صيده ما صيده
بكسر الكمبيوتر لأني هذي المره الثالثه اللي اكتب فيها هالبوست ...
.......................................................................
احلى الصدف بأحلى الناس ,,, نجمع بناس وايد ولما نقعد نسولف معاهم شوي نطلع نعرفهم
من بعيد
من جريب
مو هذا المهم ...المهم ان كلنا عيال قريه
وبما ان اغلب افراد مجتمعي عندهم اكثر من نشاط على صعيد العمل او على صعيد التطوع و الانماء تجاه المجتمع فتلاقي الصدف تزيد
اليوم كان عندي معرض والله ما كثر المعارض هليام ....وبيني وبين مشرفة النشاط علاقه حلوه تربطني فيها من حوالي سنه ...واثناء حديثنا مع بعض ...قلت لها عن موقف طريف صارلي مع مدير موجود في دوامها لكن بمكان ثاني وظحكنا؟؟؟؟
اسئلتني: من وين تعرفينه ؟؟؟-اي المدير
قلت لها: رئيسي -بدوامه الثاني طبعا-وزميلي بنفس الوقت
قالت:تدرين عتيجه
قلت:خير؟؟؟؟
قالت:ترى فلان زوجي
انا: معقوووووووووووووول بو محمد لالالالالالالالالالا
ونظحك شلووووون
تقول: انا طول عمري اناديج عتيجه و هو يناديج ال ........ (اي اسم العاليله فقط)وعمري ما فكرت اربط الاسمين مع بعض علما بأني انا وياه نعرف اسمج الكامل...بس تدرين عتيجه
انا:لامادري ...خير
اهي:ترى ريلي يمووووووووووووووووووت عليج
@@
طبعا الويه صار اشارة مرور
برقعها ...لالالالالالالالا شلووووووووون
تقول:يقول ال .......قالت و ال..........سوت ودايم يسولفلي عنج اكثر من الباجي رغم انه ما يسولفلي وايد عن شغله.....لكن ما يناديج الا بعايلتج جنج واحد من الشباب
انا:تدرين كلا رياييل وانا صايره بينهم الزميل السادس
وتدق عليه وتحطه سبيكر تقوله:شلونك فلان ماراح تييني المعرض
يقول: وحبيبتج عتيجه ما يت
انا:@@!!!!!!!!!!!!!!!!!!!!!؟
اثاري حتى اهيه لاجته فيني
تقول:تعال عندي لج مفاجأه حلوه وانا ويا المفاجأه ننطرك بستاربكس ....
يرد: والله مشغول ان شا الله اييكم العصر ...
تقوله:كيفك بس في مجال لتأجيل المفاجأه وتطالعني تبتسم
سبحان الله اثنينهم يسولفون عن النفس الشخص اهي تسولفله عن عتيجه اللي معاها بأحد الانشطه وهو يسولفلها عن عتيجه الزميله او ال........وما فكروا انهم يسولفون عن نفس الشخص
عجبتني ردة فعلها
جدا حلوه وجدا طبيعيه ......ذكرتني بزوجات الزملا اللي تنقسم ردود افعالهم معاي على قسمين
القسم الاول تحاول تعرفني على زوجها اكثر شيحب شينرفزه شياكل شيشرب جني ما اعرفه يا معوده كافي اهوه معور راسي تيين انتي تعورين راسي فيه ...واحلى شي اذا انا اكون اعرف عنه شغلات اكثر من اللي اهيه تعرفها ههههههههههههههه والادعى والامر اذا اهوه مسولفلي عن بقارتها - من وجهة نظره طبعا-مع العلم انه مو دايم يكون محق
القسم الثاني كارهيني من غير ما اسوي لهم شي ويسلمون علي يصافحوني وانا عناد اتلهم وابوسهم حتى لو ما اواطن رياييلهم ههههههههههههههه ما ادري اختي احد قايلج ريلج ألين ديلون
اما ازواج الزميلات هذيله اللي ودي فناقر اعطيهم ...داااااااااااااايم يطلعون انه زوجاتهم بقر واهم الفاهمين علما بأني غالبا ما اجد العكس ....واشوف ان اهمه الثيران اللي ما يدرون وين الله قاطهم..بس عدم ثقه ويبون ينزلون من قيمة زوجاتهم شيسووون ...يطلعونهم بقر ويفتكون....
وبما ان ذكر الشيء بالشيء يذكر ذكرت صديقتي وبنفس الوقت خالتي ....طرت علي انها قالتلي انها تعرف زوجة رئيسي بو محمد ....جان اقول حق رشا
انا: يعني تعرفين فلانه الفلاني
جان تبطها ظحك
قلت لها خيييييييييييييييير؟؟؟
قالت: توها معطيتنا فاصل فكاهي
مادام فاصل فكاهي يعني لازم انا معاها
انا:شعننه ؟؟؟؟
قالت:عندها بنت اخت طماشه اذا وقفت عليها السياره دزتها بالشارع
هههههههههههههههههههههههههههههه خير
انا :رشا؟
رشا تضحك : هلا
انا: ترى اللي تدز السياره انا
هههههههههههههههههههههههههه
يا المفضوحه يا عويش حتى هالسالفه قلتيها
انا اورييج
posted by 3ateeja @ 2:42 AM
31 Comments:
لا تنسين الكويت صغيرة .. مو بعيدة إذا طلعلج واحد من البلوقرز من تحت الأرض ما تتوقعينه .. و يقولج أنا أعرف طوايفج كلهم :)
و الصدف حدها تسعدني .. خصوصا في المناسبات .. إذا ياني واحد يقول:
إلا فلان يصيرلك ؟
اهني أرتاح حق الشخص لما يسولف
الله يعطيج العافية
لوووووووووووول
يا محاسن الصدف
صج الكويت صغيرة
وأحلى شي لما تسمعين راي شخص فيج بدون مجاملة
صدفة حلوه :)
والله يكثر منها انشاء الله
LOL
مت ضحك
الله ياهي صدف الدنيا
عاد كنت اكتب عن صدف الانترنت
شكلي بنزله هههههه
يحليلج عيل تدزين السياره بالشارع
ههههههههههههههه
والادعى والامر ***
اهم شي هالبدليه ههههههههههههههههههههههههه
صج صدفه عجيبه بس شي يونس مو...^___*
والله لج خلق تدزين السياره ههههههههههههههههه
طول ما آنا أقرى مشرعه حلجي
لي آآآآآخر شي قدرت عليه
^_^
زين الحمدلله طلع مدح وحجي
حلو, من حسن الحظ
بس شلون دازة السيارة بالشارع؟
ولد لكويت:
اتصدق عاد انا ما استانس اذا قالولي فلان يصيرلج ...لأني اعرف اهلي زين ..يا عيالهم شياطين ومطلعين عيون المدرس ...يا مسوين سواد ويه ههههههههه بس فعلا الصدف تسعد
ومن ناحية الصدف ولبوقرز صارتلي ..لاتحاتي :)
الله يعافيك
lavender:
اي والله احرجتني يوم قالتلي ريلي يموت عليج ....لأن ما توقعت هذي ردت فعلها او هذي نظرته لي ..فعلا انحرجت شرفتوا لبلوق والله
كرييتف :
ايييييي كلها مره وحده .. بس عويش مفضوحه هههههههه
كوكو:
اييييييي لاحظتها بس مالي خلق اعدلها ... لا اتصيدييين عاد
:@
جنون :
اي والله دازتها اقري بوستاتي الكوميديه وانتي تعرفين القصه ههههههههههه
بس ليش مشرعه حلجج؟؟؟
يا معودة اشوى طحتى بناس جذى والا فى ناس ماكو تفااااااهم :))
بس تبين الصج انا ما احب الريال يتكلم بوحدة غريبة جدام مرته مهما يكون يعنى المرة تحس وشوى مرات تاخذها الغيرة :)
تحياتى واشواقى
وكل شى حلو
:)
مشاري:
عيل ليش كتبت عنهم لأنهم صج شخصين مميزين ...والباجي كلهم من ضمن النوعيات اللي كتبت عنها سواء رياييل او حريم
ولاتاحتي انا مو حلوه لي هالدرجه عشان تاخذها الغيره
;p
LooooooL
انزين ليه وين بدزين السيارة؟؟؟
:D
خوش بوست
.
.
.
ترى ليلحين ناطر اللي بتقولينه لي بعدين!!ما صارت ترى
:P
يعنى طلعت انا صح كاتب تعلقين ؟؟؟؟؟
وين التعليق الاول ؟
اقولج هذيله بهالطريقة ومفاهيمهم مميزين بس انا ما افضل :)
وشى عن شى يفرق ;)
شي جميل .. خصوصا اذا موقف مشابه لموقفج
واما السيارة ..لوول ذكرتيني بوحدة ينقالها اثير .. دزت سياة الاهل اهي والاهل كلهم لانها كنت مغرزة
:)))
من ناحية الريال يتكلم عن مرة ثانية
تصدقين حتى انا ماحب
:)
مرحبا
ظريفة السالفة حيل
بالنسبة لي آنا لا أحبذ الرجل إلي يتكلم عن بيته بره أو العكس
ريال بيتكلم جدامي بأمور بيته أكون متحفظة ولا أعلق وأحاول أغير السالفة .. ما أحب هالموضوع
وإذا العكس مايصير الريال يمدح مرأة أمام زوجته .. أعتبرها مسألة ذوق .. وهذا حسب شخصية الزوج
ديري بالج مرة ثانية لا تطيحين بمزاجات صعبة... الناس أجناس وتوقع غير المتوقع
تسلمين على هالبوست الحلو
بو اصلوح:
اهي مره اللي دزيت فيها السياره وانضحت كل هالفضيحه
والشي اللي تنطره
سر
سر
؛)
مش مش :
هذيله ثاني شخصين اطيح فيهم بنفس الطريقه
وفي اشخاص وايد لو اييهم اتصال مني جدام حريمهم ما يرددون ويقلونلي كنا بعاد عن التليفون !!!!!!!؟مادري احد قالكم رفيجتكم
حبيبتكم
خطيبتكم
بس اطوف بحكم الشغل واصدقهم
شوف اذا الريال صفحه بيضه والمره ايضا وماعندهم شي ...ليش التخشش عن بعض...
خلك طبيعي وترى نقلتنا من موضوع حلو صارلي لي موضوع بايخ ما احبه وهو الرجل والمرأه والتحفظات السخيفه بينهم....يوووز
ثر ثر:
شالموقف المشابه لموقفي؟؟؟؟؟
الماس:
يظل كلامج وجهة نظر احترمها وطحت بناس مزاجاتهم فوق ما اتصورين ...
الخبره تفتح العينين @@
الصراحه اخت عتيجه انا من زمان اقرالج وبالطبع انا اعررفج شخصيا من خلال كتاباتج و المواقف اللي تصيرلج وطول عمري اشوف انج غبيه بعدة تصرفات وهالتصرف اثبتلي هالشي يعني زوجه تقولج ريلي يموت عليج اكيد تقصد انه ما يطيقج وانت لعبتي وعشتي الدور على بالج انج معبودة الجماهير وهالدور دايم تعيشينه بينج وبين نفسج كونج لي الحين مادري اسميج امرأه غير متزوجه مثل ما تحبين او بمفهومنا الشعبي عااااااااانس ودايم تعيشين انج متزوجه العمل و الاهل وتحاولين تعوضين هالنقص اللي يبين من تصرفاتج مع الكل اللي عادتهم اخوووان واللي عادتهم خوات وماخذه الامور اببساطه وعدم تكلف مع الكل حتى بمدونتج
الصراحه اعتبر كل امرأه اتعامل وتشتغل بين رجال ولي الحين ما تزوجت غبيه انها ما اقدرت اتزوج لي الحين ادري ربعج المعلقين ماراح يعجبهم كلامي بس هذا راي
looool .. elkuwait 9`3era ;)
اكو اختراع جميل و ضروري يسمى الفايرفوكس
(وايد اسمه جيكر بالعربي)
اذا ما اندز البوست اتدوسين (عودة) و يرجع البوست مثل ما كان مكتوب
ناري البراوزر
و التجرية خير برهان
الكويت صغيرة، بس مبين مجموعتج لطيفة جداً
:)
الشخصيات العظيمة الي نفسج يحبونها كل الي يعرفونها
و احنا ياطويلة العمر نيي باخر لستت المعجبين و المحبين فخلي بالج علينا
;)
anons:
كلام وقعي فعلا ..واشكرك على التحليل المممتاز لشخصيتي ...وفعلا انا افتخر اني بهالغباء :)
red lades:
فعلا فعلا صغيره :)
نيوو:
والله حاولت اتعرف عليه بس لي الحين ما عرفته :(
وايت وينقز:
اي والله لطيفه جدا :)
بيربلوشنز:
:)
دايفر:
وي وي وي
لالالالالالالالالالالالالالالالا
ترى اغتر والله
صج احمرت وجنتاي
وعظيمه بعد :$
Post a Comment
<< Home