صخله
مادري وتاليتها مع هنودنا....
احبهم
احترمهم
يحبوني
بس ما يحترموني
مادري انا مصخره ولا شالسالفه
مادري لأني اتغشمر معاهم واداحرهم ولا شالسالفه
افففففففففففففففففففف
يعني تصوروا اخر سياره تنغسل سيارتي ...يعني في امكانيه اطلع وهي مو مغسوله
وطبعا من داخل لو شنو ما ينظفونها الا بقول
وحجرتي نفس الشي يقصون علي ...من فوق لي فوق ...والدريشه مغبره
ما احب احاجيهم حريم اكبار ويدات ....وبيني وبينكم ما احب الفلبن والاندونيسيات ...احس انهم نظاف بس حقودين والاندونيسيات اسحور.....
هليام امحمره العين عليهم .... وشاده الظهر بفاطمه ...
شوفوا الفسق
هندية اخوي شاريتلها مرت اخوي جاكيته بنفسجيه ......اشحلووووووها بيديانيه ...من مكان سنع ...
سنع يعني مو من برج السحاب
بس من مكان جيد ....تصدقون ثاني يوم ولا قاطتها بلزباله-عزكم الله- !!!!!!!!!!!!!!!!!!!؟
لقتها فاطمه وغسلتها ....بنت البيك مو عاجبها ....يا قوجي ولا ماتبي ...يا حظي ...وياخلاف ..والله فسق يوم قالتلي قلت طالعه على معزبتها (بنت اخوي)اذا كلت وشبعت حطت النعمه بالقاع وداست عليها
حتى بني اسرائيل ما سووها ...والله افسقوا
بس عاد ليش امحمره العين عليهم ...هنيه الحجي ...ذاك اليوم وصلت حدي
نزلت مستعيله حديييييييييييييييييي
جان اقول حق ريري....سوييلي ريوق توسته وجبنه وحليبه حطيها بالمق
قالت ان شا الله
نزلت ولا حاطتلي اياهم بجيس ...جني بروح الروضه ..قلت أمنا بالله خذيتهم معاي السياره ..وانا عند الاشاره بطلت التوسته آكل ماكو طعم جبن
آكل هم ماكو طعم جبن
شوي وظرسي يعلق بشي ...هاه شالسالفه
بطلت التوسته ولا حاطتلي جبن مثلث بالقصدير ماله
معقوووووووووووووووووووووووووووووووووووووووووله
اش هالكسل ....
جان اقول امري لله خل اشرب حليب ...يقمه وحده جان اتفل -عزكم الله -الحليب .... ولا مااااااااااااااااااااااااااااااصخ موحاطه قفشة شكر
الصراحه ياني احساس غريب
اول مره بحياتي اشعر اني صخله ....توسته بقصدير وحليب ماصخ باجي بس اقول مااااااااااااااااااااااااااااء
طبعا توعدتهم وبس رديت البيت ما حاجيتهم .....
كالعاده مو شي غريب
حاجيت امي وحاجتهم وحجه تحج ينبهم وحده وحده ......
اففففففففففف
اشكر كل من تعنى وقرى بوستي اللي طاف واخص بالذكر اللي جاوبوا على الاسئله اللي من خلالها سعدت جدا ...ترى مو امتحان و ماكو درجات
Labels: كوميديا
posted by 3ateeja @ 4:29 AM
24 Comments:
لووووووووووووووووووولز
محشومه والله
افا افا افا عليج يا وخيتي لا تشيلين بخاطرج
معليه حبيهم لكن بعد وجودهم هني للشغل
يعني حمري العين لكن بنفس الوقت لا تأذينهم ^_*
ههههههههههه
تحيه حق روحج المرحه
واله ضحكت على كلامج
احسن شي ان الجبنه بالقصدير
الظهر مسويه فيج مقلب
هههههههه
بس تبين الصج هذولي في بعضهم ما ينعطون ويه 0
بالتوفيق
:)
عادي ،، مشيها لهم
حرام هم متغربين
وجايين يشتغلون
أنا دايم أعدّي للخدامات كل شي
بس بحدود
مراعاة لظروفهم
تحياتي لك ،،
ههههه اهم شي ان حاطتلج الجبنه بقصديرها
حمري العين عليهم .. بس شوي ولي تسنعو ردي عامليهم بطيبه
لان يظلون اوادم وبنفس الوقت تكسبينهم لان الحين ماكو خدم مثل قبل كل وحده موعاجبها قالت بروح وتييج اخس منها
بطلت التوسته ولا حاطتلي جبن مثلث بالقصدير ماله
لوووووووووووووووول
صج عيز
:):)
انا اول كنت وايد اعطي الخدم ويه زز بعدين اكتشفت ان هالشي ما ينفع معاهم
اكون زينة بس ما اطيح الميانة معاهم
لانهم يتمادون
انزين يامالها الدقم اللي يدقمها جان حطت جبن سلايز
مالقت جان خلتها بدون جبن على الاقل تاكلين توست بحت ولا توست وقرطاس
خلف الله عليج ياعتيجه .. والله اصدقت يدتي الله يرحمها يوم قالت مايحك ظهيرك الا ظفيرك
ماعليج سوي شغلج بروحج وخل يولون من زين شغلهم عاد سليحط سلحطتهم -> شفيها اللي اشتطت
:)
بس السيارة شتسوين بعد تخيلهم يغسلون لج اياها وينظفونها ياحيل الله مجبوره
LOOOOOOOOOOL
الحلا شي الجين بالقصدير
هههههه و اللي قاطه الجاكيت بالزباله
مو ويه نعمه هذول كلش
لا لا لا عتوج ما هقيت جذى شخصيتج ضعفيفة
عطينى عنوانكم وانا اوريج فيهم انا
تصدقين ما احاجى الخدم نهائيا كل اللى اسويه
كلمة وحدة بالعظم بس بنفس الوقت الرحمة زينة بس انتى اللى غلطانة ليش تضحكين معاهم وتعطينهم ويه :)
لووووووووووووووول
هلوووووووووز باللووووز و العسلز و المانجوز :)
محشومه عتوجه
هههههههههه لهم شيء الجبنه بالقصدير لووووول
ساعات الهنود يكسرون الخاطر و ساعات ودج تذبحينهم
بس تدرين ساعات لما اقرى سوالف الهنود بالجرايد و الله يسوونه اقول الحمدلله ان امي ما يابتلنا خدامه كلش لي يومج هذا :)
سلامز لج :)
وسعي صدرك، في مشكلة تواصل بالكلام معاهم، يعني أعتقد أنهم بالغالب يفهمونك خطأ، ما تعتقدين؟
يا حلو الناني المصرية :) كان دمهم خفيف وهم يزفون، جربتيهم؟
مااااء
!!
ضحكت والله ضحكت
ليش احنا ما نقدر نحاجيهم
ومهاتنا يحاجونهم
بس ما يبرد قلبنا
ليش مرات يصيرون نذلات
وليش اذا كانت المعزبة طيبة يصيرون الخدم اشرار
واذا المعزبة ينيه .. تطلع روح الخدامة وتصير مسكينة
شنسوي ما ردنا نقول اهم بغربه ونسكت عنهم
يمكن مودهم بذيك الحزة ضارب شوط
سؤال .. شقالت ما سألتوها اشحقه حاطته بالقصدير وليش من غير شكر
يعني ما تعرف ولا تتغيبى!!؟
تكرمين قدرج اكبر من جذي
على العموم
المشكلة بالتعامل معاهم كبيرة مرة يكسرون خاطرج و تقولين حرام انعاملهم بشدة بس من ترخين شوي يتراوالهم انج طوفة هبيطه ما تدرين منو طقاقج
احسن شي ما تعاملين معاهم بشكل مستمر بس تكلمينهم اذا تبين شي و تطليبينه منهم بالتفصيل عشان اذا ما سووه عدل تحاسبينهم
محشوووومة
الهنود أو العاملين تحت إمرتج
من تعطينهم ويه وتطيحين الميانه معاهم
يطيح حاجز الخوف اللي بقلوبهم اتجاهج
وتالي ما اتعرفين حتى اشلون اتعصبين عليهم
الحين انا ماشية نظام
قبل كنت هبلة اكركر مع اللي رايح واللي ياي
على بوو انه انا لطييفه وطيبه
الحين الويه مافيه تعابير كلش
شوفي اشلون الإحترام يصير
قليلين الأدب
http://mrdiver.blogspot.com/search/label/%D8%AD%D8%B1%D8%A8%20%D8%A7%D9%84%D8%B3%D9%88%D8%B4%D9%8A
يصير أجاوب على بوستج
نساية
:P
فاطمه قطر:
ما وراي تحمر عين :)
حسين:
وتحيه لك ايضا ..واهم شي انك ظحكت :)
ميامي:
مطوفه لهم لا تحتين
نسكافي:
تسلمين على النصيحه:)
بيرل:
بحاول ما اطيح الميانه :)
ريلاكس:
هههههههههه يحليلج جنج تنرفزتي اكثر مني
كرييتف :
شفتي شلون يا وخيتي
مشاري:
ما اعرف ...انا جذي يا مش مش
الكويت حبي:
لا صراحه بدون خدم ما اقدر اعيش ...وقواها الله الوالده طول هلسنين ...
وايت ونق:
الله يذكرهم بالخير ...بس لهنود احسن
الاثير:
اهم شي انج ضحكتي ...تضحكين بالينه
تقول ان اختي تاخذ معاها التوسته للدوام جذي ...زين انا شكو
دايفر:
انا معاملتي معاهم باللتي هي احسن ..ولله الحمد اطالع فيهم ويه الله
ويشرفني الانضمام
نونو:
غريبه ما ضحكتي ....
جاوبي على بوست نسايه يا عيوني
يحليلج عتوج
والله دمك عسل نحل صاااااافي
بس ترى مثل ما قالوا الشباب
حمري العين
ترى المرة الجاية
يمكن يحطون "القفشة" داخل التوسته مع الجبنة
لزوم الدهن
!!
تحياتي
ان شا الله بحاول :)
:) لووووووووووول
آنا مثلج افضل الهنود على الأقل قلبهم رحيم على الياهال ..
ما عليه طوفي يا ما طرفت على خادمتي أشياء غبيه
الصراحه دمج عسل يا عسل
لوووووووووووووووول
افا عليج ييبيهم عندى اضبطهم لج وامشيهم على سنجة عشرة
ههههههههههههه
الله يعينج والله
يقولون ثلاثة لا تعطيعم ويه..الياهل والخادم والثالث ماراح اقوله:)
FLANA
THX SIS
YOKN
THX BRO
Post a Comment
<< Home