويصلح هالبنجر
ماكو
:(
عكسج عكسج
احس بمدى قيمتي
وبمدى اني مقصرة في حق نفسي
ونفسي
وجسدي
الدوام اللي ماتحبينه
ولا تواطنينه اشلون اقدر اخللي نفسي احس بقيمتي فيه
شلون بقدر أعطي فيه
ولا شي طبعاً
لووووووووووووووول
ياربي أول مرة أشوف دوام
يتعّب النفسيه
صايرة جني ام عيال بالأربعينات
على طاري رياييل العازة والدروازة
ههههههههههههههههه
اي والله صاجه صاجه ياعتوج
رياييل الدروازة صايرين مثل بيض الصعو
ألحين أكو حريم الدروازة
أمثالج الله يكثرهم قولي امين
:P
اولا سلامات و على سالفة السيارة القديمة مالت الفقارا قالوها لكويتيين قبل الفقير فوق لبعير و عضه الجلب و ايضا قالو الفقير و لد عم الجلب
عشان جذي لاتنطرين مساعدة اذا انتي من حلاتنا فقيرة
بعدين و لايماني بدور المراة في تربية الاولاد و رعايتهم و مراقبتهم فاني من الداعين و المساندين و الداعمين لعدم عمل المراة هذا من جهة
اما اذا خذيت اجازة الصراحة ارتاح لكن اذا طولت احس بالملل
و السلام ختام
ههههه
عجبتني راحوا الرياييل اللي يدزون الدروازة و ياو رياييل العازة مادري شنو :| حلوة
يلا كل طراق بتعلوم
انا احس براحه و اني فرش اذا غبت يوم و اتمنى و تسول لي نفسي اغيب اليوم الي عقبه :D
خطاج السو
والله أنا صار لى شهر قاعدة بالبيت بعد ما تركت دوامى من المغثة اللى حصلتها واصابتنى بالإكتئاب وإعتفست صحتى وقررت ترك العمل فجأة، الحين أحسن إنى أبى أشتغل بس أقول الحمد لله إنى طلعت من ذاك الدوام، لكن الشغل متحه للى يحبة ويحب يعطى من قلب لكن اهم شىء التقدير، ولا يصير الدوام ثقيل وماله طعم، أقول إنى ولهت على الدوام والعطاء، بصراحة ما ادرى شلون الناس اللى دايماً تغيب بعذر ومن غيره، أنا لما كنت اغيب كنت أحاتى الورقة الفلانية الإجتماع الفلانى، وصدق الله العظيم عندما قال العمل عبادة
الحمد لله على السلامة
أحياناً ودي آخذ بعض الأيام عطله
بس اللي مخليني أداوم غصب
إن الغياب عليه درجات
:/
احلى انجنيره:
وقفولج لأنج حلوه او سيارتج كشخه ..بس انا فقيره مسكينه :(
كوسم فري:
فقيره و مو حلوه شسوي بعد:(
استكانه التكانه:
ههههههههههه اي والله معلومه
نونو:
تسلمين يا الدروازيه :)
دايفر:
الحين شكو المره والشغل..وليش هالامثال اليي تحرج يعني
زين المره اللي ما عندها عيال شتربي ...كرووش ؟؟
وعسى الله لا يعوزني وحتى لو يوقفلي احد وييبي يساعدني امشيه ..عساني من حيلي لي قبيري ..ذكرتني مره اختي بنجرت سيارتها وقف لها شاب ظريف جان يقول لها والله ما اعرف اصلح البنجر بروح البيت اييب سايقنا ههههههه ظحكت بس والله فيه الخير
كرييتف:
راجع بوستاتي وبتلاقي اقوى :)
العين الساهره:
والله لو رادلتي الشور جان قلت لج قضبي دوامج لين تضمنين غيره ..اما تقعدين جذي لا صعبه شوي وعسى الله يوفجج لوظيفه جديده :)
موكليت كيك:
والله الغياب بايخ جدا جدا ...روحي صوري نووت ومادر شنهو ؟؟ عدل
كيتي:
يا علج العافيه ذكرتج والله وانا بالتكسي ..كان حاط يا ورده هههههههه
الحمدلله على السلامة
عتووج ذكرتيني بنفسي
موقف لا احسد عليه
بس افا عليج وقفتني واحد ويا مرته مساكين خربطت عليهم طلعتهم هاهاها
شنوو حسيت نفسي شريرة
واهو واعليا عليه حتى يمسك غبق سيارتي بالكلينكس عشان لا تتوصخ ايده<<< لفتت نظري هالنقطة
لاني باختصار مافكرت اسويها لما مسكت الغبق بايدي الحلوة :p
وغدا الشر ..تجارب ما تنسى
وبالنسبة لسؤالج
احس مالي قيمة
وملل
مع اني اكون نايمة واخر راحة
ولكن على قولتج تحسين مالج قيمة
وتحوشني غلقة
وضيقة خلق
عتوج بعد نسيت اقولج .. ترى انا موقفته مو لاني ماعرف اسوي
بس لاني احتاج بطارية من سيارته عشان اشحن بطاريتي
ولا انا اعرف عشتاو علمني السايق :p
يابعد قلبي قلبج ياعتيجه .. طاح حظ ابليسهم على اللي سووه
والله حالياً احس اني انسانه مامنها فايدة .. بس عقب الوظيفة اتوقع بترد روحي طبيعية
بس هم تظل في شغلات قاعده اسويها قبل لا اتوظف لأن احس ان ماراح يمديني عقب :)
ياعتيجه يا ام نبيل الله يعينج عاد صايمه و ماكو بانزين؟؟ بس احسن عشان المره الثانيه تشوفين السياره فيها بانزين او يبيلها زياره لمحطة البانزين ولا تعبير عن الدوام هالسالفه يبيلها بلوق كامل مو بس بوست واحد
اختي نون النساء لو تشوفين دوامي عجيب غريب ممتع بس متعب للنفسيه و يلوع جبدج من الي تشوفينه بس كله اجر وعادي تلقيني ساعه قبل الدوام موجود بمكتبي والسبب عن الزحمه و عشان ما اسبلي جم صعيدي وبنقالي
والله الصراحة اني اضعف مرات حزة الصبح
لما اكون دايخ و ودي اكمل النومة
بس لما اخذ عرضي و اخلص نومتي اتضايق و يومي كله يمر مادري اشلون و اتحسف
هههههه
يالله تعيشين و تاكلين غيرها
ههههههههههههههههههه اهم شيء انتي وام نبيل دزيتوا السيارة هههههههههههههههههههههه الله يخس ابليسج تخيلتج تدزين شيسمونه تذكرين الوصف اللي قلته لج ههههههههههههههههههههههههه
عاد مع الرطوبه النشاا يسيح ههههههههههههههههههههههه
انا اذا غبت من الدوام استاااااااااتنس لاني بطقها نووووووومه واشخري ري ري ري
;PpPp
الاثير:
يمكن الريال كان توه مسوي بدكيير
ريلاكس:
شكلج تعرفين تحطين مكياج ..حططي مكياج حق بنات عمج وخواتج واخذي منهم دينارين ونص لين يقوم سوقج رفعي السعر وحزتها ماراح تحتاجين الوظيفه
;P طيعيني
بسيط الخفيف:
ترى انا ما يبت طاري البانزين شلون افتيت
;P
طائر:
نفس الشعور :)
كوكو:
هنيالج
حساويه:
يوم كنت بالثانويه كان الوضع على قولة احلام مختلففففف
بس هم عفيه عليج
السلام عليكم
هلا باام مضحي شلونج شالخبارك
شوفي اهي سالفة انه الرياييل يوقفون على حسب
اي شارع واقفه وشنو سيارتج وشنو شكلج
بعدين تطلع نتيجه انه يوقف احد ولا لا
ولا ماجربتي انج توقفي ويفلعونج ببيض وبطارات ؟
يالله ماعليه طهوره ان شاء الله وماتجربينها مره ثانيه ان شاء الله
يوم بدون دوام شعور يخلك ترتفع عن الارض تحس بعزه وشموخ ومتعه
ههههههه
تحياتي
جنها سياؤة موزع جرايد بالوطن
هههههههههههههه
لا بس انا اقول لو مخليتها الراي العام احسن
لان موزعين الوطن معاشاتهم اكثر
عتوج
اشلونج
مبارك عليج الشهر (خلص)
عيدج مبارك (عتيجة)
وحشتني البلوقات
المهم حبيت اشاركج
تدرين عتوج انا من غير الشغل اتعب نفسيا ما ادري هو تعود والا مرض اعرف نفسي مالت كرف وما ارتاح بالاجازة
بالتالي اجازاتي قليلة
علشان لا احس ان ناقصني شي
أشوفج على خير
سكر
^
^
^
تو ما تبااركت البلوغات
بسكرها
وبخورها
وعطورها
امبيييييييه سكر
ولهناا علييييييييييييج
الواحد يحتاج ما يداوم جم يوم بالشهر
علشان يرتاح نفسيا :) ويرد بقوته ونشاطه :P
تعرفون بعد اليمعه والخميس مو مكفينا
بعدين والله ظلمتي الشباب :)
انا الشاب اللطيف مره دشيت بدوار وسيارتي ما تحركت وقفت طقيت فلشر اثنين شباب وقفوا سالوني اذا ابي مساعده ..
:) بس الله يهداج السياره واقفه برمضان من له خلق نفسه
ما اعرف اقعد فاااااااضى كلش لكن صج صج حياتى كلها احب اكون فيها مشغول ما احب اكون فاضى
:)
i only skip work if i havent got enough sleep and call in sick and sleep through the day heh!
لندني:
خطاك اللاش :)
محب لكويت:
عاش من شافك
براك:
لا اتطنز علي ..ثاني شي انا اكشخ من موزعين الراي العام
سكر:
حبيبتي والله كل المباركات وصلوا
مارشال:
اكيد انت حلو وسيارتك كشخه :)
مشاري:
حده ملل اذا ماكو شغل
فزي:
لاتعليق
Post a Comment
<< Home