رفيجة ام نبيل
قعدت افوكر شكتب وخاصة اني مبطي ما كتبت شي ..وكل ما يطري علي اكتب شي اشوف روحي مو فاضيه وايد
طرت علي سالفة رفيجة ام نبيل
اهي بالعربي ام نبيل مرافجه البيت كلا
عاد عندها هذي رفيجتها مسكينه فقيره عندها توم ثلاثه صبين وبنيه
حالتها كسيفه
وفوق هذا اهي بطبعها ما تحب اليهال
طبعا الطريقه الي تيوزت فيها كانت عرض من الخيال لي الحين مو مصدقتها
فبما اني مو مصدقتها ما راح اقولها
لكنها يوم حملت استانست
واستانست ام نبيل
ويوم وصلت مادري اي شهر
راحت سوت سونار وقالولها بننزل الياهل
إي ليش قالولها الجنين مشوه وله راسين
شلون
غيروا
بدلوا
لازم اننزله
استخارت المره وعينت من الله خير وقالت ما ينزل واللي الله كاتبه بيصير
سبحان الله ومن استخار ما تحسف
وتعالي يوم الولاده
صراااااااااااااااااااااااااااااااااااااااااااخ
وطلوووووووووووووووووووووووق
واااااااااااااااااااااااي
او ويييييييييييييييييييييييييو
ارقصت سامري نقازي طمبوره خماري كل الرقصات
وامها عيت-رفضت- يحطون لها طلق صناعي
ما يصير يا خالتي
المهم
كان زوجها واقف على يسارها
وصديقتها الحميمه منيره على يمينها
ولدت الأول
جان تحس بفتور وخدوووور وألم ...قالت بقلبها بسسسسسسسسسسسس
هذي سكرات الموت
قامت اتشهد المره
واشهد ان لا اله الا الله واشهد ان محمد رسول الله
ويقولون ماندري شكو قامت تقول الله اكبر الله اكبر جنها داشه الجهاد
وقامت توصي
و أول وصيه قالتها
قالت حق زوجها يا فهد عقب عيني-وفاتي- تزوج هذي وتأشر على منيره
فشششششششششششششششششششله
منيره وييها صار برد صاروووخ من الحيا
وقامت إتترررررك جنها قاضبه اليسار ودايسه
المهم
صحت الاخت اللطيفه ...وطبعا اول ماتصحى هم مخدره
تقول يوم صحيت حسبت اني بلقبر
وكان قبالها اثنينه مصااااااااكه يخرعون قالت بس هذيله منكر ونكير
وملحفينها بجادر ابيض بس اكملت
استغفر الله يا ربي
وطى عليها ريلها وقال لها حمدالله عالسلامه
حلم
علم
جان تطقها بجيه
وااااااااااااااااق او ويييييييييييييييق
منكر ونكير طلعوا حموانها اثنينه رادين من دواماتهم اخر الدنيا
وهي طلعت نايمه لمدة طويله اكثر من يوم
قالولها انج يبتي توم
ولدين وبنت
والاخير توفى كانت بنت
تصدقون يا جماعه
صج ام
ظاق خلقها عالاخيره
وقامت تبجي
ولي الحين ظايج خلقها عليها
تسولف علي ام نبيل
تقول ذاك اليوم رحت لها
ولا واحد على ظهرها ههههههههههههه هذا خالد
وواحد جدامها
والثاني شايلته بيدها
تمش الارض بريولها واتحجى بالتليفون
وخالد يحن
ههههههههههههههههههه
حسافه ما كنت معاهم
كان شكلها انتيكه
يزا الوالدين على الله والله
اول ما دشوا عليها ولا تقط عليهم خويلد اهوه اللي مطلع عيونها
والباجي عادي
احلى سؤال اذا تبون تظحكون سألوها
تبين عيال زوود
ههههههههههههههههههههههههه
تحذفكم باللي قبالها
والله لعيال نعمه عاد
لكن احلى شي يوم تقول حق ريلها تزوج منيره
حتى لو كانت في باله هالسالفه هون ههههههه
منيره عقب عالسالفه ما طاحت عينها على عين فهد ولا حاجته من الفشله
والله موقف محرج عسى الله لا يقطني فيه ان شا الله
بس كان تفكيرها منطقي ذيج الحزه يعني اعتقد احفظ وحده على عيالي صديقتي
وفوق هذي اهي اكثر ووحده الريل يغار منها
لكن
عظم الشريجه بالقبر يجرح
صج والله شي صعب ان يكون للمره شريجه
مهما كان الشرع محلل
لكن صعب حيل والله
الله يعين كل مره ريلها ماخذ عليها والله
شكو قلت هالحجي مادري
:)
وتقبلوا منا فائق الاحترام
حياكم الله
عيدكم مبارك
ريييييين ريييييييييييين يا جرس
شعور يمرضني
عندما اعجز عن اسعاد او ايجاد البسمه على شفاة من احب
ام مضحي
Labels: كوميديا
posted by 3ateeja @ 11:45 PM
22 Comments:
والله العظيم قعدت اضحك بهالليل جنى خبل عليج سرد مو طبيعى
بذمتج انتى جم عمرج بس ابى اقولج شى ابله العربى كانت الظاهر ما تحبج مو راضية تعلمج متى تستخدمين الضاد من الظاد بس والله انج مرة عسل تدرين شنو السؤال اللى دار فى بالى هل لو عتيجة متزوجة واعتقد اى من كتابتج لان ترى انا ما ثبت تسولف جذى مع ريلها لان اذا الاجابة اى ريلج عمره ما راح يحطلج شريجة :) لانج تستاهلين كل خير
اي والله بطــيتي .. و من قلب اقولها
لا تــعــودينها الله يعافيج
و هم لا تحسسينا انه فرض عليج تكتبين
ترى في ناس حساسة و ماتحب تجبر احد او تغصب احد او . او او
هههههههههههههههههه علقت
يا حلوووهم كلهم و الله
لا اله الا الله .. تبارك الرحمن
ثلاث اطفال .. نفس العمر نفس الوقت
الله يعينها و يقويها
بس عجبتني .. يعني رغم الالم
و بين الاه و الاييييييييه
فطنت .. و فكرت .. و قررت
اخذ منيرة هههههههههههههه
خووش رفيجه .. و خوش تنقص
يا زينها والله .. ما تعطلت سيدة
لو اللي على يمينها السستر يتراوالي
قالت عنهانفس الحجي .. بس المهم
وحدة ماره تحت عينها
لوووووووووووول لا لا ادري تحاتي البيبي
تصدقين .. و بتضحكين علي
اخيتج .. اللي اهيا انا
من زوود اللي ماني قايلة
مزهبة خطب .. حق الحظيظ
اذا ما يصلي ... لي حجي معاه
اذا .. بيتزوج علي .. الافكار جاهزة
بس اطبعها هههههه
و هكذا .. لكل المناسبات .. الحمدالله
مرتبة اموري
مينونة ؟؟ ترى سمعتج تقولينها
الفراغ .. يا جذي يا انحرف ترى هااا
ونستيني على اخر الليل
توتة .. سلملي على ام نبيل سلام حار
ههههه اهم شي تعليق احلى انجينيره اطول من بوست ام مضحي :) مشاري انا اقول ام مضحي عمرها هممممم 120. بعدين يا ام مضحي يوم قالت اخذ هذي ؟؟؟ ريلها اكيد مبتسم؟؟؟
كل شي عاد ولا عتوج
زينة البنات
هههههههههههه
اي والله بطيتي علينا عتوج وايد مو شويه..
بس صج هالرفيجة انتيكه على سالفتها
اتخيلتها حلقة من مسلسل طاش ماطاش
*^_______^*
لا إله إلا الله ما شاء الله
ثلاث توام مرة وحده
والله احسنلها على الأقل الجسم بييتم رشيق على طول بدال الحمال والولادة ثلاث مرات إهيه سابتهم فبطن واحد لوووووووووووووول
منيرة مسكينة عسى بس سالفتها ما تمر فيها وحده الظاهر رفيجة ام نبيل اتطالع مسلسلات وايد
ضحكتينا يا ام مضحي عسى ربي يضحكج في الجنة
:P
انا مو باط جبدي غير شي واحد
Thursday, April 13, 2006
ليش تاريخ الموضوع جذي
تونا الاربعه والله تاريخ 12
الله يبارك لها بعيالها وريلها ويرزقج ان شاء الله 10 بدال ال 1
بس انا انصحج تنزلين مذكراتج بكتاب صدقيني
سبوع سبوعين مسكره على مذكرات مراهق كويتي
شهر بالكثير مسكره على دفنشي كود لوول
الله يخليج لنا يدتي سويلفاتج شزينها
بعدين شدعوه
جذي ماولهتي علينا ؟
الله يالدنيا
لنا الله والله
عتييييييييييجه انتي للحين ماثر فيج كمام الطلق الصناعي ؟؟
ليش عيدكم مبارك العيد ريض تو الناس عليييييييييييييه
خليني اقولج سالفه صج
انا مرت خالي توفت الله يرحمها و قبل لا تتوفى وصت خالي و قالت له يا بوفلان تزوج رفيجتي قصدها عن رفيجتها الروح بالروح الي وياها من 30 سنه
و بعد سنتين من وفاتها خالي تزوجها 8 شهور و طلقها
تدرين ليش
لانها يننت خالي و اعياله
24 طق في اليهال
و اهواش و صراخ
انا عيال خالي عمرهم ما انطقو هذي بس اتكفخ فيهم
ماجنهم ايتاام
و ميننتهم و اذا صار الصيف دخلتهم مدارس داخيله كل بنت بديره
شي شي بدعت فيهم
الله لا يبليكم
كلامج يشرح القلب
و يخفف علينا حر هاليومين
ما اطول عليييييييج
بس وايد اسلوبج اكثر من ممتع
ماشالله كلامج يونس جني قاعدة اسولف مع اعز صديقاتي
بس تعالي هذي المسكينة عندها ثلاث الله يعينها يتراوالي تتسبح كل اسبوعين مرة وشعرها ماشاف المشط من يوم ولادتها مسكينة مايمديها تسوي شي
وانا اللي كنت اقول ماعندي وقت وانا عندي بنت وحدة صج لي قالوا من شاف بلاوي الناس هانت عليه بلوته بس هذي بلوة حلوة يعني هم اليهال نعمة الحمدلله :)
وااااااي يخخخختي يا ربي ترزقني عشرة توم وأسوي منهم فريق بس عشان أحقق حلمي وبعدين ودوني مستشفى الميانين لأني أكيد راح أستخف منهم
بس قصة رفيجة أم نبيل صج حلوه وطريقة تعبيرج الي محليتها ^_^
تحت الألم واحد يقول اي شي
بس حلاته احد راد عليها عادي اذا متي
اخذ منج المسجل :)
اشوه هالألم ما نمر فييه فكه
مشاري:
والله اعرف افرق شنو ما شفت بروفايلي ما شفت شقصتي ذاك الصوب ..بس تدري لبلوق مدونه يعني هنيه لا اعرض مقالات ولا كتابات ولا تحقيقات ولا استطلاعات ...يعني احجي بالعاميه واكتب الكلمه كما تنطق :) لأن مكان راحتي :) ولاوالله كنت شاطره بالعربي ويايبه فيه 81بلميه يوم تخرجت من الثانوي :) وعلى فكره مدرستي العربي لي الحين عايشه ..واشوفها بالجمعيه واذا شفتها تسألني عن شي مضيعته يحليلها ابله حصه ..ودرست ام نبيل عقبي ودرست امم عقبي ..بس ما عمري سألأتها تقاعدتي ولا لأ ...لأن طافت سنين الخدمه اظن ايام ما كانت تدرسني ههههههه وهي اللي نمت فيني موهبة الكتابه..وايد احبها ووايد تحترمني
ومشاري ترى انا مو امتيوزه ..ام مضحي كنية فقط وان شا الله ما اسمع عن وحده ريلها ماخذ عليها ...وما قصرت على كلامك الطيب
احلى انجن :
هلا وغلا والله ..لا يا وخيتي مو فرض ولا شي ,,,ومحد جابرني ان شا الله :)
بالنسبه لها والله اثرت فيني يوم ازعلت عالاخير صج ام
والضنى غالي
طلع خلود -خالد-ولدها كابت انفاس اللي وراه من جذي قالوا ياهل له راسين ..وبالنسبه حق الخطط صج اللي ماعنده عمل يكاريله يمل
شتزهبين احد يزهب الدوا قبل الفلعه
انفلعي اول تالي ييبي الدوا
زين ودي ببوست منج اذا ما عليج كلافه ولا احراج بالخطط اللي عندج نبي انتعلم واذا عندج خطط خبث ومكر بعد قوليها هم لاتبخلين علينا ..ويوصل سلامج لام نبيل ان شا الله :)
بسيط:
ليش تكبرني وايد هالشكل مو زين ترى الشيب وقاااااااااار
والصراحه ما شفت ريلها اذا يبتسم اولأ
فشله والله :)
نونو:
عسى الله يظحكج بالينه قولي امين
يالنسبه لقصة زواجها يمكن اقولها بالمستقبل لنها عجيبه :)
كويت لوفر:
والله يا اخوي تاريخ تليفوني غلط من جذي التاريخ غلط بس عادي
اما عن الكتاب ..ترى اشوف روحي وانا كل يوم معاكن هنيه ادش واشوف الكومنت وتالي اروح لمدوناتكم الحلوه :)
لوير
حللتي اهلا وسهلا
واشكر مديحج لي
والله هذي سالفتها سالفه وبالنسبه حق مرت خالج وين مداها تسوي كل هالسوالف بثمان شهور صج نسره :)
شاتر بوكس :
مشكوره يا وخيتي ...أي والله فقيره مسكينه حدها ..وعسى الله يخليلج ابنيتج وتشوفينها عروس ومتوظفه
:p
SOLO:
عسى الله يرزقج ان شا الله توأمين اببطن واحد يعني بنتين وولدين وناسه يا وخيتي يدشون المدارس يميع يتخرجون يميع ..وتدرين انهم يتزوجون يميع سبحاالله ..وتسلمين على المديح هذا ترى ما اقدر على هالحجي السنع
ميو :
هلا والله ويا حياك الله يا خوي ...صح هالالم ما تمرون فيه نعمه ..وتدري يقولك ألم الطلق لو يحطونه على جسم الذكر يموت ...سبحان الله ...وطبعا كل شي له قيمه ..هالطلق خلا الجنه تحت اقدامنا ..وامك ثم امك ثم امك ..ثم
ابوك
:)
عزيز نفس :
يا حي الله اخوي عزيز نفس ..والله هذا الساعه لمباره يا اخوي ..ان طابلك عاود ..وشبغيت اقولك ..إي امها ما كانت راضيه يحطون لها طلق صناعي ..شلون ابره الكوادووور اللي تقول عنها ههههههه صارت ابرة الكوادور بعد أي والله مادري شسمها غلج
LOOOOOOOOOOOOOOOOOOOOOOL 3ala 6ool chithy ya 3atejaat e9ooof hahahaha
هههههههههههههههههههههه
والله فشله لوووووووول
الله يخليهم لها ان شاء الله..:)
الحقيقة افكار مترابطة كلها خيال ابداعي اهنيك ياأختي و الله يحفظك من العين.
كتاباتك توهلك لكتابة مسلسلات رائعة و فقك الله
ذكر أم أنثى ؟!!؟
قال لها ألا تلاحظين أن الكـون ذكـراً ؟؟
فقالت له بلى لاحظت أن الكينونة أنثى !!
قال لها ألم تدركي بأن النـور ذكـرا ً ؟؟
فقالت له بل أدركت أن الشمس أنثـى !!
قـال لهـا أوليـس الكـرم ذكــرا ً ؟؟
فقالت له نعم ولكـن الكرامـة أنثـى !!
قال لها ألا يعجبـك أن الشِعـر ذكـرا ً؟؟
فقالت له وأعجبني أكثر أن المشاعر أنثى!!
قال لها هل تعلميـن أن العلـم ذكـرا ً؟؟
فقالت له إنني أعرف أن المعرفة أنثـى!
فأخذ نفسـا ً عميقـا ً وهو مغمض عينيه
ثم عاد ونظر إليها بصمت لـلــحــظــات وبـعـد ذلـــك
قال لها سمعت أحدهم يقول أن الخيانة أنثى ..
فقالت له ورأيت أحدهم يكتب أن الغدر ذكرا ..
قال لها ولكنهم يقولون أن الخديعـة أنثـى..
فقالت له بل هن يقلـن أن الكـذب ذكـرا ً..
قال لها هناك من أكّد لـي أن الحماقـة أنثـى
فقالت له وهنا من أثبت لي أن الغباء ذكـرا ً
قـال لهـا أنـا أظـن أن الجريمـة أنـثـى
فقالـت لـه وأنـا أجـزم أن الإثـم ذكـرا ً
قـال لهـا أنـا تعلمـت أن البشاعـة أنثـى
فقالـت لـه وأنـا أدركـت أن القبـح ذكـرا
تنحنح ثم أخذ كأس الماء فشربه كله دفعة واحـدة
أما هـي فخافـت عنـد إمساكه بالكأس مما جعلها ابتسمت ما أن رأته يشرب
وعندما رآها تبتسم لـه
قال لها يبدو أنك محقة فالطبيعة أنثـى
فقالت له وأنت قد أصبت فالجمال ذكـراً
قـال لهـا لا بـل السـعـادة أنـثـى
فقالت له ربمـا ولـكن الحـب ذكـرا ً
قال لها وأنا أعترف بأن التضحية أنثـى
فقالت له وأنا أقر بأن الصفـح ذكـرا ً
قال لها ولكنني على ثقة بأن الدنيا أنثى
فقالت له وأنا على يقين بأن القلب ذكرا
ولا زال الجـدل قائمـا ً
ولا زالت الفتنة نائمـة
وسيبقى الحوار مستمرا ً
طــالما..
الـسـؤال ذكـــرا والإجـابـة أنـثــى
وطالما كان الواقع ذكراً والحقيقة أنثى
لا اعرف من الكاتب لكن وددت ان اهديه لك لبراعتك في الكتابة
تحياتي
دافنشي
هاشمي:
هلا والله باللي يغط ويطلع كل اربعا مادري ليش وعساك تظحك بالينه
كوكو:
عساج تظحكين بالينه ...وآمين عسى الله يخليهم لها ...الا انتي ليش كلا تغطين مثل هاشمي وتطلعين بالاجازه:)
سكر:
آمين عسى الله يرزقج توم ..واهم شي يهديهم ..وشنهو اللقافه بالموضوع ..
خليني اقولج شغله
الناس الحساسه واللي مشاعرها مرهفه تحب تشوف حبايبها يمها اثناء الازمات ...والناس المرهفه اكثر تحب توقف مع ربعهم اثناء الازمات مو ربع قهوه وجاي ظحى وحش بالأولي والتالي
عيل ما شفتي عتيجه وهي موصله حبيبتها وبنت خالتها لي سيارتها بالملجه وصوتها شاق كامرة الفيديو تداحر ريل بنت خالتها تقول دير بالك على بنت خالتي
:)
قالها رويش من قبل يا وخيتي
ناس عن ناس يا عمري تفرق مو كل نجمه بالسما تبرق
دافنشي :
يا حياك الله يا اخوي يا دافنشي وقريت كل اللي كتبته والله كان حلو بمعنى الكلمه ..وانا ما اخفيك سرا اني كاتبه من الدرجه الاولى وهي تقدر تقول مهنتي ..لكن ما اكنت اتصور ان سوالفي بعد راح تعجب شريحه من الناس وخاصه اني اتعمد اني اسولف اكثر من اني اكتب كما اكتب بالعاميه البحته ...ولاحتى احاول اني اسيغ بأسلوب الكتابه التقليديه
شهادتك والله اعتز فيها ..وفعلا حفزتني لكتابة قصص وسرد احداث بالعاميه واشكر زيارتك :)
دافنشي:
LOL !
بدعتي
:))
اهم شي متوظفة
لووووووووووووول
sarah:
الله يسلمج ويخليج لا يبه عندي خوات وايد والحمدالله كافي ..تبين تصيرين اختي بالاسلام ترى انا مسلمه ..اذا انتي مسلمه راح نكون خوات :)
اما بخصوص ليش رايحه معاها ..فترى احنا هالشكل نروح مع ربوعنا لا بغوا يولدون ..وعندي خاله دشت غرفة العمليات وما كان معاها وحده كان معاها اربع لين طردهم كلهم الدكتور وبما فيهم زوجها :)
eb9ara7a:
تو ما نور لبلوق والله ..حمدالله على سلامتك يا اخيي والله فقدتك ..
chater:
:P
مزاجيه:
هذي السالفه مو لأم نبيل لصديقاتها ..وعسى الله يسلمج ويخليج اسلوبج احلى
lOoOoOOoOOoOol:)))
يا زينج ويا زين هالسوالف
تبردين القلب بالبوست وبالرد
بس صراحة خوش شي امنت مستقبل زوجها ورفيجتها
:P~
ترا انا بقرا عليج خايفه عليج من العين:pP~
عتيجة شفيج غطيتى
خلص كرت الانترنت مالج
لووووووول
استكانه:
يا حي الله استكانه ...لاتعبين روحج يا وخيتي قاريه على روحي :)
كظماوي:
تسلف ...ترى الحاله كسيفه وانت ادرى بالحال
افا عليج
الدى اس ال سداد
وحاضرين للطيبييين
:)
ياللا جد كتبى شى لا تطولين
ادرى اليهال شاغلينج بالامتحانات وتدريسهم
وتردين من الدوام دايخة تنامين لى المغرب
لووووووووووول
وام نبيل الى ما شفناها ولا كتبت شى جنها بيض الصعو :)
لازم هالاسبوع تكتبين لنا قصة قصيرة جديدة ومثيرة
:)
تحياتى
Post a Comment
<< Home