العرس
رحت للفيحا ادور
موتري كلا يفور
شفتلي طفل صغير ....بالشبه يشبه امينه
دان وادانه ودانا صوبت قلبي امينه
الشاطر يقولي منو اللي كان يغني اغناية امينه ؟؟؟
....
ادري بتقولون لي داثره بس والله انا وامي اليوم قاعدين نغنيها ...مادري شسالفه الفيحا ويا المطريبين ملوت قبل ..
.عايشه المرطه كانت تقول حبيبي ساكن الفيحا وقلبي ساكن وياه ...وطبعا القصيده ما كانت حبيبي ساكن الفيحا كانت حبيبي ساكن الدسمه ...بس اهي اصرت ان تغنيها حبيبي ساكن الفيحا ...عشان اهي ساكنه بالفيحا ...الله يرحمهاياحلو مطربات قبل ..مو مهم الشكل مو مهم الجسم مو مهم الا الصوت ...والاداء ...يعني اكو احلى من غناوي عايشه المرطى اللي لي الحين يغنونا بلعروس ....احلى سامريه ..حتى السامري النقازي كان فله والله ..ولا نقدر نستغنى عن غناوي عوده المهنا .
..يا صاجه وياصاجه ...ولا ام زايد ..ولا صنعه والله يعني كان فنهم له طعم خاص ..انا بسأل سؤال ليش الحين ما قمنا نشوف سامريات يديده ...كلا يغنون القديم...وقصايدهم الحين اللي مادري شلون قايله ...انا بالبيت وقلبي ينطرج برا ..ومن شفت ويهج وقلبي يطقطق ..ما اعرف ايشولا لعروس اللهم يا كافي ماكو غنايه سنعه يحطونها ماكو شيلة طار مثل الاوادم حتى هب السعد استغنوا عنها الله يزيد النعمه يحطون غناية حق مادري منهو ...عاد الصراحه انا اعتبر هب السعد غناية فلكلوريه واعتبرها شي اساسي بالعرس حالها حال الكوشه والعشا ...
...
والصراحه بس آسفه يعني في حركه ما كانت بعرفنا ..مادري شلون دشت علينا ...شكو رياييل غرب يدشون مع الريال على مرته ...ربعه بالدوام وربعه بالدوانيه ومادري شنهو وكل واحد قبل ما ينزل من الكوشه يصور مرته وينزل وطبعا المره بأحلى وابهى صورها ولابسه خرجه يعني بتغطى وييها ولا ايدينها ولا الباجي ...احنا يالللي قاعدين عالمدرج نطالع وييها وايدها ووشعرها ومكياجها من هالخرجه ....والسالفه الاطين لما يرقصون ...شكوووووووو لا ومال الدي جي يحط لهم غناية ..ويقول عاشوا الشباب ...عفوا يعني هذا اللي قاعد يصير بعروسنا ...بس ترى يفشل ومو حلو ...وعمرنا ما كنا جذي وللأستزاده كل واحد ووحده يروحون يسألون يدانهم ...
عروس قبل كان الحريم يحتفلون ببيت اهل العروس ...والرياييل يحتفلون ببيت اهل المعرس ...ويسوون يلوه عالمره ويغنون ويرقصون ويدششونها بدار تالي الرياييل يزفون المعرس لي بيت اهل العروس ويدششونه بنفس الدار يدش ويصلي <<< طبعا الحين اقص ايدي, ويحط ايده على راس مرته ويدعي ..وعقب اسبوع ينتقلون بين الزوجيه او ثلاث ايام على حسب ... وفي ناس الدشه تصير في بيت اهل المعرس ...وفي ناس في بيت المعرس نفسه ...وكانوا يحطون المره على زوليه وهي مغطيه ومتزينه والريال يصير داخل الحجره ويسحبون الزوليه اللي اهي قاعده عليها ....يعني مستحيه ههههههههه هالحركه احبها تونس وتظحك ...الحين الله بالخير توكله الكيكه ...وتشربه العصير واخر شي ترقصله ههههههههههههه سبحان الله طبعا هذا كلا مافيه شي ..لكن الشغله اللي تبط جبدي دشة الراييل الغرب وترقصهم جنهم حريم ...
والصراحه بس آسفه يعني في حركه ما كانت بعرفنا ..مادري شلون دشت علينا ...شكو رياييل غرب يدشون مع الريال على مرته ...ربعه بالدوام وربعه بالدوانيه ومادري شنهو وكل واحد قبل ما ينزل من الكوشه يصور مرته وينزل وطبعا المره بأحلى وابهى صورها ولابسه خرجه يعني بتغطى وييها ولا ايدينها ولا الباجي ...احنا يالللي قاعدين عالمدرج نطالع وييها وايدها ووشعرها ومكياجها من هالخرجه ....والسالفه الاطين لما يرقصون ...شكوووووووو لا ومال الدي جي يحط لهم غناية ..ويقول عاشوا الشباب ...عفوا يعني هذا اللي قاعد يصير بعروسنا ...بس ترى يفشل ومو حلو ...وعمرنا ما كنا جذي وللأستزاده كل واحد ووحده يروحون يسألون يدانهم ...
عروس قبل كان الحريم يحتفلون ببيت اهل العروس ...والرياييل يحتفلون ببيت اهل المعرس ...ويسوون يلوه عالمره ويغنون ويرقصون ويدششونها بدار تالي الرياييل يزفون المعرس لي بيت اهل العروس ويدششونه بنفس الدار يدش ويصلي <<< طبعا الحين اقص ايدي, ويحط ايده على راس مرته ويدعي ..وعقب اسبوع ينتقلون بين الزوجيه او ثلاث ايام على حسب ... وفي ناس الدشه تصير في بيت اهل المعرس ...وفي ناس في بيت المعرس نفسه ...وكانوا يحطون المره على زوليه وهي مغطيه ومتزينه والريال يصير داخل الحجره ويسحبون الزوليه اللي اهي قاعده عليها ....يعني مستحيه ههههههههه هالحركه احبها تونس وتظحك ...الحين الله بالخير توكله الكيكه ...وتشربه العصير واخر شي ترقصله ههههههههههههه سبحان الله طبعا هذا كلا مافيه شي ..لكن الشغله اللي تبط جبدي دشة الراييل الغرب وترقصهم جنهم حريم ...
بس ما قلتولي ...منو اللي يغني امينه ؟؟؟
Labels: آراء, قديمك نديمك
posted by 3ateeja @ 4:45 AM
9 Comments:
تدرين .. تدرين
و رب الكعبة تدرين
تدرين اني كنت باكتب شي عن السامري لأن
هاليومين فاصل و بقووووة على السامري
عايشة المرطه
ابشري يا عين جابولي خبر
^
^
تشلع قلبي والله
و بالمرة يا عتيجة ابي استعين فيج لأني تهت
و أنا ادور
تعرفين طبعا
سلمو لي على اللي سم حالي فراقه
حسبي الله على اللي حال بيني و بينه
فيه واحد يديد ماخذ الكلام و يغنيه بلحن
سامري عجيب .. سمعته بالصدفه و من يومها
و أنا أدوّر .. بس كل الطرق ما تودي
و اكون شاكر لج
:
:
العروس .. اسمع جذي بس عن نفسي اكيد ما اقبلها
و اللي يدشون أهل المعرس بس و الأقراب بعد
بس بليز خلينا بالأهم .. السامرية اللي فوق
ابيهااااااااااا
المغني الراحل حمد السليم
ودايما الدسمة تكون بالاول
و اخيرا بالنسبة للعروس هالايام شنسوي الظاهر بتيي ايام كبلز
الله المستعان
طاير :
افصل اذا ما فصلت عالسامريات بتفصل على شنو ...وبالنسبه للأخ اللي يغني كلمات سلمولي ما اعرفه والله..واذا عرفته قط علي اللينك :)
دايفر:
شفت شلون يا اخوي ..شياب عروس الحين لعروس قبل
:)
أنا اذكر هالاغنية بس أمينة
تطرى على بالى اغنية ثانية والله ما قصرتي يا يمه زوجتنى امينة لووووووووول عبدالحسين عبدالرضا
والمغنى اسمه حمد السليم وما تسمعين من الاغنية اللى العود
lol
يبيلج ابوي على هالتراث الفني
اما دخله الشباب فحدث و لا حرج! مادري شلون صار هالشي بعروسنا !
شلون ترضا على مرتك؟
و هالشباب ليش راااازين ويووهكم اصلا !
والله واحد من العروس داش ويا المعرس ريل رفيجه العروس و له علاقة سطحيه مع المعرس !!
سووه عرس مختلط بعد و فكونا!
مووودج عجيب وغريب عتووج...^____*
اهم شيء انها توكله الكيكه وتشربه العصير ههههههههههههههه
و صووووبت قلبـــــي أميـــــــنــــة
كانو يحطونة بتلفزيون الكويت في جلسة من الجلسات الي تقدمهم أمل عبدالله
بس ما أذكر اسمه
مشاري:
اي اي اي السليم عدل عدل
ادري فيك تموت على هالسوالف
كرييتف:
ستين مره اسألج ابوج متزوج ولا لأ؟؟؟
كيتي:
لا ياعيوني يغنيها حمد السليم
كوكو:
وآخر شي ترقصله
رفلكت ..
امل عبدالله ما الحقت عليه ..حمدالسليم
مدونة جميلة عرفتها بالصدفة بسبب بحثي عن أمينة :)
Post a Comment
<< Home