نسايه!!!
مادري شلون ينقال عن الواحد انه نساي ....
وفعلا انا نسيت
يمكن لأن مو همي الاساسي ....ولأني ما فكرت فيه
حبيت ناس وايد
وناس وايد غيرت رايي فيهم
وناس وايد قل احترامي لهم
وناس وايد زاد احترامي لهم
مشاري و دايفر....كنتوا من الناس اللي ما احبهم .....سبحان مغير الاحوال والحين ادش مدوناتكم اكثر من مدونتي :)
وكان في (.....)حبيته من البدايه ...لكن ماتوقعت لما اخالفه بالراي راح يتغير ...ليش؟؟؟
انسان بسيط وكويتيه و نون النساء وسمايل وطائروربعي من البدايه....كنت ومازلت احبكم جدا
صباحك سكر...افتقدها جدا...
وناديه انزحا...وكظماوي ...وغيرهم الكثير ....حسافه عليكم
كيتي ...مخيره في اغلاق بلوقج ...وهذا قرارج واحترمه...لكن تذكري انج كنتي افضل مدونه اجتماعيه ...في نظر 56 مدون
اللي تعلمته بأيجاز ...ان ماكو مدونه حقيقه بالكويت ...لأن لكويت صغيره وصعب الواحد يكتب يومياته بصراحه وراحه...لأن بينعرف دايركت ....فيقوم لكويتي بكل اسف ....بالتحلطم و التقرطم....فقط
واكبر دليل على هذا اني عرفت ناس من باب الصدفه يدونون ولقيتهم خارج المدونات ...من سالفه او قصه كتبوها بالمدونه وقالوها برا ....ويمكن انا شخصيا حصل معاي نفس الشي ....وهلم جرا
كانت لي محطات معاكم ...مضحكه استانستوا فيها
ضحكتوا وكنت اضحك معاكم جدا جدا .....
اللي يذكرها يشير لها ...
اول بوست ضحككم كنت ناقلته وما كان من كتابتي ....ثاني بوست كان موقف مرعب
بعدها توالت البوستات
اسئله ودي تجاوبونها وماتاخذ من وقتكم الكثير ...لكن تهمني اجابتكم:
السؤال الاول: هل عتيجه انسانه...........؟
1-متناقضه
2-مزاجيه
3-متذبذبه
4-........عندك راي ثاني اكتبه
السؤال الثاني:مامقياس معرفتك بعتيجه؟
1-اعرفها جدا
2-اعرفها
3-لااعرفها
4-ماينعرفلها
5- .......عندك راي ثاني اكتبه
السؤال الثالث:للوهله الاولى في زيارتك لمدونتي ما كان انطباعك عن مدونتي؟
1-ممله
2-مزعجه
3-مضحكه
4-مميزه
5- حالها حال اي مدونه
6- .........عندك راي ثاني اكتبه
السؤال الرابع:ماهو اسوء طبع اكتشفته بعتيجه ؟؟؟ (دون خيارات)1
السؤال الخامس:هل تعتقد ان لعتيجه نفس الشخصيه خارج المدونات ؟؟
1-نعم
2-لا
3- ..........عندك راي ثاني اكتبه
السؤال السادس:ماهو اللون المفضل لعتيجه .....؟؟؟؟اللي ملاحظته قويه بيجاوب صح
الحين اللي يسمعني يقول الاميره ديانا ....المهم
نسيت اقولكم كل هاللويه ليش
طاف علي سنه ويومين بالتدوين برصيد وقدره خمس وثمانين بوست .....
كل عام ومدوناتكم بخير
Labels: مناسبات
posted by 3ateeja @ 9:03 AM
29 Comments:
هل عتيجه انسانه...........؟
1-متناقضه
2-مزاجيه
3-متذبذبه
عتيجه بوجهة نظري من خلال قرائتي لها هي انسانه تكتب بماتشعر ..التناقض والمزاجيه ليست عيبا انما هي مشاعر تعترينا تؤكد انسانيتنا
_________________________________
السؤال الثاني:مامقياس معرفتك بعتيجه؟
1-اعرفها جدا
2-اعرفها
3-لااعرفها
4-ماينعرفلها
عرفتها من خلال مدونتها فقط
لكن اشعر انها انسانه صريحه بتحفظ
تحب المرح ..تشارك الاخرين امالهم وألامهم
لها قلب طيب عرفته من قلمها
تحمل هموم الآخرين
عاطفيه لكن بصمت
________________________________
السؤال الثالث:للوهله الاولى في زيارتك لمدونتي ما كان انطباعك عن مدونتي؟
1-ممله
2-مزعجه
3-مضحكه
4-مميزه
5- حالها حال اي مدونه
مميزة ولها وقع خاص لدي لانها من المدونات التي عرفتها قبل غيرها في هذا العالم
__________________________
السؤال الرابع:ماهو اسوء طبع اكتشفته بعتيجه ؟؟؟
لايوجد لدي اجابه
________________________________
السؤال الخامس:هل تعتقد ان لعتيجه نفس الشخصيه خارج المدونات ؟؟
1-نعم
2-لا
نعم
___________________________________
ماهو اللون المفضل لعتيجه .....
يمكن الازرق
_________________
كل عام وانتي بخير وكل عام يبقى لوجودك اثر في قلوبنا
بصراحه اخت عتيجه انا توني يديده في عالم التدوين بس اعتقد من اجابات اختي سالفه قلب انج خوووش وحده وحبوبه والدليل تعليق اخت سالفه قلب
اهلين أختي عتيجة ..
يمكن أنا ما أقدر أفيدك
عمري التدويني قصير
لكن بعد ما قريت بوستك هذا
أطلعت على بوستاتك القديمة
عشان أقدر أعطيك تعليق منطقي وصادق
من ناحية كتاباتك مميزة وشيقة
يعني مو مملة
وبكل صراحة أنتي كشخصية
وجدتك مرحة ولطيفة
إلى حد الآن :)
ما أدري أيش راح يصير بعدين
تحياتي،،
انا اشوفج خوافة مو وحدة من اللى كتبتيهم
:)
الشغلة الثانية انا دايما اقول انى ما اعرف الناس عدل الا لما اشوفهم وانا ما شفتح :)
كانت اول زيارة لى لمدونتج ان مدونتج مرحة وتضحك :)
السؤال الرابع
مالقيت طبع شين الا شى واحد
القطعة الطويلة مرات :)
الشخصية نفسها وحتى مرة تخيلت اللبس:))
وكنت باكتب عن كل شخص وتخيلى له بره بس قلت مالى خلق مشاكل:)
اللون اتوقع الازرق الفاتح :)
انزين خلصت انا جاوبت الحين
ليييييييييييييييييييش
كنتى تكرهينى شمسويلج
يمكن لانى شوي جد وما اعرف اتغشمر ؟
احس انج انسانه ومتناقضه ومزاجيه ومتذبذبه كلهم فيج....لان انا عندي الكل فيه هالاطباع بس بدرجات متفاوته...:)
=======
انا عرفتج عن طريق صباحك سكر الله يذكرها بالخير ....يوم سوتلج انفايت عالمسنجر ومن عقبها وانا احب اسولف معاج ....:)
========
انا عرفتج عن طريق تعليقاتج في مدونه اخونا انسان بسيط بس ما كنتي كاتبه شيء في بلوقج وكنت دايما ادش على بلوقج اشوف كتبتي والا لا ويوم كتبتي استانست واااااايد....انتي شخصية محبوبه ومظحكه وجاااده وااايد وعن 100رياااال ...:)
========
كل عام ومدونتج ابخيررر...:)
بس ارد واقولج شخصيتج بره النت غير هذا اللي اتوقعه...:)
صج نسيت
نادية انزحا مكانها خالى
واوقع تحبين اللون الاصفر...
;pPp
عتيجة
استطيع الإجابة عن السؤالين الثاني والثالث
لا أعرفك حق المعرفة
وإجابتي على السؤال الثالث هو أن من يجول ويصول في مدونتك لأول مرة سيكتشف أن
دمك خفيف
لديك حس الدعابة والتهكم أحيانا
و .. و أتمنى ما تزعلين
مزعجة أحيانا أخرى
ولن أذكر الأسباب
أعفيني
تحياتي
عتيجة انسانة كويتية
و هني قصدي بكويتية مو صفة معينة بس بعض المرات و خاصة لا قعد الواحد مع الشياب يلاقيهم يقولون هذا كويتي تصرفاتة تعطيك انطباع انه كويتي مزيج من الطيبة و الاحترام و الحب و.و.و.و.و.و.و
________________________
ما اعرف عتيجة الا من خلال المدون_____________________________
مدونت عتيجة مميزةو مضحكة مكان يرتاح الانسان فيه عند القراءة
________________________________
ما اكتشفت طبع سيء لاني لا اعرفها الا من خلال المدونة
_______________________________
اعتقد انها نفسها مع بعض التحفظ
____________________________
اسود
_____________________-
اخيرا
كوني متاكدة ان لو كنتي او كانت مدونتج عادية ما كنا نتلهف لكتاباتج
اخت عزيزة و غالية عرفناج شخصيا ام لم نعرفج
عتيجة انسانة رائعه بنظري تكتب كل ما تشعر فيه و التناقض و المزاجيه و التذبذب امر عادي و تعتري كل واحد فينا
________________________
ما اعرف عتيجة الا من خلال المدون_____________________________
مدونت عتيجة مميزةو مضحكة مكان يرتاح الانسان فيه عند القراءة
________________________________
ما اكتشفت طبع سيء لاني لا اعرفها الا من خلال المدونة
_______________________________
اعتقد انها نفسها مع بعض التحفظ
____________________________
اصفر
_____________________
اخيرا
كوني متاكدة ان لو كنتي او كانت مدونتج عادية ما كنا نتلهف لكتاباتج و ننتظرها بفارغ الصبر عزيزه و غاليه و حبوبه و الله يحفظج لاهلج ان شاء الله
عتيجة قوة وشلونج
مع انى تركت البلوق من الصيف تقريبا شهر ثمانية الى طاف يمكن..بس تصدقين للحين ادش بلوقج انتى بالذات وان كنت مااعلق عليه لكنى احس ان بلوق يستاهل من يزوره وبصفة مستمرة...ليش ..لانى احس انج تكتبين من قلب ..وكويتية اصيلة...وصريحة...
ومشكورة انج ذكرتى اسمى بين الناس الى فاقدتهم يالغالية عساج ما تفقدين غالى
اخوج...كظماوى وكويتى ومزيون :)
واسمحي لى راح اشارك بالاجوبة..
س 1- عتيجة انسانة فى نظرة مزاجية
س2 مقياس معرفتى فيها...بلوقها ومشاركتها ببلوقى قبل وكذلك ردودها فى البلوقات الثانية..
س-3 انطباعى عن مدونتج..ممتعة ومضحكة ومميزة ( كتير مهضومة )
س-4
طبع مو عاجبنى..
حادة وقوية اكثر من اللازم "!"
س-5
اكيد ان شخصيتج بره مثل ماهى بالبلوق هذا شى مااشك فيه
س- 6
اللون المفضل لج..زلووووووووول
سؤال عجيب الصراحة..اعتقد الاسود..
تصدقين...
شكلج حنطاوية ( سمرة شوى ) وشعرج قصير وسيارتج جيب...لوووووول
يللاا عاد اتغشمر مو تعصبين
علشانج رديت اكتب مع انى قطعت خمسة شهور ياعتوج
الله يوفقج..
سالفة قلب :
اشكرج على وقتج الثمين اللي قضيتيه بالاجابه على اسئلتي اللي احسها مهمه في نظري
بقايا انسان:
تسلمين يا اختي على الزياره رغم انها الاولى ...وان شا الله تظلين مدونه معانا على طول
ميامي:
تسلمين على الزياره والقراءا وايضا الاطلاع بشكل عام ...والصراحه
مشاري:
فعلا ناديه مكانها خالي وكنت فعلا استمتع معاها ...بالنسبع ليش كنت اكرهك ما كنت اكرهك بس كنت ما احبك ...يمكن ليش اول بوست قريته كان كلا تحلطم ...وحسيت انك شايف نفسك وعندك من نفسك شي..بس غالبا ما احب امشي على انطباعي الاولي ..لين ما غيرت رايي ...بس فعلا ..شلون شكلي في بالك...ترى حتى انا كتبت نفس البلوق اللي انت تقول عنه بس تبعدت عن المشاكل ....:)ومانزلته
كوكو:
اشكر وقتج الثمين في الاجابه عن اسئلتي ..وانتي من الناس اللي فعلا حبيتهم من كل قلبي
بلوقليس:
تسلمين على هذه الزياره وكان ودي تجاوبين جميع الاسئله بس ماعليه العوض ولا القطيعه ...كما اشكر صراحتج جدا جدا :)
دايفر:
اشكر وقتك الثمين في الاجابه على اسئلتي ..وفعلا كنت سعيده يوم شفتك مجاوبهم كلهم ...وانت من الناس اللي فعلا انا اكيف على تعليقاتهم
الكويت حبي:
سعيده بتواصلك واجابتك على الاسئله ووقتك الغالي اللي سخرته لي سواء بقراءة بوستي هذا او اللي قبلهم
كظماوي:
وي وي انا اقول يا ربي وين هالادمي وين غط وين راح ...لو ادري اني بس لما اكتب نكك بتطلع جان من زماااااااان كاتبته ...زين ما تشوف نكك معلق على دريشة بلوقي لي الحين ما شلته يا حااااافظ ...تو مانور لبلوق انا قلت اكيد تيوز ام الفولفو الحمرا ...ولا وحده من بنات الحلال امها داعيه عليها خذتك ههههههههههههه
الله يعينها بس
وطبعا اعتقد الثانيه ..لأن خبري ام الفولفو طلعت متزوجه ...تو ما نور لبلوق ...عاش من شافك عاد صج مو تقطع ترى ما كو احد اداحره ظاق خلقي
خوش بوست
هابى 2007
عتيجة :
انا مشكلتى حتى فى الحياة الطبيعية الناس تاخذ عنى انطباع اول انى شايف نفسى لكنى الحمدالله وهذى نعمة من الله وايد متواضع
بس تقدرين تقولين عندى ثقة بنفسى واتكلم بثقة
وشكلج ما راح اقولج الا لما تقوليلى انا شلون شكلى
ناس تروح و ناس ترد و ناس تبقى .. لكن السؤال منو اللي له تأثيره فينا وانطباعه الطيب نبقى نتذكره ..
أنا الصراحة جديد على عالم المدونات .. و متابعتي بسيطة لكتاباتج ..
الصراحة همي الأول في عالم المدونات ..
اكتساب خبرات جديدة و تعارف و صقل موهبة الكتابة و الترويح عن النفس بقراءة الأخبار و السوالف و حجي الناس و شنو قاعد يصير بالديرة ..
أما لونج المفضل .. الصراحة قاعد أشوف كوكتيل .. كل سطر بلون !!
الله يزيدج و يوفقج :)
السؤال الاول: هل عتيجه انسانه...........؟
1-متناقضه
2-مزاجيه
3-متذبذبه
4-........عندك راي ثاني اكتبه
انسانه متواضعه
اللي بقلبها على لسانها
تحب .. وتعطي ..
تقدر للأموز أوزانها
======
السؤال الثاني:مامقياس معرفتك بعتيجه؟
1-اعرفها جدا
2-اعرفها
3-لااعرفها
4-ماينعرفلها
5- .......عندك راي ثاني اكتبه
أعرفج من بوستاتج
:)
============
السؤال الثالث:للوهله الاولى في زيارتك لمدونتي ما كان انطباعك عن مدونتي؟
1-ممله
2-مزعجه
3-مضحكه
4-مميزه
5- حالها حال اي مدونه
6- .........عندك راي ثاني اكتبه
مميزة + مضحكة + وأذكر اني قلت انج مثل اختي الكبيرة
:)
بالعقل مو بالعمر ;)
===========
السؤال الرابع:ماهو اسوء طبع اكتشفته بعتيجه ؟؟؟ (دون خيارات)1
No thing at all
====
السؤال الخامس:هل تعتقد ان لعتيجه نفس الشخصيه خارج المدونات ؟؟
1-نعم
2-لا
3- ..........عندك راي ثاني اكتبه
نعم .. بتحفظ أكثر
:)
السؤال السادس:ماهو اللون المفضل لعتيجه .....؟؟؟؟اللي ملاحظته قويه بيجاوب صح
ملاحظتي مش قوية
:)
ترى عالسريع قلت مابي اطوفه ما قريت الردود ورااي حث
:s
تسليمه باجر
:)
1.
عتيجة انسانة فقط لاغير
2.
وعتيجة اعرفها من زمان واتذكرها في بلوق كظماوي اللي مادري وين اختفى
3.
راح اختار اجابتين
مدونة عتيجة مضحكة ومميزة
4.
اسوء طبع في عتيجة هو حسنها الفتان مع الاعتذار للمغني اللي مااعرف اسمه
5.
اتمنى ان تكون شخصيتها بالبلوق اهي نفسها بالخارج لانها تعجبني
6.
اللون المفضل عند عتيجة اهو اللون اللوزي صح؟؟؟
كل عام ومدونتج بخير
:)
قوة يا عتيجة :)
الصراحة مااقدر اجاوب عدل على هالاسئلة
يبيلها واحد يعرفج
بس بلوقج حلو ومواضيع تونس
:)
ما اقدر اوصراحه انا ما اعرفج عدل مجر في الانترنت ولازم اقعد معاج واسولف معاج علشان اقولج انتي شنو
صحيح انني ما اعلق عندج واايد بس مواضيعج اللي تكتبينها متنوعه ولها موضوع مو بس كلام والسلام
اتمنى لج كل الخير
جاي حليب:
انت اللي خووش
كيتي:
تسلمين عاى العنوه و الميانه ...وعلى الاجابه :)
مانتحرمش
;p
مشمش:
انا شفت مره واحد قاعد لي اخر الدوام يوم الاربعا بأحد البنوك الحكوميه عادخبرك البنوك الحكوميه وايد بالديره ..خذيت عليه بسرعه بالحجي وحسيت اني اعرفه وجنه انت وخاصه ان رئيس قسم و القسم يصفر تدري بعد نهاية دوام ومجابل الكمبيوتر...واستغربت يوم قالي انا شايفج من قبل ...او اعرفج وكان شكله ملتزم يغض البصر وخدووم يالله الدور عليك
كويت سن :
تسلم على قراءتك لمدونتي و متابعتي وعالم المدونات عالم جميل عندما تكون مجهول الاسم والهويه :)
الاثير:
حبيبتي والله ونستيني انج جاوبتي وعسى شغلج كلا مضبوط ...نسلمين عالعنوه
شتر بوكس:
وللللللللللللكم باك ..وتسلمين عالعنوه طمنينا عنج
بيرل :
وانتي بخير
يوكن:
تسلم علاعنوه ...بس ترى مو امتحان :)
سمايل:
تسلمين على الزيارات المتتاليه و المتقطعه وكل عام وانتي بخير وعيدج مبارك وكل شي :)
وترى مو امتحان ...مجرد اسئله حتى ماعليها درجات :)
Post a Comment
<< Home