النقصة*
شفت الشارع اللي هناك؟؟......لا مو ذاك
الشارع اللي مناك
هذا الشارع....تذكره؟؟؟
تذكر يوم كنا نلعب فيه سوى
تذكريوم فيه حبنا ارتوى
لعبنا سويا.....وايدك بإيديا
كنا نطيح وننجرح.....وانتطالع بفرح
ولي يانا رمضان
قلنا ......قرقيعان وقرقيعان
ويابت امك النقصة
تطرشها معاك....جنها(كأنها)عارفه القصة
وأسوي روحي ما ادري
انطرك يم الباب بدري
وانطر الباب يطق بلهفه....
جني (كأني)ميته على النقصة ومتلهفه
آخذلي ساعه..أشوف الارض
وتاخذلك ساعه تشوف الدرب
ماكو كلام.....ماكو ملام
ولاعتب.....ولاخصام
ماكو وقت......بس انا اشتقت
وتناديني امي ....
وتروح انت من يمي
تسود الدنيا في عيني
ألوم الساعه واسنيني
وانطر تالي النقصة
متى اتخلص القصة
..................
كبرنا وتطورنا
درسنا وتكدرنا
شفت روحك
نسيت محبوبك
والفريج...............والقصة ..............والنقصة_______________________________
النقصة:هي ما يهدى من الاكل ويكنيها البعض بالنافله
http://song1.ozq8.com/music/arabic/egypt/3aida/ram/3aida18.ram
Labels: خواطر, قديمك نديمك
posted by 3ateeja @ 3:37 AM
37 Comments:
صباح الخير
:)
يا سلام عليج ..كلمات جميلة وبسيطة
يعطيج العافية
الي يشوفج حاطه هلاصورة يقول عمرج الف بس تدرين الي يركز بالصورة يلاحظ انه ماكو كاشي عشان اكسره
على العموم كلمات جميلة و احساس اجمل
قصة جميلة و بكلمات أجمل .. أسعدتي صباحي :)
يا حلو هالايام
مع اني ما عشتها
اسلوبج حلو و احساسج وصل
:)
haaam eeeeeeeeeeeeeeh
بس الحين عرفتيها ما يحتاي اقوول
;P
مرررة مؤثرة
شميت ريحة الطيب و اهله
ايام راااااحت
حتى ريحة النقصة وصلتني
;D
احس تلوق يغنيها عبدالكريم بس فقط لا غير
alkalam fi wayed bara2a ow basa6a....masha3er sadqa
fi3lan mo2atherah
wallah 7elwa ayam awal
ya3tich al3afyah 3atoojah :)
ما ادري شنو اقولج وامدحج
حبيتها وااايد حبيت اللي كتبتيه
روعه
ذكرتينا بالماضي الجميل والأيام الحلوة
اللي مرت علينا.
يا سلاااااااااااااام
عيشتينا في هذاك الوقت
يا حلات الفريج ويا حلات النقصات من القلوب الحبيبه
عتوووووووووووج؟؟
شنو هذا؟
والله حلوة وايد قوية
اى ضحكى ضحكى
:)
بس انا ما انسى :P :P :P
لا لاتحاتين يما مانسيت صدقيني
بس الظروف تحدنا في هالاوقات نطري خنتخرج وماكو الا العافيه
ولاتنسين نقصتي مشتهي قبوط والله
ماشاء الله عليك ..!!؟
طبيعيه وصادقه..!! هذه الكلامات الجميله الراقيه ..!! شريط جميل من الذكريات والأحاسيس القلبيه ..!! تناسق في النظم .. بلاغه في الوصف والتشبيه ..!! جميل هو ما تكتبين وخصوصاً ...!!؟
تذكر يوم كنا نلعب فيه سوى
تذكر يوم فيه حبنا أرتوى
لعبنا سويا ... وأيدك بأيديا
يا سلام على الكلام لما يكون صادق...!؟
صباح الخير عتووج :)
بكل بساطه
روووووعه
بالتوفيق
;)
ياليت هالزمن
يرجع ورى
ونرجع صغار..
.
.
.
الصدق يا عتووج بالكلماات
حبيييييييييته وايد
اشتقتلج
مرّة حلوة
من جد ،،
كانت معبّرة
وحسيت بذاك الجو وتخيلته
،،
مشكورة على البوست الرائع كالعادة
اول شي اهنيج على اختيار الاغنيه الروووووووووووووووعه يا ذووووووق...^___*
====
كلماتج عجيييبه وقريبه للقلب...آه على كلمة متى تخلص القصه :(
يعطيج العافيه عتووجه...:)
الاثير:
صباح الورد ...تسلمين حبيبتي ..شسالفة بلوقج ؟؟؟؟
دايفر:
الكاشيه تحت فراشك ..مو عندي ..وتسلم عالتواصل
ولد لكويت:
تسلم من ذوقك الرفيع
بربلوشينز:
اهم شي انها وصلت وعشتيها معاي ...تسلمين :)
احلى انجنيره:
شسالفتج مع التنهيدات وعلامه لسانج لف على لسعودي ...مرررررره انبسطت من كلامج ;p
غشمشم:
الله يعافيج وهذا احلى مافي الماضي البرائه :)
سمايل:
تسلمين حبيبتي ...واعجابج وسام اعتز فيه :)
بوصالح:
دام انت قلت روعه انا بشوف روحي :)
محمد بن سالم:
تسلم عالمرور ...ِشكرا:)
مملوحه:
واحلى شي اللي كانوا اييبون النقصات وانا اختج :p
مش مش :
looooool لا اتحرش جذي ترى استحي
محب لكويت:
شنو بلنفاس حضرتك مشتهي قبوط ...ولا اتنسى lol
2 u all:
اخجلتم تواضعنا والله ...وسعدت جدا لأعجابكم بكلماتي البسيطه ...دمتم سالمين :)
فلانه:
تسلمين يا وخيتي من طيبج وذوقج :)
نون:
وتاليتها معاج كل ساع ياحاذفته يا حاطته غير مقبول عدم وجودج ومتابعتج من بعيد لي بعيد غير مقبوووووووووووووووووووول ردي شغلج الاولي ولاتجادلين
ميامي:
العفو حبيبتي ....كلج ذوق ..ولاتمسحين تعليقاتج ...ترى احبها;p
koko:
متى اتخلص القصه ...كل انثى عندها قصه ما خلصت ...تطمني يا وخيتي ...:)
نووووووووووووووون
يالا عااااد عيب هااا
:/
dont break my heart !!
:(
come baaaaaaaaaaaaaaaaaack
مو الا تكتبين شي .. بس ادش القاج
ما عليه تووتة صار بلوقج منبر مناشدة
;Ppp
كلام جميل وله معنى واضح وحلو والله إنج مبدعه بالكلام :)
الزمن ينسي أحبابه للأسف..
تسلم إيدج والله :)
هههههههههههه
منبر المحبة والصداقة والسلامة
نون تتسلم المايكروفون
احلا اينجو
عتوج
بوسة لكم
والله مشتاقتلكم
ومتابعه كما يقولون
اقرا وامشي
:)
بس المدونة
موضوعها مؤجل حتى إشعار آخر
<<<< متأزمة البنية
نوووووووووون يا ملقج
وياكرهج
اكرهج
اش هالملاقه ....كل هذا عشان دوامج الغثيث..انتي ردي بلوقج وانا افتحلج يزنس خاص بس غيري المود ...بللللللليييييييييييييييييييييييز
احلى انج ...افا عليج البيت بيتج
دانه:
تسلمين حبيبتي من ذوقج والله ...الزمن ينسي الاحباب مادري هل من نعم الزمن ولا من نقمه :)
وييييييييييييي
يحليلج ياعتيجه ..
امتعتينا دايما سوالفج حلوه وخفيفه
لكن
ما ادري اشسالفتكم اليوم هذا ثاني بلوق افتحها اقره فيه عن فتره يادوبك شفناها بالصور ..
واللي يقول الواحد فيكم عمره 150 سنه ..
وعساج ع القوه
عتيجة في رواية يازتلي واتوقع بتعجبج عن أيام أول: البحر الديرة سكانها الحياة وشدتها. ناسي الاسم لكنها تأليف فوزية سالم شويش، مؤلفة كويتية تخلط القديم بأسلوب شعري مميز:)
مووطبيعيه الكلمات مشالله
لاشعوريا الابتسامه ارتسمت على ويهي
:)
افياء:
حبيبتي والله انا مو عمري 150 ...شوفي لبروفايل عمري 104 ...والناس اللي تقولين عنهم في بينا ارتباط حسي ...صدقيني ...:) والجو هليام يساعد يا وخيتي
;p
any :
تسلم ما قصرت ...و اول مره اسمع بفوزيه ...وتراني عتيجه خلقه ...احب القديم فقط ..ولكن ماعندي بحث عميق من هالناحيه
نسكافيه:
تسلمين حبيبتي .....حزتها ماكان في نسكافيه عاد ;p
يا سلام
حجي كويتي قجه !
بوست جميل :)
نيو:
حياك الله :)
Post a Comment
<< Home