لمفلس
اذا كان الفكر فاضي
فالعقل بيكون فاضي
والقلب فاضي
فأكيد الجيب فاضي
.....
تفتح البوك يرد عليك بحسره
وانت ميت من الحره
لاتقدر تطلع ولااتسلف ثاني مره
بسنا سلف يا ناس
ضعنا بالطوشه وطاح الفاس بالراس
كلا من الحكومه...لالالامن المجلس
دايم يطالب ويأملنا ونفلس
وانيمع الخرده اللي بالدرج
والحصاله اذا مافيها حرج
....
صعبه بهالسن تطر من امك
واذا طريت سمعتك اللي يسرك
وصعبه اتطيح عن ابوك
لا طلبته صكك على راسك بالبوك
ياحلو صمونة بطاط وفلافل
ماكو غيرها اذا الحال قافل
...............
احلى شعور يوم التفليسه
لارفعت تليفونك وسمعت رصيده
لاقمت تاكل بالبيت متجاهل بيتزا بيتزا
لاقلة طلعاتك والتليفون من اول رنه تشيله
.............
لاحطيت في بالك تسدد لديون
لاقررت انك ما تعيش مديون
لاواعدت نفسك ما اتسلف
وعلى نفسك ما اتكلف
وعن الدفع ما اتخلف
لأن الدين عمات عين يقولون
ولا دقيت على البنك تليفون
مو بالحزه اللي يدقون
وقال الكمبيوتر: ادخل رقم حسابك
تدقه وانت مغمض ..كأنك للمعاش ضامن
وقلبك يرقع ويرقع
خايف على بوكك لمقرقع
اللي يشوفه يحسبه كلا فلوس
مايدري انه بلكروت متروس
وتنطر الكمبيوتر ينطق بلهفه
جنك بتموت ورقبتك على السماعه ملتفه
يطول بالرد هالمره ولد الذينه
متى تنطق هالخزينه
بعد ما المركب يوصل المينا
وتبدي تشكل بالدعاء
اللهم ارزقني رزقا طيبا
اللهم افتحلي ابواب رحمتك
اللهم ارزقني من حيث لا احتسب
وينطق بعد ما قزرتها دعاء
وحالتك صارت اعياء اعياء
لديك ....يقولها بإزدراء
ثمان مئة ...والفرحه خذتك للسماء
ويكمل الجمله البنك الحنون
بكلمة تصحي المينون
فلـلللـــــــــــــــــــــــس .......يقولها بكبرياء
عتيجه ابريل 2007
posted by 3ateeja @ 3:06 AM
40 Comments:
شلسالفة
مفلسة ترى نعين و نعاون
عندي 20 دينار بالبنك لين نهايت الشهر اعطيج 10 و خلي حق البيت 10
تستاهلين
عتوج..ترى انتى للحين كاتبه يم بلوقى انى حاذفه ..ترى رديته صار لى شهر:)
منو هالبنك الى يرضى بالرصيد اقل من دينار..الوطنى ؟؟
الله يهديج هذا رصيد كرت إيزي هههههههه
:>
الله لا يعوزنا للسلف و الدين و عماة العين
عيشي حياتج طبيعية هاااااااانت ;p
ماتدرين يمكن صج عاد يحوشج رزق مااتوقعينه ولا كنتي حاسبة حسابه
:))
هونيها وآنه اختج واهي تهون .. ماكو احد ماتحوشه حالة التقشف والتفلس ;)
مرحبا
عودة حميدة .. فقدناج والله
ماعليه .. ماعليه .. مابقى شي على نهاي الشهر
لا تقربين يم الدين .. تراه عماة عين
الصبر زين يا وخيتي
بمناسبة ذكر الفلوس والبيزات
ما أقول إلا
سلوقا بلوقا بروح النيبار
بييب حق اخواني على وزار وزار
بييب حق خواتي على طار وطار
الله يرزقنا
:))
ودمتم بحب وغنى
صح لسانك
ردي عليه
فلس بعينك
جليل الحيا
عباله صج فلس
هذي عشان اطفين العين
بس فقط لا غير
;)
حلووووووووووووووه
واحلى شي
صمونه بطاط وفلافل
ماكو غيرها اذا الحال قافل
والله ضحكتيني
الله يكافيج شر التفليسه
:))))))
عااااااااادي
انا بعد مفلسة
وعااادي جدا اتسلف من امي
هههههههههههههههه
عتووووج
تيك ات ايزي
كلنا في هالدنيا مفلسين
والله التفليسة شينة ..
بس والله ..
يكون القلب مليان ،، والجيب فاضي ...
والباقي كلّه يهون ..
وإن شاء الله رصيدك دوووم مليان في كل شي ...
هاهاهاهاااي..
خوش حجي
عندى 14 دينار برة الميزانية تبينهم؟
افا عليج يا عتوج الفيزا الحين احذفها لج تعالى واخذيها :)))
كل من النواب كله قاصين علينا :))
حلللوه وصح السانج
ماكو الا العافية
انفلس
بس نبتمسم
أخيييييييييه ياعتوج دستي عالوتر يله هانت نهاية الأسبوع تنزل المعاشات بالبنوك وعاد نطري دورج ويانا واللي يوصل دوره يعين ويعاون اتفقنا
ياعتوج اذا بوكج فاضي قلبج متروس بحبايبج وكلنا حوالينج نصبّر بعض بعد شنسوي لين ينزل المعاش اللي عمره ماعاش ونلتقي في ذي أفينيوز ونخلّص المعاش هناك شرايكم بنات
عتوج انا كظماوى بس مالى خلق اسجل بالقوقل مليق حده على مايطلع النيك مالى..
المهم شفيج كتبتى الشعر وغطيتى عسى ماصادوج الدورية..تبين كفيل ترى حاضر من عيونى..:)
ana_sokkarah : حبايبج وقلبج
ما تدخل الجمعية والا مطعم وتدفع:))
انا واحد اشتغل فى بنك
وزن الواحد بالجمعية بمخباته :))
تحياتى لكم على اخر الشهر
يااخوان اعتذر نيابة عن اختنا عتيجة الظروف مااسمحت لها ترد عليكم هاليومين بسبب الجماعة الجديدة الى دشت فيها ..وانا بصفتى امون عليها ( حلوة هذة 9 فراح ارد نيابة عن اختنا الجبيرة عتيجة ..
ديفر تسلم والله العشرة تنفع بس لازم تيبها الليلة وانطرك عند برجر كنغ قرطبة تلقانى متلثمة بسيارة هوندا زرقة باب واحد :)
لووووووووووول
كظماوى ( الى اهو انا طبعا ) انت وين وانا وين صج لى قالوا كل من فى قلبه شقا ليله :)
كويتى سون..عن الشماتة الشكوى لله :)
ريلاكس انتو عيال النزهة كل شى تاخذونه ببررود الله يهنيكم
لوووووووووول
الماس هلا وغلا شنسوى الحالة كسيفىة تصدقين بروح المارينا ماعندى ديناراعطيهم حق خدمة ايقاف السيارات :)
لووووووووووووووول
سلوقا بلوقا
عجيييبة احب الروح الرياضية
غيروها صارت سلوقا بلوقا عطونى دينار:)
لوول
كاااااااااااك
والله قزرناها ببلوقج عتيجة عاد مو تلقين هالسوالف خليج وطنية هالايام يقولون الا الدستور
لووووووووووول
يلااسامحونى مااقدر اكمل...رصيدى مايكفى
لووول
اقصد اذن بروح المسجد
باى
mishari
لووووووول.. اي والله نبهتني على هالشغله يختك كلّش ايدهم ناشفه بالمره يموتون على.. مال مفت ..هاهاهاي
يبه بخنا بشوي من هالخضر اللي تشوفهم لو ريحه منهم (يعني ألف ألفين)نقزر فيهم لين ينزل المعاش.. شدعوه ياحافظ عتّوج واحنا بحاجتك يعني مايصير تشتغل ببنك وماتنفع جيرانك
شرايج نسوي جمعية والحطة الف دينار؟؟؟
عتوج صح لسانج يت بوقتها والله المعاش كله راح على تجهيزات عرس ولد الخاله والملابس انا قاعده على الحديده ولا ترى الحديده طلعت مديونهمتسلفه من واحد بخيل ومطلوبه الحين
بس ما اقول الا ما ضاقت الا وفرجت ومصير بكره تشرق الشمس وينزل المعاش لاني ما دفعت قسط السياره هالشهر وما ابي اقول للوالد عشان ما يهلق فيني وامي ما تسلف بس تاخذ مني جني انا امها مو اهي امي
نسبت اسالج اي بنك هذا الي نفتن عليج والله اول ما قريت 800 قلت بس سهلها الله ونزل المعاش:(
الله يخس ابليسج .. ضحكتيني واحنا في اخر الدوام
عورني قلبي على 800 فلس
ويييه عندي ليستا طويله بسويها .. بس خل استلم المعاش .. انا اوريه
ما ادري ليش يخلص بسرعه .. ماكلين شاربين نايمين البلاش ...الله يعافي الماما والبابا .. اللي مريحينا
kazmawy:
ايه والله تصدق هذا الوطني
ضحكتني
عتيجه اسلوب كتاباتج لا موضوع يونس
This comment has been removed by the author.
ونتي دايما مفلسه؟؟هههههه فلافل و بطاط؟؟ الله يزيد النعمه بس اقول خلج على 800 فلس بس تعالي عيل ويين سي ممدوح؟؟؟ بحبك يا ممدوح واخرتها فلافل بطاط؟؟؟؟
صح لسااانج
الله لا يعوزنا لاحد
وييسرهااا
هيـّا عتووووج اليوم 19 الشهر اول المعاشات شوفي متى دورج عاد انتي بس يله بدايه خير والافلاس سيقضى عليه.. هياااااااا يابنات السوق ناطرنا
يله مالج حجّه تقولين مفلسه عزمينا بهالمناسبه واللي مأيدني يقولها
صح صح صح لسانج عتيجة
حايشتنا سوء تصرف بالفلوس
بسرعة تطير
أمس كنت افكر بهالشي
قلت ماكو الا ان ربنا يرزقنا من حيث لا نحتسب
بالليل يتني خمس دنانير
الخمس دنانير في مثل هالوقت تكفي
:D
هاانت
لا بالله البنت فيها شى :)
هههههههههه
عتوج وينج شسالفة :"(
دايفر:
بعد عمري بو حموووود لا خلا ولا عدم الدنيا بخير دام في مثلك وشرواك ومشكور عالعشره اعتبرها وصلت وانصرفت لول
كظماوي :
شنو الوطني مادري شنهو ...يبيا انا ما اتعامل الا مع بنوك بسويسرا ...اي شي
ولد لكويت:
شفت شلون ....صرنا ملطشه
لول
ريلاكس:
انتي اللي هونيها شكلا لي الحين ما نزل لج بدل البطاله لووووووول يبا محد موهنا كثري لاتحاتين
الماس:
يقول عبدالكريم للصبر آخر آخر خلالالالالالالالالالالالالالالالالالالالالالالالالاص عافك الخاطر...
سلوقا:
الحمد الله الله الغني يا بو نيييم .... ماكو الا الخير ان شا الله بس لاتناساني ييبلي وزار لول
بوصالح:
صح بدنك :O
احلى انجنير:
اي افا عليج رديت عليه ههههههههههههه ابوي يمي مات ظحك وعاطاني دينارين وربع ...جيكي عالربع اهم من الدينارين ....بس طافتج اختي يوم قال لها فلس جان تقوله يا مالك الفلس قول امين ههههههههههههههه الحاله مزريه
حسين :
بطاط وفلافل من نواره الاصلي بعد هههههههههههه
نونو:
هالشهر ما بى احد ما تسلفت منه ....بس باجي الصبيان ...مخليتهم للعوزه ههههههه
ميامي:
هالحجي ما يوكل خبز .... انا ابي رصيدي اللي بالبنك مليان ...شلون ابي حل؟؟!!!لول
بوطلال:
افا علييييييك انظبطك بالحجي السنع
مش مش :
اسبقك بو حمووود عطانا 10 دنانير وانت 14 دينار ..حمدالله خير ونعمه
24 دينار
و والوالد بعد عطاني دينارين وربع
واختي معاشاها ينزل امبجر ..وانا مسلفتها
زين حمدالله خير ونعمه
بس فشله والله متسلفه من امي 30 ومن ابوي 80 يعني يا ويه استح :(
بو اصلوح:
ما يبيلي الابتسامه شاقه الحلج .... وسوالف التفلس توووونس والله تذكرها بالايام الخوالي
ركز عالخوالي لول
انا سكره:
حبيبتي والله ...انا ما احب السوق اذا كنت امفلسه انقهر واييني حارج ...واذا نزل المعاش وراح الموديل اللي شايفته اييني القامت ....بس ماعليه افنيوز افنيوز ..... بس خل اسدد ديوني بالاول
كظماوي مره اخرى:
انت يبيلك من يكفلك هههههههههه
مش مش مره اخرى:
لا افا عليك نعين ونعاون عندي 26 دينار وربع ...توكم مسلفيني اذا هونت قولي عشان ما اراويك رقعة ويهي لووووول
كظماوي مره ثالثه:
يزاك الله خير...منوا عطاك توكيل عني هااااااه @@
كظماوي مره رابعه:
ديفر تسلم والله العشرة تنفع بس لازم تيبها الليلة وانطرك عند برجر كنغ قرطبة تلقانى متلثمة بسيارة هوندا زرقة باب واحد :)
لووووووووووول
وكاتبه عالسياره ...حبك طعجني
انا سكره:
حمدالله انا قنوعه مش مش عطاني 14 دينار ,,,, والحمدالله مقزره الحال فيهم... شوفيلج احد يسلفج ...واذا كلش كلش سلفتج 7 دنيانير من سلفتي من مشاري ...شرايج؟
مملوحه:
شوفوا غيري !!!
مينونه:
بعد شتسوين .... زين لبسي بدله قديمه شفيها يعني ...عادي ترى ...هانت يا وخيتي :)
سمايل:
اي ماما وبابا ...و وبو بدر وين راح يا خلالالالالالالالالالالالاف ...خلج سمايل على طول هههههههههه
بسيط:
اي دايم مفلسه ...عندك اعتراض...اذا عندك حياك الله واذا ماعندك سلفني واخذ اجر
انا سكره:
لا حبيبتي عيال الفقارى اخر من تنزل لهم معاشات .....
قصة خيال:
الخمس دنانير تقوم البلد وتقعدها.....حتى الحل الغير دستورى ترى اشعليه ....على خمس دنانير ترى ...لول
كظماوي:
انت لو تفتح عينك عدل تلاقيني حواليك
Post a Comment
<< Home