امي وابوي
سبحان الله في خبال عقلي وفي خبال بالحجي والكلام ..
.ساعات الانسان يقط عبارات ما يكون قاصدها او امثال مو بمحلها ولا بموضعها ..وفي امثال طبعا ما تنقال كلش ...
.ساعات الانسان يقط عبارات ما يكون قاصدها او امثال مو بمحلها ولا بموضعها ..وفي امثال طبعا ما تنقال كلش ...طبعا اللي بذكره مواقف تظحكني وتخليني افطس من الظحك مع انها صايره من زمان
الموقف الاول :
الموقف الاول حصل بين امي وابوي ..ابو كان قاعد يتذكر يدتي -متوفيه- وامي كانت متعاطفه معاه وقاعد يقول بعد عمري بصوت حزين : ايييييييه الله يذكرج يا يما بالخير كنتي ميمعتنا ما يدور اسبوع الا انتشاوف اميمعه البعيد والجريب واليران ...والحين الله يالزمان الزين فينا نشوفه مره بالشهر يدور الشهر والشهرين من عيد لي عيد ...
جان تدش امي عالموجه وتقول : قالوها الاولييييين ماتت لحماره وانقطعت لزياره
@@
نعمممممممممممم
هههههههههههههههههههههههههههههههههه
جان يقول لها ابوي: @@ يعني امي حماره
ردت: لا ما اقصد هذا مثل مثل
الوالد: لو سمحتي امثالج الخايسه مو علي ولا على امي
طبعا انا تعالوا شوفوا ويهي
كاااااااااااااااااااااااااااااااااااااااك
..................................................................................
الموقف الثاني :
هم بين امي وابوي ..
ابوي كان شاد الظهر برفيجه دلال بيوت يبي يدورله بيت ...
يقول حق امي : عااااااادل ما يقصر وعاااااااااادل سوى و عاااااااااااادل حط وطبعا عادل كان بارد ثلجه فااااااااج
عادل يابلي مادري شنهو
جان يقول لها اذنات يوم ...عادل يقول لقى بيت بالروضه وبييب خريطته
ردت عليه الوالده:ويييييييييييييييييي انطر يا حمار لين اييك الربيع ..
الوالد :@@ يعني انا حمار
الوالده: ويييييييييي لاتسويها سالفه خو مثل مثل
الوالد : جم مره قايلج امثالج الخايسه هذي مو علي ..
هههههههههههههههههههههههههههههههه ما تتوب
............................................................................
الموقف الثالث :
ولا اقولكم خلوه بالحلقه القادمه
;p
Labels: كوميديا
posted by 3ateeja @ 11:53 PM
17 Comments:
يحليله الوالدة عسى الله يطول بعمرها
امثالها
فلم الصراحة
يعنى ما تعرف تختار الامثال الصح بالمكان الصح :)
والوالد قوليله مشارى يقولك سلم على عادل
ويقول ما يحك ظهيرك الا ظفيرك يا عمى
اشوى المثل ما فيه غلط :)
عسى ما شر عتوج
الجلب وديته المخيم والبلوغ ما فيه جلب
:))
الله يخليهم لج
ويقلل امثال امج ;p
انا ما ني قايلج الا شكو بعد حلقة ثانية هاذي مو قصة و انتي بلشتي ليش توقفين الحين بس ما قول الا
عقب ما ظقعت صمت فخوذها
مثل ترى مثل كويتي عريق
و الله يخليكم حق بعض و تستانسون بالامثال الي امج تقطها على ابوج
هههههههههههههههههه موتيني ظحج عتوووجه بس شتسوي الوالدة مسكينه خو مثل مثل ههههههه
كملي الثالثه عفيه لوووول
هاهاهاهاهاها
بدعه بدعه الله يخليهم لج يارب
ذكرتيني بأخوي
مره امي مشتطه واتسلوف عن الجلب اللي كل مامشت بالممشى يمشي وياها .تقول امي حبيته كان وفي قمت كله اييبه البيت واعطيه اكل وينطرني عند الباب بس حسبي الله على هالعراقيين اللي اذبحوه ايام الغزو.خلصت السالفه
ليش ما يتجاوب وياها اخوي الصغير ويقولها بكل ثقه خاليه من الادب ممزوجه بعبط: يما يقولج مايربي الجلب الا الجلب!!!!
الله لايوريج اشصار في ويه امي خنت حيلي
لوووووووووووووووول
الله شنو ضحكت ضحك !! قاعد في الصالة بروحي و ميت من الضحك !! شنو هالأمثال !! ماتت الحمارة !! والله ما ألوم أبوج الله يحفظه يوم بقق عيونه !!
و تعليق سالفة قلب شكل ثاني !! ما يربي الجلب إلا الجلب !! جني أتخيل أخوج بكل برود قاط هالمثل !!
لوووووووول
يا حلو الوالدة ويا خفة طينتها
قولي للوالد، البلوقرز يقولون لك يبا ليش ما تشد الغشمرة؟؟
الله يخليهم لك ويخليك لهم
LOL
يحليلها الوالده امثالها في الصميييييم هههه
هههههه .. خوش مواقف
الظاهر هذي المواقف تتكرر في كل بيت
لاني شايفتها من قبل عندنا
;P
ههههههههههه الله يخليلج امج و يقلل من امثالها :)
و بالفعل هالامثال و هالسوالف تتكرر في كل بيت :)
سلامي لج
هاهاها
انا ضحكت على السالفة
جدتك دي زي العسل
والوالد ليش عصب بسرعة ؟
عادي
ذكرتني بالنكتة لما جحا ضاع منه الحمار
وراجع البيت زعلان ومتضايق
زوجتك سألتك مالك
قال لها
الحمار ضاع
قالت ولا يهمك
البركة فيك
الوالدة بدعت لوووووول بس ترى تونس
الله يخليلج أمج و ابوج يا رب
أهل أول على سجيتهم و نيتهم صافية
:
تدرين يا عتيجة
أمي من هالطقة و لسانها ما تقضبه بالضحك
يعني اذا يت على لسانها نكتة و لا قطه
على طول لو منو جدامها
احنا عيالها مو سالمين
دايما تصفني بالجيكر لول <<<<<
ولا ابوي الله يرحمه سلم
بس ابوي كان خابزها و كان دايما يضحك
و عادي و طبيعي جدا جدا جدا لو قلب
الموجة و استلم الوالدة ههههههههه
بس كله بجو مرح و ضحك و بنية صافية و عفوية
يا حلات الوالده الله لا يحرمكم منها
وفعلا ساعات تخونج الكلمات واتبدعين
في الحجي
وصج المثل اللي يقول الملافظ سعد
مشاري :
الله يذكر عادل بالخير ...ذكرتني اسئل ابوي عنه
كويت لوفر:
ويخليلك امك
دايفر:
اعرفه ...مو مثل عتيج ...مثل فطيس
كوكو:
لا خلي الثالثه بيني وبينج
;p
سالفة قلب:
للأسف مسويه نفس السالفه مع امي ...الطبع يورث وانا اختج لول
كويت صن:
تضحك بالينه قول امين
وايت وينق:
الوالده من صجها ما اتغشمر للأسف
كرييتف:
تصلح تجابل ابوج ..
;p
كيتي:
حبتج العافيه ...اتنبألج بمستقبل مشابه لأمي
نسكافيه:
دام شايفتها كتبيها خلينا نظحك :)
الكويت حبي:
تسلم تسلم ..
اكتب بالرصاص:
والد مسكين يتكلم بجو حزين ..الوالده دشت عرض ههههههه
طاير:
اشقصدك اهل اول يعني امي عوده..وانا هم عوده...امي زغيره توها طالبة بالآاب :p
مملوحه:
الله يسلمج ويخلي لج الوالده
Post a Comment
<< Home