خسوف وميلاد
غاب بدري الا يا من يجيبه
ياخذ اجر المولع في هواه
كل حبيب تسامر مع حبيبه
وانا مالي حبيب اسمر معاه
من هو المطرب؟؟
اليوم اللي الواحد يحس انه يومه هو اول يوم من كل شي او في اي شي مميز حيث يشعر بشعور مميز
اول يوم بالحياة
الميلاد
اول يوم زواج
العرس
اول يوم عمل
الكرف
اول يوم دراسه
المستقبل
المستقبل
وفجأه وانا اقلب بالمحطات طلع برنامج ذكرني بأول يوم روضه ..كان غير عن اليهال لأن ما يجيت ولا صحت كل الموضوع ان امي ودتني لي صفي وقلت لها مع السلامه واليوم الثاني خذاني الحارس من ايد امي وسويت لهامع السلامه بأيدي طبعا امي ذاكره التفاصيل لأني ما بجيت ولا صحت من بد اخواني ....وروضتي كان يمها فرع ومسيد واذا اهلي مالقوني انطرهم دوروني بالفرع ...وهكذا و اول يوم ابتدائي صورني ابوي بكامره كانون توه شاريها ب 85دينار اذكر سعرها ...كانت حلوه وصورها عجيبه لكنها خربانه الحين ولي الحين محتفظه فيها ويوم بغيت اصلحها قالولي تغير الوكيل !!!!! واول يوم متوسط حسيت اني كبرت وصرت عوده ....واذكر مس الانجليزي يوم اسئلتنا متى عيد ميلادكم ...بيني وبينكم ماكنت ادري وقلت لها 2 -11 شكو مادري بس جني ذاكره جذي ويوم رحت البيت سألت امي قالتلي ميلادج 4\آذار-مارس .....يعني مااااااااله علاقه بيوم الميلاد اللي توقعته او اخترعته ههههههههه لمراد......
كل عام وانا بخير ...اكثر ما ميز ميلادي خسوف القمر....
وثاني ميلاد معاكم
احبكم كلكم
شنو سويتوا بأول يوم مدرسه قولوا الصج ؟؟؟؟
Labels: مناسبات
posted by 3ateeja @ 3:56 AM
24 Comments:
كل عام وانتي بالف خير وانشالله تكون سنة حلوة عليج وتبتسمين اكثر
.
.
بجيت لين قلت بس
كل عام وانتى بالف خير وصحة وسلامة ولو اعرف عنوانج جان دزيتلج بوكيه ورد كبيييييير :)
اول يوم مدرسة بالروضة ما اذكر
بالابتدائى ما طبعا بجيت عادى
بس ما ابى اقولج شنو صار قبلها :p
المهم وين كنتى مسافرة؟
كل عام وانتي بألف خير يااارب
وبصحة وعافية بين اهلج واللي تحبينهم
والله ودي اشووووووووف انتي شلون كنتي بالإبتدائي
هههههههههه
.
.
.
الصراحة انا اول يوم مدرسة
كنت شزيني وشحلوي
يوم بدو يقسمونا علشان نروح اصفوفنا
اذكر كنا قاعدين بالجيم إللي اهيه المسرح بعد..
قعدت ابجي يوم شفت امي راحت
امبيه لا قعدت ابجي من قلب وبجيتي ما خلصت ايلين الحصة الثانية
وسكتتني ابلة العربي صباح
:P
Happy birthday :)
و عقبال ما تشهدين 1000 خسوف
:P
والله أنا ما بجيت .. بالعكس وناسة لأني متعود من الروضة ..
و ما أذكر اني بجيت :)
و للعلم شريط الفيديو مال التخرج من الروضة للحين عندي .. بس وين الفيديو اللي يشغله !!
لأن الشريط صغير !!
yaaaaaaaaaaaay
واااازينهم اللي انخسف القمر من حلاتهم
:**
كل سنة وانتي القمر
عسى عتيجة تظل بصحة و فرح لين تصير انتيكة
;)
انا كنت بالحضانة قبل الروضة و كانت امي تقريبا اداوم معاي يومين و ترك شي جذي .. بعدين صارت ورا الجام
بعدين رفيجتها اطل ههههه
فا الروضة سهلة .. و لازم الطفل يخاف على الاقل اول يوم ..نفسيا هذا الصحي
ههههههه مو قصدي انتي مو صحية لا
انتي ظااااهرة استثنائية افا عليج
:))
بوصالح:
وانت بخير وصحه وسلامه .....عاد شمشيت دموعك فيه كلنكس ولا بالجم
نسيت اقولج
الاغنية مغنيها اتوقع مصطفى أحمد
مالت غاب بدرى
نسيت اقولج
الاغنية مغنيها اتوقع مصطفى أحمد
مالت غاب بدرى
كل عام وانت بصحة وعافيةويعطيج طولت
العمر والمحبة الوايدة
اما عن الروضة مت من الصياح الله يرحمة ا
ا ابوي كل يوم يشيلني على جتفة يوديني
الروضة. لان الروضة ملاصقة لبيتنا الى
الحين اتخيل نفسي شلون ابوي يشيلني و
يدخلني المدرسة.....استحي ابيه فشله
بس فى الابتدائي ما صيحت بس بطني كان
كل يوم يعورني .....وعيالي كلهم
طلعوا على... اول اسبوع اداوم معاهم
فى المدرسة
ههههههههههه
مش مش:
تسلم اعتبره وصل ,,, زين ليش النحاسه قول شصار ؟؟؟؟
وبالنسبه للسفره تأجلت لأني ما احب اسافر بدون حبيبي باباتي وباباتي الصبي ماله سافر ...ما يصير هم الصبي يبي يرتاح ...ولا مو ادمي مثلنا والصبي الثاني عليمي ما يعرف كوعه من بوعه ....افففففففف وانا ما اعرف اخليه واروح ...الله كريم العطله اليايه :)
مش مش :
لالالا مو مصطفى احمد ;P
نونو:
سعاد تسكتها صباح .....ماشا الله عيل وين رشدي ;P
انتي بخير يا حبي
ولد لكويت:
وانت بخير ....حوله دي في دي ...وافتك ...زين اول ,يوم روضه ...ما بجيت
;P
علينااااااااااا
احلى مهندسه:
ههههههههههههههههههههه اهم شي ان رفيجتها تطل
بس طلعتي من ربع الحضانه والله الحضانه بعد انا اقول ظاهره صحيه مع اني ما يربتها
واخجلتي تواضعي بالحجي لكبييير ترى اعرف استحي والله
بنت الشاميه:
وانتي بخير يا رب....اذكر كان معاي وحده ابوها يدخلها وهي تبجي ....لايكون انتي ....لأن بيتهم كان قريب من الروضه ...لا بليييييييز اذا اسمج هبه قولي مو انا ربع الروضه بلبلوقز تخيليييييييييييييي
كل عام وإنتي بخيـــــــــــــــر ;")
وعقبال مليووووون سنه يارب ;")
:)
كل عام و انتي بخير
:)
كل عام و انتي عتيجة الطيبة
:
من جانب
عظم الله أجوركم و عسى ربي يرحم فقيدكم
و يسكنه فسيح جناته
:
متناقضة الحياة
!!
دانه:
وانتي بخير حبيبتي ...ولاتحاتين ماباجي شي عالمليون ;P
طائر :
وانت بخير وصحه وسلامه ..اجرنا واجرك ...:)
اولا ترى انا ما قريت التعليقات الثانية
ثانيا اعتقد ان المغني عباس البدري
ثالثا كل عام و انتي بخير و ان شاء الله عقبال 1000 سنة يباركلج الله فيهم
رابعا الصراح و ما شاء الله عليج متذكرة الروضة انا اتذكرر لحظات منها بس و لا حتى الجامعة مو مثبتها عدل
اخيرا
كل عام و انتي بخير مرة ثانية
دايفر:
وانت بخيرر وصحه وسلامه
وشكلك متذكر الروضه بس تول يوم كان يفشل حيل ....هههههههههه
دايفر جوابك غير صحيح مو عباس البدري
غاب بدري كلمات فهد بورسلي
وغناها خليفه بدر
وعن موضوعكم الأساسي انا عن نفسي طقيتها بجوه دمعه وسنسون بعد
وتميت على هالحال اتوقع لأني ما اذكر كل شي شهر او جم اسبوع بعدين بديت اصير المفتري اللي يطق اليهال
Post a Comment
<< Home