لابوك........الجزء الثاني

اخت خالده الكبرى (مريم ام طلال)تطرق الباب على خالده

مريم: خالده .....خالده .....خلدووووو...قومي ويهد ....خلدوه....شنو اهل الكهف

خالده:ناااااااااايمه تعبانه...شفيكم يا ناااااااااااس

مريم:قومي امي تبيج مايصير جذي تغضبين امج عليج....باجر تلاقينه كلا يوم القيامه

خالده: لاقوة الا بالله -تفتح الباب-خير ...بتعطيني درس؟؟؟واش هالموضوع اللي ما يتأجل

مريم:انتي تعالي وبتعرفين

وتذهب خالده في قمة تعبها ......قائله لأمها .....

خالده:يما جم مره قايلتلكم لحد يقعدني بالليل ,,اتعسر وما اعطيكم لا حق ولا باطل ....نومت الليل عزيزه ..يما بليييييز لا يتكرر هالموضوع ....

الام:زين قعدي علشان نخلص بسرعه

تجلس خالده على الارض مغمضه نصف عينيها من ضوء المصابيح

الام:جذي يقعدون....المهم في ناس داقين يخطبونج

خالده:وعفوا ..تشوفين هذا وقت مناسب للكلام بهالامور ...؟؟؟

الام -تعلي صوتها: انا ما اشوفج من الدوام لي دورة التوفل ...ومن التوفل لي مركزكم الزفت اللي انتي متطوعه فيه وترديلي عالتسع اتطوطحين من التعب تقطين روحج جنج امبنجه ساعات ابعشى وساعات من غير عشى

خالده:يما هذي انا من كنت بالجامعه ماكو ش تغير ...جان اتصلتي فيني ولا دزيتي مسج ابيج بموضوع مو ايي متعسره ونايمه تقعدوني

الوالده: لاتناقشيني وايد...المره دقت اليوم عقب الظهر وقالت بتدق باجر نفس الحزه وماشفتج من ذيج الحزه شتبيني اسوي ....المره تدق مره ثانيه وانا اقول لها اسمحيلي اختي لي الحين ما شفت بنتي ...والله عيب ...شقول للمره

خالده:قوليلها بنتي مقدمه على برنامج الماجستير...ويمكن تسافر برا الديره ...وماتفكر بالزواج الحين توها صغيره ما كملت 23 وشوفيلج اي عذر لأن الخطبه اللي تبدي بعساره تنتهي بعساره

مريم :تعوذي من بليس خلوده

خالده:مريم رجاء انتي طلعي منها ...الموضوع بيني وبين امي

الام:يعني كالعاده

خالده:اي كالعاده ...تبين شي ثاني يما؟؟؟

الام:لأ!!!!!؟

خالده :تصبحين على خير

تذهب خالده جاريه بأتجاه سريرها .....تبكييييي و تبكي ...وتقول بصوت تستطيع هي سماعه ....جاسم ...لي وين معلقني ...لي وين...شلون ترضالي اكون بمثل هالموقف ...شلون ترضى احد ياخذني من ايدك وانت ساكت ...مالت عالشهادات واللي حط الشهادات ....يدي احسن ريال وماكان عنده شهاده ....

واذا بطرقات خفيفه على بابها ....لاترد خالده...تدخل ام خالده الغرفه ,,,وتجلس على سرير بنتها بهدوء ...تقترب منها اكثر ..تقول بصوت منخفض

الام:خالده؟؟؟خالده ...ادري انج قاعده مانمتي

لاترد خالده

الام:يا بنيتي يا حبيبتي ..انا ما ابي الا مصلحتج

خالده :بس اسلوبج غلط

الام:خلي الظروف اللي قلتلج فيها و الاسلوب على كتر ......انا شايفه انهم خوش ناس ومايتطوفون

خالده:ليش بالله ...سياره ولا قسيمة

الوالده :يابنتي انا افهم منج بهالامور ...ابيلج الزين والله

خالده:تبين الفكه مني .....مقيوله البنت في بيت اهلها ضيفه

الام:لا والله يخسىىىىى اللي يقول عنج ضيفه ولا ابي الفكه منج ...هذي حجرتج لين اتزوجين اتنفسين وتزورين فيها ...ومحد يقدر يمد ايده على شي فيها ...

خالده:يما انا رافضه الفكره بالوقت الحالي ...مقدمه على برنامج الماجستير ...يمكن انقبل يمكن لأ مادري شنو وضعي عقبه ...وتوفل ولويه ...خليني استقر شوي تالي افكر...

الام:كل هالامور اذا عجبج الريال راح نفهمه اياها ...اذا عجبته عجبته ما عجبته مع السلامه ....بس ما تدرين يا بنيتي لعل الله يشرح صدرج لهالاسره ..انا وايد متطمنه لهم ...اعتبري الموضوع بر لوالديج ..بس قعدي وسكتي حتى سوالف ما نبيج تسولفين وامشي ام الولد بس راح تيي تشوفج ..انا بقولهم حياكم الله ...وتخرج الام

تصمت خالده ولا تنطق بكلمه وتنفجر بموجة بكاء اخرى يرضيك يا جاسم اللي قاعد يصيرلي وراح يصيرلي هذي .حاله بالله ...يعني تبيني انا اطق باب بيتكم واخطبك ..جاسم تكفى لي ويييييين قبل كنت اقول لهم انا طالبه والحين تخرجت واشتغلت ..خلصوا الاعذار ...وفوق هذا لا صرت صريح ولا اقدر اكون صريحه وياك ...اشوه اني ما قلت لك موضوع الماستر ولا جان صار الطريج طريجين...عيب يا جاسم البنت تبادر عيــــــــــــــــــــــــــــب والله لو ما تحبني اهون علي من اللي انا فيه .......بس قولي نطريني والله انطرك العمر كلا .......ترضى واحد يشوفني غيرك للزواج ....شقوله يا ربي ......

يرن تليفون خالده

jojo calling

...................................يتبع