لا بوك ......الجزء الاخير

تتفق ام خالده مع ام عبدالوهاب -المتقدم لخالده- على يوم الثلاثاء بعد صلاة العشاء لزيارتهم .....ويأتي يوم الثلاثاء خالده بخجل غير معهود
لا مكياج
لاصالون
وكأنها تريد ان تقول ,,,لا اريد ترغيبكم بي
تأتي ام عبدالوهاب وابنتها وتجلسان معهن ام خالده و اختها الكبرى ام طلال يدور حديث حول رمضان والطبخ و الدراسه تدخل ام طلال لإصطحاب خالده للحضور لتزيح عنها جزء من الخجل ,,,, تدخل خالده تسلم ....تجلس...تلفها النظرت...تلتزم الصمت مع نظرات تأكلها.......تفترسها فلعلها تعجبهم ولعلها لاتعجبهم ....لاتتحدث...لاتبتسم

وفي نفسها ....لماذا افعل كل هذا ...مالهدف ...هدف مجهول جاسم ....تعال شوف الموقف ...والله لا احسد عليه ..بخاطري تشوف الموقف...الحين بس عرفت ليش الرياييل يقولون اكشتت فيني وتزوجت غيري...لام الله من لام البنات....اذا كل بنت تحب تصير في مثل هالموقف.....

يقص سرحانها صوت امها

الام: خالده .....تبين جاي

خالده:اي يما

تعطيها مريم استكانة جاي ...وتسمع امها تقول بنتي خالده الوحيده من عيالي اللي تموت عالجاي و القهوه ....محد يونسني ويجابله معاي الا اهيه

واخيرا تبتسم خالده ...وبعد حديث عادي ...وفي نظرها ممل تستأذن ام عبدالوهاب وابنتها ...تخرج خالده مندفعه من غرفة الاستقبال ..تنادي اخوها الصغير ....وصديقها

خالده:جسوووووووووووووووووووم يالله ابي اتعشى برا

جسوم مو موجود تتصل ببنت خالتها فطوم.... للعشاء خارجا ...وبظرف عشر دقائق خالده عند باب بيت فطوم ...تخرج خالده مع فطوم ...تسولف لفطوم عن ما حصل معها اليوم

فطوم:خلدووه ولا ابتسامه ههههههههههههههه

خالده: افا عليج ساااااااااامته خشتي لاشعوريا

تستوقفها فطوم:خلدووه ....وجاسم

خالده من ورى قلبها وتتظاهر بالقوه: وييييييييييي واللي يسلمج يا معوده خل يوليييييييييييييييييييييي لو فيه خير جان سبق هالريال اللي ياني...ولد عايله ...ويقولون مزيون ...والكل يمدحه ....ومنصبه زين.....وفوق هذا عنده اهم شي افتقده جدا وهو الاقدام اضافه للاخلاق

فطوم:هم جاسم ولد عايله ومنصبه زين ومزيون والكل يمدحه ....وعالاقل تعرفينه

خالده:دام هذا رايج فيه اخذي حقج

فطوم:وانتي خلاص وافقتي عاللي يوج

تقاطعها خالده: لالالالالالالالالالالالالالالالالالالا من قال احتمال اي واحتمال لأ واحتمال ما اعجبهم ...الدرب طويل يا وخيتي تو الناس ...هذي مرحله اوليه مبدئيه

وفي المنزل ......

الام: هاه خالده يما شرايج فيهم

خالده : ناس ...حالهم حال غيرهم لا عندهم ريول زايده ولا ايد ناقصه صج الام شكلها مايعجبها العجب.. بس شكو اخته يايه الخطبه ....مو عيب البنات ايوون او يدشون

الام:من الحين تعذربين ....واصلا اخته متزوجه

خالده: آآآآآآآآآآآها اشوه...بس والله مريم سوت جو شوي خذتنا بالسوالف والغشمره

الام:ماهقيتج تستحين

خالده:يعني جليلة حيى ....مشكوره

الام : لا اول مره اشوفج تستحين

ينط جسوم بين حديثهم وكان يشاهد التلفزيون...طاااااااااااااافتج يما هاهاه

الام :شنهو يما قول ظحكني

جسوم:قبل ما تدش عند الحريم البست طبجه ونست طبجه هاهاهاهاهاهاه

خالده:يا حمار انت قلت لي دشي دشي بسرعه دودهتني

الام:استح على ويهك وانطم هذي سواف حريم ...وتظحك الام بصوت خافت

خالده:تظحك ...يما عادي خليه يحس باجر بالبنت اللي بتخطبينها حقه شبيصير فيها

جسوم:لالالالالايا عيوني على قولة فوزيه دريع....اخليكم تخطبون لي نفس اللي صار اليوم تدشون وتشوفون البنت ذكرتوني بوكالات السيارات السياره بالمعرض يمها كتلوج المواصفات ....عاد السياره بالمعرض اشزينها ولا دششنا المخزن تيييب المرض من لغبره البيضه .....بس خلدوه انتي حتى بالمعرض عليج غبره بيضه الا ما قلتي لي وين كتلوجج

تحذفه خالده بالمخده: ...جبببببببببببببببببب

يكمل جسوم:خطيبتي يا حبايبي انا بنفسي اشوفها وتشوفني اعجبها وتعجبني وانتوا بس اطرشكم تتفقون مع امهاا على الشكليات الملجه ومادري شنهواما تدشون جذي تعاينونها جنها بضاعه ما يمشي عندي هالحجي.....ثاني شي مو يمكن هالمره اللي يتكم ولدها ما يدري عن شي ...اهي تشوف بنات خلق الله وتاخذله اللي على نظرها مو على نظره ...قوليلي يا مربية الاجيال شدراج؟؟؟

...تصمتان خالده وامها ثم تقول الام:بس بس واللي يسلمك حط لسانك بلهاتك واسكت طالع مسلسلسلك لايفوتك شي.... شفهمك بالاصول انت

تصمت خالد تتأمل استكانتها ....وتقول :يما...تصدقين جسوم صاج اش هالطريقه ليش الريال والمره ما يختارون بنفسهم ..او عالاقل الريال ليش ما يختار بنفسه ...مو اهوه سي السيد الآمر الناهي ...ليش امه وخواته وساعات خالاته ويداته يدشون باختياره.مويمكن اهوه يبي عاديه وامه الا تبي جنتها تكون احلى جنه وسوالف الحريم اللي انتي ابخص فيها...ليش بالله البنات اللي يشوفهم بالدوام والجامعه وحتى بمحطة البانزين مو بنات اوادم

ام خالده:هذا اللي ناقص بعد ....وتقوم من مكانها

خالده: جسوم جسوم ...

جسوم:هاااااااه بتدقريني انتي الثانيه بعد اذا قلت حجي ما يعجبج

خالده :لألألألألألأ تعال بسولف معاك شوي حجيك كلا عدل وينقط عسل يا عسل ..جسوم رد علي ويهد ما كأنك قاعد تشوف اعادة المسلسل

يجابلها ويعطي التلفزيون ظهره

خالده:سولفلي شلون ودك اتزوج

يعدل جاسم قعدته قائلا: شوفي اول شي اول شي يحبها قلبي وطبعا الحب ما يعرف صغير وكبير

خالده: عادي تحب وحده اكبر منك ؟!!!!!!!!؟

جسوم:عادي ونص

خالده:ان زين وشلون ودك تكون شخصيتها

جسوم: اهم شي اهم شي تكون شخصيتها قووووووويه والاهم ان قوة شخصيتها يفوق قوة شخصيتي ...!!!!!! لأني اذا خذيت وحده شخصيتها ضعيفه بنصير انا معاها قرقاشه بإيد الوالده المصون

خالده:هاهاهاههاهاهاهاهاه سلط الله على بليسك جان زين كل جاسم مثلك

تتصل ام عبدالوهاب ثاني يوم ....قائله لأم خالده

والله ماكو نصيب

تمت...

.

(القصه حقيقيه وليست من نسج الخيال وتحدث لكثير من الشباب والبنات في زمنا الحالي فنرجو من كل جاسم ان يتدارك خطأه ونرجوا من كل خالده بعدم تضييع مستقبلها.... مع تحياتي ...السيناريست عتيجه)