ظحكات
قبل لا آوي الى سريري ....قعدنا قعده من زمان مو قاعدينها ....ومادري شياب طاري سوالف الغزو والتحرير على راسنا طبعا كانت في مواقف ما اقدر انساها ....تموت من الضحك ...
اول ايام الغزو عندنا ريال عووود بالفريج اللي ورانا اسمه بو نايف ....شاف ولد يرانا عاد ولد يرانا هذا شايف رووووووحه وعنده من نفسه ملك وما يعطي ويه يعني مغرور حده ومملوح ملح هنود اسمر واشابيهه حيل دقاق وشعره ناعم ....يحليله ونص بنات الجامعه ودهم يطالعهم امطالع .....لمراد عاد ...ابوي كان قاعد يسولف مع بو نايف عند باب البيت ومر المغرور عليهم وكان لابس وزار و وطاقها جريمبه .شكله قاعد ينقل اغراض او شي جذي...سلم عليهم ووقف معاهم يسولفون عن منو بيطلع من الديره ومنو بيقعد ولوهله ....بونايف قاعد يطالع المغرور
جان يقوله :يا ولدي انا عندي لك نصيحه
المغرور:خير ؟؟
بونايف:اذا يووك لعراقيين يبون ياخذونك قولهم آنا مهري
هههههههههههههههههههههههههههههههههه
المغرور: لابوقولهم انا كويتي واللي فيه ............الخ
بونايف:طيعني يا ولدي ترى صدام زين مع اليمن
ذاك عنده من نفسه وين ووين وبونايف يقوله قول لهم انا مهري
عاد والله يابها صج صج شكله من هذيله اللي يلقطون قات
ههههههههههههههههه
وبالمسيره ...كانت الرغوات قليلة ...جداجدا ..المهم يا واحد ما نعرفه ولا يعرفنا يبارج حق عمتي الله يرحمها-قاعده جدام مبطله الدريشه-وعمتي مره عوده يقول لها مبروك عليج يا خاله التحرير والاستقلال-طبعا الحبيب يبي وحده من اللي معاها يعطونه ويه- وان شا الله ينعاد عليج بالافراح ويهذر ويهذر ويهذر
عاد طولها وهي قصيره
....جان تطلع وحده من اللي قاعدين ورى ايدها من صوب عمتي -الله يرحمها-وترش على ويهه رغوه
ههههههههههههههههههههههههههههه
.
مو هنيه الضحكه
جان يقوم ويشيل الرغوه اللي على ويهه
ويمشها بويه عمتي
@@
ههههههههههههههههههههههههههههههههه
ابيه مت ظحك
الاقيكم في بوست ثاني ان شا الله
Labels: كوميديا
posted by 3ateeja @ 12:22 AM
30 Comments:
لووووول جد ضحكت ;P
أبيه قويه يسوي بعمتج جذي @@ والله جريء ;p
خوش قصه يا عتيجه ;")
LOOOOL
labes owzaaar!!!
ya7lelah...ow shayef nafsa ba3d...sij 3aqdat naqes!!
bas zeen sawa fi bu-nayef
wala 2na le al7een ath7ak :D
mahriiiiii :D
اول شى ليش عندج مشكلة مع حرف الضاد؟
ترى انا وايد دقيق باللغة
مرة تكتبين ضحك ومرة تكتبينها ظحك
الصح ضحك
المهم
وانتى تكتبين سالفة المغرور ذكرتينى بواحد من الربع بس استبعدته من مخى كلش :))
لان هم شكله مهرى
اشوة مزاجج رايق
انزين قوليلى متى العمرة ؟؟
انا ناطر ؟؟؟؟؟؟؟؟؟؟؟؟؟
مليت
وما احب انطر وايد :p
لووووول
شخباره بووزار تزوج والا للحين :)
لوووووووووووووول
بعد مايبيله الوحدة الى رشت الرغوة اكيد انتى :)
لووول
والله جزي
وسرعة رد فعل
!!
عسى دوم هالضحكات
:)
نحتاج تشريفكم ورايكم
wwwourkids.blogspot.com
مرحبا:)
صج الذكرياتي الحلوه ما تنسي ولازم يمر يوم نذكرها ونضحك عليها
مسكينه عمتج مالها ذنب الله يهداه بس
فكره وايد حلوه انج تكتبين ومشكوره ضحكتينا
دانه:
تضحكين بالينه ...قولي امين ...
غشمشم:
تضحكين بالينه ...تخيلي السالفتين جم سنة صارلهم ...واحنا لي الحين لا ذكرناهم شلون نضحك :)
مش مش :
اييي رايق ...ومشكلة حرف الضاد ليست مشكله بقدر ما ناي بالغالب اكتب اللي انطقه لأني اكتب بالعامي ....وبس
والعمره والعمره كفاره لما بينهما
؛)
عتوج
بصراحة أنا اتفق مع
yoken2007
شكلك انتي اللي راشة عليه الرغوة
بس ممكن أطلب طلب صغير
كبري الـ
font
شوي ترى فقعتي عيونا
تحياتي
يوكن:
والله ذكرتني فيه ...وودي اكتب قصته ...صج تضيق الخلق
تزوج وياه عيال ودش بمشروع قصوا عليه ودش السجن وتخلت عنه ام عياله ...وطلقها ...والحين امطلق
وعياله مو عنده بحكم المحكمه وانه راعي سوابق
ومحد راضي يزوجه لأن راعي سوابق
الله يوسعله قول امين
الحين عمره حوالي 37 هالشكل
يوكن : مو انا اللي راشه الرغوه ...انا بس ظحكت تال ...ترى انا حدييييي راكده :)
ثر ثر:
ايييييييي جريي وانص ....اهوه لو مو جري ما رز ويهه من البدايه :)
مينونه:
حياج الله المكان مكانج :)
بلوقليس :
مو انا والله مو انا ههههههههه وحدها رقله انا ثجييييله حدي ...
وترى انا اكتب باللارج ...كبري الفونت من الاكسبلورر عندج :)
هههه
يحليله بوزار مو كاسر عز قريش
حتى وهو بوزار لاعب الدور
ههههههه
قوية مسح الرغوة بوجه عمتج
anaa y3jbni el ryal el sh3bii ely ya`7th ra7tah
way a7esaa ryal heheheh
bs mahry 3aad msken lol
aham shy enaa mash`ha bwayh 3amtch
hehhehe 7araaam sh3lehaaa
lol
فقييييييييييرة :)
شنو ذنبها مسكيييينة لووووووول
ههههههههه... حلوه هذه المواقف والسوالف ..!! ضحكتينا ..!! عسى الله يضحكك بالعافيه..!!؟
مملوحه:
انتي لا تشوفين تعلقها الله يرحمها عقب ما مش الرغوه ...بس طبعا محتاج تمثيل ...ونبرة صوت ما اقدر انقلها لكم
ومن ناحية عايش الدور ..حدى عايش الدور بس الحين تغير 180 درجه سبحان الله
كريزما:
ترى الحين ما على ذمته مره ...هاه شرايج ...بس والله صحيح جنه مهري بس ملح الدنيا
فكري وردي لي خبر
;)
ولد لكويت:
ذنبها ان معاها بنات ومبطله الدريشه واي احد يمر تسولف معاه لول ...الله يرحمها لي الحين ما مر علي بطيبتها
تو يو الل:
تضحك بالينه ...ان شا الله :)
اممم
امممم
امممممممم
هاا تقولين مو على ذمته مره
اهااا لا خوش حجى
لوووووووووول
اقولبها براسى يا عتيجه
خوفج شايف حاله ولا شى
مالى خلق انا ادعل
هههههههههههه
سبحان الله حيات الانسان تمر سريعا جدااااااا والله ما كأن مر على الغز والتحرير 16 سنه جنه امس كان التحرير
الايام الجميلة تمضي سريقا وتبقةى ذكراها خالده نستأنس بها بين لحظة واخرى
موقف طريف اختي
يعطيك العافيه
اخوكم
4ever
كريزما:
بس ترى صار جيكر ...اي والله انقلب فوق حدر تدرين بعد الكبر شين
4 ever :
اي والله وكلا من اعمارنا ...يا اخوي وفعلا الغزو كانت فيه مواقف مظحكه ومؤلمه بس كان حلو بتكاتف الجيران وتعاون اهل البيت الواحد واجتماعه على الويبه
يقوم ويشيل الرغوه اللي على ويهه ويمشها بويه عمتي
شيقولون العرب يقولون اضحك الله سنك
ضحكتيني لما تصورت ويه عمتج الله يرحمها و هو يمش الرغوة فيها
انت تخيلت وظحكت شلون اللي شافت وموقادره تنسى هههههههههه
Post a Comment
<< Home