Tuesday, December 23, 2008

الحكومة الجديدة.....حلاو بوبقرة!!!!!؟










يتعين اختيار الوزراء في الكويت مجموعه من المعايير و السبل و الطرق فمنصب وزارة الخارجية و الداخلية و الدفاع و احدى الوزارات محسوم للأسرة اما المناصب الاخرى فتوزع كالقرقيعان اي ...شوية سبال...شوية كوكاو ..شوية حلاو بو بقرة
ويرجى من اخي القارئ التركيز على حلاو بوبقرة حيث انه الحلاو الاكثر تفشياً في التشكيل الوزاري...عفواً في القرقيعان ..فكما تعلم عزيزي الكويتي ان حلاو بو بقرة "ثجيل عالجبد" ومن الصعب "درفعته" فقد يحتاج الى استجواب من فناجيل القهوه العربية لكي يتدرفع او قد يحتاج الى عدة قلاصات ماي ايضاً لذات الغرض ...الغريب العجيب ان حلاو بو بقرة يعتبر من اقدم الحلويات ونسبيا يعتبر غالي بالنسبة للأصناف الاخرى من الحلاو ولافت لأنظار الجميع حتى وان لم يكنوا راغبين في بلعه.... وين وصلنا؟؟؟
نرجع للوزارة واختيار الوزراء ... عندما يعين الوزير ويقع السؤال الاول ...الوزير من ولده؟؟ فهذا السؤال يسأله الصغير قبل الكبير والفقير قبل الغني ..فعندما يسمع العائله الفلانية اما ان يرد بـ (هقيت) او يتبعه بسؤال آخر ان لم يوصله الجواب لمبتغاه
فيكون السؤال الثاني "منو خواله؟؟" ويعتبر هذا السؤال من الاسئلة الاكثر شيوعا في وزراء الاسرة وغير الاسرة وتكون الاجابة اما شافية ليرد السائل بـ " لـــــــاــــــــــ" مطوله ويتبعها ب " اي قول جذي من الاول" او يعقب بسؤال ثالث و هو " منو انسباه؟؟" حتى يرد بـ" ما اصدق ...فلالالالان مناسب هذيل ...اشوفه صار وزير" او يكمل سلسلة الاسئلة بـ "يقعد بدوان
ية منو؟؟؟!!!!!"


وتبقى الكفاءة طريحة الفراش و المحاصصه

ونواب ينادون بالتكنوقراط و القوي الامين
لو استفتيتهم لما وجدتهم يعرفون معنى التكنوقراط او حتى القوي الامين !!! ؟
الله يستر من اللي ياي ..

متشائمه جدا
اعتذ عن غيابي المتكرر
احبكم


كظماوي .... ولهت عليك

Labels:

26 Comments:

Blogger m_bet0hm said...

وحشتيني مرة :) مدونتك من المدونات اللى اعزها وتحمل لي ذكريات جميلة ..

الله يعينكم والله عندكم طلبات كثيرة :)
اول مرة ادري عن هالاشياء الغريبة

الله يكتب لكم اللى فية الخير والصلاح وتفائلي بالخير ومايصير الا اللى يسركم يارب

^^"

كل حبي : مضيعه بيتهم
www.mblog.ws

2:13 PM  
Blogger Kuw_Son said...

حدج عتيجة !!

بو بقرة مال أول هههه

سوالفج لها وحشة

welcome back

12:48 PM  
Blogger Purplecious said...

ماااااااااااااا اصدق

شنو هالصدفه

!!!!!!!

عنوان بلوقج كان عندي بس غيرت الديزاين جان ينمسحون كلهم اللي باللسته غميظه

دشيت عند تيستي از بيري اللي ايضا من زماان عنها بس مادري شلون طحت على عنوان بلوقها والاقيها حاطه لنك بلوقج عندها

جان سييييييييدا ادش عليه بسويله سيف و الصدفه الحلوه الاقيج منزله بووووووووووست

:)))))))

وناسه حدي استانست ولكم باك

عاد يا فرحة كظماوي ذاك اليوم سأل عنج بمدونته يقول محد شافها فاقدج ههههههههههه

جان اقوله اصلا محد نحشها غيرك يا كظماوي

لوووووووول

بس عاد شدعوه عتيجه ما تطلين علينا و الله انج غاااااااااليه فما له داعي التغللي رجاءا
:**

3:54 PM  
Blogger Shaima'a Alkandari said...

عتييييجه شخبارج وكل عام وانتى بخير ويارب سنه خير عليج يالغاليه


اللى عجبني الحلاو بصراحه :)


يبه الله كريم واملنا بهالسنه ان كل شي يتسنع والفكر يتغير

3:49 PM  
Blogger kazmawy said...

هلا وهلا والف هلا
يالغالية سلامات سلامات
فقدناج فقدناج
عسى ما شر طمنينا عليج
حرام لا رسالة لا بوست
لا تعليق لا توصين احد يسال ويمر...
حتى اعلان حطيت عنج ...
شلونج شخبارج
منورة البلوقات يا شقول :* "))

11:11 AM  
Blogger kazmawy said...

حيا الله عتيجة والله ولهنا عليج وعلى سوالفج
من صرتى مصلحة اجتماعية وانتى مضيعة وقتج مع الناس الله يهداج متى تشوفين روحج علمينى بس
لووووووووووووول
...
انا توقعت انج تقطعين ستة شهور وماشاء الله على يبتها ريت
مثل ماتوقعت ..
يامعودة شصاير عسى ماشر..
خسرتى بالبورصة
والا شاهدة على جمال العمر ..
والا تشتغلين بداو كيميكال عليمنا بس شهالغطة ...
..
..

11:13 AM  
Blogger kazmawy said...

المشكلة ماندرى وين نسال عنج..
..لا ايميل لا مذهب مثل الناس شنسوى يعنى ..
ادق على ابوعيدة والا طلال السعيد
لوووووووووووووووووووووووووول

...والله من قطعتى محد قام يدافع عن الجياكر
لوووووووووووووووول

11:14 AM  
Blogger kazmawy said...

اقول سلمى على ام نبيل الى مثل بيض الصعو نسمع فيها وما نشوفها عندج :)

11:15 AM  
Blogger smily said...

عنوان عبر صراحه
وللأسف صارت النظره للانسان على اصله وفصله مو على كفاءته ولا حتى فكر او منطق

10:44 PM  
Blogger kazmawy said...

عتيجة وااااى منج شسسسسالفة عيزت وانا ادورج يا بنت الناس
سلامات يالغالية شفيج عسى ماشر
شنو بالقطارة كل ستة شهوووووور
هيييييو هيييييو
وييينج الووووو
يمعودة علمينا ايميلج خل نطمن عليج
عتيجة يلا مصختيها ترى اعصب عاد
")*)

5:01 PM  
Blogger Shaima'a Alkandari said...

انتى وينج

9:11 AM  
Blogger bu-saad said...

منو متفائل!!

9:43 PM  
Blogger kazmawy said...

اقول عن الربرةة الزايدة الحكومة الى كتبتى عنها فلت وراحت
فى حكومة يدية يلى كتبى عنها شى
وبعدين غطى لى السنة الياية راضين
يالنحيسة
لو اشوفج بالشراع ودى ادعمج

:)

5:40 PM  
Blogger kazmawy said...

تاريخ بوستى هذا 6/6/2009
العصر يوم الجمعة
ابى تردين قبل رمضان على الاقل
لوووووووووول

5:41 PM  
Blogger عاصى said...

http://www.kwtshop.com

5:00 AM  
Blogger نون النساء said...

مع اني ما اعرفك اللهم البلوغر

بس طريتي على بالي ومريتج


:)

5:08 AM  
Blogger نون النساء said...

@@

3:45 PM  
Anonymous saeed ibrahem said...

نايس

6:18 PM  
Anonymous Anonymous said...

Write more, thats all I have to say. Literally, it seems as though you
relied on the video to make your point. You obviously know what youre talking about,
why waste your intelligence on just posting videos
to your site when you could be giving us something enlightening to read?



Have a look at my page ... please click the next document

9:54 PM  
Anonymous عرب كول said...


thank you

مدير موقع عرب كول

2:58 PM  
Anonymous بي اس آي جيرماني said...



thank you

مدير موقع بي اس آي جيرماني

3:00 PM  
Anonymous وى كير said...


thank you

مدير موقع وى كير جيرماني



2:09 PM  
Anonymous الرضا لنقل العفش said...

thank you

مدير موقع
الرضا لنقل العفش

12:02 PM  
Anonymous شركه تنظيف said...


thank you

مؤسسة تنظيف

4:46 PM  
Blogger Unknown said...



thx

مؤسسه تنظيف

3:18 PM  
Anonymous Anonymous said...

يمكن توفت المره

6:02 AM  

Post a Comment

<< Home