يا بو بدر

السلام عليكم ورحمة الله وبركاته

عدنا والعود احمد

طبعا اهوه مو عدنا بس تفرغنا شوي الله يعافي بو بدر

.تالي اقولكم منو بو بدر

.

الناس بلكويت ينقسمون الى عدة اقسام بالصيف

القسم الاول(اللايثيين) : لا شغله ولا عمله فراره من مجمع لي مجمع و من كثر الفراغ يدشون الفلم ثلاث اربع مرات للأسف محد خذى بيدهم وخلاهم يستفيدون من وقتهم بطريقه صحيحه وتالي الليل نايمين عالكمبيوتر

القسم الثاني (الكادحين):ربع دوام الصيف هذيله ما يصير نص سبعه الا ما عندهم تأخير ولا دقيقه وينطرون الاجازه اللي غالبا ما تكون شهر ثمانيه عشان يطقونها سفره ما يردون الا اول تسعه

.القسم الثالث(المعلقين):قسم يحوسوون عالمستقبل ..منهم طلبة الصيفي واللي يدورون على دوامات للسنه اليديده واللي ينطرون توظيفهم ..هذيله الله يعينهم

القسم الرابع(المريشييين): هذيله متقاعدين وعندهم بيوت برا الديره من يصير الصيف يطقونها سفره وغالبا ما يكون ماعدهم تليفونات برا عشان ما يرتبطون بالديره بأي طريقه وعيالهم يلحقونهم شهر ثمانيه

القسم الخامس(الكارفين):قسم ينشغلون اكثر بالصيف دوام صبح بمكان غصبن عليهم ودوام العصر بدوام مو غصبن عليهم بس يحبونه ويحترمونه هذيله الله يسمنا وياكم ما يردون البيت الا الجسم يقول وييييييييييييييييييييييييينك يا فراش

وينك يا الدووش بتحمم واخمد

والمشكله المشكله

اذا هالناس عندهم اهل اجتماعييين وااااااايد ويقولون انتوا حياتكم كلها شششششششششغل ما صااااااااااااارت نبي نشوفكم ما صارت

يضطرووون آآآسفين انهم يردون البيت عالتسع وبما ان الحين صيف وصلاة العشا تفتج عالتسع فيكملون مشوار لمهايل مع اهلهم من ناحيه الموااااااااااجيب ولربووووع و و و و و

الخ

الخ الخ

هالفئه ننتمي لهم انا و بوبدر

منو بو بدر

اللي صلح جهازي

بل هو الذي صلح اجهزتي بأسرها

يا جماعه هالآدمي ابتلش فيني بلشه مو طبيعيه مادري شلون الحق يزاه

والمشكله اني غثيثه ومليقه وما اقدر استغنى عنه

ساعات احس اني غاثته بس ما عنده غير حجوتين اشدعوه

وما سويت شي

والحلج اسمالله عليه دايم شاقه من هنييييييييييه لي هنيييييييييييييه

اظنتي في احد الايام بيفتح الباب ويفنقرني

يقولي عطيناج ويه واااااااااااايد

سكتناله دخل بحماره

اي والله

المشكله اني مااااا اقدر استغني عنه

ذراعي اليمين

الى درجه اني مره من المرات قلت له بو بدر ظروري تيي امبجر عندنا احتفال

قالي الساعه جم بنبدي قلت له الساعه سبع

قالي دوامي يخلص الساعه خمس خمس ونص انا عندج حتى هدومي ماراح اقطهم

بيني وبينكم يوم شفت شغلنا زاهب دزيتله مسج كسر خاطري قلت له بو بدر تقدر ترد البيت تكشخ وتيينا شغلنا كلا زاهب

مسكين وهوبالبيت رن تليفونه

اوهووووووووووووووو عتيجه الحنانه

شتبي عتيجه

بو بدر واللي يسلمك ييب فناييل قهوه معاك نسيت فناييلي شويه

ويااااااابهم

امره لله الله كاتب عليه الشقا...دامه مع عتيجه الحنانه اللباحه بس والله ثم والله ما استغنىىىىىىى عنه

طبعا اهوه مو بو بدر بس لأن يحب نسميه بو بدر وعسى الله يرزقه بدر وام سنعه حق بدر قولوا آآآآمين

وعسى الله يخليك لنا يا بو بدر ذخر وتعيش واتحملني أكثر واكثر

يا بو بدر

الجزء الرابع و الاخير(حب اربعيني)ا

(المعذره على تأخري لكتابة القصه ..والعله مو مني من جهاز الخرابن الى درجة اني اكتبها الحين من الدوام والدوام لله ) تتصل غنيمه بأم منال وترد سناء على التليفون ومن ثم تعطيه امها لمحادثتها غنيمه : السلام عليكم ..هاه رقيه عالوعد ام منال:اي وعد غنيمه ..وعدنا منال وفهد ...اليوم يقعدون مع بعض شفيج نسيتي ام منال تظحك ظحكة اسى:بنتي بالعنايه المركزه وانا بالمستشفى معاها غنيمه : غبراااااااااااااااااااا منال ام منال:اي منال..وانا مهستره مره اظحك مره ابجي ...مادري شسوي يا غنيمه غنيمه:اهي شفيها بالظبط ام منال تبكي: حادث دهس ...وغيبوبه ..وعمليتها بعد ساعه ..وكل شي وكل شي يا غنوووم بنتي تموت جدامي وانا السبب غنيمه:تعوذي من ابليس يا رقيه ..انتي مره مؤمنه انتي وينج اي مستشفى كاني يايتج ؟؟؟؟ ام منال: مستشفى مبارك تطلب غنيمه من ولدها فهد ان يوصلها لمستشفى مبارك وفي السياره فهد : يما منال شفيها بلظبط ؟؟؟ غنيمه: حادث دهس وغيبوبه وكل شي فهد : وكل شي ؟؟؟؟!!!!!؟ يعني شنو ؟؟؟ غنيمه :هذا كلام امها ...شوف يا وليدي الحين انا اروح اقعد مع خالتك رقيه وانت تروح تقعد مع بو جراح ..توقف يما فهد:يما استحي !!!!؟ غنيمه : شنهو شنهو شنهو ؟؟؟؟ تستحي ...واشوفك ما استحيت ترز ويهك بدوانيته وتقوله انك تبي تخطب بنته فهد: يما الوضع الحين يختلف ...الحين منال بين الحياة والموت غنيمه: يالله طلع مرايلك الحين دامها بين الحياة و الموت فهد:يما وقفتي مع عمي بو جراح يعني اني انا لي الحين ابي بنته غنيمه تعلي صوتها :يا حمااااار ...صج ما عرفت اربي ..انا قلت اوقف معاه مو املج على بنته فهد:يما صدقيني الوضع يختلف ..وانا و اي واحد مكاني صدقيني بيتصرف نفس التصرف مادري منال شنو بيكون وضعها ..والبنت بغيبوبه انا شلي اببنت بغيبوبه ما يندرى شفيها بعد ..البنات وايد وبدال المنال الف منال غنيمه : حسبي الله عليك يا فهووود ..مادري منو اللي ينني يصبحني ويمسيني بأسم منال ..انا قلت اكيد عاشجها...وهقيت انكم تحبون بعض من ورانا على اللي كان فيك .. فهد: يما منال عاجبتني وما زالت ...لكن وهي سليمه ..ماني مستعد اعيش مع انسانه مو سليمه ...الوضع صعب صدقيني يا يما ..,كلام الصج يشق القحفيه بس انا صريح وهذا الواقع.....يما وصلنا المستشفى نزلي وطمنيني عليها ترى لاتحاتين لي الحيني انسان تنزل غنيمه وتصفق الباب وراها غير آآبهه بكلام فهد الذي به الشئ الكبير من الحقيقه قائله في نفسها ...رياييييييل ماكو فايده الحب يطلع على بذره ...تصل لغرفة انتظار النساء لغرفة العنايه وتجد سناء وامها وخالتها وزوجة اخوها والعديد من اقارب منال وتعانق ام منال وفي غرفة احمد احمد: انور؟؟؟ انور:هلا ؟ احمد: انا لي متى وانا قاعد على هالحال مغذيات وراحين رادين علي ؟؟؟ انور: هذي تعليمات الدكاتره خايفين عليك من الذبحه الصدريه بعد التبرع الين يوم عمليتك يودونك بأسعاف لي المستشفى الصدري احمد:ومنو بيكون معاي اثناء العمليه؟؟؟ انور: انا وفطوومه بنت خالتك ..أللي اهي زوجتي ...يبتسم احمد: والله مادري شلون اطلع من يزاكم انت وفطومه والله مخجليني ....وامي ما قلتولها؟؟؟؟ انور: انت من صجك ..امك بروحها مره مريضه لو تدري باللي صارلك ممكن يصير لها شي قلت لها انك رديت الامارات...وقلت حق اخوانك وخواتك وحرصتهم ما يقولون حق امك احمد: ادري ما راح ايييووون ...لو مو قايل لهم احسن ....زين عملية منال بعد ساعه مو صح؟؟ انور: ايييييي على ما اظن احمد: شفت اهلها شلون داير مدارها؟؟؟ انور: دايم العوايل جذي اذا كانوا صغار وكل ما يكبرون يتفججون الا ما ندر احمد: اقول انور بقولك شي انور: اي خلك سيده لا تلف وتدور احمد: انا بتزوج منال انور: والله قلبي حاس وماني مستغرب من كلامك ...وادري فيك تلف وتدور على هالسالفه احمد:انا من صجي انور:ادري من صجك ...بس ترى البنت مارح تمشي ..احتمال ضئيل انها تمشي ..وبغيبوبه وضعها ما يسمح احمد:انا بسفرها برا على حسابي وبوديها احسن مستشفيات ...وبحاول واملي بالله جبييير انور:احمد ترى انت مو صغير وزواجك بهالسن يعني عيال واستقرار ...ترى الحب في وقت الازمات دايم يفشل دير بالك احمد:حب وقت الازمات شتحجي انتي ..انور معقول مو حاس فيني طول هالوقت انور:شتقصد؟؟؟؟!!؟؟؟ احمد: منال اهي الانسانه اللي انا ابيها صارلي سنتين مو توني انور:منااااااااااااااااااااااااااااااااااااااااااال ام 21 سنه من صجك احمد احمد:اي من صجي ... انور: يعني منال اهي اللي صاحبت الفضل في تغيرك 180درجه احمد: شفت شلون انور: والله انا من دريت انك تبرعت لها وانا قلبي ناقزني ..ادري قلبك طيب بس مو لي درجة تلغي عملية المانيا احمد:شرايك اروح أوقف يم ابوها الحين انور: اركد يا ريال اهم بحالة حزن الوقت ما يتحمل احمد:بس بوقف معاه ...ييب الويل جير ودني لهم وتعال معاي ودق على فطوم خلها تروح توقف مع الحريم انور في نفسه (يا حبيبي يا احمد شلت ابوك وعقبه امك والحين بتشيل زوجتك الظاهر الله كاتب عليك الشقى)ويتصل انور على زوجته لتقف بجانب اهل منال يستغرب النساء وجود فطومه ..وتتلقفها سناء لتجلس معها .. يستغرب جراح وجود احمد بينما يجلس الاب معه ويجلس ابن خالة منال مع انور يسرح احمد ...يستعيد احد المواقف ... منال واحمد يمشيان على البحر منال بيدها حذائها واحمد كذلك منال: احمد ما ودك تدش بحر احمد:انا كل يوم ادش بحر بس مو معاج منال : يالله هلمره خلها معاي يبتسم ...احمد:معاج معاج تسقط منال على الارض تصرخ آآآآآآآآآي يأتيها من بعيد يجري شفيج عندما يقترب منال تظحك قائله:بس بغيت اشوف ردة فعلك تقولي شفيك ولا تشيلني بس شكلك مو مستعد تشيلني احمد: مستعد اشيلج العمر كلا العمر كلا العمر كلا تنتهي العمليه وفي غرفة الدكتور ابو منال (لوحده):بشر دكتور الدكتور:والله يا بو منال مادري شقولك بس عموما الحمد الله على سلامة بنتك بو منال: والله يا دكتور انا تعلمت على كل الصدمات بعد حادث بنتي ..قول حتى لو العمليه ما نجحت الدكتور: يما انك انسان متعلم فخلني افهمك شغله ...العمليه الواضح انها نجحت على الاحتمال الثاني ..شلل مدة ثلاث سنوات بعدها عمليه ثانيه وتاهيل ..لكن في مرحله من الاحساس ما تستطيع اجهزتنا قرائتها..محد يحس فيها الا منال ومنال الحين بغيبوبه ..فاللي علينا سويناه ...باجي منال تقعد من الغيبوبه ونكمل باجي العلاج ...وكل شي بيد الله بو منال تدمع عينه: يعني بنتي ما راح تمشي ثلاث سنين ...الحمد الله يا ربي نص العمى ولا العمى كلا ...وبعد العمليه الثانيه اكيد بتمشي الدكتور: ماكو شي اسمه اكيد يا بو منال ...احنا نقول ان شا الله ونسوي اللي علينا والله يجدم اللي فيه الخير والطب يتقدم ويتطور وبعد يومين من اجراء العمليه يذهب احمد مع انور لغرفة منال يطرقان الباب سناء في الداخل مع والدها يدخل احمد يدفعه انور بالويل جييير يسلمان يجلسان ويقول احمد : والله يا بو جراح احنا يايينك بموضوع خاص وانتمنى انك تسمعنا بو منال: والله يا احمد يا اخوي انت ما قصرت معانا ...والشهاده لله احمد:والله يا بو جراح انا ياييك بموضوع ثاني ...خاص تستأذن سناء .... يكمل احمد: بو جراح انا ياي اخطب منال يبتسم بو منال وكانه متوقع قائلا: منال بنتي ..؟؟؟؟ احمد: ايييييي منال بو منال:بس تدري بنتي بغيبوبه وماراح تمشي احمد: يا بو جراح انا معاكم من بداية الحادث ...واعرف كل شي بالتفصيل وما ييتك الا جادم اني اتزوجها ...والللي تامر فيه انا حاظر بومنال:آآآآمر ....شامر فيه ..اشوه بنتي عدت مرحلة الخطر ...والفضل لله ثم لك ..والحين مثل ما انت شايف جسم على سرير ما تحس باللي حواليها...وانت دفعت كل شي مقدم ...كافي حياتك اللي تعرضت للخطر والسبه بنتي ..انا صج ما ابي منك شي بس تدري ظروري آآخذ راي امها ...ورايها اهوه الاهم احمد: اكيد ظروري وانا مقدر هالشي يذهب الاب لشركة الاتصالات للحصول على برنت على مكالمات تليفون منال ...ويجد آآخر مكاماتها مع احمد ...يبتسم ..ويتأكد من توقعاته ويصمت وفي المنزل الاب: آقول رقيه ...تدرين اليوم في واحد متقدم حق بنتج الام: اكيد فهد ولد غنيمه الاب:لا مو فهد ولد غنيمه ...احمد السلم ...تعرفينه اظن الام : احمد ......انت تدري جم بينه وبين بنتي ....انت ..وتبكي الام الاب:اش هالحجي يا مره ...وين فهد اللي يقول شاريها مستعد يسوي اي شي عشانها وراضي فيها بكل ما فيها الام: اي والله وين اللي ما بذنه ماي ...افا يا عبدالعزيز ترضى تقط بنتك على ريال من طقتك بس علشان بنتك مهي قادره تشيل نفسها الاب:الريال اللي شال بنتي من الموت مو اللي يترزز كل ساع بدوانيتي ...بس علشان يصير اسمه نسيب بيت فلان ..ما يهم العمر الريال طيب وزين وبنتج يعتبر احمد آخر فرصه ممكن تكون لها ...والريال مو عيزان عنها وطاق السدر...لاتنسين انها بنتي بعد تبكي الام: ضاع مستقبل بنتي شقول بعد ... الاب: انا بقول للريال ان احنا موافقين ...بس لازم راي منال اهوه الحاسم يأتي احمد مره اخرى لأبو منال ويبلغه ابو منال عن موافقتهم هو وام منال ولكنهم . . . . . . بانتظار موافقة منال تمت