حوار مع ابوي 2
ليال تسأل:الدرس اللي تعلمته من الحياة وما راح تنساه ؟؟؟شي من علي ايامكم تفتقده الحين ؟؟
ان الانسان ما يشتغل شغله ما يحبها لأني هاد التدريس من 21سنه اذا مو اكثر لي الحين اييني ياثوم -كابوس-موذي اني داش الحصه ومومحضر ولا قعدت من النوم استااااااااااااااانس واقول اشوه انه حلم ,واللي افقده هليام البساطه
وايت وينق:اسئليه الله يطول عمره اشرايه بالكمبيوتر والثورة الالكترونية؟
ما اثق فيها ودايم لا قفلت السياره بالريموت ارجع اتأكد انقفل الباب ولا بعد ...اتخيل دايم لو تنقطع الكهربا او تطفي فجأه بس شحادك يالمسمار قال المطرقه
ولد لكويت:أفضل مكان كان يروح له و يحس انه ترد له الروح إذا كان في مشكلة في البيت !؟
عمري ما انحشت من بيتي اذا في مشكله دايم ارجع بيتي-اذاكان خارج البيت- اواجهها واحلها واذا كنت مهموم اقط همي بحضن محمد-رفيجه-دايم اشوفه بالبر
الماس:سإليه: ليش حب ألحين مو مثل حب قبل؟؟؟؟
لأن الماده دشت بالموضوع وقبل كلنا فقارى محد احسن من احد الزين منا عنده دكان بسوق لسلاح وكلنا عيال قريه وكلن يعرف اخيه اضافه لأن الحب قبل هدفه الزواج مو الجمبزه و الفضاوه
جنون احساس:شرايك في بنات هالوقت, ينفعون يكونونأمهات؟
والله بناتنا ماكو احسن منهم الا فئه قليله جدا وهي السذج وفعلا الريال اللي ياخذ من برا الديره غبي لأني ما شفت ريال خذى من برا الا وتوهق ,ثقافه وتعليم وجمال ونظافهوسنع ومنع وكلن له عيوبه وشدعوا عاد عيالنا امسمسمين قبل كانوا اهم بحاجه لنا الحين احنا بحاجه لهم وبنات هالوقت كأمهات احسن من بنات قبل بس قبل لا تضمها اسئل عن امها
برااك:شرايك بكتابات بنتك ؟
ما قريتلها ...لكن هقوتي انها احسن من اللي اشين منها ...سمعت لها بعض الزهيريات واستانست
سلوقا:شنو الفرق بين أيام السبعينات وأيامنا الحين؟
بالسبعينات كنا كويتيين والحين صرنا مصاروه
الخاطر:شرايك بالشاعر زيد بن حرب؟
ما اعرفه
سالفة قلب:من مِن الشعراء يستمتع بالقراءه له؟
صقر الشبيب,فهد العسكر,احمد شوقي,فهد بورسلي,خالد الفيصل....والله وايد
احلى انجنير:اكثر شي صعقك بكويت اليوم يعني شي مهوول ما هقيته من اهلها من حكامها من ايا كان .. بس ما كان واضح جلي .. انما يااااا على غفلة اذا مو غدر؟
المجلس الوطني بط جبدي ذيج الايام وعقبه على طول صارموقف الغزو شلون صار وشلون ما اتخذوا الحذر وكنت متوقع الغزوو والشي اللي ماهقيته يصير ضعف موقفهم من اللي كانوا يبون يسوون انقلاب بالثمانينات وبو عبدالعزيز يعرف السالفه كلها احسن مني (احمدالسعدون)ا
نصيحه للشباب ؟
كل ما كبرت المره زادت فرص الاسقرار ولاتدلل المره قبل لا تبخصها
نصيحه للبنات؟
عن الطفاقه وتزوجي عقب ما تشتغلين
نصيحه للحريم؟
المره السنعه ما تهد بيتها الا اذا كانت جد بايعه
نصيحه للرياييل؟
خير متاع بالدنيا المرأه الصالحه
الجماعه اللي طلبوا شيء من الشعر....ان شا الله في البوست القادم اشكر تواصلكم
Labels: آراء, خبرات سابقه, قديمك نديمك
posted by 3ateeja @ 5:13 AM
36 Comments:
hello
سالي الوالد .. الله يخليه لج
احلى ذكريات الشباب
انطقيت وانت بالمدرسه
ههه
انا مره ثانيه
يحليلج الصينيه اللي كاتبتلج .. حاطتج اول وحده في بلوقرها
ميين ادك .. صرنا عالميين
والله عجبني كلامه الله يحفظه و يخليه لكم
كلامه عن بنات هالوقت
بنات هالوقت كأمهات احسن من بنات قبل بس قبل لا تضمها اسئل عن امها
والله صاج أبوج .. إسأل عن أمها قبل لا تضمها
و النصيحة للحريم والبنات و الشباب وايد عجبوني ..
الله يعطيج العافية
ewanis obooch Allah e7aftha :)
fee CHINESES ahnee!!!
Nihao :p
الله يسلمه الوالد ويخليه لج
اجابات صريحة وواضحة ومافيها تعقيد
مثل أكثر الرياييل يطلع لج مليون عيب في بنات هالوقت
وتعيشون انتي وابوج
:)
اقين اقين =D
عتوج من وين متعرفه على هالصينيه؟
يحليييلها كاتبه لج
hello
وحاطتج الأولى ببلوقها مثل ماقالت
الأخت smile
عاد المشكلة شلون بتردين عليها؟
ماكو الا تقولين لها
hello في بوستاتها
^_^
حكيم :) هذا اللى اقدر اقوله
الله يعطيه الصحة والعافية
وطولة العمر
ويخليكم له
إن شاء الله
اجابته على سؤالي فعلا
كانت مختصرة وبسيطة لكن كفت ووفت
وشرحت الواقع الحالي للكويت بسهولة
بس وأنا اقرأ اكتشفت شي جميل
انكم من كتاب الزهيريات
:))
أتمنى في بوست ياي نقرأ زهيرية أو أكثر
وبهذي المناسبة أنصح بزيارة مدونة حبيبي
بوحمود
اللي أسميه ملك الزهيريات من الشباب
أما بالنسبة لتعليقكم على موضوع الحلاج
فلي رد عليه لكن هني
:)
ودمتم بحب وود
أقصد
مو هني
:)
ودمتم
文治武卫芳菲 :
الله بالخيييييييييييير
hello i`m kuwaity person i llike chinees Food :)
smile:
شعلا بالج العالميه تييني على خطى ثابته ههههههههههههه
بالنسبه للسؤال يقول الوالد
انه انطق وطق بالمدرسه
ولد لكويت:
ولاتنسى شي مهم ...الريال ما يطلع من بيته الا وهو حال المشكله
قول حق صاحبك ماغيره
;p
ra1:
اي شعلا بالج احنا شويه بالبلد
جنون :
حبيبتيييي عرفت شلون ارد عليهااااا شعلا بالج ...مو شويه بالبلد انا :) هههههههه
مشاري:
بسسسسس على بالي بتقول شي ثاني
:(
سلووووقا:
اما اجابته عليك اجعمتني هههههههه خزمتني مو ليه ...
اما من ناحية بو حمود مره رديت عليه بزهيريه بمدونته ...وتقدر تظغط على ليبل شيسمونه ...خواطر اللي عندي وتشوف كتاباتي المتواضعه جدا :)
رأي صائب
المادة والفلوس دخلت في حياتنا الإجتماعية بشكل كبير
هذا إذا ما كانت كل الأشياء .. للأسف
يعطيه العافية الوالد والله يطول بعمره
الله يخليكم حق بعض
و ابيج تسالينه مو ضروري تكتبين الاجابة بس دزيها لي
قوليله شرايك بكلام فهد بورسلي لما قال
الدار جارت ما عليه شافة
والحر فيها شايف ما عابه
بالك تكاثر صدها وانصدت عاداتها
عقب الغفور الانكافة
دار لغير عيالها مشكورة
ولا ابنها تلعن ابو اسلافه
دار يعيش ابها الغريب منعم وتعيش فيها ام احمد العجافة
اسف على الطيب تردي حالة ولا الردي مامن عليه احسافة
allah y5leekm 78 b3`9 yaaaaarb ;)
يحليله الوالد الله يخليه لج ان شاء الله
سلامي لج :) عتوجتنا
الله يحفظه ويخليه لكم
كلامه الجزء الاول جدا اعجبني
والجزء الثاني كذلك
لكن هقوتي انها احسن من اللي اشين منها
ضحكتني
بس والله فطين
بالسبعينات كنا كويتيين والحين صرنا مصاروه
اي اي اي تعبر
قوة عتيجة :)
الله يخلى الوالد ويخليج حقه..ساليه دش البحر :)
وعلى فكرة ترى رديت بلوقى لا تخلين عاد :)
انا قلتلج .. هذا الشبل من ذاك الاسد ..
والله حكيم ماشاء الله ننطر الشعر
وأنا أقول عتيجة طالعة على مين
الله يحفظلكم إياه ويسعدكم دنيا وآخره
تحيّاتي لك
الماس:
بعد تدرين اكبر منك بيوم افهم منك بسنه :)
دايفر:
فقدتك وينك عسى المانع خير....
يقولك فهد بورسلي كان يقول ايام قبل نوادر صارت الحين قاعده وعكسها الشواذ :)
السيده الحمرا:
تسلمين ويخلي لج غاليج
الكويت حبي:
تسلم ماقصرت ..غاااااط من غير شر؟
ثرثر:
اي سكتي افتشلت ههههههههه
كظماوي:
يقولك الوالد كان تاير بسوق لسلاح وماكنا بعازه ...
افياء:
حبيبتييييييييييييييييي لاخلا ولا عدم :)
ميامي:
وانت شفيج تغيبين وايييد عنا...ندري دراسه شدعوا قاعده تصنعين لنا صاروخ
;p
الله يطول عمره صج كنز وانت عرفتي قيمته وما بخلتي علينا فيها الله لا يحرمنا منهم كلهم
عتيجه علي نصيحه الوالد الله يحفظه
عيل بترك الشغل من باجر
كلامه الصراحه حكم الله يخليه لج
اقول عتيجه خليه يكتب معاج في المدونه :-)
مينونه:
تسلمين حبيبتي ...:)
ليال:
غيريه توج صغيره لا باجر اتحسفين مثل ابوي :)
Post a Comment
<< Home